影片
港鐵荔枝角站 D1/ D2 出口
繼續閱讀
電話號碼
27438011
營業時間
今日營業
12:00 - 15:00
17:30 - 23:00
星期一至日
12:00 - 15:00
17:30 - 23:00
公眾假期
12:00 - 15:00
17:30 - 23:00
以上資料只供參考, 請與餐廳確認詳情
有關獎賞計劃
食過荔枝角嘅居酒屋鵜舞好多次，原因係佢包羅萬有、天婦羅、壽司omakase、串燒，樣樣都有而且樣樣都做得唔錯，朋友今次推薦嘅呢個咁精彩帶你遊遍日本鄉土及B級美食的menu，食完都真係幾驚喜。可能呢排好多人對去日本有少少卻步，因此遊日本全國各地區可以食到品味獨特的menu，更加令人期待。佢個menu總共有十四樣野食，為食嘅我哋當然全部食哂，同大家報告下介紹下。大分應該好多人成日都去，但琉球醬漬刺身真係第一次見，味道幾特別，係一個非常好又令你開胃嘅前菜，當下睇埋師傅直接放上嘅醬漬特別有誠意。我未去過新潟呢個咁出名米嘅地方，因此我對鯛魚笹壽司好期待，仲要包到好似隻糭咁，好啱呢排嘅端午節感覺。廣島不嬲有好多好食嘅野，呢個牛腸天婦羅好入味，炸之前佢應該用左好多方式令佢上左層醬汁味，炸完後外層卻是精彩的天婦羅，呢個送酒一流。北海道嘅漁師町海鮮野菜鏘鏘燒，見到個名我會以為自己係食類似大阪燒嘅朋友，原來完全唔係嗰回事，鏘鏘燒係將大量嘅海鮮加勁鮮甜來自日本嘅蔬菜，同埋佢熱辣辣嘅湯汁，如果冬天食一定超級美味。福岡出品嘅油膩感比較強，明太子芝士豚肉天婦羅，絕對適合送啤酒，同牛腸天婦羅一樣再次顯示一間餐廳就算以前師傅走咗之後都維持到天婦羅嘅厲害。東京的最中餅經常係香港都見到，當晚吃了三文魚籽最中餅、吞拿魚蓉最中餅、海膽最中餅，記得要快食，如果唔係好快點食，影完個餅會keep唔到個脆度。北海道出品嘅焗2年越冬熟成馬鈴薯，真係勁甜好好食，馬鈴薯熟成兩年先得到嘅味道係好特別，比一般嘅薯仔軟身同甜得多，呢個絕對要見識。福岡爐端燒豬蹄都比較少見，佢嘅豬皮，骨膠原超濃厚，絕對令人想再encore，又係送酒一流。京都嘅代表有鱧魚茄子天婦羅，配上有梅肉蘿蔔泥，減低天婦羅嘅油份，鱧魚嘅口感幾好，唔知下次會唔會有機會可以食到佢嘅刺身。來自千葉嘅花生味噌唐揚炸雞，炸雞食過好多次，花生味噌theme 應該真係第一次見不過最重點係佢嘅炸功好出色，唔會太厚粉。新潟另一推薦糸魚川墨魚汁炒麵，唔知點解佢令我想起香港某間大排檔嘅墨魚汁意粉，當然呢個味道出色好多。名古屋去得多，名古屋鄉土料理鰻魚飯三食就食過好多次，呢度冇平時名古屋食嘅咁大份，大家想試嘅可以放膽咁叫。愛媛的宇和島鯛魚太飯絕對是愛刺身朋友嘅選擇，如果你驚食得太多澱粉質，我覺得就咁食鯛魚都開心。岩手嘅盛岡冷麵都好特別，有少少辣同卻味好fresh，冷麵帶有韓國嘅風味，幾fusion。一間餐廳，食一餐飯可以試到咁多種唔同嘅鄉土料理的確係好有心機＇呢排個個唔敢去日本，喺呢度感受吓日本嘅旅行癮，應該都幾好，另外，呢排佢出左幾杯cocktail都好啱打卡而且好飲，又幾襯個menu，絕對可以試埋。
繼續閱讀
位於荔枝角嘅居酒屋鵜舞｜又有新菜單啦主打日本全國料理｜一次滿足你N個願望꒰ঌᐢ.ˬ.ᐢ໒꒱〰️〰️〰️〰️〰️〰️〰️〰️〰️〰️〰️〰️〰️🌈焗2年越冬熟成馬鈴薯 $78馬鈴薯焗至外焦內綿趁住薯仔仲熱辣辣｜配搭牛油更添風味🌈琉球醬漬刺身 $118幾款唔同刺身嘅角切｜混合秘製醬汁酸酸香香好有質感૮꒰˶ฅ́˘ฅ̀˶꒱ა🌈花生味噌唐揚炸雞 $108估唔到花生醬配炸雞呢個組合都幾夾花生醬更添一種濃稠嘅香氣醬汁稀杰程度啱啱好｜唔會太笠口🌈牛腸天婦羅 $88本日MVP✨牛腸處理得好乾淨完全唔會肥膩非常軟熟｜而且有滷水過 有種蜜汁香氣🌈明太子芝士豚肉天婦羅 $78明太子同埋紫蘇葉嘅香氣互相配合裏面仲有拉絲芝士｜入口簡直就係大滿足🌈爐端燒豬蹄 $88軟軟糯糯好有驚喜‼️應該先用調味炆煮｜再輕輕一煎 ( ⁼̴̤̆◡̶͂⁼̴̤̆ )入味而且膠質滿滿｜價錢一啲都唔貴喎🌈糸魚川墨魚汁炒麵 $88墨魚份量超多而且好厚身｜入口好彈墨魚汁醬汁均勻｜每條麵都過滿晒食到變咗污糟貓૮꒰˶´ᜊ`˶꒱ა🌈鄉土料理 鰻魚飯三食 $108原來呢度都可以食到名古屋名物鰻魚飯先用葉子包裹住(⁎⁍̴̛ᴗ⁍̴̛⁎)先食原味｜再加入紫蘇葉等等配料最後仲可以加入高湯｜作茶漬飯食用🌈鯛魚笹壽司 $48🌈海膽/三文魚籽最中餅 $138/$58🌈冰結檸檬塔沙瓦 $88🌈冰結菠蘿沙瓦｜河童沙瓦｜金魚沙瓦 $68誠意十足嘅飲品🍸檸檬塔非常震撼｜檸檬切片冰成手掌咁高飲到最尾都好清爽冰涼
繼續閱讀
放工想吃爽爽吃日本美味？不用飛到日本性價比超高，平均每道菜式都只是58至100多一些而且每一份都超高質，這次還結合了全日本的鄉土料理打造出截然不同的口味✨絕對係用高質食材低價結合出完美菜式。個人大推漁師町海鮮鏘鏘燒，連錫紙捧出超大份！入面滿佈魚肉海鮮蔬菜，滲出蒜香鮮甜滋味❤️焗北海道兩年越冬熟成馬鈴薯，邪惡到想打爆廚師😱琉球醬漬刺身也是好吃到可以一人一碟🤣星期五晚見到超爆場就知絕對不是照騙！也是提提你預約定位會更好✨👍🏻👍🏻👍🏻👍🏻👍🏻
繼續閱讀
每次去鵜舞都會好有新鮮感, 因為定期就會推出唔同精美菜式, 今期嘅主題係推廣平民美食文化, 係我好喜歡嘅鄉土料理, 因為用上當地時令食材結合風土民情同傳統製作方法, 所以會有好多特色菜式平時未必試到, 用普通食材製作低成本美食, 而呢個就係「B級美食」啦, B係代表「地區品牌(BRAND)」既意思, 今次同朋友試左唔少款式, 一次食盡除左唔同地方嘅B級美食, 了解到唔少美食文化✨️大分琉球醬漬刺身聞道初期係日本漁民為左延長生魚片保存期而發明嘅食物, 將唔同生魚片加入甜醬油、味醂、清酒同芝麻製成既醬汁攪拌而成, 形成獨有沖繩風味, 味道甜甜咸咸相當開胃✨️新潟鯛魚笹壽司「笹壽司」入面包裹住鯛魚肉同醋飯, 鯛魚肉經過鹽醃同發酵處理, 加埋醋飯, 再包裹係箬竹葉中, 外型精緻, 食落味鮮而且風味獨特✨️広島牛腸天婦羅第一次食牛腸天婦羅, 口感外脆內彈, 亦無內臟奇怪味道✨️北海道漁師町海鮮野菜鏘鏘燒先將三文魚同當季野菜放上熱板燒烤後蒸製, 再以味噌調味, 海鮮同野菜吸收哂味噌嘅味道, 加上自身鮮味同甜味, 令整體味道昇華✨️福岡明太子芝士豚肉天婦羅作為明太子愛好者, 呢個真係超好下酒, 福岡嘅明太子用左辣醬醃製, 食落咸咸辣辣, 配搭芝士同豚肉, 外脆內嫩, 口感相當豐富✨️東京三文魚籽最中餅/吞拿魚蓉最中餅/海膽最中餅三款最中餅鮮味十足, 熊仔外型超可愛, 外層脆卜卜, 中間夾住飯同滿滿嘅三文魚籽、吞拿魚蓉同海膽, 鮮味十足✨️北海道焗2年越冬熟成馬鈴薯之前睇旅遊節目有介紹過, 一直都勁想試, 經過兩年嚴寒熟成, 馬鈴薯嘅澱粉會轉換為糖分, 所以甜度比一般馬鈴薯高17倍, 香氣更濃郁, 熱辣辣嘅馬鈴薯, 放上牛油, 溶化後更滋味, 口感軟棉香甜超好食✨️福岡爐端燒豬蹄第一次食日式豬蹄, 豬蹄用左備長炭燒烤, 所以好香口, 口感外脆內軟✨️京都鱧魚茄子天婦羅鱧魚擁有獨特口感, 用天婦羅製作配搭茄子同梅肉製成嘅蘿蔔泥, 令整體更清新✨️千葉縣花生味噌唐揚炸雞花生味噌同炸雞估唔到咁夾, 炸雞酥脆可口, 肉質嫩滑juicy, 配上花生味噌同少許檸檬汁超惹味✨️新潟糸魚川墨魚汁炒麵烏黑色嘅炒麵食落好爽身唔會好膩, 入面仲有一片片爽口彈牙嘅墨魚✨️名古屋鰻魚飯三食三食除左可以直接品嚐, 仲可以搭配海苔或芥末等配料, 或淋上高湯變成茶漬飯, 鰻魚香嫩惹味, 我個人最喜歡食茶漬飯, 食落暖暖地好舒服✨️愛媛宇和島鯛魚太飯鯛魚刺身加上醬油、芝麻、蔥花同生蛋, 同白飯拌勻後食用, 鮮味十足✨️岩手盛岡冷麺結合左朝鮮半島冷麵同平壤冷面嘅特色, 以獨特嘅牛骨湯底, 冷麵搭配雞蛋、泡菜、青瓜、蕃茄仔、蘋果、豚肉, 食起嚟微辣清新, 岩哂而家熱辣辣嘅天氣除左野食, 今次亦推左出4款夏日特飲, 分別係「冰結菠蘿沙瓦」、「冰結檸檬塔沙瓦」、「金魚沙瓦」同「河童沙瓦」, 清新口感岩哂夏天飲, 清涼解渴!
繼續閱讀
-鵜舞 🧸鵜舞定期就會推出唔同既特色菜式 每次都會有驚喜今期主題係推廣平民美食文化 - 鄉土料理及B級美食 鄉土料理係利用當地食材 結合風土民情同傳統製作方法；而B級美食始於1985年 定義為「用普通食材製作的低成本美食」
「B」係代表住「地區品牌（BRAND）」既意義 可以透過菜式去體驗背後既故事同文化今次一行三人試左13款新菜品 以下幾道特別難忘：🥔北海道 焗2年越冬熟成馬鈴薯（$78）大推！！嚴寒熟成兩年既薯仔真心勁好味利用北海道既降雪低溫環境令薯仔既澱粉轉化為糖分 所以比起平時食既甜度係高出17倍配埋牛油一齊食 香氣更為濃郁同甘甜！🍣新潟 鯛魚笹壽司 （$48）「笹壽司」係日本北陸信越地區既傳統特色美食 以鯛魚肉、醋飯為主要食材 包裹係箬竹葉中鯛魚肉通常會經過鹽醃同發酵處理 而箬竹葉既防腐特性 正正可以保鮮同增加風味🍝新潟 糸魚川墨魚汁炒麵 （$88）源於糸魚川市 - 採用當地捕撈既新鮮烏賊製作而成特別在於濃郁既墨汁同粒粒墨魚肉 增添口感層次之餘 亦感受到糸魚川既獨特風味 幾有日版豉油皇炒麵既感覺🍤広島 牛腸天婦羅 （$88） 源於廣島縣福島町 - 早期既福島町周邊有好多肉鋪同屠宰場 為充分利用剩餘內臟而誕生既天婦羅單品天婦羅唔單止保留到內臟既鮮美 炸得外皮酥脆內里鮮嫩🐟東京 三文魚籽最中餅/吞拿魚蓉最中餅/海膽最中餅 （$58/$58/時價）源自於江戶時代 - 獨特之處在於自製餅皮同多樣化餡料 鹹食甜食都得 幾中意滿滿既吞拿魚蓉同海膽作為餡料 又得意又好味🐟名古屋 鄉土料理 鰻魚飯三食 （$108） 起源於名古屋 - 將蒲燒鰻魚鋪滿係飯上 再分成四等份：1️⃣直接品嚐：享受鰻魚原味2️⃣ 搭配海苔或芥末等配料：增添風味3️⃣淋上高湯：變成為茶漬飯4️⃣依個人喜好隨意享用鰻魚烤得焦香同中意茶漬飯既食法 高湯好飲又食落暖胃🍤京都 鱧魚茄子天婦羅 梅肉蘿蔔泥（$118）鱧魚係京都被視為高級魚類兼夏季代表性風味之一係度食天婦羅絕對唔會出錯 炸得皮脆肉嫩不在話下配埋嫩滑茄子同清爽梅肉蘿蔔泥 清新鮮美🐷福岡 爐端燒豬蹄（$88） 福岡既做法唔似沖繩既燉豬蹄 而係用備長炭燒烤 令豬蹄外脆內軟 輕輕咬已經食到 好惹味 🧊冰結菠蘿沙瓦 / 冰結檸檬塔沙瓦($88/杯)菠蘿沙瓦 好清甜清爽又清新；而檸檬塔沙瓦好岩打卡 將檸檬片堆疊冷凍成檸檬塔
當日其他菜式🥢福岡 明太子芝士豚肉天婦羅：香辣可口🥢大分 琉球醬漬刺身：以甜醬油、味醂、清酒同芝麻製成既醬汁攪拌生魚片🥢千葉 花生味噌唐揚炸雞: 估唔到花生味噌同炸雞幾夾🥢岩手 盛岡冷麵：獨特既牛骨湯底別具清爽風味🥢北海道 漁師町海鮮野菜鏘鏘燒： 將三文魚同當季野菜放係熱板上燒烤 再經過蒸製並以味噌調味 展現北海道漁村既風味
繼續閱讀
您可能會有興趣的...