鹿鳴居 (已結業)

潮州凍蟹，超級大隻呀﹗巨形到個連個盒都閂唔埋呢。今晚朋友請食蟹喎，梗係食左先講啦 ﹗肉蟹啖啖肉，鮮甜可口，看得見的肉汁立立令，入口水潤非常 ﹗食原味蟹味突出，沾上酸醋更是開胃呢。芥蘭炒牛肉，芥蘭原條免切？十分有趣，哈哈。諗住大大碌芥蘭點都會切段先炒架麻，居然大大碌成條上檯，果真保持原汁原味。質感非常脆卜卜，咬到卜卜聲，聽到都特別開心興奮 ﹗乸牛肉味濃兼腍腍滑滑，還可以接受。鑊氣迫人，都幾好食呢。不過賣相睇落似先烚芥蘭鋪底後，再倒個牛肉芡上面就算喎。粟米魚肚羮，五十幾蚊有兩大碗，份量足足一窩，真係食唔晒架喎，留返一碗宵夜先 ﹗散少許糊椒粉吊吊味就更加可口，質地黏稠乏著滑蛋氣味，粟米味道芳香濃郁，魚肚爽爽沒有油益味道，金黃湯汁奪目耀眼，有水準。蒜蓉炒白菜仔，大家都好少食白菜仔，試試啦。熱騰騰大束大束塞入味，連汁帶蒜亳不猶豫地食食食，非常爽甜充滿水份，菜甜味沖積著每顆味蕾，預料之外的美味 ﹗最怕白菜又苦又澀，依碟就非常好食喇。南乳炸碎雞，我最鍾意試特別野架喇，最有冒險精神 ﹗出乎意料地大受歡迎，個個讚佢佳。惹味南乳咸香、薰芳乳香、味道濃濃。炸得乾爽又香口而不油膩，肉質軟棉不鞋硬，好味道，心滿

蒜蓉粉絲蒸鮮魷，腦裡突然有吊桶飄過，好想食啊 ﹗不幸地無吊桶賣呢，唯有退而求其次，鮮魷都唔放過。又會勁爽脆既？彈中又帶點嚥韌，每口都釋海出魷魚甜味與鮮味，夾上金銀蒜粉絲更加香口、更加可口 ﹗西蘭花炒斑球，老闆娘稱無斑球，只有斑腩，但外賣黎既時候係斑球囉，打算比個驚喜我？但是乾鞋硬有齊，中左三寶呢 ﹗新鮮度強差人意，早之食斑腩好過啦。幸好西蘭花爽脆又多汁，甜味出眾，挽回不少分數。椒絲乳腐油麥菜，我印象中多年來只食過油麥菜數次，突然腦海中閃過吊桶後，依家又閃出油麥菜囉，即刻叫黎食先。椒絲乳腐生菜、通菜都食過，創新用油麥菜啦。原來都好好味，味道都好夾。爽爽多汁油麥菜沾上乳香惹味又帶咸辣既腐乳醬非常醒胃，開心晒。紙包骨，撕下油淋淋的紙袋原來係豬扒黎喎，其實我想要紙包雞扒，諗錯隔離添。紙袋索晒所有油，多油到滴出黎，加上唔熱就更加油啦。豬扒好瘦，因為用粟粉醃過，所以紙袋跟豬扒肉黏到實一實呢，如膠似漆根本分唔好，唯有咬走少少肉掉左去啦。味道陰沉無生氣，單調乏味，表面勁油但質地硬掘掘，水準以下。想食肉又無咩 idea，問問老闆娘有什麼高見啦，紙包骨？好好好，試試。童年回憶是也，隱約記得小時候跟爸媽在酒

酒後又亂性，只怪飲醉酒 ﹗在人工智能 AI 系統下再次大散金錢，大大力 order 豐富宵夜呢。夜晚九點半開始飲，未到一點已經醉爆，但依然渾身是勁，仲識賭錢、食宵夜。腦部人手操做已關掉，記憶體同時都關掉，啟動 AI 系統打電話去叫外賣，再加賭 poker 輸左幾千蚊，大出血之夜 ﹗賠了夫人又折兵 ﹗等左 45 分鐘外賣先送到，而且凍鬼晒，只係微暖，依家食冷飯菜汁咩 ﹗離晒譜，火到黎﹗打電話催外賣，老闆娘話師傅食緊宵夜要遲少少唔好意思，都無緊要 ﹗但外賣送到黎凍晒，唔係熱辣辣就唔得啦 ﹗好明顯一早煮好等埋其他 order 先出貨，太可惡 ﹗飲醉酒第 12 個熾天使出現，大食 AI 啟動 ﹗狂 order、狂食野，食到停唔到﹗飲左一支半紅酒加 shoot Jack Daniel 又開始 high high 地，失控地瘋狂點菜 ﹗先黎 5 道菜食住先，轉頭再 order 多 4 個啦，9 道先夠派頭麻 ﹗叫成 9 道菜， 都唔記得幾多錢埋單咯﹗我醒左幾十蚊小費過佢，外賣阿姐勁開心，呵呵 ﹗狂食白灼東風螺，近來真係食上癮 ﹗壯陽東風螺是也。我最喜愛既菜色，簡單又好食，夠鮮甜。即叫即烚，熱騰騰送

和家人來到這間位於太和的餐廳，發現了以下好野食： 第一款： 椒鹽瀨尿蝦這盤食物份量多，兩人食都會過多，但味道很好。食上去又香又正，蒜炒得脆脆的，瀨尿蝦的肉在大火喉的情況下也不會變老或過於縮小。食上去很過癮！第二款： 滷水鵝片滷水很多而入味，具有正宗的潮州風味好食。

今晚又係食自己，走落大埔買少少野就去 Baby 一齊叫外賣吧 ﹗最初諗住食旭川日本料理，最衰要外賣自取，懶得出去，叫返鹿明居算喇，送到上門又好味又經濟實惠。全部清晒一件不漏無浪費，Good ﹗一星期總有幾次叫鹿鳴居外賣，真係專用大廚呢。無他既，好食囉。 食完晚飯，飲到醉醉地又係時候宵夜，兩點幾架喇 ﹗爆醉 AI 又運作，敲個鐘齊齊宵夜大食會啦 ﹗聽朝仲要返工呢，食飽飽就即閃。 嘩，全部清晒無浪費，一滴都無剩 ﹗BBQ 戰士勁呀 ﹗滷水鵝片大豆芽底，自從兩年前親身到訪堂食鵝片時咸鞋乾硬又散筲筲後，一直都唔敢再叫，非常有陰影 ﹗今晚破例比多次機會您，乖乖地呀 ﹗出乎意料，水準唔錯喎 ﹗滷水鵝片，不嫩不滑，但勝在結實有咬口，鵝味濃郁，合格。滷水清香無嗆喉，不過咸不過油，仲帶輕微甜味添。將鵝片沐浴在滷水汁之中，底面拖一拖就跣入口喇。厚薄尚為滿意，肉質有所進步，實而不華，結實中帶微滑，緩緩滲出肉汁，合格。以後都唔要豆腐乾底喇，唔好食既，乾爭爭，有時仲有酸味添 ﹗大豆芽爽甜多汁，跟滷水味道非常爽，好味道。捲住肥美鵝片同吃，堅係如虎添翼，美味絕倫，非食不可 ﹗唔好同我掙呀 ﹗自從前排開始食得到芽菜、

店家室內環境頗為熱鬧，但就是這種的氛圍，跟這夜的菜餚異常合拍..裝潢頗有點街坊格局，除了數張卡座外，擺放的都是以木桌。來一道香口惹味鮮鵝腸。鮮鵝腸狀甚肥美，入口先爽後脆，豐厚甘腴，難怪連一直嚷著要減磅的食友都說要吃了才算！鹵水鵝肉肥美，鹵得入味，滑而濃厚的感覺。煎蠔仔烙：不會過於膩口，邊皮帶脆，泛着蠔香好大粒同好多蠔仔 蠔仔粥味道很鮮甜, 粥底好有細個食果種潮洲粥(即是似湯飯果種)有冬菜莞茜葱花. 其他菜式，也不錯，但不在這邊寫了

今次以經是第二次來到這裡進餐了.雖然地方不十分舒適,但以這平民化的價錢,能食到有水準的菜色絶對超值.我等一行六人點了以下的菜色:1. 豉油皇鵝腸.. 用的是鮮鵝腸.味道出色2. 煎蚝餅. 蚝仔夠多口感好.3. 紙包骨. 老菜色以經沒有多少食肆會做,可惜只得五件我無份.4.焗魚腸. 又一老菜色以經沒有多少食肆會做,魚腸夠多好味.5.鹵水鵝頭頸. 鹵水香,鵝夠淋.入味.非常出色.6.椒鹽腰果鴨舌. 香口送啤酒一流.7.春菜.8.九菜紅. 一般水準.八個菜啤酒四支两飯两粥.450大元有找.試問去邊道揾.

朋友聚舊，是但搵間食店啦。上次係度食小菜嚇餐死，打邊爐最穏陣。枝竹羊腩煲，有冬菇、枝竹同馬蒂，仲有十幾件大大舊羊腩添。啖啖肉，唔會淨係食骨。 湯底味道剛好，鮮甜又不會話太濃太咸，美味 ﹗羊腩炆得軟腍，點埋腐乳同起，正呀 ﹗仲有大大碟生菜跟，新鮮爽甜，爽埋羊腩煲既精華，好食。但女友話太羶唔太食到喎，我就覺只係微羶囉。尊登叫碟白蘿蔔黎烚，吸收晒啲羊腩湯，烚都軟棉多汁，密密食。本地肥牛，都幾強差人意，味道都算甜，但口感同賣相就比較嚇人，不試也罷。四寶丸，外購無意見，唔難食囉。牛丸同豬肉丸最好味，有趙口又唔粉。墨魚丸、章魚丸就食到成口粉，味道又假到死。

其實中學已經幫親鹿嗚居，咁快就廿幾年喇 ~ 見佢由大元邨大排檔一路做到依家搬左黎太和附近，食物質數一年比一年差，以前已經唔係叫做好架喇 ~ 如果唔係我教練每星期食飯都堅持幫襯，落左堂黎食吓野、飲吓酒、吹吓水 relax 吓，我諗我一早己 bad list 左依間打冷喇 ﹗今日朋友仔約食飯，又堅持黎依度食，咁好啦，還掂咁耐無黎，就比多次機會鹿嗚居啦 ~ 記得上次黎應該係三年前既母親節，食到全家咀妙妙，勁同我投訴啲野難食，環境差又坐等辛苦，我都唔想架 ~滷水鵝片，去潮州打冷點少得滷水呀，我首選鵝片。食落不過不失啦，只係口感略鞋、味道咸左少少，還可以。馬拉盞通菜，菜都算新鮮爽嫰，幾好喎，但係油得出奇，食完唔洗搽潤脣膏已好鬼滋潤，味道辣辣地好開胃，鑊氣夠、炒得香。砵酒焗蠔，真係見到到驚呀 ﹗第一次見砵酒焗蠔係咁既 ﹗朋友仔咬一啖已吐都吐唔切，趙都未趙乍。我免強細嚼，硬吞落肚。蠔唔熟，最多得四五成，非常腥嗅，蠔裙邊勁靭有渣，味道似砵酒溝埋麵豉醬跟蠔撈混舖係西蘭花面就上枱。完全唔熱，莫講話焗，直頭可以用凍黎形容，酒精味好搶帶苦。從來未食過砵酒焗蠔係咁樣，都低位師父想煮啲咩呢？定根本唔知點煮？最後係

星期六去大埔探阿婆。一行12人去食晚飯。黎黎去去都係迎囍或海港，好悶。上OR睇到呢度嘅潮粵菜不錯，於是就黎一試。店都算大，有大枱，坐得還可以，唔算太迫。看一看menu，菜式好多款，有潮又有粵。菜式多之餘，價錢仲好實惠，最貴都只係隻滷水鵝，其餘食物都好平。全部都係大胃一族，所以叫咗好多野食。加上大家都好似好肚餓，菜一上枱，大家嘅筷子就即降落了，所以有d菜趕唔切影相~韮菜豬紅，不過不失，入味。荀蝦，有盡荀嘅酸縮味...爽口。豆豉鯪魚炒油麥菜，超肥超多油，唔敢試。上湯浸莧菜，呢個就好清好味道，莧菜都好嫩。胡椒咸菜豬肚湯，好大兜，人人都有一大碗。超勁胡椒辣味，超驅風呀；有好多咸菜、豬肚同粉腸。豉椒炒蜆: 份量都唔算少，炒得ok，不過蜆本身唔夠大粒，唔算太有肉。滷水鵝，係全晚最貴嘅菜式，但其實貴極都係好平。佢地稱自己店嘅鵝係滷水鵝皇，又真係幾能稱皇喎！比起好多滷水店做得好很多。半隻鵝都幾多隻，唔算肥，好有肉。重點係好入味同好淋滑，真係好淋，脾位尤其嫩滑，啖啖肉！墊底嘅豆腐，味道就較淡，唔入味。滷水豬頭肉，好香好入味，雖然豬頭肉係好肥，但食落唔覺肥膩喎！ 滷水豬腸 ，太入味，有點咸滷水墨魚，呢個反

經好友推介，早前去了大埔的【鹿鳴居】聯誼飯敘，試了這潮州小館的海鮮小炒，非常好味夾抵食，但沒有一嚐他們的招牌潮州鹵水，上個禮拜見入開新界，便和太太再次到訪這飯店，一於食餐「打冷」晚飯。這飯店位於大埔太和路太和中心地下，但正門不是在太和路，是在太和中心後面的翠和里。舖前有個黃色大招牌【汕頭鹵水鵝皇 鹿鳴居 餐廳潮粵小廚】門口擺放數個載滿海鮮的發泡膠盒。翠和里及翠樂街都有咪錶位，附近還有威信停車場，對我們自駕一族，非常方便！言歸正傳，講番這裡的美食，相約太太在六時半到達，早少少貪唔駛等位，食飽又要揸長途車回家。海鮮已在上回試了，今次就專攻潮州打冷及鹵水......先來碟『潮州三寶』醒醒胃，咸酸菜超好味，咸酸度適中，炸花生好香脆，微辣的菜甫送潮州粥就是最皆配搭，一大碟都是$25。跟著是一大碗『韮菜豬紅』，少少麻辣，做得不錯，但韮紅都有很多油。老板娘介紹了『鹵水鴛鴦腸』，即鹵水豬大腸及鵝腸雙拼，吃得出鵝腸是新鮮的，不是那些發水大大條但無味果種，豬大腸都不太肥，鹵水味香濃，相信煲鹵水膽都應該有番咁上下歴史!今晚當然唔少得招牌『汕頭鹵水鵝皇』，太太話要試真D，棄啖啖肉的鵝片，我們只叫了一份例牌鹵水

因為妹妹今日生日,一家人想出去食返餐媽媽成日都來鹿鳴居食飯,而且有個朋友係呢度做叫左個朋友留左位,一入來就同個朋友有講有笑媽order左幾味餸大眼雞魚:我就好鐘意鼓油清蒸魚,因為係潮州菜館,所以條魚係凍食既,肉質幾有口感,味道好正,冇乜骨,但比較散滷水鵝:第一次來e度食滷水鵝,成家人叫左半隻,但好似唔係幾夠食,滷水鵝餸飯好正,仲添左2碗飯,味道有點咸,但出來的味道到幾滿意,皮比較肥,但都食得津津有味!!鵝下面就鋪左一幾舊豆腐同花生,比滷水煲到好淋,索晒d滷水汁,味道很好椒鹽瀨尿蝦:好難剝殼,開頭就食得好慢,唔係幾慣,後來越剝越純熟,仲嫌佢唔夠食菜:有少少油,但有點清啖炒腰果:材料好百達!!有碗豆,腰果,馬蹄,勤菜,火腿,蝦米,西芹,青椒炒得好夠火候,好味道雪耳木瓜瘦肉:飲左幾碗......食得好飽,呢個湯好清潤,飲落好香,非常潤肺,呢餐食到肚都脹埋

有個朋友生日,就想同佢一齊出來食下飯咁,而佢又住大埔,所以就順便約左幾個朋友一齊踏單車差唔多5點幾時份就來到呢間餐廳,因為太早到,晚市未到,連服務員都叫我地坐下,咁為左落左order先再慢慢等...我地order左:滷水鵝半隻椒鹽瀨尿蝦大湯等左差不多大半個鐘到,就開始上菜,先來係鹵水鵝當時雖早,但各位都非常肚餓= ="見到都留晒口水滷水鵝味道好正,鵝肉有口感,而且切得細細塊,易入口點埋d汁真係好好味,好快就添飯椒鹽瀨尿蝦,冇咩人食,我好少食蝦,而且唔識剝殼但呢碟餸,真係好難剝殼,而且蝦肉冇咩味道,得少少咸味同蒜茸味覺得非常清啖,我真係唔識欣賞,其他朋友都同我身同感受仲有個大湯,個湯35蚊,因為日日唔同,所以不多介紹材料主要都係一d蘿蔔,豆腐,碎肉等味道一流,好快就飲完,份量都幾多!!

我的至愛1)潮州冬蟹 –超級低食,而且鮮甜2)香口紙包骨 - 好難搵到好食,3)召鹽雙魷 - 香口,好似街頭燒烤魷魚一樣4)油浸筍殼魚 – 實在超好食,連魚骨都食 (最衰沒有影相)5)黑椒牛仔骨 - 黑椒汁~正6)潮州煎蠔餅 - 蠔新鮮, 煎得香脆, 一流7)豉汁炒聖子 – 夠鍋氣

家住大埔，一般連鎖式食店都吃厭了，而且較有特色及水準的食店都遠在大尾篤，這次就試試位置頗偏僻的鹿鳴居。兩個人，點了椒鹽腰果鴨舌、滷水鵝及豉椒炒蜆。椒鹽腰果鴨舌：男朋友超喜歡這個鴨舌，夠味，夠鑊氣，夠足料！鴨舌入味，面脆內嫩，腰果炸得香脆，超讚！滷水鵝：我們要了一碟例牌，鵝肉入味、嫩滑，沾上醋吃非常醒胃，墊底的豆腐、花生都充滿了滷水的香味，可惜的是有幾件鵝太肥了。豉椒炒蜆：蜆肉頗大隻，也帶鮮味，但當然不能跟長洲、南丫島的相比。值得一讚的是炒蜆夠鑊氣，汁也夠味，而且不會一整碟都是蜆殼，絕對真材實料。總括來說這家鹿鳴居的食物相當有水準，而且十分足料，人多的話還可以多試幾款菜！