鴻運冰廳餅店 (已結業)

25Aug2007 1737食完餃子後冇咖啡奶茶落肚緊係欠奉一點，行下行下就到這裡，與五光十色及古靈精怪的店舖為伍，夜晚更是明顯。只點了一個豬扒包及凍奶茶，豬扒即叫即做，包已是貨尾，卻出爐前叮熱，加埋上去都可以填下土，凍奶茶總比一般茶記好，起碼茶、奶及甜味明顯分得開得黎唔會各自為政。再加上這裡夠巿井，都值得俾個笑臉。

鴻運於旺角屹立了30多年了, 70 - 80年代旺角及大角咀一帶有很多工廠, 生意挺不錯的, 再加上有閣樓是亞sir必到的蛇竇。我老爸的廠也在附近, 兒時放長假探班必會到此買他們自製的熱辣辣蛋撻做下午茶, 少有的香脆曲奇皮.....yummy yummy........可能有人會質疑現在其食物及服務水準, 30多年人事變遷, 可能跟我那時已不一樣了。 還有, 我所記得的全是回憶錄來罷。然而回憶錄其中一章是星爺曾在此餐廳取景拍戲, 做外賣仔。 當時, 有很多fans慕名而來, 到此一遊呀!! 而我有一個忠實星爺fans朋友就煩了我一個星期, 要我帶他到此食下午茶。

這間冰廳，已存在了很多年，每次經過，都會想：這裡的奶茶如何的呢？但每次也都沒有來試。早前又再次經過，看到它那經典的門面及那少見的閣樓，已經吸引我必要來試試。一上閣樓，已見到滿地的煙頭及嗅到那陣陣的煙味，心想食店不是禁煙的嗎？怎麼還有這麼多食客還在店內吸煙呢？但最離普，係侍應小姐自已都在食，真係有點過份。叫了一個特餐，食物包括餐肉出前一丁、西煎雙蛋了熱奶茶。餐肉出前一丁- 麵煮得唔會好淋，餐肉都煎得幾好，可以接受啦！西煎雙蛋- 應該係新鮮煎的，蛋黃不會太熟，還在溜黃。熱奶茶- 和奶水分別唔大，茶味太淡口，唔算好飲。侍應小姐的招呼，實在幾嚇人，問多二句就已經，實在沒有值得再來的原因。

十八蚊下午茶,雖然飽是用甜餐飽,雖然是凍的,但牛肉很淋,都有沙爹味,還不是很辣,特別一提,這裡的格局都算懷舊.

上海街有好多古怪舖頭，暫時撰寫五間。鴻運同新華茶餐廳，或者金華冰廳同類，但多個蛇竇（閣樓）。晨早流流，轉數比較慢，被靚姐催多幾催，「亂叫」o左叉燒包同熱奶茶：叉燒包比本店的菠蘿包或者腿蛋包或者提子包還要大；雖然個叉燒餡側埋一邊，但量多，塞實哂麵包內的空間；雖然叉燒不多，但醬汁調得稠，又少少流沙，洋蔥粒仍帶少少爽爽稔稔的口感；加埋麵包面頭的蜜汁，sweet到爆，幸福到爆。「亂叫」的定義，係o係短促的「發定時間」內叫唔到最最最想食既野；是日最想食既，係「五香肉丁三文治」。望住牆上幾幅「翻新」過的咖啡蛋撻圖畫...「懷舊」乎？

不嬲都偏好去懷舊茶記冰室, 同朋友入到去, 好意外地發現有得坐上面, 因為好多冰室都係因為消防問題唔再比人坐上面, 聽聞呢度好雜, 但同想像之中差得遠! 環境ok wor! 淨係見到d亞叔係度食煙! 上面有個經典位! 落單有個窿仔比佢掉落去, 送d食物上黎就會甘制, 個鍾會響一響, 亞叔再開個食物櫃拎食物出黎! 好正! 好少冰室仲有呢個設備! 我點左三文治餐, 朋友們點左咸魚雞粒炒飯同乾炒牛河, 兩碟都幾好! d凍奶茶都合格!落樓梯時發現轉角位有個經典中既經典－－痰罐! 係最舊個隻! 好開心! 去到間保留到咁多經典野既冰廳! 不枉此行!!

同女友行金都，行到"支力支力"地，搵個地方坐下食個tea先。鴻運係一間幾古老o既冰廳，分地下同閣樓兩層。地方環境比較差，但有著懷舊的氣氛。叫了一份炸雞翼餐($18)同一份菠蘿油餐($18)。食物的質只是普通，價錢亦偏貴，不過這類冰廳係屬於聚腳地，尤其係的士大佬吹水好地方，偶一來之夠了。

好多時搭車經過, 已經好想入去食野. 終於今日趕趕地, 就單身入去食個tea.入去之前已經名知入面三山五嶽, 偏偏我就係最喜愛呢類茶餐廳. 銅鑼灣"美食園林"是著名江湖人"吹雞"聚腳地, 呢間可算是太子區代表.一入去, 一望, 靚wor, 係有差人蛇王balcony果種設計, 大大個關公像好有型. 我單身女子一個, 即時遇到公主級看待, 先比一個企理靚卡位我坐, 再來waiter叔叔好好人咁介紹下午茶及任改內容, 終於我得到一個靚米粉, 以及餐包是菠蘿包. 不是特別好食, 不過呢度d人幾好睇, 幾得意ar~埋單時有埋人開門, 唔同去半島d人淨係同你假惺惺.