麥當勞 (綠楊坊)

營業中

休息中

今日喺M記試咗佢哋嘅早餐珍寶套餐，加杯熱朱古力，再加多兩塊薯餅 食完真係好滿足，簡單講講啦！ 啲鬆餅係熱辣辣既，我個人食法係加埋啲密糖同牛油落去 口感十足。炒蛋唔會太乾加埋塊豬柳夾包變豬柳炒蛋包咁食。薯餅就係M記經典 我係好鍾意食既 所以加多兩塊，外脆內軟，熱氣騰騰，食落真係好滿足。 熱朱古力飲落去暖笠笠，朱古力味濃但唔會太甜，啱啱好嘅甜度，飲完覺得好舒服，特別係同呢個早餐一齊，覺得幾夾，仲有種溫暖嘅感覺。

今日（24-12-2024 Tue）平安夜，點都唔可以留喺屋企，要出街吧，雖然唔係食什麼大餐，但都食吓cake，因為22-12-2024 （Sat）晏晝，我喺街市街麥當勞見到Mc Cafe有好多種咖啡，而嘅蛋糕套餐都係$40.00，但冇買到，咁今晚嚟食啦。我同老公嚟到，佢去搵位，我就睇有冇想食嘅cake，答案係有，而套餐就話配一杯指定咖啡，但冇講邊啲，而我就問老公係咪飲2杯咖啡？佢冇覆。而一個應該係經理嘅男職員問我想要咩嘢？我答等陣先。到我老公覆咗想問嘢時，佢就走咗。OK，咁我去普通Counter，見到嗰個男經理喺喥執𡁵餐，好算數，我就問counter，個女職員答唔知。Fine，我唔怪佢。於是我行返去Mc Cafe counter，見到一個女職員似執𡁵嘢，我就問佢嘢，佢答指定咖啡有鮮奶咖啡，椰香咖啡同特濃咖啡。我又問咁如果揀其他咖啡係咪要加錢？佢答係。咁我就要$40.00嘅紫薯慕絲蛋糕，配椰香咖啡，同$27.00嘅奶醬意式包，配熱mocha，要加$5.00，俾完錢就等一陣自己攞。幾分鐘後我出去攞，分咗兩個盤，我就要攞兩次。睇見杯mocha有少少驚喜，整個聖誕老人頭，老公將花生醬同鍊奶搽

買了一個漢堡包，漏單了。但沒有跟進，再呆等，再追問冇反應。最後找經理(灰色製服). 很悔氣叫㕑房話整個比佢(即係我)。全程冇望我一眼，我說算了。從未試過麥當勞甘差。

21-4-2024(Sun)晏晝，同老公由紅磡同尖沙咀返荃灣後，佢要食啲嘢，食邊間？佢話吉野家或麥當勞，我原本想食唯一嘅韭菜餅，不過佢唔夠香，而且我都唔肚餓，咁就老公去麥當勞啦。我哋去到啱啱好有位，老公自己買嘢食，佢買咗$29.00嘅六件麥樂雞餐，要芥末醬，薯條轉咗粟米，再用$11.00買酥皮朱古力批。都等咗幾耐下先至有齊，我先食麥樂雞，麥樂雞係受潮腍晒，同我喺 12-4-2024（Fri）晚石圍角分店食嘅一樣，好差，唔通o家係麥樂雞嘅新標準？而芥末醬都幾好食。0.5分粟米就冇乜味，我就自己挑啲芥末醬嚟食，就有啲味。3分最後食酥皮朱古力批，反而係有驚喜，雖然佢唔太熱，但酥皮脆，入面嘅朱古力漿都唔算太甜，好味。5分服務:我哋坐近門口位，所以聽到職員嗌no.,但喺石圍角嗰間我完全聽唔到職員嗌no.，睇電子顯示屏亦都唔會跳no.，感覺呢間叫做好過石圍角啲。

今日到荃灣站綠楊坊麥當勞，地點幾方便，又見最近麥當勞推出優惠，100蚊有4個餐，就買左優惠券試下，今次個餐是+3.5元轉飲大即磨咖啡，加埋都是28.5元。感覺都幾優惠。下次見會再買。

又到三點三下午茶時間啦,今次去咗麥當勞食咗個包, 魚柳包。魚柳由狹鱈魚肉製成,並於外沾上一層特製的麵包糠,外面金黄酥脆而又保留了魚肉的鮮嫩多汁,美味魚柳與滋味沙律醬配搭,風味獨特。價錢只係11蚊,物超所值。

又有新野！😀😀脆洋蔥安格斯🍔套餐+朱古力🍫批又係用佢個App 優惠，只係$45！講下個‘朱古力🍫’批先：😛😛包裝幾特別，模仿撕開一半包裝紙嘅排裝朱古力🍫，外層炸衣幾薄，裡面d朱古力醬多到冇空位嫁，真係多到爆🌋🌋！朱古力味當然好濃郁！好似飲緊朱古力！朱古力迷一定鍾意🥰🥰再講下‘脆洋蔥安格斯漢堡🍔‘打開個包睇睇，洋蔥呢？係邊呀？🤨🤨原來同沙律醬黏住喺包上面，嘩！唔打開真係唔知！味道方面洋蔥味唔重，配搭個肉汁帶有甜味，漢堡正常！個包比我感覺係用洋蔥碎，唔好浪費所以拎去炸，下欄野當主角賣，又唔夠多，只係一小‘督’，建議改名：‘碎’洋蔥安格斯漢堡🍔🍔同場加影：火腿扒芝蛋包🍔$10反而有驚喜，火腿扒多汁有火腿味，蛋就乾左dd可接受

寫m記食評好似無無謂謂咁，但今次m記咁創新出宜家熱爆全城嘅芝士奶蓋，就真係要寫下喇。本身都鍾意飲呢類港女至愛嘅飲品，今次m記app比晒coupon免費試飲就梗係要試下！免費嘅得兩個味可以揀，四季春同齋啡。感覺上奶蓋好似同茶夾啲，都係揀番四季春啦。奶蓋份量唔少，第一啖飲個奶蓋的確有芝士味。茶就好一般，可能因為多冰嘅關係，茶味好淡。兩者溝埋之後，奶蓋嘅芝士味亦都明顯減弱。奶蓋上面佢都有落到啲topping,一開始以為係抹茶粉，點知係茶葉黎，脆卜卜咁，口感有啲奇怪，個人認為唔加好過加。原價25蚊黎講，真係好唔抵飲，質素好一般。但可能免費嘅關係，可能員工都做唔切先咁。見個app仲有張買一送一券，過兩日試埋其他口味先！

McCafe玫瑰系列🌹💝.McCafe同Lindt合作crossover，新推出左浪漫玫瑰🌹系列❣️小編超愛件玫瑰芝士蛋糕🍰，迷人粉紅色吸睛之餘，味道都好好！玫瑰同芝士味配合得恰到好處，兩者都濃得黎唔過甜，玫瑰味香得黎唔會好假！面層係薄薄既cream，中間係粉紅芝士蛋糕，餅底都好實身好味👍🏻面頭灑上少少花瓣好有少女既感覺🌹🤩.至於玫瑰熱朱古力🍫☕️就有好靚既拉花🌺有四粒好得意既心心！玫瑰味相比起蛋糕就較淡，而朱古力都較濃同甜，或許係朱古力粉放多左吧！總括黎講呢個系列係近半年小編最喜愛的☺️

M記珍寶早餐☀️🥞.新出既奶醬熱香餅🥞用練奶同花生醬，又幾好味喎！🤤比起蜜糖同牛油係另一番風味，不過兩者同樣正！今次奶醬就係西多既味感🤣而小編更愛落些少黑椒落炒蛋🥚同埋夜晚都仲有得食薯餅，呢個感覺簡直係超爽‼️🎉😆

今日下午放工餓餓地食個TEA先去左綠楊坊麥當勞都有兩條隊都要排左一陣先可以埋到去今日叫左個平餐板燒雞餐加熱朱古力,中薯條叫完再行埋一邊再等等到有野食就搵位坐,不過裝修環境就真係唔多好了搵到個位就食野啦板燒雞包-都唔錯既夠晒熱,醬汁都算多熱朱古力-都夠晒香濃中薯條-唔夠熱唔夠脆

麥記周圍都係, 個個都食過, 呢間嘅不一樣, 在於服務比以前好咗。每逢星期六日, 呢間老麥一定好多人。排隊排到出面係常見嘅事。所以有時我見到太長龍都寧願食其他算。今次竟然冇呢個情況! 原來啲staff都好主動地呼籲排隊嘅食客可以用自助機點餐, 我初時以為淨係比card先用得, 原來cash都得。就算係自助, 啲staff都非常helpful, 從旁協助。成個過程唔洗十分鐘就完成有食物到手! 仲要冇執漏任何一款醬汁~ 負責掃地嗰姐姐都好有禮貌, 打掃時怕會阻住食客, 講曬唔好意思感。希望第日都繼續keep到依啲服務質素btw.. 一個人食jumbo set做早餐真係好飽..!

正如標題所講，麥當當都要寫食評，傻的嗎？香港人冇乜邊個未食過，但係今次觸發我寫嘅原因係，佢哋嘅手機點餐服務，真係好方便，又快捷時代日新月異，現在除咗有即時付款系統八達X、支X寶、微X⋯⋯等等，有時你去到餐廳大排長龍，如果你識得預先下載呢個手機點餐服務APP，真係會快人一步理想達到首先你要自己揀好晒你需要嘅食物，然後去到餐廳之後掃描一個QR code咁你就會有一個訂單編號，跟住服務員好快就會叫你俾錢，嗰種唔使排隊，惹來艷羨目光嘅感覺，真係飄飄然麥當當價錢平唔在講，其實都係陪着我由細到大成長板燒雞腿包，係我近期至愛，鍾意佢啖啖肉，好似食緊成隻雞髀咁樣今次唔配薯條🍟，配粟米🌽，正所謂有得揀我先至係老闆吖嘛，下次大家有機會都試吓手機點餐服務吖

今日(12-5-2018 Sat)朝去買餸前食o野,麥café o衣o家新出芝味多士系列,好想去試,就今日啦.去到未多人,只有一個客買o野俾錢,俾完錢兩個職員整食物,都用o左我5分鐘去等.我要o左$27.50 o既中凍柯華田泡沫脆脆同$13.00o既煙肉火腿雞蛋芝味多士.買完坐低等,大約兩分鐘就有齊,拎返埋位先.煙肉火腿雞蛋芝味多士扁tat tat,毫不吸引,食落,麥方包口感好o鞋但夠脆,味道就係一個字,鹹.冇辦法, 煙肉火腿加多士,是但啦,由於成個口完全被麥方包o既o鞋佔據,所以食唔出蛋o既繳滑.而中凍柯華田泡沫脆脆呢,味道唔太甜舒服,不過其實啲脆脆浮o係面,用飲管係吸唔到,要飲到最後打開個蓋舀o黎食,咁不如平少少唔好加.衛生:有隻蚊滋係咁飛o黎飛去.環境:Café呱邊o既位比較熱.上次o黎食已經係5年前o既事,o個個食評: https://www.openrice.com/zh/hongkong/review/%E4%BF%82%E6%96%B0%E9%AE%AE%E6%AA%B8%E6%AA%AC%E5%8F%88%E5%A6%82%E4%BD%95-e2291219

第一次用自助機買餐，好得意！老麥最近推出嘅My Signature collection 可以自選，咁我就揀左牛油果醬配安格斯漢堡，麵包就係意式軟包。牛油果醬配漢堡呢個靈感來自另一間日式連所店早前推出嘅期間限定！諗住可以尋點昔時啲味道，可惜牛油果醬無牛油果味。成個包又好乾身下次都係揀返蘑菇醬好而最近推出嘅薯格反而俾到驚喜我。因為新鮮炸得一啲都唔乾，又脆又好味！加三蚊值得！唔知幾時開始推出六點後送餐服務，好正！用完部機，隔左一陣，就有人親自送餐，唔洗排隊等！