麥當勞

營業中

休息中

今天到麥當勞試了 McCafe 的食物，點了小龍蝦蛋沙律牛角包及泡沫咖啡。買任何咖啡再買這個包只需加 HKD18，感覺上都可以說是價性比高。但這次就有點失望，牛角包‘淋’了，預期鬆化脆口的感覺消失殆盡，疑似放得太久或是加熱時間不足。蛋黃醬充足，小龍蝦份量亦不少，再夾有一片芝士。入口香濃，小龍蝦爽甜結實。泡沫咖啡方面走了忌廉，個人感覺忌廉甜味太強，蓋過咖啡的味道。咖啡入口香濃，鮮奶比例適中，奶味剛剛好，泡沫細緻嫩滑。泡沫咖啡細凍正在做推廣，只需 HKD18。

最近見到麥當勞咁多巨無霸廣告，想著不停有咁多廣告，巨無霸品質水準應該會提升。 太耐冇食麥當勞，看見門口部自助機咁多選擇也驚按錯。 自助機買完入去等取餐，入到去見到有多工作員工十分多人。 等咗唔使5分鐘，就可以取餐。 坐下才發現漏咗俾茄汁，又要再出去取。 首先凍檸檬茶，茶味夠香也有幾片檸檬。 薯條只係暖暖，外層已經不脆。 個巨無霸包內生菜芝士也亂放，上層大部分生菜也在盒內。 塊肉又薄又乾，加上包內醬汁又少，有點令人失望。

麥當勞早餐真係非常抵食， $30有找，包薯餅，一個嘢飲。話說嗰日朝早食咗個珍寶套餐，大分到一個人都食唔晒，熱香餅有兩塊，配埋牛油同埋糖漿，又香又甜。如果食兒童餐嘅話仲有禮物

個包好食，芝士蘑菇不嬲都絕配既，再加安格斯牛，同平時薄切切既扒好唔同呀！佢係好厚身又有肉汁，我覺得值得推介，不過個包冇芝麻既，但薯條就真係唔多掂，又細包，又油又短，見到都唔想食.....sosad 好彩朋友有coupon 咋！

麥當勞推出了朱古力雪糕系列已經有一段時間了, 但因為怕胖, 還是久久沒有去試一下. 今天還是先吃個雪糕, 然後去做做運動. 概然是朱古力系列, 就當然會有多款配搭, 其中包括威化筒, 新地杯和大窩夫筒, 今天就點了脆皮朱古力新地. 深啡色的脆皮朱古力配上淺啡的朱古力雪糕, 看上去都順眼. 朱古力香氣就不是很強了. 口感方面, 脆皮很脆, 朱古力味濃, 加上花生碎, 有咬感, 雪糕幼滑. 十分八分鐘左右就吃完, 感覺很滿足, 但同時就要認真地去跑跑步了. 

中午飯食早了點, 到了三時半附近已經感到肚餓了. 路過麥當勞, 被超值HKD24套餐吸引了. 點了板燒雞腿包餐. 心思思想食 shake shake 薯條, 所以轉加大碼, 點了避風塘口味. 為免過胖, 還是喝健宜可樂好了. 打開那個包, 好等大家看清楚, 生菜翠綠, 包有烘底, 雞扒都可以說是大塊, 但就比較薄. 整個包來說都可以, 價性比高. 這個是避風塘口味, 未食以前還以為會有很強蒜味, 但食落口感覺上像日本拉麪常配的七味粉, 味道較鹹. 不想太胖, 來個健宜可樂好了. 

知道mcdonalds出咗新嘢，仲要同鋒味cross over，當然要試下啦！事關謝霆鋒係我兒時嘅偶像，我到而家都覺得佢好靚仔架！用自助點餐機買外賣，等食物嘅時候，餐廳內又播緊謝霆鋒嘅歌，所以童年回憶翻晒嚟！我試咗新出嘅 鋒味安格斯煎蛋肉醬飽 ，入面一層薄薄嘅肉醬，有d似便利店叮叮肉醬意粉嘅味道，加埋厚厚嘅安格斯牛肉，係幾新奇嘅！另外 鋒味港式燒味風味shakeshake薯條 食落其實係BBQ味，甜甜地。有d似平時食桶裝薯片嘅燒烤味薯片。

行過見到大排長龍，原來麥當勞新出左快閃榴槤麥旋風，快閃2星期。2星期都算快閃？有普通版同濃厚版，濃厚版要40蚊，心想麥當勞食個雪糕比40蚊真係有點肉赤，所以都係食25蚊普通版就好D24榴槤麥旋風雖然好多人，但排左大概15分鐘已經有得食，尚可接受。但可能太多人買既關係，雪糕都未凍得成為雪糕，連奶昔都稱唔上。我覺得普通版既榴槤味已經好夠，而雪糕就係雲呢拿雪糕。如果要濃厚版，職員就會用一個小盒另上榴槤醬。25蚊買下一杯溶晒既雪糕，好在無買濃厚版。唯一想讚下啲員工尚算有禮貌，面對住成村好似未食過雪糕既人，做到錫晒腳，都好有禮。一試無妨，但再試就應該唔會

牛餐想頹頹地食下，就去了麥記。話說Signature 包推出左咁耐都無試過，於是今日就試下啦，見蘑菇安格斯好似好吸引咁，就揀左啦！點知…理想與現實呢d就大家都知個樣就不予置評但個味…食落成個感覺係：臭牛味好重…應該話漢堡肉味好重，重到過左龍…之後d菇又係重口味既，兩樣加埋就係苦既臭味…重口味本身未必係壞事，但佢味道極單一，基本上只有幾條極少既洋蔥可以吊下味令佢有返少少少少少甜/鹹味，但因為真係太太太少，於是成個包主要都係一味一個苦字。仲有個扒係幾乎無肉汁，勁乾口感好差！！！總結，大家都係叫返d正常餐好d

Minions係依家小朋友至愛。暑期電影－壞蛋獎門人3上映，麥當勞配合推出了2款期間限定的新包。我今次試咗傻蛋孖牛堡餐芝士，煎蛋，兩塊牛肉，蜜糖芥末及黑椒醬，加埋印有Minion嘅包，就係呢個包都幾細個，味道可以喇冇跟薯條，跟咗6件脆薯嘜。新鮮炸起的脆薯嘜，外脆內軟，又幾好bo。印有minions外型，小朋友一定愛不釋手。總括嚟講，可以一試喇。記得帶D小朋友去麥當勞，食完個餐再去睇卡通片。放個開心暑假。

今個星期minions 大舉入侵M記，眼見FB/IG不停洗版，所以就到附近M記買芝喳喳芥末雞堡新餐試試~今次的新包總算是有誠意，裡面的炸雞不同麥香雞那款，炸漿沒那樣厚，配合蜜糖芥末醬，更有新鮮感，不過我就不喜歡裡面的煙肉條，又乾又硬。買這個餐最主要是為了這些造型超趣緻可愛的脆薯嘜，今次撞岩新鮮炸好熱辣辣，外脆內軟，都幾滋味架。

m記出新包 我呢個為食人梗係會一試今次係泰脆洋葱安格斯 唔理好食唔好食 本住一試無妨既心態 又去食左lu~但今次我係聽左幾多人既意見再寫呢篇食評既 所以可能會被影響到個包既賣相一般啦 顏色係冇咁靚 一貫m記既水準xd買個時有得揀蒸蛋同煎蛋 健康d就蒸蛋啦 煎蛋就應該其實會好咪d既 由於我叫個陣唔個蒸蛋係乜東東 就無里頭叫左蒸蛋haha 其實咪又係豬柳蛋個種蛋個包既重點應該係d脆洋葱既 但個人就覺得今次呢款包 比起之前有d失色啦 可能m記都唔知再點搞新意啦 味道中規中矩 成個包既主題唔突出 都係靠d cream cheese醬 同bbq醬去吊味而舊蛋 認真唔知做乜加上去 可有可無 舊牛肉有人話乾 個人食落還可 應該係d醬汁拯救左個包d料 除左舊130g安格斯牛 冇乜可取之處咁但總體而言 成件事係為左整個包而整 值唔值得食呢 我會話唔洗用咁既價錢食 食番芝味磨菇安格斯會抵d

經過見到門口排長龍，行近啲八卦下，原來係綠茶雪糕。見到啲人一路行一路食，好似好滋味咁，搞到我心郁郁又排埋一份隊。其實加3蚊多條kitkat有啲貴，但係我又未試過綠茶kitkat喎，所以就忍痛嘟左10蚊叫左個有kitkat嘅。說時遲那時快，老麥妹妹以拔刀齋的速度，遞左個甜筒俾我。一拿上手，忽然覺得手感沉實敦厚。原來甜筒紙厚度不菲，同哈記比起來，講厚度的話有過之而無不及。伸脷一瀨，清雅嘅綠茶香氣充滿了鼻腔。張口一咬，濃郁嘅綠茶味充滿了口腔。咕嚕一吞，淡淡嘅綠茶餘韻充滿了喉嚨。因為係軟雪糕，入口即溶，綠茶香氣更加明顯。因為有雪糕，所以kitkat唔會太甜。好好味，但係又唔捨得食太快。當我仲陶醉係個綠茶甜筒嗰陣，唔經唔覺已經食埋最後一啖，但奇怪嘅係...個甜筒殼仍然堅挺，咬落仲脆卜卜！10蚊真係值回票價，但係下次我都係會買7蚊嘅，慳番啲錢。

今日終於有機會食到麥當勞新出嘅雪糕味喇！前幾日都太飽經過都無得食，今日終於可以試倒喇，Lee個係"紫薯新地加orea脆筒"，紫薯味雪糕D味有D似蕃薯糖水味嘅感覺，最估唔到仲有小小薑味添，哈哈！我都幾like；但係嗰orea脆筒就一般啦~ 雖然係黑色，但竟然一D朱古力味都無，都係平時嗰D脆筒脆D好味D，下次都係揀返杯裝好D喇！麥當勞之前出咁多種口味，我最like就係抹茶味，其次就係Lee隻紫薯味，之後就係對上一次嘅柯華田味，希望抹茶味會再返嚟啦！

早餐想食有湯既野，又唔想自己煮，所以黎左McDonald's 食扭扭粉，有豬柳蛋、火腿扒、雞扒揀，其實三種都好鍾意，所以揀左個平d既火腿扒同豬骨湯底扭扭粉硬度岩岩好，好怕煮到淋曬既粉🙈入邊個有大量甜粟米，好好食😆仲有個脆皮薯餅，仲係熱既，真係一個Good Morning!