麥當勞

營業中

休息中

今日（28-7-2024 Sun） 同老公買完餸之後，佢要食晏，去邊喥食？今次又去麥當勞啦， 其實噚日佢已經食咗楓糖班戟豬柳漢堡套餐 ， 今日佢喺個噚日新開嘅app喥，見到有一個星期內使用嘅迎新優惠，我見到有套餐優惠券，亦有薯條或雪糕新地送，於是 就今次我自己一個人食$34.00嘅楓糖班戟豬柳漢堡套餐，飲熱檸茶，老公就要原價$44.00，迎新價減$10.00，即係$34.00嘅巨無霸餐，跟住我哋就要埋個免費嘅雪糕新地。兩個餐都有齊喇，今次我嘅楓糖班戟豬柳漢堡唔要蛋，睇見個漢堡唔大件， 楓糖已經咗入pancake喥，甜甜哋嘅pancake撈埋咸鹹芝士同豬柳食，又鹹又甜，感覺普通又唔係太差，但pancake厚身鬆軟，係好食嘅，麥當勞其實要感激泰昌餅家整出嚟。跟餐嘅薯餅正常冇問題，杯熱檸茶就偏澀苦，有少少難飲。楓糖班戟豬柳漢堡：4分熱檸茶：1分老公嘅巨無霸餐就唔評喇。最後杯雪糕新地，係冇得揀味道，只俾士多啤梨味，食落依然係夠軟滑，士多啤梨味就好彩都唔係藥水味，ok嘅。3分環境：上次2024年7月15刊登嘅呢篇食評中提過，坐有自助售賣機嗰邊，冷氣係唔夠，今次坐開Party嗰邊，冷氣就勁好多，一

噚日（14-7-2024 Sun）買完餸後肚餓，會合返完教會嘅老公食晏，去邊喥食，就嚟呢嚟堂食啦。去到，老公已經搵到位，但由於對住垃圾桶，我見到另一張枱有人走，就走去坐，老公要執走上手嘅嘢，之後自己點餐，點完見冇嗌no.，就提老公，佢就出咗去等兼叫人嚟抹枱。之後佢捧兩個餐嚟喇，但我發覺個位冇乜冷氣，老公見另外又有枱，走過去坐話有啲風，咁我哋又轉位喇。呢個位係好啲，但其實係有啲風囉，我哋就開動喇。老公要$39.00嘅滋味蝦堡套餐，薯條改要牛油粟米，飲可樂。我要$33.00嘅蜜糖BBQ麥炸雞2件套餐，我哋唔撈埋食喇。先食蜜糖BBQ麥炸雞，有雞槌同雞胸，一食，味道怪怪，唔好食，不過佢外脆內裡juicy。薯條就冇乜問題，只係鹹咗啲。味道係1.5分而可樂呢？我本身係想要少冰，但老公話自助點餐機冇得揀少冰。環境同抵食係1.5分衛生：除咗上面講冇人執嘢，又要叫至抹枱，我哋坐喺最後開餐嗰張枱先 隔離枱已經有上手食客食完嘅嘢未執，一直到我哋食完走都冇人執。上次食評係2024年6月1日刊登嘅呢篇：https://www.openrice.com/zh/hongkong/review/blue-%E6%9C

噚晚(31-5-2024 Fri)同女友人VL食完晚飯後,返到屋企,老公好夜至返,而佢拎住喺喥買嘅酥皮批返嚟,今次係薑汁豆奶味,老公食咗一,兩啖就話好食,味道好舒服.佢食完就到我食,我食到好濃嘅豆奶味,但食唔到薑味,天酥皮係脆嘅.食到底,我至食到唔辣薑味,呢個係咩原因?密度關係?老公話呢個好食過朱古力批,蘋果批同紅豆批.上次朱古力批食評係2024年4月27日刊登嘅呢篇: https://www.openrice.com/zh/hongkong/review/blue-%E6%96%B0%E6%A8%99%E6%BA%96%E9%BA%A5%E6%A8%82%E9%9B%9E-e5432996而喺呢間嘅上次食評係2024年3月18日刊登嘅呢篇:https://www.openrice.com/zh/hongkong/review/blue-%E5%94%94%E7%9F%A5%E5%92%A9%E5%91%B3-e5358229

噚日（17-3-2024 Sun）晏晝同老公喺屋企做嘢，做到4點兩家都肚餓，老公話去買個漢堡包食，我問係咪依家至有嘅鹽酥雞扒包?佢答好。於是佢就去買，買到返嚟睇，個餐係shake shake薯條，嘢飲佢係upgrade咗重椰latte。首先食鹽酥雞扒包，我揩到啲沙律醬食，食到唔知係迷迭香定羅勒嘅味道，然後正式食個包，雞扒炸得外面都脆嘅，鹽酥味呢?我同老公都覺得即係比普通雞扒味道鹹啲同濃啲而已。3分至於shake shake薯條，個粉係三杯雞味，我哋shake勻說食，我食到佢嘅味道係有啲啲辣，而其他咩甜羅勒嘅味道係食唔出，其實成個味都唔知係乜。3分最後杯重椰latte，係飲到椰汁味，咖啡味唔甘，但佢哋走埋一齊後嘅化學作用係，椰奶喺下面，咖啡喺上面，就算我撈勻嚟飲，兩隻味都係分開兩層，要自己合住飲管上下咁郁嚟飲。4.5分問老公幾錢?佢答5X蚊。上次食評係喺2024年1月16日刊登嘅呢篇:https://www.openrice.com/zh/hongkong/review/blue-%E8%BE%A3%E5%88%B0%E9%A3%9F%E5%94%94%E7%9C%9F-e5241608

大前日(13-1-2024 Sat),同老公喪搬嘢後都到夜晚要食嘢,但我又唔係好肚餓,見到有人拎麥當勞外賣,於是都係去麥當勞食啦.老公自己發板,佢就買咗:2. $11.00嘅紅豆年糕批我先食呢個,紅豆同年糕係分佈喺個批兩邊,兩樣嘅嘅口感同味道都正常,個批都脆口嘅.4分1. $54.50嘅大大啖黃金菠蘿雞堡套餐A. 扭扭薯條(增量裝)凍嘅,味道正常好夠.3分B. 黃金菠蘿雞堡我一食,黑椒汁辣,我就唔食喇.1分3. $18.00嘅小龍蝦湯味道算濃,內裡有4小舊龍蝦肉,有啲過腍.5分D. 巨峰乳酸味特飲巨峰提子味道淡淡地,乳酸味唔係好覺,但比汽水好啲.5分抵食係 2.8分上次食評係2023年8月18日刊登嘅呢篇: https://www.openrice.com/zh/hongkong/review/blue-%E9%A3%9F%E7%89%B9%E5%88%A5%E9%86%AC-e4947688

12-8-2023 (Sat)同老公由葵盛返到屋企,又趁好天去送回收物,送完返到屋企,老公話喺喥買之前輸賭輸咗俾我嘅九件麥樂雞套餐食,由於我唔餓但要食啲嘢先食藥,咁就黐食一件,醬嗰方面,老公揀咗煙燻芝士同蒜辣蛋黃.我哋先蘸蒜辣蛋黃醬,呢個都算辣,辣到入喉嚨,小朋友未必頂得住;味道:2.5分 而煙燻芝士醬呢?味道係對版,OK嘅.味道:3分老公將薯條改為粟米,佢唔要牛油,佢話粟米質素好似比以前好啲.抵食係2.5分上次食評係2023年8月5日刊登嘅呢篇:https://www.openrice.com/zh/hongkong/review/blue-%E8%A3%9D%E4%BF%AE%E5%BE%8C%E9%87%8D%E5%B7%AE-e4919047.

16-7-2023 (Sun)晏晝,同老公去完街後有啲餓,想搵個地方坐低食雪糕,但實搵唔到位,咁不如嚟裝修咗後都未嚟睇嘅呢間食.我哋嚟到,見到座位少咗好多,少咗都算,但有起碼兩組客人唔係食嘢,而係整嘢,然後買嘢食呢,counter縮細咗好多,冇乜人手,同埋冇menu,我要自己去點餐機買飛,我就用$16.00買咗杯美祿味麥旋風,然後去取餐處拎.全自助去拎,毫無服務可言,所以今次服務係0.1分.老公就用$15.00買個芝士漢堡食,佢都係揀自己拎嚟食.講返我杯美祿味麥旋風,有啲所謂美祿脆脆同粉,味道係唔夠,同食雲呢拿新地有咩分別?味道:0.1分而我好耐冇食嘅芝士漢堡呢?一食落去就係鹹,我𠲖o家嘅口味係轉咗清淡喇.味道:3分抵食係 1.5分上次食評係2022年9月15日刊登嘅呢篇:https://www.openrice.com/zh/hongkong/review/blue-%E5%A4%9C%E7%8F%AD%E6%9C%8D%E5%8B%99%E5%94%94%E9%8C%AF-e4537740

11-9-2022 (Sun)追月夜,同老公行完街,買完嘢返荃灣搵嘢食,去拉麵台風,好多人等位,唔喇.老公話麥當勞啦,因為我喺支付寶攞咗$10.00買原味麥炸雞劵,而佢又想食$33.00特別版Big Mag,於是嚟食啦.老公要加$8.00套餐升級,將汽水變為珍寶新地樂,薯條變share share大薯條.買完坐低食,件原味麥炸雞係雞膇,大大隻熱騰騰同好juicy,不過辣咗啲.味道:3分而Big Mag呢?話加多咗醬汁,但我又唔覺;個包係轉咗,但成個都好普通.味道:2.5分珍寶新地樂我哋就要可樂,麥當勞嘅軟雪糕冇得輸.味道:5分 shake shakre大薯條係紫菜粉,薯條冇炸過龍,OK.味道:5分服務：夜晚嘅店員全新都係後生仔女,好有禮貌,好過朝早嗰啲亞姐多多聲.題外話:原本冇諗過呢篇食評,所以冇影食物相.上次食評係2021年7月5日刊登嘅呢篇: ttps://www.openrice.com/zh/hongkong/review/blue-快餐-e4080194

今天去石圍角找朋友，由於時間尚早，先去吃個早餐先。途經石圍角的麥當勞。望進去見到仍有個麥當勞叔叔像在此，其實全港有麥當勞叔叔像的，已沒有幾多間了，發現就連餐廳內的枱櫈和裝修都和十多廿年前的一樣沒變，相當有懷舊feel，在香港其他地方的麥當勞餐廳已很少見了，當然要打個卡。幫襯了一個早晨全餐，講真其實已經很久沒有吃麥當勞的早餐。餐到了，首先感得和圖片上的顯示有些出入。麥當勞食物都是幾十年如一日，沒有什麼大的差別;唯獨是食物的份量就好像知不覺間縮水了似的。那塊肉餅、薯餅、麵包的質量就和以前一樣，熱香餅就覺得不夠熱，反而是炒蛋就覺得比外出的茶餐廳有蛋味，但相對奶茶就仍然和以往一樣，欠缺了港式茶餐廳的水準。

噚日(4-7-2021 Sun)朝肚餓,同老公食早餐,老公話呢喥啦,食新餐肉.我哋去到,只有一條買嘢食嘅長龍,排成10分鐘至買到,再等7分鐘嘢食至齊,餓死咗啦.我哋要咗$38.00嘅新餐肉蛋扭扭粉套餐同$36.50嘅新餐肉精選套餐,同樣飲凍港式奶茶.兩片新餐肉,一片係烚,一片係煎,口感同午餐肉冇乜分別,不過味道就有啲難食.呢個唔計味道分,因為係來貨.凍奶茶茶味係有,但始終唔及茶餐廳嗰啲.味道: 2.5分扭扭粉個湯極似粟米水,難飲.味道: 0.5分其他嘢食嘅口感味道都正常.抵食係2.6分上次食評係舊年3月3日刊登嘅呢篇: https://www.openrice.com/zh/hongkong/review/%E8%B3%A3%E7%9B%B8%E6%88%90%E5%8A%9F%E4%BF%98%E8%99%9C%E5%B0%91%E5%A5%B3%E5%BF%83-e3671848

超冇禮貌，對住啲學生超級惡，上次排隊企錯位卑d收銀啊姨鬧、呼喝。之後點單嘅時候我用McDonald個APP點餐，因為比較少用，啲收銀啊姨就好唔耐煩咁以命令嘅口氣叫我開個二維碼（當時後面冇人排隊）大佬啊，我宜家係度消費，今時今日咩態度。

大前日(29-2-2019 Sat)晏晝 ,同老公外出,一路見到麥當勞有新出靜崗草莓新地,於是嚟到睇吓呢間有冇,係有嘅.咁就食晒窩夫筒同新地兩款.等咗好耐至等到,呢兩款係$13.00嘅脆皮草莓新地大窩夫筒,同$10.00嘅脆皮草莓新地(士多啤梨醬).我哋分頭食先,我先食脆皮草莓新地(士多啤梨醬),草莓新地味道唔算好濃,係清清地嘅,加埋有果肉嘅士多啤梨醬就甜返啲.食咗一半就同老公交換食,連佢都讚賣相吸引嘅草莓新地大窩夫筒,由於呢個冇士多啤梨醬,所以感覺呢個唔會甜, 粉紅色嘅窩夫筒就唔係幾脆.抵食係2.5分

因為時間有限同又肚餓附近得間麥當勞，所以幫襯下。 一打開門就見到好多人排隊俾錢同攞嘢食。好彩之前有Dowland MCDONALD 嗰個apps 可以快啲落order， 完成落order同俾錢後企左係手機落單嗰個counter 到。等咗好耐都冇，原來嗰個餐係另外一邊攞。而嗰個經理用態度差嘅語氣叫我到另一邊攞餐。 Ps. Order 咗麥樂雞餐加龍蝦湯 (麥樂雞-外軟內冷，薯條-碎同短)但龍蝦湯有驚喜(足料，美味可口)

McDonald's.開始聊天30/7/2018 16:13唔洗客氣～.2019年7月11日 09:29我要投訴石圍角經理影響業績同煽動濫用警方資源。事緣:今早八時二十分，全間餐廳好多已購餐食客無位坐，這個經理手縱容一群無購餐的師奶霸佔桌椅，高談闊論，大講粗 口！我邀請他要求那群人降低聲量，他是是旦旦話兩句便算。之後那群人繼續嘈，我再去邀請他去處理投訴，他竟叫我去報警，濫用警方資源。我同他講我會把他失職之行投訴headquarter，他無禮地話他不怕headquarter!這擺明是山高皇帝遠的態度。你們縱容嗎？而我手拖一個小朋友，胸前一個bb，已要求送餐服務，但最終沒有！這是什麼服務態度？如此管理，難怪業績低啦！希望你們正視這男性中年經理的工作態度。上樑不正下樑不歪！附上參考資料，留給你們作培訓之用！..播放-0:02取消靜音.播放-0:02取消靜音.這班師奶音量之大，令我兩個稚女都驚驚！.你見，他們無購物又霸枱，但這是繁忙時間。有人投訴，經理也無正視問題！.2019年7月11日 16:43今早0830，我一歲半女兒在石圊角分店進食粟米同通粉（開心樂園餐），因她是自己食，不准人餵，有數

大前日(21-7-2019 Sun)晏晝清潔屋企前食啲嘢，老公喺麥當勞買，用$32.50將大大啖板燒雞腿包套餐升級，要咗黑糖珍珠奶茶，shake shake和風紫菜粉薯條。板燒雞腿包唔使講;shake shake和風紫菜粉薯條同黑糖珍珠奶茶就好唔掂，薯條有啲啲饐;黑糖珍珠名副其實，唔甜黑糖味好濃，口感係完全腍晒，超差，只係奶茶味唔錯。上次食評: https://www.openrice.com/zh/hongkong/review/%E4%BB%8A%E6%AC%A1%E6%8C%BD%E5%9B%9E%E5%88%86%E6%95%B8-e3351745