麥田冰室

營業中

休息中

白鱔煲仔飯是一道具有獨特風味的美食，但可惜的是白鱔的份量通常比較少。這道菜以新鮮的白鱔作為主要食材，白鱔肉質鮮嫩滑爽，融合在煲仔飯中。煲仔烹製方式使飯底部形成金黃酥脆的焦糊，為這道菜增添了獨特的風味。而味菜炒鵝腸則是一道味道濃郁的美食，非常受人喜愛。這道菜以鵝腸和味菜和三色椒作為主要食材，鵝腸質地韌勁十足，經過炒制後散發出濃郁的肉香。味菜的清爽和微甜與鵝腸的風味相互融合，讓這道菜帶來豐富的口感和美味。然而，需要注意的是，鵝腸可能帶有一點腥味，這是因為它是鵝的腸道部分。雖然有些人可能對腥味不太喜歡，但對於喜歡濃郁風味的人來說，味菜炒鵝腸仍然是一道非常美味的選擇。總體而言，白鱔煲仔飯和味菜炒鵝腸都是廣東菜中的經典佳餚，各自具有獨特的特色和風味，值得一試。

啱啱去完「麥田冰室」開餐，嘩！講真，呢度打邊爐，稔意得滯！咖喱牛腩超級入味，啖啖肉嫩滑得嚟又唔會太膩，啖啖正。薑蔥炒蟶子嘅鮮味就完全冚唪唥，蟶子彈牙，薑蔥香撲鼻，食落口陣陣暖笠笠嘅感覺🥢。至於個絲襪奶茶呢，就真係得嚟平民價錢高貴味道，香滑得滯，做工一流。再講吓甜品，佢哋個木糠布甸同熱紅豆沙都係正宗港味，尤其個木糠布甸香脆得嚟又唔會太甜，一啖接一啖咁。至於個熱紅豆沙就順滑得黎，又唔會太甜膩，冬天食個熱甜品，真係溫暖晒心房🍮。整體嚟講，呢度嘅食物質素與價錢比例，真係相當抵食！環境同服務都算OK，下次同三五知己再嚟蹭蹭一餐，肯定唔會失望！👌🏼🍽️👍🏼

第一次食呢間餐廳嘅早餐，估唔到除咗蛋包飯好食之外，其他質素都唔錯雖然嗌嘅嘢冇乜特別，但係都感受到個出品質素幾好餐廳名稱：麥田冰室餐廳地址：荃灣荃景圍87-99號荃灣中心一期商場UG樓S1-G號舖

話說之前幫襯過麥田冰室一次，老婆大人對佢嘅日式蛋包飯讚賞有加，有時經過都話想去食下，咁啱撞正有機會喺附近同佢一齊食飯，決定入去食多次今次入到去，小弟決定食返傳統茶記嘅出品，叫咗一份梅菜扣肉飯；老婆大人就繼續佢嘅蛋包飯，叫咗個雞扒蛋包飯梅菜扣肉飯食落味道一流，小弟一啖接一啖食到停唔到口，話咁快就掃晒成碟梅菜扣肉飯雞扒蛋包飯就一如既往嘅高質，近乎完美嘅炒蛋，加埋啲日式燒汁，簡直絕配餐廳名稱：麥田冰室餐廳地址：荃灣荃景圍87-99號荃灣中心一期商場UG樓S1-G號舖

搬咗去荃灣一段時間，路德圍嘅嘢食就幫襯得多，荃景圍嘅就比較少。咁啱約咗太太喺荃景圍，決定一齊共進午餐，試吓附近啲嘢食。兩個人行入去，職員好有禮貌咁樣帶我哋去卡位坐低，諗住一般冰室，自己心入邊期望不大，不過不失，價錢相宜已經稱職。拎起餐牌睇吓有咩套餐，叫咗一個一般茶餐廳都有，應該問題不大嘅蘿蔔牛腩飯；老婆大人就進取啲，叫咗個和風蛋包飯，諗住試吓有咩特別之處。落完單之後過咗5分鐘好快已經整好晒，蘿蔔牛腩飯水準中上，至於老婆嘅蛋包飯，不論賣相質素都係上乘之作。食完之後，我哋心滿意足咁樣決定日後喺附近用膳嘅話都會優先考慮呢間餐廳。餐廳名稱：麥田冰室餐廳地址：荃灣荃景圍87-99號荃灣中心一期商場UG S1-G舖

荃灣廣安醫院附近有間麥田餐廳，今早要過來辦點事，就打算在附近是但求其吃早餐，鄰近有間麥田冰室，來個簡單早餐。豬扒煎蛋多士$36~豬扒煎得夠乾身，兩件多士，兩隻煎蛋，由於當日中午會早飯，份量少少哋，唔使太飽。最特別的就是這隻咖啡杯，茶杯好卡通，食店用上凍飲的匙羹，比例好攪笑，長長的，要小心謹慎攪拌完後立即放好，否則一不小心，長長的匙羹會弄瀉⋯⋯上次到來，飲熱飲同是用這長匙羹。有趣的地方是，銀色的杯子，質地相信是不鏽鋼吧！杯拎起的，初初以為是保暖作用，了解一下又唔似喎⋯⋯總之就樣子可愛，不是一隻普通的咖啡杯啦，為何要分開，真是耐人尋味。整體來說:由於一人打理，配餐需時，如唔趕時間的話，靜靜的，無人打擾吃早餐都算是一件樂事。

做野經過幾次，見有時間就去食左個早餐，野食來到睇落係好夠味同埋用出前一丁，仲有比埋粉同麻油，睇牛個份量係足料既，就撈勻d牛食左啖發覺唔對路，完全係無味，食多兩啖都係攪唔掂有牛有色但係淡到近乎無味，好似人地開粉兌水兌得太多淨係補色唔足味咁，唯有落埋跟餐包粉同麻油當食原味出前一丁，多士足一塊但係牛油係勁騷，食左半塊食唔落，火腿奄列就正正常常既份量同味道成個餐食完我只係可以講句，價錢合理但係味道完全唔掂

熱辣辣即炒鑊氣小菜今晚一家四口選晚市家庭套餐B,一款海鮮,兩個小菜 (三人套餐$188) 「西蘭花炒東星球」(Stir Fried Leopard Coral Fish with Broccoli )（$128) 係額外柯打,鑊氣勁！👍無骨啖啖肉好新鮮😋每日供應有限手快有手慢冇「豉油王煎海生蝦」🦐好新鮮👍炸到啱啱好唔油膩,香脆好滋味加埋大量蔥花食到停唔到口「水煮牛肉」(Sichuan Boiled Spicy Beef) 材料豐富,我哋揀咗中辣,啱啱好唔會太辣,鮮牛肉味濃郁麻辣有層次感似正宗四川味道,正！「菠蘿咕嚕肉」SWEET & SOUR PORK with PINEAPPLES🍍🐷🐖一上碟流口水酸酸甜甜好惹味超開胃,肉質香脆內軟大大件炸得唔會厚漿,加菠蘿🍍紅、青椒洋蔥撈飯正呀,小朋友至愛跟餐送絲苗白飯、老火湯同凍飲,免加一 埋單$316 超抵食諗緊餐廳應該會蝕本响「麥田」有家嘅感覺餐廳內外整潔✨軟座舒適,五星級🌟親切週到服務.一家人開心難忘的一餐,感謝麥田,以後一定會繼續幫襯！

【外賣早餐都咁出色！「經典早餐B」沙爹牛肉出前一丁配火腿奄列,牛油多士,凍奶茶】今日早餐較滿座所以買外賣,沙爹牛肉好香惹味 即烘熱辣辣厚多士,牛油味十足外脆內軟凍奶茶🥤味道適中,保持水準. 免費轉出前一丁,非常抵讚！出面大部分茶餐廳一丁麵要額外加錢. 麥田堂食同外賣丁麵既味粉,麻油另上可隨意落. 成Set好味道分量多好抵食一個開心滿足嘅早晨【Breakfast B: Satay Beef🐮Demae Iccho instant noodles🍜 Fried Ham Omelette🥚with Butter Toast is really deliciousset with Cold Milktea $35 only👍

新鮮即炸入口熱辣辣薯條🍟最愛佢波浪紋SIZE啱啱好唔會好似其他連鎖快餐店太幼. 大大條薯味濃郁,炸到色澤金黃啱啱好香脆有質感唔油膩！超好味！好出色！最抵讃係上鋪滿胡椒粉超 調味很好🤤😋完全無越食越油膩感覺加埋茄汁絕對係Perfect Match‼️一條接住一條停唔到口 $18蚊好抵食一碟絕對唔夠飲埋杯冰凍奶茶好爽呀簡單下午茶好滿足餐廳內外整潔乾淨 餐廳座位多,軟座舒適,上餐效率快,五星級🌟🌟餐飲服務,友善員工、老闆同廚師團隊.

今日食下午茶「T12迷你乾炒牛河」即炒熱辣辣,牛肉🐮夠厚口感嫩滑爽口,河粉充滿油香炒得乾身夠鑊氣(Wok-Qi) 唔油膩唔會成口油！加上洋葱等整體味道啱啱好,配埋辣椒醬好惹味好滿足成碟清曬熱奶茶超大杯,36蚊價錢貼地非常感謝老闆娘 知我平時冇湯水飲,突然送上熱辣辣愛心「紅蘿蔔粉葛老火湯」纖維豐富,清甜美味抗疫清熱去濕食物美味,人情味濃更難得🤗家的溫暖餐廳內外裝橫光猛整潔乾淨軟坐舒適Stir-Fry Sliced Beef Rice Noodles with spring onion, a robust meaty flavour

屋企人之前買過外賣。味道几好。值80分。今晚帶阿媽阿妹一起去食晚餐。環境乾淨整齊。卡位多，又寬落。沒眼花，68蚊薑葱蠔，68蚊炒花甲好肉沒沙。蒸蛋又滑又好味。半價43蚊有碟避風塘炒蝦 。其它茶餐廳食開都要80几先有飯有湯有凍檸茶。呢度68蚊就有。未食過咁抵食。味道几好。下次再嚟。服務態度好好。

每次在麥田進餐有「家的溫暖」軟座坐得舒適,友善的員工、老闆廚師,喺呢度第一次食午餐梅菜扣肉飯 (BRAISED PORK WITH SALTED VEGETABLES) 有另一種浪漫熱騰騰一上碟已經流曬口水色澤誘人,炆得鬆軟的腩肉,肥瘦梅花間竹,層次分明,唔會切得太厚,肉香撲鼻,鮮味有咬口,肥而不膩入口即化墊底的梅菜飽蘸了肉汁,甜甜香噴噴,吸收了五花肉油脂,絕對是撈飯好選擇,成碟飯清曬,食完仲好掛住,扣住人味蕾,扣住難忘的情懷,舌尖上的尤物,45蚊超級抵食！

抗疫足足年幾帶住個歲幾小朋友已習慣成日要買外賣返歸先可以食餐安樂茶荃景圍呢頭勁多小店單要填飽個肚唔難但想好食都要用心搵一搵呢個麥田開咗之後住附近朋友話個個星期都幫襯一次呢日陪佢一齊試試叫咗2個小菜餐埋單大約$121跟咗例湯同大大盒白飯西檸雞係我至愛小菜之一最怕勁厚粉同個汁太酸呢間唔錯喎﹗個汁酸甜度適中雞真係剛剛炸起脆卜卜唔太厚粉撈飯實在一流甚少會叫茶記蒸魚外賣估佢唔到好食喎﹗唔會蒸到過老，啖啖肉豉油應該有調配過，食到停唔到口難怪有咁多回頭客啦

經過好多次,以為食物平平無奇,今日第一次幫襯麥田冰室,餐廳內環境乾淨,座位多有大電視,侍應服務好. 試下午茶餐, 西多士竟然好有驚喜上枱快速,目測超過兩吋厚!賣相好吸引超開心,金黃燶邊有雞蛋香,內裏足料花生醬有口感,食落四邊香脆,中間軟甜牛油加糖漿完美搭配,整體唔會太油膩, 27蚊連免費熱飲真係性價比高喺荃景圍從未食到咁高質出色嘅西多士以前食過好多間茶餐廳包括快餐連鎖店極度唔抵食,以後食西多只會去麥田冰室. 另外食咗下午茶迷你乾炒牛河餐,有誠意厚身牛肉,36蚊包熱飲 又係抵食飽肚之選,餐牌仲有好多唔同選擇,晚餐有雞煲,用心經營嘅茶餐廳,超級推介以後一定會常來幫襯