鵬達美食

營業中

休息中

今日中午有d事去左屯門天后廟果邊工業區搞，搞完肚餓又未食飯就係附近呢間鵬達美食求其食d野醫肚。入去睇返鋪面唔大，但都有幾張大枱，主要都應該係做返附近返工d工友，餐牌就貼晒係牆，不過好多都係寫價錢，中午有是日午餐日日不同，45蚊左右，價錢黎講還可以。豬扒蛋飯今日先試下最大路既豬扒蛋飯，要左豉油汁，豬扒新鮮炸起熱辣辣，幾香口唔太硬，蛋都煎得幾好，係個飯略腍左dd，都可以接受，茶餐廳基本水準。凍檸茶凍檸茶叫左少甜，茶味都算幾突出，比起好多餐廳既茶底較得好，少甜又真係少甜唔會太淡，杯茶唔錯。整體黎講工業區茶檔黎講都算幾唔錯，係附近做開野既都可以黎食，過條橋就係屯門公園，附近玩開肚餓過黎食下午茶又得，價錢就比較經濟d。

自從轉左去屯門南豐工業城做嘢，就覺得原來早餐店係咁重要，皆因果邊真係無乜餐廳，得兩間茶記，其中一間係開工第一日食完後就無再食，因為果日嗌左個叉燒炒蛋，而個叉燒是變左味！係行去公司途中發現左鵬達，門口細細，無乜招牌，一入去就發現坐滿人，睇黎都唔會中伏。炸魚達人見到有炸魚餐對眼即刻閃閃發光！叫左個炸魚、太陽蛋、多士凍咖啡外賣。行翻公司都有段路程，大約15分鐘，返到去梗係嗱嗱臨拆黎食啦！估唔到個炸魚仲係脆皮喎！size可能細左啲，但味道正常無怪味，蛋都是正常，已經好感恩！咖啡可能甜左少少，下次少甜就very perfect啦！

這間鵬達美食，小妹認為住在屯門的朋友也未必知道他的存在，因為地方真的很偏迫。位置其實就距離屯門西鐵站不遠處，所到的小路沿途都看不見人影，問心小妹自己不會前來。由於同事兼好友帶我們來飯堂食飯，當然要比足面子。門口一點也不起眼，小妹完全地看不到門口，見同事入內就跟著走。環境全沒裝修可言，放了幾張大圓枱，圓枱舖上帶點殘舊的枱布。小妹不知會吃什麼？主要由廚子發版，廚房煮什麼，我們便吃什麼~真夠神秘！ 胡椒豬肚雞煲$338(一隻)，離遠都嗅到那朕通鼻的胡椒味道~很有風味的gas爐，滾起豬肚件和雞件，雞足有一隻份量，等雞件慢慢煮熟，我們吃著其他配菜。豬肚爽口彈牙，散發淡淡胡椒味，雞肉嫩滑多汁，真的超有水準！驚我們吃不飽似的，加上 肥牛(前)生菜(後)各一碟，小妹挺愛打火鍋加上生菜/油麥菜，不吃牛肉的小妹沒吃。估你唔到美食之一，原來是 炸素鴨$148 ，擺放得很工整，令人食欲大增，未見過素鴨可以這樣烹調，好吃！外層脆口不油膩，中間的大集會也是超級好吃。不得了~ 芝士蝦天使面$238，足有面盆般大，沒有誇張！我們只有5個人，還要全女班，海蝦數量給予很慷慨，滿滿的芝士，面上還撒滿蟹籽。通常伴面的

年廿九行花市前要補充體力, 今次再來這間面對屯門河及小公園的工廠飯堂。小店衛生一般, 東湊西湊的桌面黏答答的,要自行用開水抹抹才好一點; 從牆上午餐中選了似乎較巧手的鴛鴦炒飯。不消一會像頹飯的雙色鴛鴦飯送到,白汁基本上是淡版忌廉湯,淡淡罐頭湯味道還算夠稠, 不是水汪汪狀態的加入幾隻冰鮮小蝦仁煮成; 另一邊的蕃茄汁就冶味得多, 茄汁甜酸度調得很好,配料同樣有蝦仁在內,加上幾件切得小小的鮮茄,半生洋蔥絲和幾條沒味雞柳,以材料來說就豐富一點;炒飯底被兩種汁弄得糊糊, 飯粒太軟也沒像炒飯,更沒發覺有否加雞蛋同炒,兩種芡汁加糊口飯,自己就像在吃兒童飯一樣。大人的炸菜蒸豬肉等了一會, 飯餸分開的上, 炸菜份量比豬肉少,一碗有幾條黃芽白的白飯,一定飽肚;大人評為豬肉不好吃,好吃一點的炸菜卻不多,最後要再點一份餐蛋治以其餐蛋送飯。餐蛋治餐肉煎得香脆, 對辦! 雞蛋煎得不厚, 從外表看來也不是太滑溜,只是不太乾身而已;反而白麵包很柔軟,相當新鮮好吃,不過吸滿煎餐肉的油份,活像吸油紙一樣,而且又吃了一碟頹飯,只好放棄太索油的一片。 凍檸茶檸檬夠酸,不過紅茶味很一般,不算是很好的凍檸茶;大人的熱檸蜜,蜜糖落