影片
以上資料只供參考, 請與餐廳確認詳情
試試長沙灣新開24小時無人自助韓式拉麵店 好奇去試試話就話無人 其實都幾多客人 有近10位仲諗住冇人會出街自己煮公仔麵仲要店員？店主？一直都係到清潔😅.店內有長枱 仲有自修室位 夾公仔機可以跟指示 買麵 拎配料 加水 食得.店內幾多指示 先係自助機買麵全部麵都係韓國公仔麵 由$23-$44不等之後自己拎配料除左芝士 只係拎一片 其他都可以任拎配料有芽菜 魚糕 魚蛋 泡菜 粟米 醃蘿蔔實際體驗比想像中豐富塊芝士溶咗喺湯入邊 幾好食👍🏻蘿蔔幾爽口👌🏻泡菜係偏酸口味 我鍾意甜啲落完泡菜 湯底秒變真泡菜湯.整體如果$23 加枝飲品$10 其實體驗唔差特別如果深夜 冇咩餐廳選擇 會唔錯不過如果你住附近 當然買番屋企煮會平好多視乎你想有人幫你準備晒材料？定係想慳錢 番屋企自己煮啦‼️你地覺得呢？.#hkfunfoodrecord窮遊香港#hkfunfoodrecord_長沙灣.#麵の研究所 (長沙灣)地址：長沙灣青山道139號地舖.⭐️評分：味道：3.5/5環境：3/5服務：5/5 5分服務係比我自己😅抵食：3.5/5 自己落配料過癮.（記住分享比朋友 追蹤/like 感謝你哋支持🙏🏻）..#hkfoodie #foodiehk #hkfoodblogger #hkblogger #hkfoodies #hongkongfood #食評 #深水埗美食 #深水埗必食 #太子美食 #太子必食 #旺角美食 #旺角必食 #荔枝角美食 #香港旅遊 #韓式餐廳 #公仔麵
繼續閱讀
第一次去呢啲無人韓式拉麵🍜自助店體驗，環保都幾大乾淨，但裝潢上無想像中咁韓式。拉麵款式都算多，最後揀左雙重芝士拉面🫢加埋粟米 🌽粒同年糕 超好食😋價錢上其實唔算太平，真係要落多啲配料 先感覺上抵啲。一試無妨😃
繼續閱讀
香港首家24小時自助無人拉麵店🍜終於登場啦，拉麵款式仲要超過30款，由23元起，真係好抵食‼️除左有拉麵之外，仲有6️⃣款免費小食做配料添🍥，有芽菜、泡菜、芝士etc…記住食幾多夾幾多啊～食完之後仲可以夾公仔🧸同寫Memo痴係牆上面架🤩。🌟使用熱水煮拉麵嘅時候記得要小心啊，唔好整親～😉𝐒𝐜𝐡𝐨𝐨𝐝𝐥𝐞𝐬🍜麵之研究所 📍：長沙灣青山道139號（A2出口步行8分鐘）
繼續閱讀
見到人哋社交媒體網站介意呢間野，好似好得意去玩下。先講環境，入面好大啊，但其實唔係特別靚，啲歌係好舊嘅韓文歌。啲人講到好平，但其實都係語言藝術，好多都係$35+，一個公仔麵黎講幾貴，都唔緊要啦佢有配料，但就唔係網上面講到咁多，都係泡菜、芽菜、芝士、年糕同炸魚蛋。個泡菜都唔知放左幾耐，有陣怪味。不過佢都仲有得自己買午餐肉、海帶、芝士嗰啲囉。但最慘嘅係唔好食，可能自己都會煮都好過佢😂。最後就係服務，佢好好仲有得俾你買野飲架，不過咁啱碰著黑野飲機有格壞左出唔到野飲，但錢就俾左，搵哂成間鋪得唱錢機嗰到寫左兩個電話號碼。咁我就whatsapp佢同佢講左個情況，對方就0覆。你唔refund都算嗰小小錢，完全唔覆真係覺得好無禮貌，服務質素好差。奉勸大家睇路，呢個價去食個茶記可能仲好。
繼續閱讀
今日第一次到香港首間24小時無人拉麵店，感覺好新鮮、好特別，好好玩！在自助售賣機揀選購買了芝士拉麵，再加配料，再嘟Qr code煮麵！拉麵好快就煮好！全程自己搞掂晒，好像去旅行一樣的感覺！不錯的體驗，可以一試！
繼續閱讀