麥當勞

營業中

休息中

難得去買早餐(平時整麵包), 就去一去麥記，原本想叫麥芝蛋包，點知見扭扭粉好似不錯，早餐為mini size, 起初看不到這個字，就配即磨咖啡，17蚊都好平，誰知。。。碗粉只得平時茶記例湯份量，少得可憐。到寫字樓只需5分鐘，但已發脹厲害，入口幾重口味，配一件蛋同少量雜豆，蛋份量與麵包有的一樣。整體太淋，偏咸，為食飽已食。。。難享受由於早上繁忙時間買，預先沖好大量飲品，咖啡都已暖非熱，雖然味道都沒大分別，但飲慣熱咖啡的我，對於飲暖咖啡不太喜歡，而且有少少苦澀味已出，下次都不選擇這個餐-_-#

今晚我們去咗旺角亞皆老街嘅「麥當勞」買外賣自取返屋企食！我們買咗今期推出嘅肉醬蛋牛飯TASTIC套餐同親子蛋飯TASTIC套餐嘅香菇飯香氣撲鼻，口感好煙韌彈牙，唔會好鬆散，肉醬蛋牛係夾住兩塊牛肉同厚身嘅煎蛋，牛肉嘅肉質都幾鬆軟，再配埋滋味嘅茄汁肉醬同新鮮嘅生菜絲一齊食，令到口感相當豐富，而且唔會有好油膩嘅感覺！而親子蛋係夾住一塊炸鷄扒同一塊粟米炒蛋，炸鷄扒嘅肉質有啲乾身同有啲「嚡」嘅感覺，粟米炒蛋係用炒蛋包住粒粒粟米，口感都幾特別，再配埋蛋黃醬，味道都幾惹味！板燒鷄腿包套餐嘅鷄腿肉質好嫩滑，包質亦好鬆軟！脆香鷄翼炸得好香脆，表面嘅炸粉唔會好厚，入面嘅肉質好軟滑！

今早我們去咗旺角亞皆老街嘅「麥當勞」買早晨外賣自取食！我們買咗豬柳蛋扭扭粉同熱香餅！豬柳蛋扭扭粉嘅扭扭粉雖然有啲腍身，但都算幾彈牙，湯底嘅味道比較淡，而豬柳嘅肉質都幾爽口！熱香餅嘅餅質相當香滑鬆軟，搽上牛油同糖漿，再夾埋爽口嘅豬柳一齊食，真係幾惹味！脆薯餅亦炸得幾金黃香脆！

擺明係借事抒情既食評一行三人Shopping完 想食軟雪糕走入就近m仔 從口袋裡掏出$10買軟雪糕3個店員落單 收取$12我心想 究竟軟雪糕幾時加價至$4 我已被時代淘汰!?我從店員接過軟雪糕 頓時吃了一驚軟雪糕多得嚇人 這是$4一分錢一分貨!?軟雪糕與香脆的雪糕筒在口裡跟我的心同步了 帶著喜悅但又牽掛著無比的慨嘆 形成一股混沌就是這樣 我帶著又驚喜又憂傷心情吃到幼滑細膩 甜溜清新 冰涼可口的軟雪糕成為吃到最後的一人

很久沒去過麥當勞了，這一天，在晚飯之前，百無聊賴，又不想四圍浪蕩，便躲到麥當勞內，叫來最近推出的「菠蘿批」加一杯冰凍的可樂，登上二樓，坐在面對著亞皆老街的座位，一面享用這頓簡單的下午茶，一面翻閱新買的雜誌，靜靜度過半小時的光陰。從小便是麥當勞「蘋果批」的擁躉，喜歡它夠熱燙，喜歡它外層香脆，內裡好味。但其實，與蘋果相比，我更愛菠蘿，特別喜歡它那獨特的色、香、味。亮麗的黃色，芬芳的果香、酸甜的味道，絕對稱得上是色香味俱全。這「菠蘿批」也不賴，外層跟「蘋果批」一樣香脆，也夠燙熱，加上裡面替代了蘋果肉的菠蘿果餡，酸甜醒胃，我喜歡它比「蘋果批」尤甚呢！麥當勞也真是夠搞鬼的，把菠蘿擺上了檯，把有不同吃東西習慣的人與趣怪的「阿菠蘿」、「菠蘿兵」、「菠蘿雞」、「菠蘿的海」等名字掛鈎，並配以不同的性格，都幾得意。我是甚麼？我和一眾喜愛美食，慣性相機食先的食友，原來都是適合當浪子、藝術家的「馬可菠蘿」呢！說得真對。這陪伴著自己消磨了半小時，讓自己可以歇歇腳的下午茶，只不過十二塊錢，可真划算。

星期五專登走去食麥記新出唧唧芝士薯波。買下魚柳包餐加唧唧芝士薯波再加士多啤梨低脂乳酪。個餐要$47.2。我選擇二樓，二樓晚飯時間無人。有部40吋大銀幕。個魚柳包一般好食。個炸薯條金黃色。好食。杯凍可樂好少冰塊。唔錯。個唧唧芝士薯波同一般芝士波一樣。麥記加入咗一個芝士醬。混入芝士醬同番茄醬就特別正。個士多啤梨低脂乳酪都好食。值此推介。

M記一向係醫肚救星，夜晚開完會鬼打咁肚餓，於是就試咗M記新出嘅黑椒雙牛蛋漢堡啦。背景講多無謂，有圖有真相，去相。個餐加咗芝士薯條大約要盛惠３５蚊到，同其他餐一樣包杯中汽水。呢個餐係用Batman 做主題，除左黑椒個黑同 Dark Knight 看似有啲關係之外，其實真心唔多明搞咩，不過個盒原來有得咁樣整個蝙蝠耳出嚟，都唔知話係有心定係多餘啦。個包點解係不過不失呢？事關佢同其他麥記包一樣，都係生得好似中左輻射咁，已經對佢賣相麻木晒。黑椒汁少少辣唔錯，快餐都唔多要求啦。芝士薯條絕對係驚喜之作，原本以為d 芝士醬會好難聞同好難入口，點知食落真係好好味，仲爽過點茄汁，加埋煙肉粒，一個字正。 

哩排成日見到麥當勞廣告買香芋麥旋風，嗰日經過就叫咗個嚟試。其實係普通麥旋風上面冧咗啲紫色嘅芋頭味嘅汁。但係啲汁好甜，啲味假到。。。重要搞到啲oreo冧晒！叫返正常嘅麥旋風好過！

OT到晚上10點，又未食飯又攰，決定食個快飯就返屋企覺覺豬，最後選擇了麥記，夜收工，又想令自己開心啲，於是唔order$21蚊餐，order了由staff介紹的飯卷餐。飯卷套餐選擇了雞+薯條+凍啡=晚餐等了約10分鐘，終於出餐。咬了一口，我真係唔明點解等左10分鐘，件雞卷都係凍，入面啲飯係乾到變硬，薯條係硬加大量salt，凍啡是酸的。之後我掉了雞卷入面的飯，無食薯條，半杯咖啡就完成了今日的晚餐。辛苦做完一日野，下之，唔會再選擇麥記。

在看過電視上的將軍與玉子廣告，又聽過某位食友談到最近吃了多次期間限定的「將軍漢堡」後，心思思想找一天吃它一次。終於，在這個晚上，有一次獨自開飯的機會，便趁機來到這間「麥當勞」一嚐它的滋味 。一場來到，當然不能只親近將軍而冷落了玉子 ，於是叫來「玉子將軍漢堡」餐，做這夜的晚餐。步上店子的二樓，幸運地只得一個男人在用餐，過不多時，連他也吃完離開，整個二樓竟然被我一個人獨自霸佔了十多二十分鐘 ，可以讓我一面望向窗外的街景，一面靜靜地享用這份「玉子將軍漢堡」餐，都算難得 。薯條與可樂就沒有什麼好說的了，都是一貫正常的出品吧！至於主角的「玉子將軍漢堡」，其實自己不太喜歡，對那濃甜的醬汁感到有點不習慣，雖然總比乾巴巴沒有加上醬汁的普通漢堡包好，仍然未能讓自己感到欣賞 。也許這始終是個人口味問題，既然有人喜歡，當然有人不喜歡。不過這「將軍漢堡」和「玉子將軍漢堡」原來只供應至這兩天，過了之後便暫時不會再供應，要是喜歡吃或想吃的話，就要把握時機了 。

麥記久不久就推出新包, 農曆新年一如往常跟軟硬合作及推新產品.第一波有牛肉招財褔堡.其實有點像黑椒漢堡, 老實講我覺得無特別, 純粹個名字應節. 尢其個賣相一點都不吸引... 惟一讚是塊牛肉夠厚夠多汁; 至於黑椒汁就一般, 不夠濃, 蒜粒和黑胡椒可以再多一點.扭扭薯條叫人失望, 可能是尾數問題, 我那包基本上80%都是碎, 只有兩條可以稱之為"扭扭薯條".睇雜誌話話第二波有雞腿版, 我熱切期待.

因為被麥當勞的「大富翁」吸引，這天特地到麥記碰碰運氣，湊湊熱鬧。買來一個「板燒雞腿包」加大版套餐，離開客人多多的地下，登上沒有那麼多人的二樓，靜靜地一邊吃頓快餐，一邊測試運氣。始終這篇是食評，那便先說食物吧！其實自己這次還是第一次吃「板燒雞腿包」。給自己的感覺是普通得很，微甜帶辣的醬汁、尚算厚肉的去骨雞腿肉與長身的芝麻包，再加上少許生菜作點綴，用來裹腹是可以的，說是美食卻怎麼也談不上。加上還算可以的薯條和毋用多說的可樂，這一頓晚餐總算完了填飽肚子的任務。這一餐的正點子 ---- 兩張麥當勞大富翁遊戲貼紙的謎底終於被我揭開。四張貼紙上分別是機會、鯉魚門、深水埗和淺水灣。噢！怎麼我抽到的竟是那可能數以千計的「淺水灣」，而不是獨一無二的「山頂」。算了吧！下次可能我就是那抽到「山頂」的幸運兒呢！哈哈！！

上日的早餐, 在旁邊的粥店搞拈. 是日的早餐, 就到這一間細細的麥當勞. 食番一個16元早餐. 4麥當勞, 細細的一間麥當勞, 是全新裝修過的. 雖然變成了圓凳長檯, 但靜靜的環境, 帶點黑色格調的裝修主題, 好似同受小朋友歡迎的麥當勞叔叔形象有點出入. 用上黑色主題, 把受小朋友歡迎的麥當勞, 變成一個高級小小的快餐廳, 吸引的對象, 是我們一眾, 為兩餐的打工人士.麥當勞, 越來越貴就不用多批評了. 早上優惠的不加薯餅早餐, 算是沒有什麼加幅的早晨美食. 一個豬柳蛋漢堡連奶茶.　豬柳蛋, 包得算是正正統統. 麥當勞的煎蛋, 是非常吸引的, 因為夠厚, 亦夠熟, 又夠滑. 混埋芝士同豬柳扒. 夠香, 夠味. 夠芝士味. 早上一份香口的McMuffin, 加上夠濃既奶茶. 廣告說, 有McDonald既Morning, 就是Good Morning.

由於公務繁忙, 好少有機會可以坐低嘆早餐就算去老麥, 都只會買個豬柳蛋漢堡餐邊行邊食今日例外, 可以忙裡偷閒仲抽起條筋食一個好幾年冇食o既熱香餅早餐呢類大型快餐店o既食物, 我一般唔會寫食評不過今次我認為要讚一讚除左個早餐可以勾起我o既回憶之外, 我想讚o既係一打開個蓋, 出哂煙, 熱辣辣, 即刻有種窩心o既感覺 一改大型快餐店冷冰冰o既感覺要彈o既係, 鮮橙汁十年如一日, 加大左都依然係超細size

見鬆一鬆卡咁抵,買左張唔汁輸~點知買野食冇10蚊都唔洗送ba我買左個doble新地..之後要個麥旋風請左朋友食個doble新地超多chocolate..好漏,仲可以當lunch食..食完勁飽= ="