麥當勞

營業中

休息中

岩岩新出了McGriddle 包，當然要一試一早來到便見到成間麥當勞打晒仗，人山人海幸好員工都好努力不停製作，值得一讚個包拎到手仲是熱的，所以食入口仲好軟熟同係日本食既差唔多味 正😄

因為要去BB展shopping,所以就快快脆脆食個麥當勞就入會展掃貨！揀左7號餐，「豬柳蛋漢堡餐」！餐廳可能人流多，坐位唔太多，都要等位！豬柳蛋漢堡同薯條都好夠熱，好欣賞！熱辣辣先至好食🤤（最怕啲野凍冰冰）因為個包嘅芝士好似溶溶地咁👍好味!飲品揀左熱朱古力，好甜但好好飲。

✔️魚柳包做緊特價，所以比較抵食，呢一間麥當勞嘅魚柳包質素我覺得都尚算幾好，因為佢應該都係即叫即做！我第一啖咬落去嘅時候都係熱辣辣，係有煙！所以加埋溶咗嘅芝士同埋沙律醬整體嘅味道同埋口感上都幾好食！呢一個價錢嚟講算係非常抵玩！（$14）✔️脆香雞翼都係我嘅最愛，今日就再叫咗兩隻，不過有少少唔係熱，加埋我最愛嘅泰式辣醬，簡直係冇得輸！薯條就有少少好林，就不太推介了，不過下午茶嚟講呢一個價錢都係非常抵食，而且餐廳人唔係太多，都幾好坐. 冇乜可以投訴！

之前喺網上面買咗啲麥當勞優惠券，就用嚟食下午茶，今次嚟到依家喺灣仔嘅麥當勞，距離地鐵站好近，地鐵站行過去喺天橋，我諗大概都係3分鐘，非常適合快餐。脆辣雞腿包熱辣辣即叫即做、因為我叫咗走菜嘅關係，餐廳都好好，咁幫我走咗，炸雞同佢本身個沙律醬都真係好match，食落口炸雞亦都唔會太油膩，呢間麥當勞都合格，而且佢嘅薯條唔係擺放咗好耐，都非常挺身，唔會好似有啲麥當勞嘅薯條咁好林，所以整體上呢間麥當勞都合格，檸檬茶就不過不失，冇乜太大特別

每次返香港，我都一定會食麥當奴，其他國家，不是貴，就是不像香港那味道。雙層牛肉巨無霸，是我們兒時速背換免費飲品的回憶，也是到今天依然食巨無霸原因，但今天還是否尋找食麥當奴的女友，我就不知道了。

今朝陪老公出灣仔開會，我自己就去咗麥當勞嘆個靚早餐，享受一個good morning。去到已經人頭湧湧，好彩外賣嘅多，裡面都有位坐。今日叫咗炒雙蛋火腿堡餐，出咗咁耐好似真係第一次食，平時例牌會叫豬柳蛋漢堡餐。炒雙蛋火腿堡都有少少驚喜！炒蛋嫩滑濕潤，一啲都唔「老」，蛋味好香，帶有少少牛油味，好正！火腿扒一直都係我嘅至愛，咸咸哋好開胃，口感有彈性。麥當勞嘅薯餅當然唔使講啦，炸得香脆可口，外面脆，裡面軟，口感真係一流，薯仔味都好香。

新出嘅豬柳蛋蕃茄濃湯扭扭粉早餐，明明幅圖有粟米，出咗嚟冇，勁sad問店員，佢話係冇，我同佢講幅圖有…..之後我喺麥當勞個app寫咗意見，都冇回覆蕃茄湯好濃，似成碗茄膏咁薯餅就ok啦

點三個餐就漏三樣，要返未計較。兩個兒童餐，兩杯橙汁，一杯就正常，另外一杯根本就係水！小朋友話唔好飲，仲以為係小朋友胡鬧。快飲完我一試，真係水一樣冇味！我杯可樂個味都怪怪地，冇氣泡！麥叔都可以差成咁，真係長見識！

11元在香港食的魚柳包，就是相片中的樣子，包扁左，魚好硬，成個包都唔熱，而且冇咩沙律醬，總之唔知自己食緊D咩，係一個好奇怪的感覺。如果想做PROMOTION，雖然是好平$11，不過咁既質素，真係令人難以接受。在香港地真係買個腸仔包都要$10，如果$11冇錢賺既，咁就不如賣番貴D但唔好咁難食。我真係好奇想知，如果我用正價買魚柳包餐食，係唔係都係咁既質素? 定係因為我呢個係平野，就整舊咁既恐怖野來就算?作為大企業，麥記係完全冇QC可言吧~?咁既野都可以賣得出比人，我真係難以接受。呢間野不停用即棄餐具，依家仲要浪費食物，我真係完全唔會再幫親呢家金拱門。

我老豆話我知我小時候好鍾意食麥當勞，我真係無印象。好彩我女好少食麥當勞（除雪糕外）！今晚7:30要去會展睇冰上迪士尼之米奇超級星光匯演，我地6:30pm先到灣仔，但又未食嘢，結果阿女提議食麥當勞，可以快食快走，其實佢只想要開心樂園餐既玩具🥴叫左4件麥樂雞既開心樂園餐再加一個魚柳飽，係平既快餐$39.5，但真係唔太好味。魚柳飽有倒汗水，搞到飽太淋，tartar醬又少。薯條無乜味，連鹽都好似無落，又唔熱！麥樂雞比較好，可能個sweet and sour sauce 好味卦！全個餐最正既係杯雪梨茶趕時間，無辦法啦，好又一餐，唔好又一餐！

之前有人都提過，灣仔駱克道151號2樓全層的麥當勞員工態度極其惡劣。尤其是一位姓卓的經理，在公眾場合大聲呼喝客戶，當我對他說：我是客人，你可否唔可以咁大聲。他居然話：我本來說話的口吻就是這樣。先生，不是你本來係咁就大曬的。這裡不是拍電影。然後我問佢先生你貴姓，佢直接話：不如卑個電話你嗯？（仍係態度非常差）我問他給我的是什麼電話，他說是投訴電話。可以講，M記的投訴機制，形同虛設。無論客戶的訴求是甚麼，作為一位經理，這樣的處理，實在係非常唔合格。

灣仔M記，普遍讓人覺得一定會逼爆全場，連買餐都要等十五分鐘。但今天，我中午食飯時間，大約12:30左右去到駱克道上邊的麥當勞（即是橋上的那間），竟然發覺不用排隊！無論是出面的自助點餐機或是傳統櫃檯買餐都是可以直入直買，那就跟同事們一起到出面的自助機慢慢選吧。利用電子支付買滿$20，下次可以回贈$10的關係，我們一行四人在自助機上慢慢點餐，後面都是沒人排隊的，星期一大家都出去食大餐了嗎？撞正加大餐有調味粉送的關係，我就點了板燒雞腿包餐配和風紫菜粉，都是大家食開的餐吧。因為我們是外賣到公司，拿到公司後發現這裡加大後的薯條竟然比外面的更多，一拿起手就已經感覺得有點重，果然食起上來都是，加大後份量很多，非常滿意。其他的，都是沒有什麼特別吧。但是次用餐令我對灣仔橋上M記改觀，不用等候，份量充足！

這間麥當勞位於灣仔，每逢中午時段都特別多人，下單到可以拿可能多要10分鐘多一點。不過基於他的價錢是坪上午餐的一半價錢，等下也無妨。今次試了他新出的玉子牛堡套餐，超值套餐其中之一款。味道和想像的一樣，很一般，可能他是特價套餐的關係，一早己準備了很多，所以到手時只能說是一般暖，完全沒有熱的感覺嗎。跟餐的熱檸茶也是，只有一點暖的感覺，這個很失望，差點連糖也溶不了。反而今次的薯條，可能因為很多人不停下單，他很快的又炒了新的，所以特別熱，正！

麥當勞包中，我最鍾意就係將軍蛋漢堡，但通常出一排又無，所以今日剛剛有，就即刻去食。今次食同以前嘅味道好似有啲唔同。以前好味啲...菜唔夠多，同個圖差啲...塊肉就淋左啲...唔知似咩肉。不過個蛋同啲醬嘅味都ok.Shake shake 薯條就揀左蜜糖味，最穩陣。試左兩條朋友叫嘅明太子...都係甜架，有一種講唔出係咩味嘅味道🤣

今日係灣仔做嘢，因為要趕去下一站，所以去麥當勞買外賣食，叫咗個芝士蘑菇安格斯包餐，真係勁失望，個芝士蘑菇安格斯包竟然冇落蘑菇，個包係凍嘅，麵包好硬又韌，啲牛肉又乾，真係勁難食，啲薯條又林又凍，今餐真係好失望。