麥當勞 (已結業)

試左DOUBLE足三両,感覺係…咪又係咁囉,唔覺得比原裝足三両好,只係比較飽肚,兩件牛肉又唔係特別juicy特別好味,所以評語麻麻!講真,玉子將軍漢堡好味過DOUBLE足三両多多聲,所以,試一次咁多囉!

今日行開奧海城就買左杯綠茶紅豆雪糕試下啦..賣相多數都冇電視show出離咁好睇..不過味道都唔錯..綠茶味清清地..唔會太甜..不過的確好難搵到有紅豆既存在..好似得幾粒咁..如果可以多番d紅豆就更加好啦..

麥記新推玉子將軍漢堡，lunch走鬼左去食個餐來試下﹗成廿五蚊一個套餐，而家麥記真係貴左好多，回想十幾年前我仲做緊麥記童工時代，個餐足足貴左十蚊有多了﹗打開個包0的汁真係漏出來，很多燒汁，滿佈生菜﹗玉子煎得很滑很香，配上甜甜的燒汁肉扒配搭得幾好﹗好味道﹗值得一試的新包款，好味道﹗

終於試勻咁多隻Shake & Dip既醬同粉喇!最後一款係日式咖喱味粉,睇個樣好似好辣,但係聞落竟然唔及韓式果隻咁政同咁搶,食落呢,估唔到又唔係想像中咁辣喎!加左落薯條度,味道同珍珍薯片有幾分相似呢!幾ok喎!不過,如果要排名,始終都係和風紫菜第一, 日式咖喱都算係第二,反而我唔係咁鍾意韓式泡菜,唔知其他食家有無同感呢?

$4.5杯紐紋軟雪糕,叫咗朱古力咖啡味,朱古力味夠濃,雪糕夠凍,個筒又夠脆,總之一句講晒,十分好味.

雖然留肚要食下午茶，但肚子實在太餓，去洗牙前先買個飽依依肚。ORDER後要等一陣，是即叫即制﹖拎到上手也不覺，皆因飽和餡也是暖暖地。魚柳好JUICY配埋酸酸地的醬，開胃到我幾啖已吃完了。:b

聽同事講呢個包食得過，今日lunch岩岩想食麥記所以老遠行去買外賣﹗一打開已覺得個包好鬼厚，件扒真係好大塊，好厚，咬落多汁有口感，不過個人認為好似太膩﹗仲要0的醬汁，我想應該係千島醬呱見佢少少橙黃色，一啖咬落去就爆漏出來，味道確係唔錯﹗連餐跟個薯皇，都係heavy之最，大大舊不過我覺得薯條好食0的﹗食完個包唔會再有能力食埋個薯皇囉﹗太飽喇，這個夜晚我連晚餐都吃不落呢﹗估不到仲飽過巨無霸餐﹗

有人選擇食店的環境、菜式、價錢…..等等，但奴隸獸今次選擇麥當奴，是為了玩具『火影忍者噴射飛鏢』。所以主人買了一份開心樂園餐。（HK$25.5，可以有免費玩具。）開心樂園餐包括有：魚柳包、高鈣芒果鮮果乳酪及細汽水。食物味道就是M 記平時水準喇，但『火影忍者噴射飛鏢』就非常型仔，非常好玩。

因為當年推出將軍漢堡既時候,仍然讀緊書既小妹好喜歡食,今次將軍漢堡重出江湖,又要試番下!不過,今次有少少失望,似乎無以前咁好味喎!個汁感覺上無咁似日式燒汁,淡左少少,塊豬扒就淋淋地好似好怪咁,同埋一路食一路漏左d汁,亦無新鮮既感覺...雖然唔係唔好食,但係好似以前好d喎!唔知係我呢次/呢間特別差定點...可能第二間會好d卦!

入面d餡好滿芋頭淋得黎仍然會一粒粒好有咬口但就偏甜左少少好在呢個size唔大食完唔會覺得漏

唔搵都唔知, 原來呢度既麥當奴得三間俾我揀ok啦頭先係上環信德中心食左個至尊漢堡份量足夠熱度不夠, 只係微暖漢堡扒夠大件, 生菜一塊, 蕃茄又細細塊入面仲有我不喜歡的生洋蔥和醬瓜整體來講, 如果新鮮出爐的話會仲好食但相對起mos burger, 還差一個級別

o岩o岩o係麥當勞買左個至尊漢堡食, 雖然都其實類似漢堡飽同巨無霸之類, 但佢又好似好味好多喎, 可能d醬汁好味同塊肉厚d啦! 唔錯!不過佢好唔環保囉, 明明有張紙包住仲要揾多個盒去裝, 我同個店員話我拎走, 唔使要外面個盒同紙袋架喇, 佢答左我話無問題, 轉個頭又好出奇話個飽一定有盒架喎! 我話我知, 但你比我o個時唔使喇, 環保d o麻, 佢點點頭, 兩分鐘後結果佢都係同原本一樣有盒, 仲要入埋紙袋, 唉... 可能佢係暑期工細路仔, 所以點極都唔明o既!

味道都唔錯,有朱古力味之餘都飲都咖啡香,但係好唔鍾意勁多cream,下次再試一定要叫佢俾少d,忌廉令到成杯飲品好漏,同埋飲野飲頭幾啖好好味,飲到尾就淡好多,變左冰咁,唔好飲咯!同埋,如果想解渴,都唔好揀佢,因為飲完仲渴…

朋友仔要試新野買左雙層魚柳包餐原來而家麥當勞都響應左衛生署健康食肆既推行以牛油粟米代替肥膩既薯條纖維多左牛油又可以自己決定加唔加至重要係原條新鮮粟米切粒o個種而唔係求其俾你既罐裝進步了抵讚但令人失望既係個魚柳包完全無新意可言只會係貪得意試一次既product味道同魚柳包完全相同只係有多塊魚柳令你咬落去既感覺更軟熟但唔環保既係除左有個紙盒裝住外仲要加多層包裝紙係咪真係需要double packing呢?

終於試左剛推出既綠茶紅豆新地,感覺真係麻麻...首先,賣相已經唔係咁掂,估唔到同廣告差好遠,一點都唔靚,隻綠色唔係果隻綠,比廣告深色好多,竟然有少少卡通片中怪物口水果種feel...味道方面,綠茶味唔濃,得個甜字,同坊間好多食肆既綠茶醬差頗遠,反而真係有粒粒紅豆,所以食到紅豆味,可惜數埋成杯都只係得五粒咁大把,係好好好好好少!整體黎講,比想像中差好多,唔打算再食!