麥當勞 (已結業)

Got the Sweet Corn Pie because it was new.It was good that the pieces of sweet corn were still crisp and bursting with juice, but the pie was a bit oily so it ruined the delicate sweet taste of the sweetcorn.The packaging was nice though and I liked the side with just the corn photo.

麥記自從迷你兵後，keep 住揾卡通片主角crossover，今期係荒失失奇兵，不過就唔明班動物演員同南瓜有什麼關係，但係冇所謂啦，好食就得，而且就嚟Halloween, 應節嘛。個包裝好可愛，笑口南瓜都唔嚇人ge，巧得意。南瓜批加朱古力雪糕，一流。熱的南瓜批，鬆脆既外殼，內裡的南瓜蓉巧巧味，好流心，仲一d都唔太甜，好味過佢地既蘋果批好多添，加上凍雪糕，一凍一熱，係一個值得推薦既甜品。

黑加侖子新地樂，用梳打水加黑加侖子糖漿，上面放雲呢拿新地。飲落怪怪地，個味唔係好夾。仲有個底有尐提子渣，感覺怪怪的，開頭以為有蟲。你要有被嚇怕的準備。同之前個巨峰提子梳打有尐距離。除左個杯幾靚，無賣點。

椰子脆是新嘗試，喜歡麥當勞蘋果批的人就一定知道它的賣點就是其「脆」。椰子脆保留了這個優良傳統，加入椰子香的內涵，外脆內香，非常新鮮的嘗試。加上新出的黑芝麻新地，黑芝麻味豐富而濃厚，冰凍新地配上熱辣辣的椰子脆，非常滿足喜歡甜品的胃。

11-1-2014(Sat)同男友,佢契爺食完飯,返佢媽媽屋企稍事休息後,男友話出去行吓,於是行去康怡廣場,行完街買啲o野,肚又有啲餓,就去麥當勞食啲o野,由男友發板買咩o野,佢o係Mc Café用$23.00買一件藍莓芝士蛋糕,我o地食喇.藍霉醬唔會好酸亦唔太甜,芝士蛋糕質地夠挺身,味道算濃同厚身,o岩o岩好,而兩者味道都冇話邊個搶過邊個.好均勻,難怪男友聽人講係唔錯就買o黎試.服務:我一早就搵到位,但等男友等好耐,等成10分鐘,攪咩?男友話男Mc Café得一個人又收錢又整o野,咁o岩前面個客要咖啡…

1年都食唔到10次麥當當, 因為怕薯條熱氣嘛, 又怕汽水肥... 細路仔時大人用呢2個理由唔比食, 又特別想食, 而家大個咗自己話事, 又冇晒興趣, 真係奇怪...今日好趕時間, 冇咩時間食Lunch, 煩惱之際, 麥當當就出現係眼前, 猶豫咗一陣, 好啦, 一次啫...期間限定玉子將軍漢堡套餐 (加大) -- 次次都食最低卡路里的魚柳包, 都有d悶, 聽同事講玉子將軍漢堡幾好味, 我都試吓啦... 如果想要Shake Shake薯條, 一係比$2.5升級, 如果唔係, 就比$4加大汽水同薯條, 咁就會免費升級埋做Shake Shake薯條... 我比咗$4加大~玉子將軍漢堡 -- 其實我覺得係豬柳蛋漢堡換咗做牛肉漢堡, 換咗做日式醬汁... 味道都幾好, 日式醬汁甜甜地, 可惜掩蓋晒d肉味... 玉子係豬柳蛋個蛋, 只食到蛋白味, 蛋黃味好淡... Shake Shake薯條和風紫菜味 -- 冇紫菜味, 只食到鹹味, 來自成手綠色嘅鹽... 有點可惜... 實在不應為此加大個餐...最興奮都係Shake Shake果下... 狂Shake... Crazy... 哈哈...檸檬茶汽水

麥叔叔出咗幾杯新飲品一直都想試吓...今次就試呢杯薑餅人咖啡先...因為個公仔好得意....加多個ciabatta....杯咖啡好有薑味...比想像中好飲...唯一唔好嘅係mccafe度嘅燈光令到我影d相好紅~~.

今年 9 月 8 號開始，麥當勞把 3 款以前已推出過的漢堡包系列，包括將軍漢堡、黑椒漢堡及 McRib 烤汁豬柳包，分三個月重新發售，反正筆者近年已很少去老麥，而每次光顧都是因為店子有新包款推出，既然這幾款包都有好一段日子沒吃過了，那就每月再來再重温一次吧。先說 9 月份推出的將軍漢堡，其實這個系列有 2 款選擇，分別為將軍漢堡及玉子將軍漢堡，貪吃的我當然揀了加入咗美國 A 級大蛋的「玉子將軍漢堡」(15.80) 喇。揭開個如將軍般剛強色彩的綠色外盒，翻開包面，餡料放得有點雜亂無彰，不過個包味道確實不俗，吃下去會先感受到豬柳配上照燒汁的甜味，跟著是那塊還有少少蛋汁流出的蛋塊，再配埋日式檸檬沙律醬，咬落質感豐富，又真的幾滋味，整體水準稱得上滿意，只是稍嫌生菜略欠爽脆，而且每次吃將軍漢堡，總是吃得滿手甜甜黐黐的，認真狼狽。至於 10 月份推出的星級版「黑椒漢堡」系列，同樣有 2 款選擇，分別是「黑椒漢堡」(15.80) 與「珍寶黑椒漢堡」，由於筆者並非嗜牛一族，所以就購買了前者，而珍寶裝還是留給牛魔王吧。先看看這個黑椒漢堡的包裝，其實筆者挺喜歡這個充滿神秘

黑椒漢堡返左黎! 呢個包絕對係師傅喺老麥中的至愛, 所以當師妹一收到風, 就晨咁早話比師傅知, 係呀, 真係晨早起來就收到呢個消息, 於是決定當天放飯就去會下舊相好! 師傅一心諗住去老麥, 間間水準都應該係咁上下, 於是貪順路可以去乞兒島度睇下野, 所以就揀左呢間老麥! 師傅次次去老麥都一定要諗一輪先落到單, 唯獨今次係唔使, 於是一個箭步行埋去櫃面, 就柯打左個珍寶黑椒漢堡, 見加大有 “色色”薯條, 就加大佢黎玩下啦, 飲品當然係汽水! 點收清楚後就攞番埋位, 多謝左耶穌之後, 隨即開餐! 首先要幫啲著條搽下粉, “色下色下”咁將辣粉搽勻佢之後, 就即刻試食, 薯條本身都幾熱, 入口就一如以往唔太脆口, 薯味亦唔算濃, 不過啲辣粉就幾吸引, 香香辣辣, 總好過本身咁單調! 之後當然係會下舊相好, 珍寶黑椒漢堡係兩埋厚厚漢堡配上黑椒汁, 入口發覺漢堡幾乾身, 漢堡乾身都係意料中事, 始終老麥水準係咁上下, 但最估唔到係黑椒汁太少, 從而導致包同漢堡更乾身, 加上黑椒汁唔太香也不太辣, 惹味道欠奉, 喺師傅角度睇係走晒左樣, 失望! 總括黎講珍寶黑椒漢堡無復當年勇食物水準一般, 服務同

師傅早幾日放飯時唔知食咩好, 咁啱醒起老麥最近推出左新產品, 就不如一試啦; 其實呢個都唔算係新產品, 皆因每年都好似會推出一次, 只不過係師傅從未試過啫, 所以入到去諗都唔使諗就柯打左個玉子將軍漢堡餐!玉子將軍漢堡餐有中薯條, 中汽水同埋玉子將軍漢堡, 講真老麥嘅薯條一向都受師傅欣賞, 皆因覺得薯味唔夠, 是次當然仍不例外, 可幸是薯條夠熱, 令呢份一向比師傅有雞肋感覺的薯條挽回少少分數; 玉子將軍漢堡其實都冇咩特別, 將軍漢堡加隻蛋, 同豬柳漢堡加隻蛋差唔多, 但當入口後就發覺個口感好唔同, 嗰隻蛋真係好滑身, 誇張少少講師傅覺得有啲溫泉蛋的感覺, 雖然食唔出有蛋香, 但滑溜嘅感覺真的令師傅十分欣賞, 同豬柳蛋嘅感覺真有天淵之別, 加上將軍漢堡個醬汁惹味, 生菜絲爽口, 包身亦鬆軟, 相比冇蛋嘅將軍漢堡, 師傅就更加喜愛玉子了! 總括黎講玉子將軍漢堡嘅水準不俗, 加上唔使經常有得吃, 所以師傅都加多少少分比佢, 而服務同地方就一如正常嘅老麥咁冇咩特別, 價錢就普通, 廿幾蚊一個餐, 接受到啦! 講到尾師傅始終最鍾意係老麥嘅黑椒漢堡而非將軍漢堡, 不過喺黑椒未蒲頭前, 配上玉子嘅將軍

與公司同事午膳，通常都離不開上茶樓或往館子鑽，所以如果當天是單打獨鬥的話，筆者也總喜愛以三文治、漢堡包作為午餐，既方便又快捷。不過近一年來，香港的物價實在貴得驚人，就以午間吃一頓飯為例，閒閒地也要三、四十元，這天見麥當奴的「午間超值選」都只是二十餘塊，而且那個甚麼香草包還未吃過，好，就試試看。這份特選香草雞堡套餐，原價 $29， 但星期一至五由中午十二時至下午三時做特價，只需 $25， 聽講話係壓軸出擊，而且是限定供應。先看看個包裝紙盒，鮮艷奪目的紫色，的確夠曬精美，不過如果是堂食的話，我倒建議店方不如唔好俾盒，始終環保一點才好嘛。再細看內裡有甚麼餡料，原來都幾豐富，以香草麵包夾著雞塊、雜菜絲、蕃茄、歐陸芝士、煙肉等，再配以蒜香醬汁。咬一口麵包，香草味真係好淡，唔夠濃郁，對於每次煎牛扒也勁愛灑上大量香草的我來說，真是若有所失，幸好個包的口感都幾鬆軟。至於件雞，味道都唔錯，雖然稱不上甚麼鮮嫩多汁，但肉質還算豐厚，亦毫不嚡口，配上爽口的雜菜絲、多汁的蕃茄、半溶的軟滑歐陸芝士、香脆的煙肉，清爽的蒜香醬汁，全部材料都非常之夾，唔錯。另外麥當奴最近在加價的同日，推出了一系列的超值選，售價由 $5

1.早餐去食,個女服務員未訓醒....要問完又問,問完又問我外賣定起度食........2.找$找到跌晒d$......冇禮貌地講對唔住.....3.我話佢,我黎親食早餐時常見你都咁冇禮貌?佢大大聲說:咪同你講左對唔住囉......4.叫了milk tea 唔比糖...5我話完佢之後大大聲起櫃台同其他服務員大話我,手指指.....6.天呀.......食開呢間都忍無可忍了....天呀.......食個早餐都要睇人面口.......我叫了我的同事不要再去食了.....行去第二間食.........

　　　　今天和媽媽去康怡看電影，１２：００才開始，我們十點幾有了票之後，便在吉之島逛，逛累了，便在這裏用膳。　　　　這間麥當勞可算是陪著我成長的了，因為所讀的中學在這附近，因此有時候放了學和同學一起來。現在的裝修和格局都改變了很多，畢業後都很少來的了。　　　　我和媽媽佔了一個湖形座位，我去取雜誌，她則去買東西吃。由於還不是太餓，只要了一客巨無霸餐加一個蘋果批。　　　　巨無霸餐太乾了，漢堡扒上都沒甚麼醬汁，而蘋果批，可能因為天氣太冷，我們又慢了吃的緣故吧，吃起來感到不夠熱。咖啡也是半冷的了。環境倒是挺舒適的，要是食物可以更熱一點便好了。

難得星期日比較鬆動，十點半爬落樓去麥記買外賣早餐。對呢間麥記嘅食物質素心中有數，也於是沒有太多要求，只求熱D，就會OK D. 買做個早晨全餐，加即磨咖啡。看到D咖啡晨早沖曬擺係咖啡機隔離，已經暗叫不妙。囉上手暖暖地，於是同佢講：唔該我想要杯熱D嘅咖啡。佢囉番番轉頭，企左一輪係個咖啡機之後俾左一杯咖啡我。以為係新嘅，就不為意咁走。番屋企一打開就覺得唔對路，杯咖啡都係暖暖地，飲落D咖啡酸出曬黎。再睇清楚，原來只係冇做個防手熱杯圈。下次都係咪懶，寧願行多少少去太古城好過！P.S. 個早餐D質素都係咁... D蛋好乾返屋企路程不過五分鐘，番到去D野係微暖. 叮番熱會好味D.

McCafe 儲印仔行動繼續! 剛好儲夠 4 個, 去吉吉島購物之後, 來此換杯免費咖啡, 坐低抖抖。明明用印仔咭是可以換其他細咖啡的, 不過反射作用之下, 還是點了Cappuccino, 另加一件今期推介的 Hazelnut Lamington ($7)。我的 Cappuccino 照例是用脫脂奶, 奶泡的質感當然比較用全脂的「削」, 這裡的算是合格, 在別的麥咖啡分店, 喝到刮口的奶泡也是有的; 這天的咖啡底有點澀, 想是時候晚了之故。榛子味的林明頓蛋糕的外皮雖然跟裡面的蛋糕是勉強地湊合在一起, 一切開就有「剝皮」的感覺 。好在裡面有滑滑的榛子忌廉, 吃下去有點像朱古力味, 少少地口痕吃最好。此分店長期都很多人, 坐久一點都有些壓力。