麗都軒

營業中

休息中

汀九青山公路帝景酒店內的餐廳，疫情時曾經是檢疫酒店的它，完成任務後，也曾電話查詢它的狀況，給我的感覺是高級的茶餐廳。酒店開業初期它是正正宗宗的西餐廳，加埋在周末有環球美食自助餐吃！幾年之後它轉型為中菜廳，點心都唔錯，疫情初期，它的公關還送我口罩套！今天2024/07/01忽有閒情逸致從荃灣西的家步行了兩公里，試吓“新嘢”！果然，可以參看餐牌，都算有不貴的中西菜式或意粉，煲仔蒸飯，可惜有點不倫不類，有沙律菜，有中湯跟中菜，卻沒有任何“西湯”，可能想貼地，弄了幾款“麵點餐”，是用公仔麵，卻有“牛角包”跟餐，真的奇奇怪怪！最後兩人點了一個香煎牛舌蕃茄“寬條麵”改了意粉；及太太叫了一個黑松露醬薄餅，兩款食品都過不失，還是那一句，大好的酒店西餐廳，降格到倫不類的高級一點的茶餐廳！

#帝景酒店 🏨秋日「蟹」逅 至臻‧大閘蟹晚市套餐 🦀【至臻‧大閘蟹晚市套餐 】🦀🥒蔥油海蜇頭‧蟹皇醬脆茄子‧藍莓淮山蔥油雞食得多，配上海蜇的確新鮮感，咋過嘅茄子配埋蟹黃醬，非常香口！藍莓淮山組合酸甜隔壁！清新開胃😉 🍲蟹粉龍皇海味燴拉絲燕液矜貴燕窩伴蝦肉和帶子熬煮成滋潤海皇湯羹，加入蟹粉、海參絲和花膠絲，鮮香十足，入口啖啖海鮮燕窩，百味俱全。 🍤珊瑚蟹粉芙蓉蝦球經典粵菜芙蓉蝦球配上蛋白清蒸成嫩滑芙蓉，口感嫩滑😋，面頭有多一層鮮味無比的蟹粉精華，剛從口感，味道層次豐富，非常鐘意呢道菜！🐔麻辣蟹粉手撕雞鮮甜蟹粉配上麻而不辣嘅手撕雞，加上青瓜做伴😍好夾！🦀紫蘇蒸江蘇大閘蟹 (每位公蟹一隻 / 每隻約四兩半)每隻都選用足四両半重的江蘇大閘蟹，配上紫蘇葉以傳統清蒸煮法炮製，利用蒸氣將肥美鮮甜的大閘蟹慢慢蒸熟，保留其原汁原味的蟹膏精華及蟹肉鮮味😋😋 🥟蟹粉小籠包一口食下，鮮甜無比嘅醬汁在口中打滾😍😍🍚蟹皇醬荷葉飯每粒飯都入味，太過分！面頭同樣有動人蟹粉醬，多一個我都願意食😝 🍡三色藜麥芝麻湯圓薑母茶食完蟹要暖翻個肚，演唔少得薑茶，仲加咗藜麥實在夠曬健康又特別😉

在荃灣找地方坐下消磨時間，來這間散叫點心。本身無乜期望，但今次有驚喜！可推薦大家去食：窩夫春卷，個外層一格格又脆又好味，份量足。鮑魚酥：好大隻鮑魚（寸幾兩寸左右長）個tart好脆又好味，$88好抵食。燒賣：好味，面頭有黑松露脆炸奶：ok蝦餃: ok混醬腸粉：ok叉燒包：不行（唔好食）麻辣牛肚:不行 (唔夠熱、份量少）

今日同老公去咗麗都軒食午市點心放題，試咗好多唔同嘅點心、小食、甜品等。覺得每樣都唔錯，唔會因貨就價。我哋已經係第三次到麗都軒午餐，之前仲試過佢嘅套餐，覺得性價比好高，枱櫈擺得闊落，坐得好舒服。而且服務員服務質素唔錯，有禮、主動幫忙收碟和沖茶。

麗都軒位置前身是西餐廳，幾年前都嚟食過自助餐。今次看網上食評介紹，先知道轉咗做中菜，有點心放題，就去試吓😀星期六、日，每位送女兒紅酒香鮮鮑魚、花膠灌湯餃。鮑魚夠淋，但唔夠酒味。灌湯餃用的似是懷舊餡料，未算豐富，上湯清甜日本柚了窩巴蝦球窩巴好脆，蝦球大隻爽口，配淡淡的柚子汁，值得添食蒸嘅點心普普通通，買相一啲都唔講究！炸物比較好，全部都好食！炸雲吞餡料係素菜，點芒菓醬，好味又有新鮮感蝦多士可能細細件，食落唔覺油。最差就係呢個七味黑芝麻黃金豆腐豆腐雖然炸得脆，但太鹹，食唔到，已向侍應反映鎮江糖醋小排骨酸甜味淡，應該要醃耐啲先入味其他小食、飯麵都係一般，叫一份兩個人食會太飽。甜品楊枝甘露唔錯，個較杰。雲石椰汁糕唔甜、冇乜椰汁味同黑芝麻味。

提前三日預定及付全款有折扣，住客正價餐牌都有折。餐廳裝修佈置好一般，唔似酒店feel。職員服務都唔錯。前菜同窩巴蟹粉煎焗元貝最好食。酒釀雙耳煮雞鍋，雞肉爽口，正。大閘蟹單點$98隻，膏都算多。其他一般。亞麻籽黑糖薑母茶湯圓，湯好難飲，湯圓係芝麻湯圓好食。

這餐廳裝修並不金碧輝煌富麗堂皇，但座位舒適，亦都10分乾淨衛生，枱與枱之間有足夠嘅空位，帶小朋友放BB車甚至老人家都完全冇問題! 服務員有禮貌，亦10分誠懇，值得一讚！食物方面，點心雖然選擇唔多，但用料上乘，味道及擺設盡顯廚師心思，推介蘿蔔絲酥餅，外脆內軟, 蘿蔔充滿甜味熱辣辣食完好想再食！廚師推介鹽香雞，雞皮烤得脆脆，雞肉嫩有雞味也juicy, 連雞胸我哋都唔放過，兩個人四個點心半隻雞食得快樂無比! 蕃茄湯牛肉球，聽落好怪，但甜美嘅蕃茄湯跟牛肉球成為絕配，比傳統山竹牛肉球點喼汁來得更加天衣無縫，極like! 極力推介甜品棗皇糕，香糯軟滑甜度啱啱好，連我不喜甜品的丈夫，也吃得津津有味！酒店提供停車場，消費350元便享兩小時免費泊車，超值！從酒店行出沙灘只需8至10分鐘，吃完仲可以欣賞海旁美景，下次一定會去試佢嘅晚餐，然後再同大家分享！

你地鍾意中定西嘅下午茶呢❓Ⓦⓗⓨ ⓝⓞⓣ ⓑⓞⓣⓗ ⓐⓡ🤣中西合璧嘅afternoon tea💕滿足晒個味蕾😋😋加埋呢間環境清幽嘅帝景酒店可以靜靜地享受下❤️❤️—————————————————中式美點：紅菜頭蝦餃、野菌南瓜仔、雞粒白兔仔、比得兔松露素包、甘筍仔鹹水角、比得兔流沙包手工甜點：一大粒朱古力比得兔、紅桑子蕃茄白朱古力慕絲蛋糕、櫻桃杏仁奶布甸、香蕉豬古力撻、太陽花馬卡龍棒棒——————————————————美點我最鍾意「甘筍仔鹹水角」鹹水角外脆內軟，好煙韌甘筍仔唔係得個樣仲有淡淡甘筍香味👍🏻👍🏻——————————————甜點我最鍾意「紅桑子蕃茄白朱古力慕絲蛋糕」外型係好可愛嘅蕃茄仔🍅蛋糕仔內有紅桑子軟心好Q彈☺️☺️慕絲蛋糕好滑😋😋———————————————咁多款美點甜點，整體不錯！唯獨「比得兔松露素包」我真係唔識欣賞，包面有陣怪味🥺

今晚又同朋友黎帝景酒店食飯啦! 帝景酒店之前都黎食過幾次, 都係由朋友介紹, 先知原來黎間酒店既食物都做得十分之有水準, 由其酒店社交平台講之前提供自助餐既餐廳轉做中餐, 就即刻同朋友黎食飯。餐廳入面既裝潢跟之前自助餐既裝潢分別唔大, 好好彩, 餐廳提供左近窗既位置, 一面用餐, 一面欣賞日落, 真係好令人賞心悅目餐廳經理知我地第一次黎, 推介晚市套餐俾我地, 我地揀左貴少少$428果個DINNER SET, 因為入面D菜式好吸引, 又有花膠, 蟹蓋, 鵝肝和牛等既菜式。首先就係一個前菜PLATTER, 有純米吟釀鮑魚, 黑金沙豆腐同埋胡麻醬無花果。鮑魚真係十分之入味, 入口有淡淡酒香, 又食得出鮑魚鮮味, 好出色。黑金沙豆腐有層黑色既脆皮包住軟滑既豆腐, 口感特別。無花果同胡麻醬好夾, 自己本身好鐘意食無花果, 又鐘意胡麻醬, 所以非常滿意呢個配搭, 無諗過可以係一間中餐廳食到呢D比較西式既菜式。之後就食菜膽羊肚菌燉白花膠, 塊花膠真係好厚好大, 絕對值回票價, 燉湯飲落去好濃郁, 飲得出廚師落足材料去燉, 飲完都覺得補充左D骨膠源再黎就係花雕蛋白煎元貝玉帶，個蛋白表面非常平滑, 入

我自問對食物及服務要求很高，今晚的麗都軒不但沒有令我失望，更使我滿心歡喜。今晚點了三道菜，其中兩道是廚師推介- 薑蔥粉絲蟹煲和蟲草花蒸斑頭腩。蟹煲裡的粉絲和蒜頭均滲透了蟹肉的鮮味，飯也不自覺吃多了。而蟲草花蒸斑腩簡直令人一食難忘，魚肉既嫩且鮮甜，食材非常新鮮。素菜方面，我點了一客養生桃膠杞子浸時蔬，菠菜味濃郁，配上很有嚼感的桃膠，這是一道「健康有營」的菜式。最後再 encore桃膠，點了一客圓肉燉桃膠的甜品作「總結」，今晚實在很有「幸福感」，我要捧著肚子難開餐館。此外，值得一讃這裡的侍應，他們永遠在適當的時候提供協助。因此，我會對此店説：”I will be back !!!”

上星期係帝景酒店 Staycation，見佢全新中菜廳「麗都軒」新開業有8折優惠好吸引😍，就決定留番係度食晚餐喇~ 麗都軒位於酒店2/F，即係平時食早餐的位置，好方便🙌🏻。 食物可以散叫小菜或點心，不過見到有個「享譽」晚市套餐食物幾吸引，又唔係太貴每位$298，叫做有6道菜+甜點，都食到飽飽咁離開架😏。 今次真係有驚喜！食物不論外觀、食材、味道都做得好好，新開業8折值得一試👍🏻。《享譽晚市套餐 》🍲盛典類似餐前小食，包括櫻花蝦香脆茄子、冰藍梅鮮淮山、水晶肴肉 ，食完都幾開胃~🍲高湯干貝燴花膠羹滿滿的干貝和花膠，好足料🤩~🍲日本柚子醋窩巴脆蝦球賣相已經吸引，香脆窩巴加上彈牙蝦球，非常有口感，配上柚子醋酸酸甜甜好開胃滋味~🍲荷香花雕滷燉和牛面頰牛肉好嫩滑，醬汁好足夠，食落口好juicy又惹味😋 🍲靈芝菇小雲耳泡津膽食完重口味，食番清清地嘅菜消下油膩感不錯🍲荷葉古法豚肉香苗好香荷葉味道，豚肉粒都幾多，口感好豐富~🍲甜點糖水裡面有桃膠、桂圓，唔會好甜，清清地不錯

最近一直見有人推薦這間中菜既點心所以專程嚟試一下我們三個人點了九款食物芝士蝦春卷芝士味十分濃蝦非常爽口 皮都很脆但唔知點解食起嚟好似唔係好夾咁蘿蔔絲酥餅熱度十足好多蘿蔔絲 非常足料上湯牛肉重重既果皮味 非常不錯有啲蘿蔔墊底 非常淋 好味😋七味黑芝麻豆腐粒$68有啲貴 質素同普通酒樓差唔多蝦餃既餡非常爽口 味道好但皮稍嫌厚小籠包熱㷫㷫 但湯不夠而且裡面既肉太淋川味麻辣金錢肚我覺得係呢餐最好味既有啲花椒味少少麻鳳爪用咗南瓜🎃墊底味道唔錯乾炒海皇河粉炒得幾乾身 只係海皇比較細粒蝦係爽口嘅 如果原隻會更佳

新年前在社交平台見到這食店賣告白，這裡由西餐改為中菜廳。今天是年初二，正好有機會同家人品嘗一番。在幾日前訂了位，他們在年卅晚用What's App確認訂座而且傳來點心單。抵達後，座位被安排在落地玻璃前，可以看到麗都湾全景。各種點心精緻好味，我太太特別喜歡那細細的咸水角。它們的人手少見的十分充裕，所以不斷的為客人添茶加水，本人欣賞他們的殷勤。只有一點不足是菜單內沒有义燒包之類及腸粉類供應，可能它們剛轉了菜式，未有聘用此類師傅。

住開呢頭，純粹果日見到GoTrip個post,今日過去試下……試完有驚喜！以後附近飲茶又多個選擇……唔洗出九龍都有高質手工點心🥰環境、服務好好、侍應不停主動斟茶！蝦餃好正、皮薄餡靚(有足3隻蝦) ! 牛佰葉好淋、好入味！試業仲有八折！二人五個點心，盛惠$204...性價比高！部長仲送左三件年糕俾我哋！正！

疫情沒完沒了，餐廳都要想辦法轉型自救。近來晚市二人限聚，餐廳入座率也有限制，令做自助餐的餐廳難以控制食材的選擇及數量。原本以做自助餐的帝景軒，俏悄轉型為以中菜為主的麗都軒（但現階段仍有西式食品可供選擇）。身為酒店的中菜廳，服務自然有一定的品位。例如倒茶，換碟，收盤子等都不用自己動口，侍應見微知著，自動波為客人服務。茶壺亦會有火爐溫熱著，保持茶的溫度，又是加分位。由於是試業期，現階段供應兩款午市套餐，慢慢會推出更多菜式。我們選擇了午市套餐-悠然（$158)黑松露鮮菌餃餃皮摺疊成正正方方的形狀。餃皮晶瑩剔透，薄得透光，可以清楚看到餡料，皮薄煙韌。黑松露下得多大方，香氣四溢，加上菌粒，香氣加倍。脆香海膽春卷春卷餡料以蝦，海膽為主，第一次食熟的海膽，味道比較像蛋黃，海膽原本的鮮味好像流失了不少。小妹愚見，如果海膽可以不經烹煮，另外呈上好像更不錯啊！ 而且春卷好像擱了一陣子，外層不夠脆。蔥油海蜇頭有三大塊海蜇頭，口感爽口彈牙。平時海蜇多以麻油作調味，以蔥油作調味是上海式的做法，我還是第一次食到，味道鹹香，跟海蜇也挺匹配。金粟海參蛋花羹簡簡單單的粟米羹都要加入海參，不會待薄食客。粟米羹味道香甜，味