麥當勞

營業中

休息中

食咗四道菜減$5嗰個優惠，有黃金脆薯牛堡，新年紅豆批，扭扭薯條同一杯可樂。全部都係啱啱新鮮整出嚟，幾好食，可以話係每年新年都要食嘅嘢。不過真係越嚟越貴，而家食卡麥當勞都要成$60不如食其他嘢😅

今晚試咗間cafe嘅手工甜品同埋香濃咖啡☕，簡直係絕配！榛子鮮奶咖啡提起幾句，冇得輸，就係d咖啡迷心中嘅經典味道。苦中帶甜，榛子香氣撲鼻，喺疲憊嘅夜晚，飲一口，精神一晤全返嚟。特濃朱古力蛋糕，我要讚一讚，頂級滑溜，朱古力香濃得入心脾，簡直係甜品控嘅夢幻之選！最Hit嘅係朱古力鬆餅，熱辣辣嚟一份，顆顆朱古力珠融化喺心坎裡，咬落去嘅感覺又鬆又軟，而且唔會太甜膩，真係食咗還想再食！今次來到嘅甜品體驗，真係令人回味無窮，分分鐘想介紹比身邊嘅朋友試一試。下次再探店，我一定要再啖呢幾款招牌美食，滿足一下我對美食嘅無盡追求！🍰🍫👍

那天在荃灣麥當勞分店用餐,點了蜜糖BBQ麥炸雞套餐。兩件麥炸雞呈現橙黃色,表面覆滿了厚實的蜜糖BBQ醬,散發香甜的BBQ香氣。第一口咬下去又香又甜,帶來顯著的BBQ風味。內層的雞肉津津有味,軟嫩多汁。粟米粒也很可口,跟雞肉一起入口感覺更佳。 熱飲選了朱古力飲品,濃郁的朱古力是最佳搭配。至於朱古力雪糕新地更顯豐富,兩種口感並存的朱古力享受令人留戀不舍。整體食材搭配就緒,讓人一邊吃一邊對麥當勞的香甜熱量印象深刻。這套餐以雞肉作主角,且內容豐盛,絕對是物有所值的選擇。

早餐轉左McCafe即刻走咗去試，唔知係飲慣咗定係點樣，都係覺得以前嗰杯順口好味啲，好彩而家McCafe唔使額外加錢，如果唔係變相加價真係得不償失 至於魚柳包，已經好耐冇食過，今次同埋McCafe試一試，同我想像中一樣，都係咁細，個沙律醬自己覺得比較酸咗少少，但佢個包係鬆軟嘅

同🤴🏻食完晚飯知道麥當勞出咗新雪糕🍦，特登同🤴🏻去試一試先！😀😀～～～福岡草莓🍓新地🍦～～～呢個福岡草莓🍓新地🍦會再配埋雀巢Kitkat朱古力🍫條（一條），其實唔知有咩特別食落唔覺得好夾，如果配嘅係士多啤梨🍓味嘅Kitkat條數好似啱數啲😓😓佢係淺淺地嘅粉紅色雪糕🍦，味道係草莓🍓朱古力🍫味，唔係好濃😀😀！🤴🏻就覺得似食緊化學味😅😅，我就覺得試過就算啦！😆😆

呢杯咖啡簡直係由細飲到大，今日突然收到話佢會退休，咁梗係要即刻去買來飲呀，飲咗咁多年突然話冇得再飲嚟緊都唔知點算。麥當勞咖啡一向都係比較多奶，順滑，味道有啲似latte，當然就平啲啦，但又唔敢話平好多😂 飲咗咁耐，好多人都係每日靠佢提起每日嘅精神，有時都好懷念以前有得無限refill嘅年代，估唔到今日連呢杯咖啡都要退休。豬柳蛋漢堡其實每一次食都覺得好油好滯，但食完第二日又會想繼續食佢，豬柳蛋漢堡等於早餐必食嘅漢堡包🍔。相信好多人都同我一樣，趁佢仲未退休，有得食好食啦

我最鍾意食抹茶製造嘅嘢，今日發現咗麥當勞推出左超好食嘅抹茶批 批內有豆乳加抹茶醬～食落口唔會太甜，豆乳味非常濃郁！今期仲推出咗玉子將軍漢堡 呢個漢堡包係我今期最愛絕對推介俾大家

琴晚凌晨去咗沙咀道呢間麥當勞食M記拎外賣，有一個男經理係到既，首先佢全程黑口黑面，我問佢有冇廁所，佢望都望，唔會望你，亦冇出聲，只係用手指一指咁樣就算。其實咁樣真係勁無禮貌全程好似啞左咁，再同佢講野黑哂口面唔應機咁對住我。我又冇做錯野，唔知得罪左佢啲咩 其實你心情唔好都唔可以咁對客好失望對哩間麥當勞，以後唔會再尼食 比氣自己受咁，其實好想投訴佢野食方面呢薯條冧哂都照比客，汽水唔夠氣。一個字，差，服務態度有待改善

ViuTV電視劇季前賽同麥當勞聯成宣傳，新推出炸雞🐥巨無霸🍔，仲送埋演員閃咭添☺️☺️～～～脆雞🐥巨無霸🍔～～～我同時買埋普通巨無霸🍔，比較兩個巨無霸🍔從盒裝方面已經睇到脆雞🐥巨無霸明顯大普通巨無霸一節，到個包身都係高左一層😆😆味道方面基本上同之前嘅麥香雞🐥包個味完全一樣😅😅，零驚喜，又未做到雙層魚🐟柳包個種驚喜同滿足感😗😗！可惜！可惜！🥺🥺～～～法式龍蝦🦞湯味調味粉～～～有好香嘅龍蝦🦞味，唔會過鹹，勝在食完唔會太口渴😚😚今次抽卡抽倒姜濤同Stanley呀！😝😝

✨ 蛋糕麥旋風 $15呢個係麥當勞最新推出嘅麥旋風口味，宜家賣緊15蚊，入面除左士多啤梨醬🍓🍓🍓，仲有朱克力🍫🍫🍫醬混合埋一齊，絕對係一個全新嘅配搭組合，對於麥當勞係教新穎嘅口味。上面仲有兩舊蛋糕🍰🍰🍰撈埋麥旋風一齊食令到口感層次豐富，又唔會太甜，唔錯唔錯👍🏻 ✨ 蘋果吉士批 $9新推出嘅蘋果批，吉士醬溝埋蘋果蓉加上熱辣辣香脆嘅外層，有幾夾幾爽，宜家賣緊9蚊一件，做甜品一流呢！🍎🍎

McCafe 復活節限定蛋糕🍰，2件/$54 仲連埋個盒比你！同🤴🏻試吓先☺️☺️～～～榛子朱古力小雞🐣蛋糕🍰～～～啡色圓形細細個、圓咕碌超得意，眼仔勁細，只有兩點🤣🤣！嘴巴應該係一點黃色但可能太細唔知掉左去邊🤪🤪，頭頂紅色雞冠係白朱古力味🤭🤭蛋糕🍰未食已有榛子香味，越食中間朱古力醬會越多，相對榛子味越重，味道就同金莎朱古力一模一樣😂😂，感覺似食緊蛋糕版嘅金莎朱古力😋😋

見到麥記買廣告嚟緊會出返一隻H字頭嘅朱古力雪糕🍦，咁即係話黑糖珍珠奶茶雪糕🍦會下架！呢隻黑糖珍珠奶茶雪糕🍦搵左幾次，食極都食唔到，一係就賣晒，一係就冇返珍珠冇得賣，咁今日出街睇下食唔食到先😛😛～～～黑糖珍珠奶茶新地🍦～～～$6.5奶茶味都幾濃略甜，但唔甜唔叫雪糕🍦啦😚😚好彩嘅係佢唔係死甜，珍珠亦夠彈牙！😜😜～～～黑糖珍珠奶茶麥旋風～～～$14雪糕底就一樣都係奶茶味，但溝埋Oreo朱古力落去，就會多一陣咬口！😌😌朱古力溝奶茶個味道都幾夾😋😋比起佢同系列嘅‘沖繩黑糖珍珠奶茶🧋’對味得多🥰🥰

放假天 想起好耐無食麥記行過見到有間麥記在二樓便同朋友一齊行上去回味下我地叫左麥炸雞同菠蘿脆辣雞腿包麥炸雞食過幾次大件又脆又野味 好食過kxx 多多聲已經成為我去麥記必食的常餐最近仲有蜜糖味麥炸雞 係就係貴少少但我更喜歡佢既bbq脆皮加上我有入媽咪會都有些優惠所以就叫左佢呢個麥蜜糖bbq麥炸雞餐通常我薯條🍟都會叫走鹽等佢將新鮮出爐熱辣辣的薯條比我it is fantasy!i lovin'it另外友人就試食新出品菠蘿脆辣雞腿包菠蘿同個雞腿包又幾夾good try !

上星期食完芝士安格斯，今個星期又出新野！轉得太快啦吧😭😭今次算有少少誠意，係同一隻韓國嘅辣椒🌶️醬OTTOGI Crossover，唔再係多舊肉就當新餐賣🤑🤑～～～地獄脆辣雞腿包～～～$40又係衰多手要咗多醬，麵包本身特別鬆軟，用力少少握住已經會散開，再加上多醬，顧得個醬黎又顧唔到個包，搞到成手都係醬，非常呢hea🤪🤪個包越食越辣，最後仲要勁飲汽水！絕對冇欺場🤯🤯辣味就真係OTTOGI 辣椒🌶️醬味，但可惜太辣，根本食唔到脆雞味，唔係食開辣嘅唔好加醬😚😚～～～菠蘿🍍脆辣雞腿包～～～$30之前都好似出過加菠蘿🍍嘅脆雞腿包，貪佢菠蘿味可以解一解脆辣雞嘅油膩感，我覺得好味過純粹係‘脆辣雞腿包’🥰🥰～～～菠蘿柚子梳打～～～有塊大大嘅菠蘿片喺裏面，都幾厚身！但柚子味比較淡算正常OK☺️☺️～～～韓式泡菜調味粉～～～有泡菜味，但可惜唔係討好嘅泡菜味，感覺怪怪地😑😑上星期九點就冇得買黑糖珍珠雪糕🍦（上一篇），諗住今日8:00食完飯就去買點知......😞😞佢啲珍珠冇貨呀😱😱咁就叫左個～～～奶茶新地筒～～～$5.5質地非常非常軟身，奶茶味略嫌偏甜，冇咩茶味😐😐唔知幾時先食到個黑糖珍珠雪糕🍦呢？😢😢

好鍾意食麥當勞，特別係佢嘅熱香餅早餐🥞雖然⋯佢嘅糖漿唔係真嘅楓糖漿⋯啲牛油又係植物牛油⋯有時唔好彩熱香餅仲未必熱⋯凍香餅都唔算太慘，有時餅邊仲會硬硬地添⋯但如果好彩食到熱辣辣軟綿綿嘅，3塊加埋杯嘢飲都係$16，買杯珍珠奶茶、水果花茶都唔得啦🤔而且食得麥當勞健唔健康都應該心裡有數啦😯假日就冇$16優惠餐，但如果你用mobile app點餐周不時都會有嘢送，好似早餐多數會送細橙汁。不過唔知點解麥當勞一定要人買套餐先可以用呢個優惠，搞到個餐有兩杯嘢飲；又不過杯細橙汁唔同細汽水真係好細；又又不過唔知點解人地日本同樣叫鮮橙汁同中汽水一樣大杯仲係唔駛加錢⋯⋯唔通香港係人手鮮榨嘅🤔可能麥當勞都明白大部份人覺得handmade就係好嘢，睇今次熱香餅各有唔同嘅大小就知道👍🏻😉