麥當勞

營業中

休息中

邊有可能執嘢食叫麥樂雞同脆香雞翼係冇醬嘅，凍檸茶冇糖水嘅，買多一包Shake Shake粉，又係唔俾嘅，點搞啊？大佬，仲唔係第一次，下次都唔知點樣可以繼續去嗌，救命

而家星期一到星期五三點到六點期間會有下午茶嘅優惠，麥炸雞加埋一杯嘢飲$20搞掂，好耐冇食麥當勞啊之前睇新聞呢，乜嘢都會轉成係環保紙，搣開個杯蓋嗰陣先發覺杯蓋係紙㗎，哈哈哈哈，不過都好，環保啲，麥炸雞正常咁好食、蜜糖味嘅未食過，不過今日係想食出邊有一層炸衣嘅，所以就叫咗原味

下午茶食，因為有麥當勞親子會嘅關係，淨係叫咗一個魚柳包同埋兩隻脆香雞翼就送一個細薯條，脆香雞翼同埋魚柳包到合格，不過可惜薯條有少少林，可能係一早裝好嘅關係，脆香雞翼加埋最配搭嘅泰式辣醬，簡直冇得輸，餐廳嘅店員服務態度都幾好，下次行過再買外賣！好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟🌟服務態度 （5粒🌟）🌟🌟🌟🌟衞生程度 （5粒🌟）🌟🌟🌟🌟

相信麥當勞人人都食過，你哋最鍾意邊個餐呢？小編就比較鍾意食脆香雞翼餐，即係2號餐！一定要配泰式辣醬先好食！今次用餐就較得都可以接受嘅。但係仲有進步嘅空間！首先賣相都滿意嘅！唔會話太過難睇既！排列上可以再做好少少！味道都OK嘅，都脆香同夠熱既！可以合格 Pass既！汽水雖然就比較普通！唔係好夠氣！但係都可以接受嘅！至於薯條就林咗少少！不過都可以勉強接受！至於服務方面！都好有禮貌，有耐心去聽人叫咩食！可以合格嘅！但係有啲位置仲可以再做好啲是次用餐是脆香雞翼餐！雞皮都炸得好脆，而且都係新鮮炸出嚟，拎上手都覺得熱嘅！雞肉都唔會話太孩既！最後亦都唔會太多油！控制得唔錯嘅！唯獨薯條就有改善空間，薯條有啲真係比較林，同埋落多少少鹽可能會更加好，整體來講都可以接受！可樂都總算夠氣，而且味道都唔會話太淡！well done!

麥當勞 (東涌) 📍東涌達東路20號東薈城名店倉1樓112號舖近日睇到M記係咁賣呢隻黑糖珍珠奶茶雪糕🍦廣告，平時廢水飲得多，吾知雪糕🍦可吾可以代替廢水🥤決意一試。奶茶新地系列價目如下：奶茶新地筒：售HKD 5.5 ，可選奶茶味☕️/奶茶扭紋（奶茶味及雲尼拿味）黑糖珍珠奶茶新地：售HKD 6.5黑糖珍珠奶茶麥旋風：售HKD 14黑糖珍珠奶茶麥旋風，珍珠非常有咬口，食得出即日煲煮而成的，數量合理，共有17粒😂都夠一啖一粒珍珠❤️奶茶雪糕底吾夠奶茶味，只是顏色上做到，原因是配上的黑糖漿增加整體甜度，但整杯麥旋風甜度不太甜有驚喜，OREO餅碎增加口感🥰值得一試。#麥當勞🍔#黑糖珍珠奶茶麥旋風#新地#不算太甜#過口癮#煙韌珍珠#黑糖❤️

兩個半鍾都送唔到外賣！(850單)打去3-4次間逸東分店 不斷話好快送到。最後一次打去 話聯絡唔到車手。你地咁廢 ，一而再再而三敷衍 ，就咪開店啦！午餐變晚餐 廢到。。上次外賣送貨員冇戴口罩(另一張單)仲要瘋狂禁門鐘 你地好趕時間呀？

頹食必吃之選麥當勞，身為頹食專家點可以唔食呢！帶咗個脆香雞翼餐，雞翼夠脆，味道適中，非常好味，但伏味超濃既Oreo pie,淨係得朱古力味，無乜Oreo,需要改善！

為左試麥樂雞滋味醬，今次同男朋友嗌左18件麥樂雞套餐4個醬就係全新「鹹蛋黃醬」、全新「南乳燒雞味醬」、全新「香草檸檬醬」和「蜜糖芥末醬」最伏就係南乳醬，直頭係臭，麥樂雞一點呢個醬就浪費左！當然最鍾意就係檸檬醬，口感幾新鮮幾特別，好fresh，比得上最原始嘅甜酸醬～好中意

粟米批出咗都有唔少嘅年月，但係佢每一次一出嘅時候我一定會瘋狂食，真係太愛了個批咬落去非常脆口，熱辣辣嘅粟米醬已經忍唔住溢出嚟，鹹甜得宜，仲咬到淡淡粟米，熱辣辣食落去別有一番風味，我最愛就係粟米批了

咁鍾意食頹飯嘅我，又點可以唔食M記，M記簡直係一個居家旅行必備嘅良方，點都今次就食抵食選$24餐嘅玉子牛堡，再加大有shake shake薯條同荔枝特飲，其實個包就同孖芝冇分別，不過加咗厚蛋咬落口有口感好多紫菜薯條非常好味荔枝特飲超級鍾意有椰果同菠蘿，係我最鍾意飲嘅雪碧

今天活動完後，到了附近一間麥當勞下午茶，點了麥樂雞餐再加脆辣雞翼，麥樂雞和薯條不過不失，不是剛出爐的燙口，但都不是冷掉了。幸好我最愛吃的脆辣雞翼依然好吃！但這裡已成為小朋友聚首一堂的地方，嘈到跟朋友聊不了天。值得一讚，今天出餐的速度快很多。

返實習之前又唔想食太多嘢， 都唯有食下極頹嘅m記。 板燒雞腿包餐加麥樂雞餐就緊係唔係淨係我一個食啦，當然係搵埋親愛嘅家姐一齊食。 薯條都係 有啲軟，唔太脆，感覺上好濕。 反而雞腿包呢就有好濃烈嘅照燒汁味， 雞腿肉亦都好嫩口，非常之好食。麥樂雞都係keep住好脆口，唔錯！咁作為頹食來講 ，香口嘢再加杯可樂都係個唔錯嘅選擇嘅😃😃

真心嘅,喺麥當勞早餐餐牌入面，我最鍾意食嘅就係板燒雞腿扭扭粉， 雞肉永遠都好似雞髀肉咁好食得來又有咬口， 豬骨湯亦都非常之好配到扭扭粉不過美中不足嘅就係而家已經冇得再加芝士，否則個味道會更加好一個板燒雞腿扭扭粉，再加一杯熱朱古力，簡直係一個非常之好嘅早晨😘

網上搜尋資料，於是走到過來這條村邨。但是，卻找不到心頭好的那間粉麵店，到達之後，又發現，地盤佬在頹飯餐廳門口也需要排隊；年青人又再譚仔外面排隊；時間不太多，就只好吃麥當勞。看見領剪商場及街市，買三合一咖啡都比平日貴了＄10 ，真是憤怒。還有，外面的店舖只供外賣，買完又不知去哪裏吃。其他的餐廳，就只有譚仔、茶餐廳、波仔、的確選擇甚少。搖搖薯條，選擇了芥末味，其實芥末味搖搖薯條都挺濃味，搖到不太均勻的話，較多粉的，就會比較嗆口。可能午餐時間比較多學生，因此薯條不會擺放太久，夠熱夠脆。平常時間，麥當勞即使推出什麼特別的漢堡，例如將軍漢堡等等，我也不太喜愛，不算太特別，但是收費卻貴了＄10。唯獨是這個菠蘿蝦堡，最具水準，菠蘿雖然顯然是罐頭菠蘿🍍，但是還算鮮甜多汁，放在炸蝦堡上面，開胃健脾。炸蝦堡，炸粉不太厚，內容豐富，蝦肉挺多，絕不欺場。這間麥當勞夠大，即使多學生、邨民，亦比起東薈城那兒極多旅客的分店鬆動，還可遠眺窗外風景。

之前同媽咪去咗麥當勞,仲一人一個開心樂園餐,不過係揀平嗰D.個芝士漢堡飽同漢堡飽都係普通貨色,薯條夠鹹.有麥樂會卡,仲送多兩杯汽水.