影片
港鐵油麻地站 A2 出口, 步行約5分鐘
繼續閱讀
營業時間
星期一至日
17:30 - 03:00
以上資料只供參考, 請與餐廳確認詳情
有朋友從外國回來，想試下香港的火鍋，睇網上介紹呢間鵝腸大哥，不防一試，店舖又容易搵，雖然不算好大間，但坐得都算舒服，火鍋材料都幾新鮮，有我朋友最鍾意食嘅新鮮鵝腸， 湯底好濃，叫咗幾款火鍋配料，都已經好飽喇，最值得推介就係原隻大蝦雲吞 ， 食一粒已經覺得好滯😆😆，呢間火鍋可以下次再幫襯
繼續閱讀
好耐無陪過媽媽同大姨媽食飯😅，突然間有空檔，於是半夜三更上openrice訂位，其間見到佢有優惠「訂座及以$68享養生姬松茸蟲草花花膠燉雞煲（原價$268）」，唔使諗，就訂咗位。當晚，我地準時上到去攞位，起初，老闆搵唔到我經openrice訂位嘅紀錄，於是我show埋email俾佢睇，但睇佢表情，應該都係無record嘅，但老闆照樣安排咗張枱俾我😊坐低咗之後，老闆問我地，個雞煲上得未，同時介紹一下，當晚有咩特別推介。佢話扇貝唔錯，$40一隻，蒜蓉粉絲蒸，我地於是叫咗兩隻。無幾耐，雞煲來了，打開蓋果刻，聞到好濃好香嘅雞湯味，老闆好nice咁提我地，飲咗湯先，飲完再叫佢加湯打邊爐，仲打算幫我地舀埋湯添，不過，呢刻，兩位「小朋友」出手，話自己嚟，仲同老闆講：「你忙呀～ 我地自己嚟，你去招呼其他人啦～」（哎⋯⋯ 🤦🏻♀️）呢個雞煲，睇得出同飲得出佢好足料，我眼見個煲裏面有兩隻雞腳、兩隻大雞脾、兩邊雞殼、幾舊花膠（我覺得都幾大舊，但每個人standard都唔同，可以睇相）、姬松茸十幾舊、蟲草花、杞子（唔細粒㗎！）、龍眼⋯⋯ 我自己覺得個湯好好飲，飲咗三碗，飲完都唔覺得口渴（好多時，出街食飯飲湯，飲完，果陣味精味令你有口渴嘅感覺，但呢個無），大姨媽呢，就食埋隻雞脾，一路食，一路嗌：「嗯！隻雞好新鮮，尐肉好嫩啵！幾好！」（仲即刻影張相俾佢弟婦睇，佢弟婦仲以為佢自己響屋企煲緊湯）飲湯飲到咁上下，老闆見個煲得番一半湯，好心走埋嚟，使唔使加湯打邊爐，我媽竟然即刻答人地：「唔使住，一陣先，飲多兩碗湯先，唔該！」睇嚟，我家媽媽好喜歡飲呢個湯。☺️好啦！煲湯終於見底啦，我叫伙計過嚟加湯，順便請佢幫我將我先前叫咗嘅嘢，開始送上嚟。呢個時候，兩隻蒸扇貝送上嚟，咁就趁熱食咗先啦～ 隻扇貝好大隻，時間蒸得啱啱好，唔老，好新鮮，好好味。食完隻扇貝，就開始打邊爐。手打蝦丸同水餃都好食。我本身打邊爐係唔食丸類同餃類嘅（因為馬馬地好食），但今晚情況唔同，我大姨媽唔知我唔食蝦丸同水餃，舀咗俾我，我唔好意思唔食，好彩食落又幾好食。手打蝦丸好彈牙，同埋有蝦味（白勺蝦果種味道），我家媽媽對這個讚不絕口。而水餃呢，裏面有好多蝦，令我覺得自己食緊有水餃味嘅雲吞。🤪剩低嘅，就得番蔬菜類，我叫咗芫茜、唐蒿同油麥菜，三款菜都好新鮮。期間，發生了一段小插曲，個伙計送籃唐蒿嚟嘅時候，因為籃菜好滿，所以跌咗兩棵落地，個伙計放低籃唐蒿之後，就彎低身執番果兩棵菜入廚房。我大姨媽就問：「點解佢唔俾番果兩棵菜我嘅？」我就話：「果兩棵菜跌咗落地，整污糟咗，要攞番入廚房洗番乾淨呀～」我諗住件事就咁就完啦～ 點知，佢響老闆行埋嚟問尐野好唔好食嘅時候，即刻同老闆講，頭先送籃菜嚟嘅時候，跌咗兩棵落地下，無俾番佢。（🤦🏻♀️🤦🏻♀️🤦🏻♀️）我諗都唔諗就同我大姨媽講：「兩棵菜姐⋯ 唔緊要啦～」老闆好好人，又理佢啵～ 「哦～ 得得得～ 無問題！我去攞番俾你呀吓，姨媽」即刻入廚房攞咗兩棵唐蒿俾佢。（真係⋯⋯ 老闆又好好人肯睬佢🙈）（臨場加送老闆親自整嘅順德撈魚皮，話多謝捧場，一直問：「好多謝你地捧場！你想食咩？我請你食。」一直答唔使唔使，因為我都係講事實，佢嘅食材真係新鮮，又好味，但到最後老闆都係送咗碟魚皮嚟。雖然好飽，但又唔好意思唔食，於是同媽媽兩個夾手夾腳食咗佢。其實個撈魚皮好好食，新鮮生魚皮，加蔥絲薑絲，同埋尐汁，唔太濃味又爽口，響我飽到上喉嚨嘅狀況下食，我都覺得佢好食，老闆有問我個魚皮點，我照實相告，下次我再嚟食，我一定會飲湯果陣食😆）
繼續閱讀
<好耐冇食過鵝煲 好味>🍴鵝煲 洋葱 葱花 蒜頭 好多材料整成既鵝煲 staff將鵝煲上枱 加上新鮮鵝腸 放埋落去一齊炒😍煲一陣之後就食得 鵝腸勁新鮮爽口 好味 😍 肥膏夠鵝油香 然後再食佢既鵝肉 燘得好淋 勁入味 甜咸度適中 好值得試😍🍴蝦餅🦐蝦餅同平時既炸蝦餅唔同 除左蝦肉彈牙外 外皮面夠香脆 中間仲有 d筍 同蘿蔔絲增加爽口度 個 balance做得幾好 😍 點埋甜酸醬更正😃🍴蜆蚧鯪魚球 🐟出面個皮好脆 雖然唔算好大粒 但一咬開入面熱辣辣魚4未夠 點埋咸香味重既蜆蚧 十分出色😃#鵝煲 #鯪魚球 #蝦餅 Score 平均分 <7.5/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#鵝大哥鵝煲專家 旺角彌敦道584 號旺角新城17 樓~~~~~~~~~~~~
繼續閱讀
一去到 雖然在openrice訂左位 但都要坐門口位置 因為入面都係大枱 或者比熟客訂左位 呢點可以做好啲之外 都幾滿意 我們單點 食花膠雞煲 要先飲湯再食火鍋 很足料 很好飲 我們三個人每人飲了三碗先食火鍋 單點火鍋料都好大份 好滿足 服務亦好好 好似海底撈一樣
繼續閱讀
星期日至四既任飲任食真係抵到爛，之前已經試左佢地晚鵝煲，正！咁岩見到有任食。決定星期日就去試下，全包168， 雞湯足料好味！自製丸同餃超正！強推雲吞，同一定下次再黎！
繼續閱讀