影片
營業時間
今日營業
10:30 - 23:30
星期一至日
10:30 - 23:30
以上資料只供參考, 請與餐廳確認詳情
相信有唔少人同我一樣，有海港城嘅食飯券，行到呢一間雲吞麵嘅時候都見到有唔少食客，而且雲吞味好香，因為有coupon所以會入去食。 一碗雲吞麵大約五十幾蚊左右，自己一個食嘅話要加兩款餸先湊夠100蚊 ,可以用券。我叫咗個雲吞麵，加水餃，加牛腩。其實面嘅份量唔多，加嘅牛腩有三嚿，雲吞加埋水餃應該有五六嚿。 其實真係幾好食，平時我唔食鹼水雲吞麵，我都覺得呢碗好好食，同埋個牛腩都煮得好入味，好腍。 問題就係個份量太細，講緊$100一碗粉，如果喺出面嘅話應該飽到嘔，而且會有嘢飲。 性價比唔高。依加我係岩岩好，大約 7成飽 , 講緊我係已經加左 2個餸 如果冇券，應該唔會再食下一次。
繼續閱讀
一直聽到呢個熟悉的名字，好像很多本地/ 國外的人都會慕名而來，今日LUNCH和同事一起過來試試，在外門等了一會就進去，如果你喜歡湯麵，一定要去這家餐廳！他們的麵條煮得彈牙，湯頭鮮美。簡單的配料卻能展現出最正宗的味道。店內環境舒適，碗麵的確精緻，絕對是一個值得一試的地方。
繼續閱讀
🍜 嚟嘅時候肚子咕嚕咕嚕叫，一坐到位就點咗個招牌雲吞麵。啱啱好，湯頭熱辣辣嘅上嚟，先嚟個深呼吸，個香味已經十足喇！湯頭我話嘛，清甜得嚟微微嘅鮮味，啖啖都係滋味。麵條走住有勁，掂掂哋，好彈牙，真係一絲不苟嘅工夫。啲雲吞唔大隻，但係每粒都包住爽脆嘅鮮蝦，咬落去彈性十足，個人覺得好正！🦐😋 至於旁邊埋單嗰碟鮮嫩嘅芥蘭，又係重口味嘅好拍檔，啲葉脆卜卜，啲莖又軟熟得嚟唔失綠色，好夾雲吞麵喎。唔多唔少，食嗰刻真係淋到嗲，啲味道，啲色澤，啲口感，嗮樣嘢湊埋一齊，真係值得讚個口好！🍽 然後豬手麵呢，就稍嫌平平，響味上比不上雲吞麵，來的重口味一些，俾我話，就畀雲吞麵嗱嗱聲蓋過去喇。不過，我諗，對於價錢同份量呢方面，你要心裏有個準備，真心是細細碗，味道雖好，但食完咪又餓，買兩碗可能先至掂！總之，嚟嘅時候肚餓，走嗰時候心滿意足。雲吞麵真係好食到擰！但梗係一次過搞掂兩碗啦，齋嗰一碗誠實講，吾夠分量架喎。👍
繼續閱讀
個人對食物、環境、價錢都冇咩意見。因為一位員工落單時既態度惡劣，只當中伏食一次。本身有日本同事黎想試下雲吞麵，於是黎左食。點知個伙記既語氣好似阻佢收工咁。多謝依位員工，俾我同事知道香港人既工作壓力。4百幾蚊4位，唔期望有尊貴待遇。但都唔期待俾人當殺父仇人咁。 好彩事後有其他餐廳展現到香港人好客既一面。如果店家見到，希望伙記果日如果心情有問題就俾佢休息一下。飲食業請人難，用咁既人我都明。如果你係想去試下雲吞麵既人，我個人建議你食過第二間。
繼續閱讀
分量比預期少，味道一般，其實是比以前差好遠。留意付款小心。我用手機八達通，要掃他的付款QRcode, 我支付了，但店員半秒已說我沒有支付，還說我沒有正確掃QR,要求我再支付。語氣怎樣不用說。我明明見到我八達通已經扣錢，他堅持說沒收到。我差點再支付，我費事為咗幾十蚊企喺嗰度，最後比我見到佢嘅裝置，已收取費用！電子支付有時間銀碼，我還是要大聲話，我有記錄支付時間，要大番佢！但係佢個QR Code 沒有商戶名，支付記錄只顯示「taxi/small medium sized mechant), 所以佢可以係咁話我冇付款！
繼續閱讀