麥當勞

營業中

休息中

又到咗十蚊九件麥樂雞嘅優惠啦～ 今日一放工即刻同同事去食十蚊九件麥樂雞嘅優惠。 本身怕麥當勞入面會好多人，要等好耐， 但係竟然有位坐，非常開心。 點單過程順利， 麥樂雞出餐速度都算快。麥樂雞夠熱夠脆， 數量正確～

次次幫襯無論叫咩餐 薯條都唔會裝滿或者係得一半😀已經試過幾次攞完即刻睇都係好少 跟住入去叫佢再比多啲點知下次又係咁少。。。下次再幫襯都特登加大薯條點知又係比唔滿😅唔知係因為外賣自取嘅原因所以比咁少定係規矩係唔會裝滿？麻煩改善下 裝薯條裝滿啲裝好啲

今朝早咗出門口，於是喺屋企附近間麥當勞食咗個早餐，飲咗杯咖啡。麥當勞嘅即磨咖啡，不嬲都性價比高， M記價錢Starbucks嘅質素。$20就有豬柳蛋漢堡同一杯咖啡，真心覺得好抵！仲要杯咖啡係高質！點知嗰日飲完之後，先發現M記嘅即磨咖啡原來已經停止供應。我表示很傷心，唔係間間都有McCafe咖啡，同埋價錢會貴咗好多！咁我不如去買返茶餐廳嘅熱咖啡好過啦！講返今朝嘅早餐，咖啡唔知點解沖到好滿😂好似賣大包咁

終於有時間可以試到呢一個榴槤麥旋風！咁啱行過有甜品站，所以即刻排隊買返個榴槤麥旋風☺️由於我自己比較鍾意食榴槤，所以係叫嘅時候諗都唔使諗就最夾咗一份榴槤。😍都食嘅時候，見到咁多榴槤喺雪糕入邊都已經充滿期待，聞起上嚟都好香嘅榴槤味！如果對榴槤冇乜興趣嘅朋友就唔好啦😆食嘅時候都有榴槤嘅味道，唔會話太化學味。但由於我再叫多一球，5知係迷因為感食起嚟就比較甜。如果你哋想食嘅話，可以先試左原本嘅份量，如果唔夠嘅話先至再加會比較好

(English review below)今年，麥當勞甜品站洗心革面，認真養殖珍珠（誤），一洗地獄珍珠奶茶之名，搖身一變成爲奶茶中珍珠的王者。不過這間分店破壞了今年辛苦建立的水準。可惜，可惜。早年麥當勞推出珍珠奶茶的時候，大部分食客都發現所謂的珍珠都結成餅塊狀/及肝硬化，震懾四方。今年發現麥當勞竟然推出珍珠奶茶系列的雪糕，我不知為什麼發神經身先士卒，竟意外發現奶茶雪糕有港式奶茶的香甜，珍珠爽滑彈牙，不禁驚嘆地獄折返人間的神奇感覺，一試難忘，完全上癮地不停見到甜品站就點這款珍珠奶茶新地，賴以爲生。在其他分店吃到的，都是超水準之作。作爲大型連鎖店，麥當勞既然把握到處理珍珠的方法，理應就要令各分店都做出相同水準。失望的是，這間甜品站十成十一遇上管理問題，沒有跟足既定程序製作珍珠吧。雖然奶茶雪糕有一貫的奶茶味，但作爲靈魂的珍珠就外强中乾，快達到肝硬化末期，實在神仙難救也。梅菲定律看來真的好難逃得過，就算養兵千日，都可以千年道行一朝喪，真的慘絕人寰……吃完后，還有個觀察，就是店裏擠滿人點正餐，但甜品站就不見人排隊。不知道是不是這裏的街坊吃過這個甜品站的珍珠奶茶系列，都黑名單了它呢？RAP, 阿

話說放工行過有少少口痕，平時最鍾意飲珍珠奶茶嘅我見到麥當勞竟然出咗珍珠奶茶口味嘅雪糕😂咁當然要即刻試吓啦，我叫咗黑糖珍珠奶茶麥旋風$14.5雖然見到外表好似好搞笑咁，啲珍珠鋪喺面😂但係食落口有奶茶嘅味道～仲有啲點點應該係曲奇碎😍 溝埋一齊真係好正～跟住再食埋佢啲珍珠，跟住就冇咩特別都係一般嘅珍珠，不過個雪糕好有張力，同平時食嘅雪糕有啲唔同🤣好岩我口味！我就即刻介紹比朋友同屋企人食🤣不過細佬就話甜咗少少😂我依然愛吃🙌🏻

屋企樓下就是麥當勞，常常都幫襯，麥當勞早前推出左Hello Kitty套餐禮盒，覺得好特別，重拾童真的感覺，決定買一個套餐試吓，套餐入邊有原味炸雞及蜜糖烤雞各兩件，六件麥樂雞，扭扭薯條一盒，一個蘋果批，一個紅豆批，仲有兩杯可樂，由於係新年期間，仲送埋利是封添。原味炸雞質素都唔錯，外層香脆內裏嫩滑多汁，蜜糖烤雞很嘢味，甜甜地辣辣地。麥樂雞是一如以往的質素，配上我鍾意既蜜糖芥末醬。扭扭薯條比普通薯條🍟好味，冇咁淋身。

近年來素食主義都有蔓延趨勢, 善待動物減少食肉都開始形成風氣, 更多嘅人選擇素食不單只因為健康, 都可能係因為對不同生命有著嘅體會, 不少嘅公司都開始著手研究未來肉, 顧名思義就係創作者對未來嘅願景, 但未來肉普及性不高, 暫時未有太多餐廳引入, 而且價格比較高昂, 所以未能吸引到普羅大眾嘗鮮但當我見到麥當勞嘅新餐肉套餐廣告嘅時候, 就好躍躍欲試, 所以就立即落樓下買一個套餐連飲品返屋企歎可能太耐冇食過麥當勞早餐全餐嘅關係, 感覺所有食物都比較乾身, 不論係麵包, 炒蛋, 薯餅同塊新餐肉都好乾身不過, 麵包如果搽上果占之後都還可以一食, 內層係濕潤的, 但外層較厚而且好乾身, 所以咬呢個包嘅牙力少一點都不行, 炒蛋份量大左, 感覺用左兩隻雞蛋, 不過炒得比較乾, 就算灑上胡椒粉同埋黑椒都痴唔到炒蛋本身, 不過蛋味是重的, 所以不過不失, 薯餅方面永遠係麥當勞嘅保證, 不論份量味道配方都同細個食嘅一模一樣, 脆口, 熱辣辣, 有大量薯粒都令麥當勞嘅早餐有一定保證新餐肉方面, 佢話有15mm 厚切而且無油, 以我果塊來講, 厚度係令人滿意嘅, 距離15mm 不遠, 味道方面係比較乾身嘅午餐

好多麥當勞都係開響屋邨裏面, 我樓下果間都唔例外, 好多人都會覺得間間麥當勞提供同一種野食但水準係有差異, 呢個我都同意 特別係24小時服務果種, 咁岩我樓下就係, 但叫餐都要睇緣分同時機咁岩今日要去攞包裹又撞正中午時間, 度度都多人,所以決定外賣麥記返屋企慢慢歎6件麥樂雞餐25蚊,薯條轉薯格加加大汽水5蚊, 跟餐配2件脆香雞翼11蚊麥樂雞雖然曾經有過一段時間非常難食, 不過近時就算未回復昔日嘅味道都唔太差, 起碼口感結實, 而且咁岩新鮮烤起, 所以外皮好薄好脆, 不過冇左果種食炸物嘅過癮感脆香雞翼相信係唔少人心中no. 1嘅麥當勞食品, 唔單止因為因為成品水準穩定, 雞翼大小合理, 而且脆皮位香酥而雞肉嫩滑, 都不時有油脂流出, 所以都冇投訴, 除左得2件唔夠喉之外薯格方面反而令我好驚喜 因為食麥當勞嘅薯條好似抽六合彩咁, 食到新鮮好味薯條嘅機會太細所以果斷轉新鮮炸起嘅薯格, 比起另一快餐kfc 嘅薯格, 冇咁厚身所以未必感受到當中薯仔粒嘅存在感, 但香口嘅程度更勝一籌, 而且可能新油落鍋, 所以放耐少少都仍然乾身脆口埋單41蚊

因為個仔扭要車車玩具，所以又食麥當勞！開心樂園餐既玩具真係好吸引到小朋友。今日餐廳多番d人，但都只係2分鐘就已經拎到餐！對小朋友黎講，個餐份量岩岩好！另外今日我自己想買新地，唔知咩原因今日全部雪糕都無得賣，有d失望

好掛住玉子將軍漢堡，所以晚餐就去買啦。今日出餐超級快，落完單等分幾鐘就拎得啦，超快...勁高效率🤣個盒好靚，不過個包打開就唔多靚。但係係好食既，最鐘意個醬，甜甜地薯條份量正常，唔會炸到好燶👍🏻但忘記左問佢拎多包茄汁，因為對我黎講一包茄汁只夠點半包薯條+$2.5轉飲士多啤梨奶昔，其實本身想飲朱古力味奶昔！但原來而家只有士多啤梨同雲尼拿味奶昔脆皮草莓新地，都幾好！但俾我下次再買，我會買返平時都有既士多啤梨新地，我覺得果隻比較好食

依間M記開係屋企附近，所以我成日都會去買外賣！唔知係咪之前成日好多生意既關係，外賣好多時唔係俾錯野就俾漏野😑不過食得M記都唔會對佢期望好高！今日好少人，落單唔洗排隊，外賣無錯漏，6分鐘就拎得餐！雖然對依間M記無咩期望，但今日反而有驚喜🤦🏻‍♀️炸蟲...炸到我都唔知佢係咩昆蟲啦，但好明顯見到佢一條條腳！個包都係好似平時甘好醜樣啦，但依個包個味係好食既，可惜可能因為外賣既關係，返到屋企塊雞都已經唔脆lu~

自從麥當勞有咗呢個西尾綠茶雪糕之後， 我食多咗好多好多雪糕， 加上我公司附近有有甜品站，有時放工受唔住誘惑就去咗食。今日我響大圍見到麥當勞甜品站，又突然有個新嘗試，就係要返去個西尾抹茶外面嘅抹茶醬 而裏面嘅雪糕芯，改咗做雲呢拿雪糕， 睇下佢個效果係點。估唔到又幾好喎，我覺得冇咁激烈(强烈）,有種融和感覺，兩者味道更突出,外殼薄脆，又唔太甜的，好鬼正！因為有時覺得內外都係抹茶就過份濃，同太甜，往往食完都想飲返杯水，依個就無，大家不妨試下！

有時想飲杯咖啡，McDonald總有一間係你左右，今日我去左大圍McCafe!原本打算只係叫一杯Cappuccino, 點知俾個廚櫃食物吸引左，望一望原來叫一杯細杯飲品加十幾蚊就有一個餐，於是我就叫左粟米磨菇芝味多士。職員張份多士一開四份，香噴噴芝士溶左落去多七，多士入面又有勁多粟米同埋磨茹，每一粒粟米磨菇都包住芝士，勁香！再加上一杯細Cappuccino, 食完個早餐好飽好滿足！最重要CP值高$28！

仲記得上年m記出榴蓮麥旋風，風潮勁到好多分店都排長龍甚至賣哂，無緣一試。今年再「夏」一城，個底係芒果新地配上真榴蓮肉，廣告版上金黃色嘅麥旋風好似呼喚緊我咁，$25食m記雪糕到底值唔值呢？最後我都係買左基本版$25，其實芒果新地就咁買就平一半，但睇住店員係麥旋風上面「新鮮加上」一球純榴蓮肉，感覺幾真材實料嘅。 先試一啖榴蓮肉，好香好滑，然後再撥係杯邊撈勻，中間係芒果新地，每樣一啖又得，撈埋一啖又得，榴蓮應該係無加甜嘅，所以同芒果新地幾夾，顔色亦好吸引，如果喜歡品賞榴蓮味嘅，我估舊版配原味雪糕會味道突出d。至於加多一球榴蓮肉$15，加2球多$25，值唔值就見仁見智，整體都算幾滿足