鵝記渣咋 (已結業)

今日在油麻地食完飯又想食糖水，朋友就話不如去食中式糖水，但因為平時去開的糖水店大排長龍就再行左陣見到這間糖水店，而這間的名都是以喳咋為名而且仲有不少報章介紹，最後就入去試一試，燈光不算十分見猛，人也不多，見到餐牌都以中式和西米露，涼粉為主，我地最後一人叫一碗糖水價錢都不貴，$30不用的價錢都幾抵食。喳咋來到見到都材料都不少，都幾沐身，而且最後多豆都食吾晒，但味道就偏淡，而且椰奶味不多，可能不同做的糖水都有所不同。 我叫的熱綠豆沙，陳皮味都不少但海帶吾多，綠豆都不少而且都幾多綠豆，比喳咋好味道。

我同朋友成晚一人一鍋打邊爐後,再去糖水鋪繼續食!!朋友鐘意食中式糖水,佢知廟街附近有得食,所以我們立即轉戰廟街!!我們隨便搵個位坐低左就睇餐牌簡食咩!除左中式糖水外,仲有豆腐花,西米露和涼粉,種類都算多!<紅豆沙> 紅豆不少,無煮到爛哂,粒粒分明,但味道偏甜<渣泎> 食到不同的豆,每粒豆都發得很脹,糖水好結身,食左一半已經飽到食唔落糖水鋪環境比較侷速,加上歷史悠久又沒有翻新,枱和椅都比較殘舊,這裡唔係一個可以舒適坐低傾計的地方,糖水味道不過不失,沒有什麼驚喜,如果想試下古舊味道的人都可以試一下!

話說有幾個朋友黎左香港👻同佢地一齊行下廟街，行完順道帶班女去食懷舊糖水^_^「鵝記渣咋」平時聽朋友講得多，但就未試過，店面真係好old school ，入到去點左幾個甜品，朋友食個d我無份食，所以剩係講下我碗渣咋，用料非常充足，有點像一罐罐既八寶粥，咁當然鵝記好食好多，同埋佢除左好多不知名但都係紅色既豆之外，仲有好多椰絲，口味特別，亦飽肚👽

渣咋 走花奶 ($26)有時候會好想食甜品又擔心食完正餐再食好易爆quota其實中式傳統糖水有好多比較有營養又飽肚嘅選擇可以等keep fit嘅咁多位食得guilt-free啲😆呢間鵝記渣咋由以前開始就好出名但近年嚟少咗人提起佢招牌渣咋基本上咩豆都有 有好嘅蛋白質同碳水來源👌🏽而目會煲到好稠 個糖水底係起沙嘅食完一碗真係會飽肚 雜糧控應該會好滿足！當然啦 佢又有糖又有西米 一定冇咁健康㗎喇但食得出冇落好多糖 比起出面嘅又少啲西米多啲豆間唔中一次冇咩所謂嘅唔好一味為咗維持clean diet而太壓抑呀😾我嘅話會當係其中一餐正餐/同朋友share 咁就冇咁易爆quota啦✌🏼It’s all about balance!!

兩丁友收工想食傳統糖水就走左入去呢間鵞記雖然少人幫襯但味道唔錯叫左凍嘅渣咋同蕃薯糖水味道冇大驚喜但有水準渣咋相當足料飽肚又有各種豆香，芋頭亦夠粉可惜西米淋到冇咬口作為鎮店招牌嘅渣咋並唔完美都令人有少許失望但係蕃薯糖水完全合胃口蕃薯軟糯薑味溫和甜味適中仲要份量十足非常飽肚冇咩可以挑剔嘅一碗蕃薯糖水意想不到想推介只係全間舖選擇唔多仲要全部都係舊式糖水成班人想食宵夜甜品的話呢度就應該唔會滿足到咁多人嘅喜好

夜晚九點幾，食完飯就想食碗糖水。一直想來試依間，今次係附近食完飯終於有機會。傳統糖水店，一般中式糖水都有，叫左一碗渣窄，有凍有熱，係大熱天時就緊食凍啦。 睇住阿姐係凍櫃攞左一碗出黎，加埋花奶就上得。一碗係正常大小，入面係幾足料，每一口都滿滿豆味。味道方面就不過不失，雖然冇以前好食，但想食渣窄的話黎宜到都不失為一個好地方。 見其他人叫左芝麻糊，蕃薯糖水同湯圓都唔錯，但要下次先有肚了。由於係遊客區，多大陸人就一定會了，但地方大，都唔會好迫。

元宵節一定要食湯圓本身我諗住同老公去長龍佳記，佢條龍長到冇雷公咁遠🥺即刻嗱嗱聲放棄然後同老公又行落去廟街睇吓有冇其他湯圓食點知比我地搵到呢間見佢冇人排隊我哋為咗應節唔理好唔好食都入咗去先🤣🤣我就一定要食湯圓啦而老公就想試下佢鋪頭名叫渣咋就嗌咋喳黎試吓老公碗咋喳埋賣相黎講就真係麻麻地😅不過老公話佢都幾足料我試咗一啖都發現全部都係咋喳餡，唔多有糖水，杰撻撻到爆🤣🤣唔鍾意水流流嘅朋友可以試吓而我碗薑汁湯圓呢，情意結嘅關係我都係覺得佳記好食啲不過呢碗都唔算差，只係啲薑汁味好輕微應節來講佢係合格嘅😝

鵞記渣咋曾是我的至愛，從前在油麻地上班時，一星期至少吃兩次。轉了工作後，已經很一段時間沒有來吃了。今天剛巧路過分店，便來吃一碗回味下。雖然仍舊是足料，仍然是喜愛加入了淡奶味道的渣咋。但始終感覺味道仍是總店的好，或許是念舊的關係吧？

有次係佐敦食完飯，同事提議食糖水 但指定係傳統紅豆沙喳喳。結果一行人就開始左 尋找紅豆沙既故事，搵左一輪 終於搵到一間傳統又舊式既焗水舖。傳統既糖水一向都不難，重要既係火喉。而煲得夠時間既焗水我定會起沙又溶。結果冇令我地失望，豆都算煲得淋，不過若然再結身少少一定會更好吃。6碗紅豆沙喳喳 其中2款加左椰汁，味道天更加豐富好味。最後點埋糖不甩，一餐飯後甜品又完成。然後大家滿足地回到公司繼續工作 哈哈。..下次再來發掘更多傳統美食😋。..

喳咋這傳聞中是從澳門傳來香港，以各種豆類加入芋頭，再加上椰汁和花奶製作而成的甜品，在香港沒有多少間甜品店有得吃，而在有這款甜品吃的店子裡，最有名的，相信要算是這間「鵝記喳咋」。 這一天，吃過晚飯之後，又是想吃點甜的時候，想起很久沒吃過「喳咋」了，便來到這間名店，吃碗店舖招牌甜品才回家。 坐在陳設簡單的店舖內，下了單後，等了一會，一碗「凍喳咋」（$26）便已送上。這冰凍的「凍喳咋」材料十分豐富，各款豆類與芋頭粒讓這甜品充滿口感，而且底層還下了椰絲，澆上了椰汁和花奶後，這甜品的味道就更好了。其實這澳葡甜品的確是幾好味的，只可惜，在香港有得吃的地方不多，不然的話，我便可久不久去吃一碗了。

細細個，鍾意西式甜品的精緻，美觀很吸引人的。而家人老啦，反而越來越鍾意食中式甜品。那些Waffle / Cheesecake / Gelato ....就如年輕貌美的少女，美麗動人但太多卻沒一個有印象；中式甜品卻是穩重熟女般看似沒什麼特別，卻是實而不華，細嚐卻得到難忘滋味。我沒試食到一個好味窩夫令我難忘，卻有曾因一碗熱騰騰的足料喳咋令我眼前一亮，那就是它 — 鵞記喳咋。好老實，論外貌真心都幾.....行貨，一碗糖水加一堆奶咁，一街都係，地方又舊又殘，碗野又唔靚，打卡黎講真心不過話您知佢真係越嗒越有味道，唔吃你都唔知佢係人中龍鳳。係！街上賣糖水好多，但我冇見過咁！多！料！的喳咋最重要佢多料之餘，佢全部都煲到起哂沙，但料又好完整又好粉糯！愛吃紅豆沙/甜豆湯的人真係唔可以錯過！中式糖水從來都唔是貴野，但是一碗美味的當中充滿著好多心機同時間。外間好多時那些什麼乜乜糊 / 乜乜沙，要不是稀稀的，就是用粉沖/交貨的。佢，$25，但我感覺到的是一份真正矜貴的滋味！

現在想食到傳統的中式糖水真的很難，都不要說味道但這一檔的渣咋真的超正。它是屬於糊類，近似泥狀的渣咋。所以我會建議大家食凍既，然後跟相中一樣的要多淡奶，那你就可以享受到渣咋的味道，淡奶的順滑，還有不會被泥狀的渣咋令你越食越口乾。雖然鋪頭環鏡一般，但值得大家去試試

做冬晚飯後，我們一夥吃得飽飽的人由尖沙咀慢步往佐敦尋找甜品。年年初三晚飯後都話去食渣咋，說了5年都沒有發生，今晚終於去到！這店有兩間舖，廟街街頭街尾各一間，我們去的是街尾分店。我們8人，叫了幾碗渣咋、麻蓉湯丸、蓮子桑寄生茶及西瓜冰。雖然我一向不喜歡吃渣咋，因為實在太多豆，不過這裏的渣咋真的不錯！豆很綿但沒有散開，味道不太甜，沒有“水還水、豆還豆”的狀況。麻蓉湯圓的薑湯很薑，湯圓餡是實的那款，不是流心，味道還可以。湯圓是即叫即煮，要耐心等候！其他的沒有試過，只有相片。

難得去佐敦廟街，全無計劃下，揾嘢食，經過鵝記個人失控左要食碗先至講。見到鵝記冇理由唔食碗渣咋（食完，都飽大半，晚餐又可以慳唔少。）上次去油麻地店，都好幾年前了。雖然相距多年，又唔同店址，一入到去，感覺一樣。。。陣陣蕃薯糖水的薑湯香味。冬天夜，真係好難抗拒，選擇困難症即復發。結果都係堅持食渣咋。食完真係乜都唔洗食飯，飽左一半，暖哂。水準依然，唯一唔同，係價錢。

呢間老字號我地一家幫襯左好多年啦，細個阿爸阿媽得閒就帶我地黎食，兩老次次都係食喳咋，我地由十幾蚊食到宜家對廿六蚊，食足十幾年，期間佢地都搬過兩次鋪。。冇法啦，香港租金貴。。。放工經過即刻買返碗考敬阿媽～外賣加一蚊。經過一個鐘車程估唔到返到去都仲熱熱地。一如以往，碗喳咋好足料，好多豆，但唔知係咪煮得太耐，d西米都溶到冇哂咁濟。味道真係唔錯架，唔會過甜。希望呢間小店繼續撐住！宜家好難係出面搵到足料又好味ge喳咋了。。。