麥當勞 (已結業)

25年了 食了25年呢間麥當勞 竟然畀領匯趕走.........呢間麥當勞雖然無特別 又無電視但價錢係眾多麥當勞中最平我常常用 買一送一carddouble Sundae +大杯 爽健美茶加 $8 豬柳蛋漢堡幾錢??? >>>>$20.5only!食飽死人!我每一年考試, 無數日子都係呢間麥當勞溫書真係唔捨得.....領匯真不該!!!

每星期總有一日要黎彩虹番工，之前都係去美心。但呢間美心實在太恐佈，又舊，又多一些唔正常嘅人幫襯。所以今次去咗麥記，感覺好好多，因為無美心咁舊，又多d學生。要了mc rib單包，加蘋果批。mc rib size 奇細，仲細過隻手掌，好在加多個蘋果批，如果唔係一定唔夠飽。mc rib 個包好鬆軟，塊豬柳又真係幾滑，唔鞋口。燒烤醬汁好惹味，不過咸咗少少；中間夾埋洋蔥，唔錯。蘋果批正正常常，夠熱夠脆，又多蘋果粒。

次次星期六日去呢間麥當勞都肯定一肚氣，今次絕不例外！首先10:50入到門口已經好多人排隊 11:00準時轉menu，排到11:05先至到我落柯打！原本諗住食精選，諗下諗下不如比多$4食多兩塊熱香餅唔洗食仲好！叫完仲話等十分鐘，等最後一輪炸薯餅……$24.5的熱香餅早晨全餐個炒蛋算係大份，比之前食精選多一半！都好！食完相入面果啲已經好飽，個薯餅打包番屋企比阿媽食

唉! 彩雲邨麥當勞負責整雪糕的員工真係要訓練下佢, 有乜理由次次去食新地筒個"心"係"空", 十次有十次都係空心, 得個外殼好睇, "唧"少啲雪糕, 係咪可以慳啲? 公司賺多啲?再係咁... ... 以後唔去彩雲邨麥當勞食雪糕

3號風球唔想出街食, 又怕DINNER時段會好多人ORDER要等好耐, 所以未夠5PM 已經ORDER定晚餐, 落ORDER個STAFF都有禮貌, 我ORDER如下:-魚柳包餐 X2 + 轉鮮橙汁 & 熱朱古力, 豬柳漢堡 X1(單點)共收$67.4 , 個STAFF話40分鐘左右送到, 最後都係要咁上下時間送到, 同一個紙袋入面袋哂D野食...薯條 - 想像到..."林"哂3個包- 壓到有D扁朱古力 - 只有少少漏出橙汁- 冇事打開第一個魚柳包, 見到個包面皺皮, 心一沉, 但都算, 見到包邊有芝士突出, 但只係一邊, 記得以前唔係咁, 一塊正方芝士放係圓型包入面,應該係會突出4個角, 打開個包面...嚇一跳, 塊芝士係正中間, 但只得一個窄長方型, 好明顯只得半塊即刻打開另一個包, 又係先見到有條芝士邊突出包邊, 打開包面...只見塊魚柳皮撕左出黎, 已經分唔到芝士定魚皮, 我嘗試分開包面&魚皮, 搵出中間個半塊芝士, 但失敗,唔通芝士已經溶到滲哂入包&魚皮???再睇埋個豬柳漢堡, 一打開包裝紙, 出奇地個包係有芝士突出4個角架喎!!!!!!最後都因為肚餓照食左先, 但一邊食一

24小時麥麥送十分差, 點差?1. 電話接線生態度差, 講野又唔清楚2. 75分鐘先送到3. 送到黎既食物凍晒, 薯條又淋晒(好難食, 好似食油甘)4. 送錯食物(訂鸡翼, 送麥樂鸡), 速遞員仲態度好差問我有無ORDER清楚, 我CHECK下張單, 無ORDER錯,只係送錯, 仲迫我接受麥樂鸡就算5. 再等多45分鐘鸡翼先再送到 廣告講到好好, 唔好信, 食到一肚氣

KFC、PIZZA、SUSHI外賣速遞都試過,今次試麥當勞麥麥送,上麥記網頁睇有套餐幾低,於是試個二人套餐,另加新出綠茶紅豆新地同蘋果批,落單後約40分鐘送到,(車程只需5分鐘),麥記出品味道當然分別不大,只不過係食物全部係暖,薯條梗加唔使講,杯新地仲恐怖(送貨時見佢有冰舖面),杯新地無乜紅豆,味度一般,麥麥送要正價9.1,如堂食加一蚊可以一試。全個餐只係個蘋果批係熱保持水準,如果真係好想食麥記又懶要外賣速遞話記住唔好叫新地,今次評分只係計麥記速遞後食物水準

一向都幾鐘意佢個將軍漢堡今次加塊蛋就當出左新野 其實只係有汁既豬柳蛋漢堡改個名做玉子將軍漢堡 好似好華麗咁初初都覺得有混水之嫌但食落又係另一回事 塊蛋原來好有作用同個燒汁好match 食落同塊蛋差好遠唔知係有心定點啦 我果塊蛋中間係半熟既口感反而更好 真係估唔到1個幾毫既1隻蛋可以令成個漢堡好食左咁多 真係要寫個服字比叔叔!不過都係果句...叔叔d野食真係越黎越貴...加塊蛋又30蚊...

每逢麥記有shake shake薯條，明知好肥都好想去食。之前去左幾間麥記都話冇法式香蒽味，搞錯! 今次山長水遠上黎呢間竟然係24小時營業既麥記，終於有! 今次為食薯條而黎，所以只買一包中薯條，不過想食shake shake就要加一蚊先有包粉!!! 離譜!!!法式香蒽味道比較鹹，食落有少少似洋蒽湯味，甜甜地，咁都算好味既! 今次四款味粉，呢種算係最好!

呢度最近裝修o左,比以前光猛同好坐o左!終於試過蕉蕉脆批同星星薯餅,蕉蕉脆批講真食落好似萍果批,甜甜地;星星薯餅即係普通薯餅,不過係星星形狀,要熱食至香脆.另其他o野食亦有進步,牛肉飯tastic比以前冇咁油,味道就差唔多;板烤雞腿飽就再冇雞皮連住,好好多!

呢間d 員工都train得幾好, 服務態度好積極同好有效率, 執野食好快, 雖則間鋪已經係有好多年歷史, 但係彩雲呢d 舊邨, 佢鋪仔靚靚顯得寧舍搶眼. 弊在佢孤寒d 茄汁, 無得自由拎, 上次買果包薯條, 包紙袋咁好心褶埋袋口, 返到屋企原來只得一包仔茄汁可用. 唔知佢係咪想幫d 顧客減肥定環保呢? 另外近期麥記出d 餡餅/沙律, 味道都算可以, 佢地意圖洗脫果種不健康痴肥垃圾食品既形象. 不過仍須努力.

一入到間餐廳同普通麥當奴無嘜分別但係行入兩步有個服務同我打招呼之後有個公關見到我又打招呼d 人又勁好態度喎睇到你搵緊位坐即刻行埋o黎幫你搵嚕~我覺得個feel好正