麥當勞

營業中

休息中

$37 麥炸雞餐 有埋薯條+野飲真係又平又好味，打工仔福音呀~而且周圍都有分店，好方便麥炸雞脆脆嘅外皮，肉質嫩滑，食幾多件都唔會厭再配埋熱騰騰嘅薯條，酥脆可口，真係好好味

10月1號星期二早上10點9去幫襯，螢幕叫就叫449取餐，等極職員都未叫449，見45幾號果啲都取緊餐，我就問到449未，女職員就話漏左㩒我果張單，仲話要等耐啲喎。咁即係我張單係冇人做過。如是者等到470都取餐，我都未有得拎，我話可唔可以整左我果個先呀，職員們冇人比反應我。到左我啲食物咗，但係杯嘢飲係一直都未有人沖比我。到嘢飲食物做好哂放出黎拎得，熱香餅餐冇比到牛油同糖漿，又要番轉頭問佢拎。呢間店員工真係不知所謂。建議大家去果時check真啲，因為仲聽到👂佢地話有張外賣單比漏左好似兩杯嘢飲人，但當下冇人有意欲去跟進。

【麥當勞新推咖啡——厚椰奶鐵🥥】呢杯原價係$34😂好老實 如果唔係9.9絕對唔會試🙈溫馨提示🔔：呢個係App試飲價 大家想飲記得download app‼️【厚椰奶鐵】$9.9凍飲賣相唔錯 分層做得幾靚 帶返屋企都仲係漸變🔥飲之前攪一攪就撈混左 幾好！✨味道方面 過甜 飲得出落左糖漿〰️都落得幾重手 屋企人平時珍奶叫全糖都覺得太甜🙈老實講 陣味combine得幾好 都算有好厚好重既椰奶味 不過有少少香精味 入口都叫絲滑 但咖啡味唔夠濃郁！🌟如果想買黎試試 建議叫返少甜！同埋唔好expect佢係一杯咖啡 當係飲品飲會更好～整體黎講可以試一次 但唔會試第二次😆😋：6.5/10性價比：8/10回頭指數：6/10 📍麥當勞遍佈香港十八區🇭🇰#M記 #麥當勞 #厚椰奶鐵 #chillvibes #好味 #香港美食 #香港必食 #遊客推薦 #香港打卡 #香港美食指南 #香港美食日記 #香港十八區 #hkfood #hkfoodie #hkfoodblogger #hkfoodlover #foodiehk #852food #hongkongfoodie #foodhk #hongkong

💟厚椰拿鐡少冰少甜少冰都1/3 杯冰，椰奶是椰子糖的味道，印像中椰奶唔係咁糖精味，但咖啡味係香濃，同埋係雨林認證咖啡豆。咖啡味濃有點搶味，而家溶冰後就成了普通咖啡了。聽講飲熱嘅係加椰子糖漿。試飲價$9.9 在香港買杯咖啡還是可以的。

自從早幾個月前去咗新蒲崗返工，好開心發現咗McCafe有素食嘅新吞拿意大利包可以食。仲要配埋燕麥朱古力，個種滿足感覺太豐盛了 🥳🥳🥳新吞拿意大利包，外脆內軟，好有口感。饀料充足，味道啱啱好，不咸不淡。一樂也！講到燕麥朱古力，完全係一個驚喜，非常濃郁朱古力，口感濃濃，正呀 🎉🎉🎉近期至愛😘😘😘 最緊要係個餐出得快，午餐時間趕，食完仲可以坐陣睇手機，覆埋訊息，先至慢慢返上公司 🤩🤩🤩是忙𥚃偷閒的好選擇 😌😌

今日試下個新包雙重芝士安格斯，特別著名要多茄汁和芥末， 一心期待安格斯， 點知一打開個盒見到塊肉就有啲失望了，以前安格斯塊肉double厚啲，而家塊肉好似正常漢堡包double咁嘅size，同埋舊肉咁薄唔係好juicy，整體成個包都乾乾地，冇乜特別薯條，汽水都係一如既往啦 🤪

今日放工見到好多人排隊諗住唔買，但真係好想食m記，最後都係頂硬上。不過出餐速度飛一般的快！！仲點係薯條！佢唔係果d好好林嘅薯條，都係保持保持熱辣辣，好香脆既口感。叫左脆香雞翼同埋麥樂雞，同薯條一樣，外皮酥脆內裡有小許肉汁，好邪惡。整體就係有效率，地方好乾淨，符合曬「快餐」既準則同埋又不失素質！十分好。🐝 味道：10/10環境：8/10整體分數：8/10🍊Flavor for Today | 今天的味道 | 🐝「還在煩惱今天的味道」What’s the flavour Today ⠀⠀⠀🍽Food | 🍀 Lifestyle | ✈️ Travel

早前下載了麥樂會apps,父親節期間有咖啡送，其實一向不習慣飲咖啡的我，從未試過飲麥當勞的咖啡，見佢送一杯，而且價錢是價值$29，一於試吓。職員都好有心機替咖啡拉花，找一個好位置坐下，就Chill一下吧!在毫無心理準備下去嘗試，甜度OK，而且也散發了咖啡香味，我會推薦給喜愛咖啡的親友試吓。

麥當勞的早餐相信大家都很熟悉， 當中我最推薦的就是「熱香餅精選套餐」。其中包括豬柳、熱香餅、薯餅和飲品。這個套餐提供了一個豐富的早餐選擇。漢堡扒雖然和「鮮嫩多汁」扯不上關係，但鹹鹹的，配上熱香餅剛剛好。熱香餅則是視乎當天運氣，有時口感鬆軟，有時又乾又硬🥲。薯餅則是一向外酥內軟，口感香脆可口，永遠不會背叛你❤️提提大家，可以選用麥當勞的手機程式下單，就不用到店後和一大堆人一起慢慢排隊。有時候還可以享有減$3的早餐優惠，非常抵！

我最近去咗麥當勞食嘢，試咗佢哋嘅薯條同埋麥炸雞，好好味！薯條煮得好脆，有淡淡嘅鹽味，啖啖都係驚喜。炸雞翼肉質鮮嫩，炸得香脆，醬汁微微甜辣，好啱我嘅口味。麥當勞嘅食品雖然簡單，但味道真係好正啊！如果你想快速解決飽肚嘅感覺，麥當勞係一個好選擇！

食麥當勞就食得好多，而今日去呢間麥當勞就係我以前讀書附近嘅一間，佢哋點餐已經轉晒電子化 雖然店舖唔算好大 但係佢哋設備一應俱全 食物質素亦都非常高！坐位非常舒適，絕對推介俾大家

一向很愛吃蛋糕 看到mcafe 出左新口味 焙茶蛋糕 想著要試一試。蛋糕結構簡單。餅底是焙茶 外面包裹海鹽味芝士慕斯。因為雪過的關係 慕斯的部分開始口感有點像乳酪味 容易變膩。蛋糕松糕的部分就比較乾 有茶味。以上

平時諗唔到食乜，就一定會食麥當勞，因為平靚正！今日就試咗招財雞寶，黑椒汁唔算好辣，但係又好香既黑椒味！雞扒大大塊！真係好好食！點解淨係新年先有😩😩😩再加埋扭扭薯條，同埋可樂，夠哂飽！

自問都係麥當勞嘅fans，平時一個禮拜都會食一次，不過一直都見到麥炸雞有啲貴，所以就冇乜點叫到，今次無端端比我見到個麥當勞Apps入面有個discount，所以就叫咗嚟試吓！😍估唔到都幾好食喎，呢度嘅炸雞好多汁，而且都係大大件，如果二30幾蚊來講仲有薯條同埋汽水，都算好抵食！同埋唔算好油！個人來講都幾鍾意！！😍😍

始料不及「麥當勞」最近為韓國偶像組合「防彈少年團」而推出的限定推廣口味「麥樂雞」套餐，套餐裡面的兩款限定口味「麥樂雞醬」，「麥樂雞醬」實際味道竟然都是偏向比較辣。例如「韓式甜辣醬」在被我連「麥樂雞」放入口裡面試味之後，發現「韓式甜辣醬」裡面的第一個味道感覺雖然偏甜，但是隨著甜味逐漸消逝之後，亦從「韓式甜辣醬」裡面，食到一陣令舌頭有少許麻痹感覺的辣味。至於味道跟「韓式甜辣醬」一樣，都是偏向以辣味為主要味道的限定醬「蒜辣蛋黃醬」，「蒜辣蛋黃醬」裡面的辣味感覺就比「韓式甜辣醬」來得更加單純，至少沒有從「蒜辣蛋黃醬」裡面食到甜味。至於「薯條」的調味「Shake Shake粉 」方面，「麥當勞」沒有提供限定口味「Shake Shake 粉」，所以我最後選擇了甜味「美式BBQ」口味「Shake Shake粉」就算數。「美式BBQ 」薯條「Shake Shake 粉」裡面的味道還是一如既往那麼甜，相對最近剛剛推出的「韓式泡菜」「Shake Shake 粉」而言，味道就沒有「韓式泡菜」「Shake Shake 粉」那麼鹹了。至於「防彈少年團麥樂雞」的大大啖套餐飲品「海鹽鮮檸梳打」裡面，餐廳一早已經加入