麗都總廚 (已結業)

之前睇報紙見到麗都總廚有$1 優惠, 原來星期日係冇$1 ga ! 不過, 改為 $3.8 /鮑魚仔 ar ! 好似好平 wor ! 所以都決定 try 下 la ! 真係冇下次 ar !1) 所以餐具都係膠 ga ! 用茶洗都好油 ar ! 好可怕 2) 點菜時叫左好多次都冇人理 ar 3) 點左 18 隻鮑魚仔成 2 個鐘都未有得食, 終於叫到人黎問, 不過佢冇幫我地去 check, 就話仲擋禁, 又要蒸熟 d. 今時今日禁 ga 服務態度都得 ga !4) d 鮑魚仔好黑, 又唔新鮮, 食落仲有 sai sai 地 ar ! 真係食左攞驚腸胃炎 ar ! 有 1 隻仲可怕, 好似 5 毫字 size 咋 !

早幾晚在家中趕報告後，與家人到麗都開飯。雖然是晚市，但店內人不多，少得很。金融海嘯嗎？我認為不是。我們一家都被門外貼著有海斑仔＄２８一條的優惠吸引，安坐後當然要點此菜。誰知侍應居然說已經沽清，很難想像。只是７時已經沽清？還是根本沒有入貨？門外的海報只是宣傳手段？一家心情即時低落。最後點了三碟小菜金銀蛋浸菠菜，菠菜很少．．．金銀蛋也不多，湯底很淡．．．差勁。蠔餅，煎得很差，餅已煎焦，成黑色．．．蠔仔不多，蔥最多。炸乳鴿，唯一正常滿意的小菜，尚算大隻，有點肉食。不過炸得不夠脆。飯後居然連甜品也說沽清（？！），不是吧．．．．索性說今晚沒有供應較可信。不需要修飾．．．．吃得不高興的一餐。

十三天年假終於到尾聲,上班前一天作最後衝刺,繼續飲茶!! 今次選了卓爾居中較便宜但又較多人的總廚,不知道為什麼每次來總廚也坐不到有電視的卡位?!豬腳薑大人至愛之一,濃甜香醋少試一匙,對味!! 濃重的薑醋煮得稠身,很有膠質的樣子, 薑塊稍為老身,大人吃得不算盡情, 豬腳份量不多,幸好大人應吃薑多點! 雞蛋兩粒浸至像鐵蛋,硬的的不好吃但補身,畢竟這味食品都是女性恩物,連我也被大人指示要多喝2匙薑醋。藥膳雞腳同樣有著杞子那些藥材味道,不過湯底卻沒上水那間的煲得好飲, 相對有點失色;雞腳大隻肉厚,沒有被藥材湯浸得太重味道,作為增加骨膠原的前菜是ok的。叉燒腸粉/牛肉腸粉相對日前所吃的陶源和樓下的裕滿人家,這裡的腸粉只比翠園為佳,普普通通水準,個人怪癖:沒吃過腸粉不算飲過茶! 炸雲吞炸得酥脆,只是晾油不佳,雲吞底有不少油份哦!! 肉餡用上蝦肉、豬肉,有點像春卷用餡,份量當然比坊間魚肉雲吞皮為多,包得也像隻元寶,已算用心! 所配甜酸汁顏色很橙,但那酸甜味道又是不俗,想起又想吃它了。吃過日前那些包得工整又好吃的蝦餃後, 這裡的只是外觀已經不太合格,外皮雖做得透明但包工的確不太好,又刁鑽了!蝦肉淡白色

又是海潚的影響? 以前中午lunch時段好多人, 要等位的, 今日與同事去飲茶, 明顯少了好多人, 有很多空枱, 真是經濟不景呀.一行10人, 叫了好多點心, 3碟炒粉麵飯, 今日上菜真是好快, 少人嘛, 點心平均都好味, 至愛的墨西哥叉燒包, 流沙奶黃包, 燒賣, 腸粉等依然好味, 最差就是雷沙湯圓, 凍的, 明顯放了很久不好食了.好多點心, 各人都好飽好滿足, 多謝老闆請.

上星期六曾到此店飲茶印像頗佳，今晚特意與家人到此酒家嘗試晚飯!叫了特價瑞士香草鴨半隻($18)，詢問侍應鴨的大小時，她說有普通燒鴨大，因此只叫了半隻嘗試，但香草鴨上菜時只有普通鴨的四分之一，而且肥油頗多!另外叫了一個香檸雞($48)，超酸，雞用只有少量是肉片，其他有炸雞皮胡混雞肉!後加了一個西蘭花大蝦蚌片($48)，以西蘭花居多，蝦大約有四件，蚌片5-6片,味道算三樣菜中最好!(此店除了宣傳的四樣特價菜外，其他都頗貴，比同區酒樓如明星貴十元有多)侍應服務頗差掛住看電視，要多次叫喚才會有反應，另外落單後只用掉了便走的方式丟回桌上，還要眼界不準險掉了落地，要由家人自己拾回!結帳時周圍都沒有侍應，其中一人見到本人呼喚居然望了一眼便轉頭走開!結帳時欲以信用咭付帳但以本人不足二百圓為由拒絕，最後本人以現金支付，酒家說會送兩碗糖水，但等了五分鐘仍未上桌(可能佢要即煮)，最後本人亦沒有等待糖水便離去!總共$146, 人均$73

平時忙忙碌碌星期一至五好少有時間坐o係到慢慢食早餐今日難得morning off決定去飲下茶嘆下世界朝早唔算多人全場最後生...周圍都係阿公阿婆放棄了特價點心選擇左兩碟普通點心>柱候金錢肚大點得6件不過幾爽口柱候味好正好好味!如果多幾件會更好~>羅漢上素腸中點一碟有三條偏多油比海皇的多油不過料比海皇的好起碼有d菇粒...~而且價錢平d層皮幾滑~滑嘟嘟易入口~埋單都係廿幾蚊茶水任飲唔嬲坐左差唔多2個鐘乜都抵返哂~

晚飯又做無飯家庭想近又想平呢到係一個唔錯o既選擇~特價燒鵝半隻雖說有半隻但上到檯留心一望就會發現隻鵝脾size有問題...好似少左d肉...不過鵝皮幾脆鵝肉尚算新鮮入味豉椒炒大蜆呢碟野明顯大縮水蜆好少...而且size細左青椒洋蔥就多左...唔抵食豬干紀子浸時蔬豬干真係好多但好嚇人...因為未熟透...紅色的...唔夠膽食....最大問題係個汁濃到乜咁完全唔係浸...係漿時蔬夾起條菜...成pea汁漿住條菜食落口成pea汁o係個口到而且味道好怪...又甜又咸...好唔掂呀...下次一定唔會再叫呢碟野....3個人食埋單200幾蚊..算係幾化算~

被價錢便宜所吸引晚上再次光臨。閒日關係不需等位慳錢至上要了特價的半隻燒鵝($38)可惜的是鵝太肥美而且size頗細不過都算抵食海味什菜煲($52)建議改名做蝦米生菜煲海味只係幾粒蝦米什菜只係有生菜同幾條白菜仔何謂什菜呀?!同裕滿人家/稻香差好遠囉價錢又唔覺平得去邊下次唔會再叫清蒸紅有仔($48)話明係仔梗係細條啦蒸得太過火魚肉已經唔滑飯後糖水係綠豆沙嘩...甜到阿媽都唔認得而且好杰(**唔係起沙)唔掂.....= =總括黎講呢間野得個平字食物水準同waiter service都有待改善!

工作至差不多8時星期日周圍都要等位要快d有野入口最佳選擇就係去size大的酒樓於是放棄樓下的裕滿人家黎左麗都等左一陣就有位入座後唔理咁多見到咩想食就叫咩8:44落單等左9:15都未黎!!!火都黎埋叫經理過黎經理話即刻跟下張單5分鐘後小菜遂碟上先黎o既係西檸雞漿太厚太多炸得唔夠脆雞件唔多汁唔夠檸檬味蒸紅友仔係特價小菜只係$38不過條魚好細條魚肉唔滑....豉椒炒大蜆呢碟係全晚最好o既一碟蜆真係好大隻又夠多蜆肉厚厚的幾抵食雖然唔係好夠鑊氣....上湯魚腐浸時蔬時蔬係莧菜魚腐係x海o個隻價錢唔係平成本極平唔抵食而且等左好耐先上檯下次唔會再要呢個小菜!星期日冇糖水送失望失望!!!每次黎呢到食都唔滿意呢到o既service希望可以好好改善!

早上空閒想到卓爾居飲飲早茶7時多到達場內以老人家居多沒有細檯唯有與一眾公公婆婆搭檯早茶有特價點心要了一碗柴魚花生粥、一碟娃娃菜先說柴魚花生粥，只見花生不見魚尚算大碗，足夠一個人吃粥有味道，不會像吃白粥不過價錢很平，$4.8!!娃娃菜比粥來得貴一碟只有兩棵$7.8一碟不知是否有蒜的關係有點辣，而且豉油頗多比較咸...晨早流流吃咸咸的東西非吾所願....埋單$18一人吃的早茶算是抵吧!途中加插一段侍應客人對罵片段全場震驚看來那位潮州姐姐已豁出去「搏炒魷」....阿姐心口果然有個「勇」字

星期二齋舖休息要轉移陣地食早餐。與媽媽心血來潮想飲個早茶太早，不用排隊就可入座。場內很多空桌子。被編排坐在四人檯一坐下就覺得凍冰冰發現自己坐在冷氣風口位置於是到知客那邊說要轉隔離的檯點知．．．「你坐低左就唔可以轉架喇喎」「但係我個位好凍」「唔轉得喎」（悔氣，唔休做的語氣）「．．．．．」明明隔離檯沒有人坐為何不能轉？不明所以！！！！而且說話時態度極差！激到一肚氣行回座位由於怒火中燒只點了兩個點心北京湯餃子一碗有三隻有幾條生菜伴碟餃內是豬肉及菜碎普通的餃子勝在夠平＄６有交易灼娃娃菜只有兩棵不過到酒樓吃菜．．不能期望會比家中多吧菜面有些炸香了的蒜粒令菜增添了一些蒜味＄８一碟埋單＄２０有找其實不吃也會飽吧受氣也受飽了！！！晨早被態度差劣的侍應招呼破壞情緒！平也沒有用！

很久都没有跟阿媽飲茶, 今日補番先, 其實每次見到這裡的日本MENU都很想一試, 話晒都未試過係廣東酒家吃日本菜, 今次即管點一個卷物$18的櫻花卷物賣相也不錯, 用料雖不是上等貨色, 只是蟹柳, 黃瓜青瓜等, 米飯都是日本米, 用來逗小朋友都尚可以的. 點心又是一貫的水準, 可惜選擇真的少之有少, 奶黃包的份量郤比一般的大, 雖不是流沙包, 但是味精也是不錯的. 特價的魚湯腐皮卷$4.8味道也不錯, 唯獨是湯底肥膩了點, 星洲炒米賣相很好, 可惜有樣無味, 淡到不堪, 而且油亦多到不得了, 真係食多會滯留招呼的阿姐依舊是十問九唔應, 每次叫人都叫到火滾, 真令人氣憤

坐上3時的飛機由台灣回港到達家中已經六時雖然飛機餐是我最愛的糖醋魚塊可是水準差勁而且很細不夠食回到家中肚餓得很急不及待想去食晚飯一家三口決定到麗都此酒家開張良久卻是本人第一次到此光顧晚飯家人知道這幾天在台灣的生活「艱苦」故點了四個小菜事實上這幾天飽得很只是今天沒有吃午餐所以肚餓...>鮮蝦什菜煲鮮蝦是炒過的味道不錯蝦殼脆脆的被我連殼吃掉!可是菜的份量太少愛菜如命的我不夠吃更莫說一家三口.....= =>上湯龍蝦蝦肉少以蝦腳為多不過$68...沒有什麼期望~算是不錯了蝦肉總算彈牙!>清蒸紅魚魚肉不滑可能是蒸得太久不過很大條三人吃份量剛剛好而且價錢便宜只是$48抵食之選!>蒸鮑魚一份有六隻我沒有吃因為飽了媽媽說不錯不過眼見隻隻鮑魚都大大隻~而且肉頗厚~$38算抵食吧!飯後有紅豆沙作甜品不過廚師太重手味道過甜不合我口味~

昨晚與高人(朋友稱我的妻子別號，因為她時常去練功。)兩個人去屯門麗都吃晚飯。因中午時我只是吃了兩個麵飽，所以當時很肚餓及看到餐牌上的價錢頗便宜，故令我很快就叫五個餸菜：1.墨西哥义燒餐飽($18)-----很好食及新鮮熱辣，原本是一碟四個，現另加送兩個。2.涼瓜炆班腩($48)-----好味道，高人都話正。3.金磚燒味拼盤($48)-----材料都好新鮮，好食。4.美極游水中蝦($58)----蝦是雪藏的，何來會游水呢？建議餐牌上游水兩個字要删除。5.沙羗雞腳($22.8)-----都好食，但不知何解定價有碎銀八角，是否好意頭呢？兩個人食五樣東西，故食得很飽，並要包起四個餐飽。

很很很久沒有到此處飲茶因下雨的關係今天一家三口決定到鄰近的酒樓落腳午市時間也沒有太多人要了粟米石斑飯+郊外油菜+香煎紅豆糕+香煎芋絲餅+麥米粥粟米石斑飯($38)很大碟不過斑塊太厚粉炸得不夠脆勝在飯份量夠多吃得飽郊外油菜($13)不值如圖所見太細碟不夠吃.....香煎紅豆糕忘了價錢一碟有四件煎得不脆味道太甜紅豆令糕增添不少口感但不合我口味香煎芋絲餅最滿意的一碟點心芋絲餅煎得香脆十分好吃!!!條條芋絲都煎到脆脆的吃進口裡是滿滿的芋絲味~很喜歡~而且只是小點~推薦啊!!麥米粥不是太大碗味道不太甜麥米量多每一啖都充滿麥米算是不錯~