麥當勞

營業中

休息中

星期六開始，全城都講緊嗰個產品，就係喺日本風靡一時，今時今日傳送到來香港嘅 McGriddles今日終於有幸俾我嘗試到啦。整體而言，我都係覺得日本嘅 McGriddles會係好味啲，可能兩地嘅廚師煮法唔同，日本嗰邊係冇咁偏甜，而香港嘅 McGriddles就會係楓糖漿嘅甜味係會重啲，但唔知係唔係因為加熱咗，所以楓糖漿嘅甜味都有啲苦味，感覺比較奇怪，但係新出嘅產品嚟講又高可以一試。最終嚟講，我會比出8分。

#鼠尾草食飲玩 #sagefoodiehk隱藏版🫣 × 大滿足🤤 × 邪惡😍平時去快餐店買雪糕🍦，都冇諗咁多。不過今次買嘅時候想食大杯啲😳，唔係要新地筒，而係要新地杯😋。鼠尾草🌱就鍾意食士多啤梨味多啲🥺，超級甜嘅糖漿😍，配埋雪糕真係超級正😚！大家又會唔會走花生呢🤧？鼠尾草🌱就鍾意原汁原味，有埋花生嘅口感。嚟到今次嘅重點就係超級大杯🫶🏻，大家可以望到成杯係完全冇空位🥰，最頂仲好似成座山咁突起咗🫣，估唔到今次店員真係前所未有咁大方🤭！💰 士多啤梨新地 ($10.5)🥢 麥當勞🗺️ 屯門時代廣場南翼3樓13-14號舖

是日星期日中午，下雨天，搵位唔洗等（2個位）已經感到好好運，堂食叫餐都只是大約用了5分鐘便可取餐，感覺相當良好。我和女朋友點了Double Chicken Big Mac餐和 鹽酥麥炸雞餐，其中一個餐薯條轉薯蓉。Double Chicken Big Mac 麵包夠挺身，炸雞塊夠脆，不會濕答答，醬汁生菜份量剛好，整體不錯👍🏽。炸雞味道不好太鹹，不像KXX的炸雞會甩粉👍🏽。薯條夠脆乾身，保持水準。薯蓉偏黃，唔算很幼滑，醬汁足夠薯仔味濃。整體能維持基本水準。

今日食評✍🏻麥當勞@屯門時代廣場試食指數⭐⭐⭐店舖衛生⭐⭐侍應態度⭐⭐⭐((每項5⭐️為滿分)) ·對麥當勞早餐有情意佢未必係好味嘅食物但細到大都係麥當勞fans所以好鍾意去麥記食快餐·手機自助落單好方便介面都設計得好user friendly·屯門時代廣場嘅新裝修令環境變得開揚多可惜店內冇最新嘅洗手一站式機建議可以加追一部·食物一如既往嘅不過不失咁😂·599.Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

前日lunch突然之間好想食麥當勞嘅「芝士安格斯牛堡餐」🍔，咁就去左屋企附近嘅麥當勞外賣自取拎返屋企食，順便買埋lunch比屋企人😂屋企人order話要食「煙燻麥炸雞餐」🍗首先講下個「芝士安格斯牛堡餐」，如果你係「食肉獸」的話，咁呢個包就好適合 同 你好岩你胃口啦！😝因為個包啖啖都係肉，食完你會覺得成件事都好滿足🤤跟住講下個「煙燻麥炸雞」，小編都食左一件，佢嘅質素好似比其他炸雞店還要好味😋

！！！！！！！衛生極差！！！！！！！open kitchen 個師奶員工手上有戴透明膠手套做嘢，唔知佢做邊個part，佢企中間整包既位，但個口食緊野，但唔知食咩，總之有渣有骨咁要吐，佢吐喺隻手到再掉落垃圾桶，幾秒內有兩次以上動作，極之嘔心！！！！咁同無戴手套，客人食你口水有咩分別呀！？？🤮🤢我知我知！出面間間餐廳都係咁！但你係開放式廚房黎架大佬！你仲要同我眼神對望呀！！！！！你都繼續！好核突呀！！！

抹茶新地筒 $5.5周遭的人都在讚這個好吃我也要試!果然是很不錯呢只要$5.5味道比得上$30-40的那些抹茶味夠濃郁不會只有奶味絕對值得一試還有其他款式下次再試

懶人一定係外賣早餐，星期一至五最抵食，每星期最少一次，事關平、靚，正😋😋$16 火腿扒芝士漢堡配熱即磨咖啡，次次姐姐都同後面講火即，之後我次次跟住講，簡潔😂😂

今期麥當勞出咗Double菠蘿雞腿包同埋雞腿包， 平時食開麥當勞嘅我咪過嚟試吓囉，反正都加多一兩蚊，而且配埋個Apps嘅因為架分分鐘仲平過平時食嘅嘢，再叫埋佢嗰杯雪糕其實都幾底下㗎相片我就是單放返一兩張就算啦，事關大家應該都食過吓，而且因為佢嘅賣相真係唔係特別好睇呀我都係影過外表俾大家睇下就算數，而今次我想講嘅係佢嘅麵包其實都算之前比嘅差不多，但想講嘅係麥當勞近排嘅策略認識都係咩都加Double,或者係加1菠蘿就當新嘅款式去買，其實咁嘅策略其實一啲都唔特別健康㗎，因為真係唔覺得有咩新意，食嚟食去都係咁嘅樣，可能下次就變咗有Double田園雞腿包或者係Double瀦留蛋漢堡真係一啲新創意都冇，我俾個建議有一個新嘅玩法就係Cross, 例如瀦留蛋X 將軍漢堡，脆辣雞腿X 魚柳包， 咁樣又有一輪新嘅攻勢啦！呢個idea都係因為你杯雪糕令我有呢一個咁嘅想法

麥當勞每年都會有幾次18件麥樂雞推出，麥樂雞食ga唔係雞，係食佢個醬。所以每次都會有新意思搞出黎。今次帶黎左三隻新醬。左起：蜜糖芥末幾乎每次都有出呢隻味，我亦都覺自甜酸醬之後最好食呢隻醬。香草檸檬呢隻都係今次新醬，口味清新，可以平衡返打後兩隻醬的重口感。南乳重口味之列！好南乳，醬身好厚，食落去都creamy，係會食落留香果種。咸蛋黃食落去第一啖唔係好feel到咸蛋，跟住再落第二啖就開始出到味道， 因為今次呢個醬係焦點的確味道方面係似，但係我都覺得係南乳醬好食D。最後都有呢個鐵板牛扒shake shake 粉，個味超級似，超級鐵板！絕對可以一試。

其實藍色雪糕🍦都係香港興起左好耐，今次McDonald’s終於出左藍色既雪糕，唔係雲尼拿味，而係沖繩海塩味！重點係！仲有脆皮朱古力！所有脆皮朱古力既唔同味雪糕🍦我都試過曬，係時候要試埋呢個新味道！〈今日經過雪糕店仲要無人排隊？？〉今次個包裝紙都做得幾靚，幾有日本風格。食落口第一啖係脆皮朱古力，所以無乜感覺，第二啖就咬大口的，點知勁咸！嘩，真係搵勁多塩黎整架喎！咸到之後食個脆皮朱古力無朱古力味🥺好失望😞浪費左我個朱古力脆皮，又難怪今次無乜人排隊，因為真係好蝦人食！我完全唔中意🙁

用了支付寶減hk$5 卷，$13/個的脆皮士多啤梨甜筒，只係用$8就食到，超級扺食終於麥當勞很落本整呢個雪糕。平時個d雪糕新地，朱古力加淡忌廉，令朱古力味唔多，同埋冇脆皮效果。呢個新出脆皮雪糕都幾好食。

麥當勞1月1號推出左all day breakfast, 全日時間有早餐食, 平時weekend要食麥當勞早餐就要早d起身, 今日終於可以晚飯時間食熱香餅喇。佢有兩個餐可以揀, 我揀左$29珍寶套餐, 仲加左蘑菇粟米湯。落單後等左十分鐘, 滿心歡喜期待呢個早餐, 點知大失所望。以為要等姐係d野係即整啦, 點知成盤大部分都係凍既。塊肉同蛋唔熱都仲叫入到口, 淋既薯餅有幾難食就唔洗多講, 熱香餅唔熱又焗左一陣就變左濕濕地咁, 好彩個蘑菇湯都叫熱, 同埋塊包皮叫做ok。其實真係想叫佢成個餐換過俾我, 但見到d職員忙到嘔, 又唔想浪費食物就算喇。都明白一個餐有咁多樣野食分開整好難預時間, 同埋晚飯時間搞咁多野廚房都好忙, 但下次再搞呢d promotion希望可以安排得好少少。

用app點左2個餐，1個加大1個正常，現場外賣拎走。返到屋企打開大薯條裝成中薯條份量咁，中薯條份量亦少1/3，難道係想間接降低成本？定係因為用左$5 app coupon？*裝修後去

又到睇波季節, 雖然我唔係球迷, 但呢系列以球迷名義出既麥當勞新產, 加上line公仔可愛造型既包裝, 我當然要試試啦.德國辣雞堡餐跟脆薯皇 -$36, 另外加錢轉大大杯珍珠奶茶 +$5.line公仔造型既包裝好得意, 開餐前影下相留念先.首先打開盒包, 發覺原來個包冇包裝紙, 食果陣比較論盡，要小心d食. 味道唔錯, 有兩塊肉+芝士+酸菜絲..脆薯皇冇食薯條咁單調, 唔駛茄汁已經好夠味, 唔會好似薯條咁易淋, 我呢包脆薯皇仲要岩岩炸起, 外脆肉軟, 正!珍珠奶茶真係好大杯，味道當然不及台式果d珍珠奶茶啦，不過都OK, 欣賞珍珠做得唔錯，夠Q夠甜味.但飲管設計好難飲到珍珠, 最後食左個香芋批作結尾，本身係芋頭控，內有芋粒，所以好鍾意食呢個批.題外話~ 支付寶又推出麥當勞優惠, 第一賞, $10麥當勞電子現金劵, 第二賞, 儲夠3個麥當勞印花當$15使用. 咁著數又多個藉口食m記.