麗都火鍋海鮮酒家 (已結業)

年廿九跟一班好朋友打邊爐跟住逛年宵,因為BOOK唔倒枱所以被迫選擇在這裡打邊爐, 沒想到質素比我們想像中更差,相信以後都不會再光顧!酒樓環境擠迫,湯底到了後十分鐘便有一隻小強在枱上路過,告知WAITER, 他竟回答不是從湯中爬出來就行了, 吹賬!經過個廚房才嚇到死,十足垃圾房!我們坐下便交ORDER紙給WAITER, 但足足等了半小時才有食物到,很多火煱料明明沒有貨又不告訴我們,到我們追了幾次後才講,呢D係咩態度?!肥牛用血水浸住,看到也不開胃,由於食物質實在太差, 跟垃圾沒有分別, 所以本人也不打算再逐一COMMENT, 我們整晚大部份只吃了出前一丁和烏東(因為係原包的).大家千祈唔好去!

昨晚第一次去吃,想必也是最後一次。在酒樓門口看見寫著多款晚飯小菜28元起,所以進去試試,看完全部餐牌都找不到這些特價菜,點菜時問了侍應,她指了指幾款餐前小食,例如鹵水豬腳仔,海蜇等,這些也算是小菜嗎?我覺得絕對是取巧。雖然印象分已極差,但即然來到就儘管試試:鹵水豬腳仔($28):豬腳仔都幾淋,但好多豬毛,鹵水汁好咸好咸。鮑片雙丸什菜煲($42):雙丸是白魚旦,黑椒牛丸,魚旦沒有魚旦味,牛丸被黑椒搶晒味,還有一些未煲淋的菇類,而且不是煲上,是碗上。泰式明爐煮滑鷄($48): 餐牌介紹是龍崗鷄,是否就不得而知,但真是幾有鷄味,都幾滑,湯底是淡味的冬蔭功,不辣,所以沒有蓋過鷄的味道,還可以。白飯:$9/個像這樣味道不太出眾的酒樓還是老老實實做生意吧,就算海報多麼吸引,也難再幫襯第二次。

今日去左元朗間麗都,我覺得佢地的服務態度真係有D問題。無可厚非,佢地下午茶set個price真係好吸引,不過個price無論有幾禁吸引, d服務態度就完全影響間酒樓的表現。叫d阿姐加水,佢竟然當睇唔到,聽唔到。我同佢的距離都只係2個街磚禁近,而且今日間野只坐滿了1/3客人。另外,我地食食吓,想食多幾款點心,咪遞點心紙order啦,個阿姐仲高聲問個部長仲可唔可以入單,個陣只係4:15,不過佢d單同放係門口做招來的單張都係寫明去到5:00。之後仲要講左d好難聽的說話。如果服務態度可以評級,A係最好,E係最差,我想我會俾E呢間酒樓。

hi~今時今日麗都和從前的服務態度巳退步~巳趕了不少客人…因為該酒樓負責捧餐的人手不夠，要部長順道兼顧…可是不論是部長或都是侍應本身人手不也夠，很難每個人都有空前往廚房取食物給客人。因此有些趕時間的茶客非常鼓譟…就算食物到了，可是巳經涼了……還有，今天我和家人叫了碟伊麵，吃了感有沙和骨，於是叫部長換呢外一款給我們……部長都有幫我們除消，另外order飯……之後，另外一個部長過來了解事情，她說昨天也有人要求除消，問我們何是吃過伊麵，我老公說上星期日食過都不是這樣……那個部長叫我吃不慣就別叫此伊麵~ 什麼﹖她為什麼不檢討自己內部問題，巳有兩次客人要求除消啊~或都她認為我們是要求除消兩次的搞事者﹖我們可以轉去別間酒樓用善的，不一定要來光顧他們…相信其他客人也一樣會這樣想……他們真的要好好檢討自己服務態度~酒樓倒閉不是件好事…

從來未試過去d咁差的茶樓!!!幾星期前有日行過去飲下午茶(記得係四點前)個帶位已經串串地..我地上到去都冇乜點理人..你鍾意行就行..企就企咁~~~咁都算俾完點心紙一陣..個亞姐先話冇...仲要叫5、6樣冇2、3樣...想問下咁開下午茶黎做乜???都冇野食!!唯有快快咁清埋去第二度再食多少少算喇到俾錢o個陣...個收銀個樣真係"不可一世"..啤一啤我..之後再"妙"...請問我有乜野得罪你?而家我俾錢食野喎講環境一d都唔靚(唔好話靚,連乾淨都比唔上)呢個咁差的茶樓以後都唔會再去...佢其他所有分店都好極有限

本人於某星期六到太子麗都食下午茶時,發現有些跟"樓面"相熟的顧客,可以以特別優先的次序取得座位,而不用輪候,其後本人對該店經理作出座位流程及安排的投訴,但他只是草草了事,我打電話給所謂投訴部門(懷疑是沒有的),只是留言信箱,留言後,又沒有回覆,真氣憤!食物不算美味環境不算衛生選擇不算繁多服務甚為差劣

今日同同事去食lunch,食物方面普普通通啦! 但我地見到d女侍應o既服務就真係好差囉! 客人叫佢就扮聽唔到,又成日漏單,叫佢地跟下d單,佢地會好唔願做咁款ga! 今日呀,仲見到佢地咀miu miu咁"頂"客人咀tim呀!明明係佢地唔o岩,仲要串番客人轉頭??!! 真係有無搞錯呀.............!

在這店，火鍋或小菜都試過，說真的火鍋都很便宜，任食的那種，我很喜歡用電子爐，火力強，棒！小食其實都不錯，不過每碟的量不多，味道還可以，普普通通的，真有家裡的感覺。但是這裡很擠，清潔也不算太好，不過這都不算什麼，最不好的就是服務態度，草率了事，真正服務員好的都是一兩個，而且有些職員好像對自己工作的地方不太了解，害得有一次以為是我們錯點了，態度真的極有改善空間。

星期五有久沒相見的朋友聚會，所以選了可以坐耐一點的酒樓吃飯。我們大約八點左右到達，不算多人，可是就是這麼大的酒樓竟然就不懂將小菜和火窩分區域？我們坐的小檯，竟然夾在兩張火窩檯中間，一股火窩的蒸氣不斷"煙薰"我的西裝，頗為令人摸不著頭腦。叫了以下菜式：饅頭、粉絲蒸元貝、椒鹽鴛鴦魷、濃雞湯娃娃菜。饅頭很好吃，比起昔日明星集團大角嘴分店的不惶多讓。粉絲蒸元貝則不行，殼上有點污糟未清潔，元貝裡又有砂......濃雞湯娃娃菜則最好吃，雖然是簡單和清清地的菜式，但卻已經是主菜了！說娃娃菜是主力，因為椒鹽鴛鴦魷沒有上場！我們由八點四等到過了九點，追了兩次也沒有來。結果要推說我們九點半要看戲，不等了！才逼得他們讓我們取消！唉，這種服務態度我還以為是多年的舊式酒樓呢！

今晚食飯度度又多人又貴，我想食中菜於是乎走返去太子。本來朋友介紹去附近一間打邊爐專門店（唔記得名）度食，去到門口睇ｄ餐牌佢又再度嫌貴，我冇佢咁好條就提議去返麗都。今日等位都等左好耐，皆因好多ｆａｍｉｌｙ０黎食飯，起碼等左１５分鐘先有位。８點５０入座，本來我想坐多１０分鐘等到９點當宵夜時段，不過侍應話唔可以，咁冇辦法喇照晚飯時段計都ｏｋ（不過冇特價小菜叫）。２人套餐：豉油雞（半隻）＜ｓｉｚｅ等同一隻雞＞蜜糖頭炒斑塊＜斑塊件件好大塊，又多＞香芹蘿蔔炆魚頭魚腩＜蘿蔔清甜；魚唔腥，魚腩就唔見有多數是帶有肉０既魚骨＞散叫：蒜容蒸開邊蝦＜２２．８＄，勁多隻超抵＞迷你滑雞煲仔飯＜１２．８＄，每人分到２碗＞樣樣大大碟，味道又好食，食完飽到連甜品都冇叫，埋單每人都係佰幾蚊，今次有碟生果食下～之前２次都冇（可能係食宵夜時段啦）＾＾

新年團拜，一圍十六人，熱鬧D只坐一圍！叫左個龍蝦餐，但己吩咐個穿黑衫0既女部長加大份量，因個餐只係供12人用。我阿媽仲好醒咁比左封利事佢！但上菜時份量都係得12位，同個女部長講，佢就"R"0下頭，好似乜都唔知咁，成餐飯叫極都唔比公筷同匙我0地，成日都要叫！服務好唔得，搞到我阿媽話要收番0的利是！！講番0的野食！第一樣上全隻乳豬，味道ok，豬頭旁好搞野咁有海哲&沙律伴碟？！第二道菜上雞，係炸雞，有蒜蓉面，幾趣又幾滑，但第二道菜上雞，好似早左上？！之後都係D例牌野，冬姑發菜蠔士，腰果珊瑚螃炒花技片，味道一般。晚餐最重要的魚翅及魚就非常麻麻，翅好咸又杰。條魚有0的唔熟，肉"痴"骨。反而龍芝士蝦伊麵底就合格。都香芝士味。仲有一個蘇炸帶子，用左炸芋頭蘇的炸發做，但內用帶子，香口，新穎，讚！食左一共四千二蚊，但以呢個價錢，呢個服務質數，我會選擇明星！明星同呢間差不多！

一個人食晚飯，實在想不到去那裡好，就求其來這裡買盒飯算數。買了楊州炒飯加熱奶茶。楊州炒飯- 想不到又算炒得幾香喎，可惜飯本身新鮮，水份過多，令炒飯唔得一粒粒，蝦當然唔能夠要求新鮮啦，但都唔算太雪櫃味，作為一碟炒飯，都已經算是合格的了。熱奶茶- 跟餐的飲味，沒有要求，奶味重茶味淡，和想象一樣。價錢平，食物一般，總會食得你飽。

一班人開波前,時間無多要速戰速缺,身在百多年前的中港邊界,在麗都酒家地下的燒味道,一人一碟燒味飯,應該會配合到此場的快步速.燒鵝飯一碟$30包例湯,先奉上蘿蔔豬錚湯,出奇地清甜.湯渣亦夠份量.燒鵝當然不是甚麼頂級貨色,雖然已擱了應該唔係短時間,外皮還能帶點脆,肉質略鞋,但有肉味,不能太大苛求了.正值晚飯時間,外賣部人龍不絕,大多排隊買燒味飯,$12一盒叉燒飯仲包飲品.難道生意興隆.店內的電視,竟播著亞視的"大城小故事",此段時間竟播此類下三流家庭倫理劇,死未?豈有此理.

在家吃個中秋晚飯後，８點多才由屯門出發去太子，為左陪個朋友食宵夜咋＞＜九點後是宵夜時段，今日係中秋正日，以為有排等點知去到等５分鐘就可以入座了＾＾因為我唔肚餓，全部餸都由朋友拍板：海哲薰蹄（點酸醋食一流）醬爆花枝密糖豆（唔辣，好惹味，好多花枝）蛋白蒸花蟹（好抵食既一個餸，蛋白好滑）臘味糯米飯（好味）椒鹽鮮魷（估唔到整到海鮮店的風味）因為太飽，冇叫ｄ平價甜品食啊＠＠今次第２次黎呢度食飯，原來宵夜時段咁抵食架，價錢由１８－４８．８不等，下次有時間都要等到宵夜先得，哈哈。每人仲送１杯飲品（凍檸茶﹑凍咖啡０個ｄ）最後我忍唔住都幫手食左幾多餸，減肥計劃破滅＞ｏ＜！埋單＄１８２，我請客～

上個禮拜, 同朋友去打邊爐, 叫完第一round, 再order o野, 等了四,五個字, 都無o野o黎, 咪追下o羅, D 伙計叫我地再填過order. 但係又過了半個鐘都無o野o黎, 又搵個伙計問, 他又叫我地再填過order, 嘈他後, 又再等. 最後埋單, D o野都無o黎過, 係叫左六樣o野, 一樣都無o黎過