鴻記極品雞蛋仔

營業中

休息中

朋友知我係格仔餅迷 就推介我食呢間佢認為係全港最好食既格仔餅 身為格仔餅迷既我 當然唔會放過啦 去到好好彩 竟然唔洗排隊 二話不說一個原味格仔餅唔該 由於本人唔好花生醬所以叫左少酱 抵讚既係鴻記係即叫即做 唔會預先整定  等左一陣新鮮滾熱辣既格仔餅到手 特別既係原來呢到仲會加埋花生粒增加口感  可惜的是入口後無驚為天人的感覺 唯一和其他店舖不同的是格仔餅有著鬆脆的表面 但似乎太過乾 變得好鞋口 好似薯餅既表面 本人比較喜愛北角格仔餅光滑既外皮 而且蛋糕太過脆 缺乏內軟感覺 或者太高期望 食得好灰 但既然咁多人讚好 就一定有佢既好 決定俾多次機會佢 又叫多一個雞蛋仔 今次真係一晚變肥妹啦 雖然用同一蛋醬 但因雞蛋仔既蛋糕餡位多 所以真正做到外脆內軟感覺 唯一不足是不夠蛋香 總括而言 此店的雞蛋仔係俾外面一般好食 但不算上品值得一提既係太安樓既車仔面好出名 個日去到都見到大排長龍 有機會去就一定要試下

太安樓不嬲都有很多美食, 而鴻記雞蛋仔就是其中一間臥虎藏龍的香港地道小食店! $17 今次沒有試雞蛋仔, 反而試了格仔餅~ 這裡是即叫即整的~ 吃這種小食, 就是要新鮮出爐, 熱辣辣再好味~ 雖然等候時間要大約15分鐘, 但要食到那麼鬆脆的格仔餅, KAKA覺得還是值得等的~因是同朋友share, 所以沒有落花生醬~ 只落了煉奶, 糖同花生粒, 厚厚而鬆脆的格仔餅, 一啖咬落去真係大滿足呀~

本人係一個超鐘意食雞蛋仔既人琴晚12點幾同朋友去太安樓食宵夜行過就見到有雞蛋仔作為雞蛋仔迷既我當然會食啦我同朋友各要左個雞蛋仔同格仔餅兩樣承為$30見佢即刻整又見到佢貼係到既文章雜誌心唸應該都會唔錯等左5分鐘之後個計時器響左佢先攞左個雞蛋仔出黎，入左袋然後俾我朋友但個格仔餅佢完全無理會根住佢掛住睇電視然後我話聞到好大陣焦左既味道根住佢都仲掛住睇電視然後過左成分鐘先去搞個格仔餅點之一坽出黎，兩邊都黑晒佢照樣當無事發生後尾我叫佢要多少少糖佢好無禮貌咁話你頂唔頂得順丫小心丫你兩邊黑晒不特止，仲要咒人後尾食落去無論係雞蛋仔定格仔餅都係苦到不得了忍唔住要丟左去從未試過食啲咁難食既野態度又差

好日也不會過黎西灣河這一帶, 畢竟要我這個荃灣人由地鐵的一端跑到另一端真太遠。。。今日難得與朋友過來睇 band show, 我這個為食之人, 當然要先 look look openrice的各位兄弟姐妹有何推介吧。太安樓真是一個搵食既好地方,  中式, 西式, 泰式都有。看著看著還是覺得這個雞蛋仔最吸引, 鋪頭掛著醒目的紅色招牌並不難找。他們的雞蛋仔是即叫即做, 落單後要等大概4 分鐘左右, 要食好野真不能心急呢。看著老闆娘熟練的往模具倒入蛋液，不久就傳出引人的烘焙香氣！已然好想食啦但邊有咁快有得食呀，此時老闆娘靈活的把模具一個反轉，再輕刮模具旁溢出的蛋液，驚喜的是她並未有把這些可愛的脆邊刮掉，只是把他們從模具刮起。yeah!!!滿心歡喜的再多等一會，我的雞蛋仔就脫模而出了！老闆娘把佢放在另一邊的鐵架 cool down 一會就終於把佢交到我手上了~~~ 急不及待往嘴送入一顆漲鼓鼓的雞蛋仔。外脆内軟呢 yummy! 而且佢的內涵豐富，食完一底有充分的飽足感，令我有充足的能量在 band show 跳足一晚~~~ haha 鴻記雞蛋仔。期待下一次和你的約會

作為港島人，實在太幸福了﹗先後嚐過北角雞蛋仔、太安樓雞蛋仔、東大街低調高手雞蛋仔、天后臨記，以及今晚的鴻記極品雞蛋仔，發覺各家均各有千秋，勢均力敵，不相伯仲也﹗這五間小店中，鴻記和臨記店舖面積較大，較為企理乾淨，外觀較佳也﹗門外張貼了各家雞蛋仔比併結果﹗門口左手邊清楚標示原味雞蛋仔和3款格仔餅的價格，前者$13，後者則17。雞蛋仔售價和另外其家相差不大，除了臨記標榜健康、貴夾唔好食的雞蛋仔竟索價$18外﹗雞蛋仔鐵模和格仔餅機分別放在門口前及店內一角，鐵模的附近不會像低調高手般沾滿厚厚的蛋漿而不作清理，感覺較衛生。鴻記的雞蛋仔最特別的是雞蛋仔鐵模內滿滿的蛋漿在製作過程中因熱力澎湃而向四周溢出，出現了不規則的脆片，製造出如樹枝向天空伸展般的效果，是其他各家小店沒有的。鴻記的雞蛋仔蛋味、香味也不錯，較蛋記和臨記為佳，與低調高力可以媲美。然外層的香脆度可稍稍加以提升，如能達到四周脆片般香脆鬆化，簡直就天下無敵了﹗咬下一半時，發現鴻記內層的蛋漿竟然是全滿的﹗前所未見，驚為天人之作也。細意咀嚼時，覺得飽滿的雞蛋仔口感極為鬆軟而實在，如在吃海綿蛋糕般﹗

無甜不歡既我，格仔餅係我其中一樣至愛，仲要多花生醬+煉奶先夠滿足，而鴻記既格仔餅就係少有地做得質素高而穩定。厚厚既格仔餅，即叫即整，咬落好鬆脆，蛋味夠香；入面既花生醬同煉奶多到漏出黎（睇圖都見到），入面仲加左d糖同花生粒，香甜得黎又有口感，真係勁正！！！真係要彈既就係價錢，都幾貴吓，$17一底，所以幾鐘意食都唔可以成日食，不過……少食多滋味嘛

是日難得來到西灣河工作，想起這裡的雞蛋仔便又過來光顧一下。看來這裡仍不乏fans，非繁忙時間也見到不少客人，眼見別人的格仔餅相當吸引，不過對於我一個人來說未必吃得完，還是吃回雞蛋仔好了。這裡不會把食物攤涼，全都即叫即做，基本上新鮮熱騰騰的亦不會太難吃吧。等大概 5 分鐘就有得吃了，雞蛋仔真的做到外脆內軟，質感相當不錯。吃下去有蛋香，而且非常軟熟，甜度亦適中不會過甜或太淡，算是相當不錯，會令人一口接一口的吃下去。作為小食 $13 也算是可接受的價錢，重要的還是這些傳統小吃可一直保存下去。

星期二晚本來想買車仔麵作晚餐，路經鴻記，被格仔餅吸引，所以這晚作了不健康的決定，以格仔餅作晚餐。我未試過朱古力格仔餅，睇個名好似好吸引喎，仲有簡單介紹，咁就試試啦！好彩唔算多人，但前面哥哥要咗三底格仔餅，所以要等等，等咗幾分鐘新鮮格仔餅終於出爐。朱古力醬適中，格仔餅盡吸醬汁，返到屋企，都無漏到紙袋中。格仔餅很鬆脆，朱古力醬夾雜花生，令味道更香，估唔到這個甜甜格仔餅好好味呢!

說起香港口味，相信大家一定會想起街頭小食咖哩魚蛋、碗仔翅、砵仔糕以及雞蛋仔等早早已經深入民生只要一起嘴嚵，就會鎖定這此美味小食，既不會霸著肚子，也能一解口舌之苦。雞蛋仔在香港無處不在，大部份小食檔都會用其自家配方去製作雞蛋仔而製作雞蛋仔的混漿中麵粉、蛋、奶、糖等的比例，以及師傅控制火候的功夫就成了雞蛋仔味道的關鍵。在香港數一數二好吃的，除了那間連鎖式經營的「北x雞蛋仔」（可是價錢也是十分數一數二，而且就是用模具印出來一式一樣的樣品貨）應該就只有大坑的炭爐伯伯雞蛋仔，但現在已成絕響在美食琳璃的太安樓，亦有兩間好食的雞蛋仔一間在一名著名食家大力推廣下，由炭爐變成電爐水準像在十米跳板上跳下來一樣直插水底以前要排一、兩小時的人龍如今變成不用排也沒多少人吃的次貨。因此眾人都轉戰另一間水準不俗的雞蛋仔店，鴻記鴻記店面都張貼了CNN的傳統雞蛋仔報道，老實說傳不傳統我真的不知道但老闆囂張卻真的是囂得起，因為的確常常看到有長長人龍排在店外今天差不多晚上十時多來到，人潮已散，因此即製的雞蛋仔也不用等很久就有得吃。雞蛋仔出爐時，老闆會快速小心將之屈曲並即時用強力風扇稍為風乾，使其極為鬆脆光顧時發現雞蛋仔價錢

平時都有落開太安樓搵野食但一直都無試鴻記事關17蚊一底格仔餅好貴今日同朋友一齊黎就決定share試下啦要左個原味格仔餅，即叫即整等幾分鐘就有得食但唔知係咪時間上重差少少佢夾起底格仔餅既時候，有半邊夾餅上下分開左呢個位扣左少少分做得唔實再加醬汁既後果係好淋好散另外半邊既格仔餅預期咁鬆脆好欣賞佢個花生砂糖大大粒花生mix埋個花生醬！非常正！下次會再黎食既最大原因就係佢兩個人分黎食再加杯珍珠奶茶，好飽

太安樓以熟食小販聞名，人們喜歡在這個地方掃街，未必樣樣都好吃，但勝在種類多樣化。多年前，在食環、消防、管理公司的聯合打擊下，推車仔的小販都入了舖。其實，大多數人仍然推著那用鐵皮和木搭的小車子，只不過多了一個要交租金的小空間。太安樓最出名的小食，應該是雞蛋仔。想當年，自從阿蘇推介過「蛋記」雞蛋仔後，買雞蛋仔變成任何時候都要排隊十分鐘以上的事情。當時經濟不景，雞蛋仔只賣 $4，是附近居民的恩物。好景不常，雞蛋仔價格節節上升，已經變成如今的 $12 了，質素亦每況愈下。初時，蛋記仍因為獨市而人龍依舊。但自從競爭者開業，就印證了汰弱留強的道理。現在太安樓較多人幫襯的，是英國 CNN 推介的「鴻記極品雞蛋仔」。鴻記的雞蛋仔賣 $13 而格仔餅更加要 $17，比蛋記的貴。以太安樓這麼多選擇的情況下，仍不乏捧場客，因為有質素自然有人支持。以雞蛋仔店來說，鴻記真是非常乾淨企理。而雞蛋仔和格仔餅都是即叫即做，不會給你預製然後放涼了的食物。計時器的鬧鐘一響，師傅就將將雞蛋仔放在抽風機上吹乾，只須五分鐘，熱辣辣的雞蛋仔就到手了！金黃色的雞蛋仔非常香，做到外脆內軟。輕輕咬開，裡面是滿滿的蛋漿，洋逸香甜的蛋味，

28-12-2012(五)和友人 Ch 在中、上環一輛覓食後，繼續坐電車來到西灣河。來到西灣河，便想起太安樓的「鴻記」雞蛋仔。早年吃過一次，覺得它比「利強記」好， 但今次卻是失望而回！誠然，這裡的雞蛋仔外脆內軟，今次雖然亦是，但不知今天的蛋漿是否出了問題，味道竟然是苦的！我吃了幾口便無法再吃下去。。。 在我品嚐的時候，店舖職員還問我，他們的雞蛋仔是否比其他店舖的好吃呢？我即時無言。

難得準時放工， 於是行去西灣河搵雞蛋仔～入到太安樓， 兜左一陣先搵到。得一個人等緊， 好～叫～ 叫左朱古力夾餅 睇價錢。嘩17蚊？好似好貴WOR。北角都係15 JAMA。。。。。試一次睇下點。。。於是等等等。見到佢整左個原味， 好似幾吸引， 於是改口要原味：P完成！ 聞落去香香咁。咬落去脆！ 仲有滿滿既醬料。花生沙糖， 咬落去個口感正～～ 但美中不足竟然係唔夠熱， 已經係即叫即整。。。可能天氣急洚。。。

上一次到太安樓尋找極品雞蛋仔, 雖然找到了, 但卻拉了閘, 閘上掛上外出午膳的通告, 結果我無奈下走到太安樓的另一家雞蛋仔...吃罷皇子咖喱, 散步到太安樓再覓極品雞蛋仔, 今次有開門, 但老闆不在...雞蛋仔戰車除了擺放了雞蛋仔及格仔餅的Sample, 還貼滿了老闆的威水史, 除本地媒體外, 連CNN也有報導...店內環境異常衛生, 有別於一般雞蛋仔店... 格仔餅機前面是很Pro的抽風器, 雞蛋仔及格仔餅完成後都會放在上面抽走濕氣...店內有3部雞蛋仔及4部格仔餅機...原味雞蛋仔 $13, 即叫即做, 制作時間4-5分鐘... 朱古力格仔餅及原味格仔餅 $17, 制作時間4-5分鐘...我要1客原味雞蛋仔...5分鐘, 1底貌美如花的雞蛋仔完成了!!!放在抽風器上抽一會...食得, Yeah!!!咬開一睇, 嘩!!!!!! 好滿呀!!! 唔止1粒, 有9成以上的都是全滿, 利害!!! 外脆內軟, 雞蛋芯的口感及味道均似鬆餅, 口感鬆軟, 蛋味濃, 甜度高, 最特別是比坊間的雞蛋仔多了一份傳統紙包蛋糕的味道, 很美味呀!!! 不知吃了咖喱後有否影響味覺, 下次要再來試真一點...比

太安樓有兩檔雞蛋仔，兩檔都好味!這檔貼有CNN推介。買了一底雞蛋仔，外表呈啡黃色，紙袋有孔夠窩心，雞蛋仔充滿蛋香味，外面脆卜卜，內裏軟，甜度適中，CNN推介，實至名歸。評分：85