麵包先生

營業中

休息中

蛋撻，一道令人垂涎欲滴的香港美食，絕對是你不能錯過的味覺享受！🌟這款蛋撻以傳統的製作工藝和新鮮的食材精心製作而成，每一口都散發著濃鬱的香甜味道，讓你愛不釋手，停不到口！😍蛋撻最早出現在英國，早在中世紀時，英國人已經開始利用牛奶、糖、蛋和不同的香料製作類似蛋撻的食品。而港式蛋撻則於2014年入選香港非物質文化遺產，成為了香港人心目中的經典美食。😊#港式蛋撻 #香港美食 #港式點心 #香港甜品 #港式糕點 #蛋撻 #香港餐廳 #港生活 #美食推薦 #限時優惠 #必試 #香港特色 #小店 #港甜品 #餐廳推介 #香港生活 #hkfoodie #hkfoodlover #hkrestaurant #foodiehk #hkfood #hkfoodblogger #香港飲食 #餐廳優惠 #打卡 #良心小店

今個周末,家姐個小朋友生日,我地買左個佢最鐘意卡通蛋糕比佢呢間係荃灣既街坊小店,唔係住附未必識既唔止平咁簡單,仲有用心做,麵包全部都係勁平勁好食仲要勁大個一個包等於人地1.5個,食一個就飽曬！賣相又靚！每日新鮮出爐幾十款口味麵包!好多老街坊會專登行過黎買!酥皮或牛油皮蛋撻$10 -3個!最重要麵包衛生做得好好,好乾淨唔會有小虫飛出飛入食得安心又放心,最平既菠蘿包一個$3.5,有餡既叉燒包都係6蚊,雞扒包都係十蚊一個,性價比勁高,成片雞皮加生菜,仲要有滿滿芝麻食落勁香口麵包口感鬆軟,唔會食空氣包!平時出面一隻長腸包十幾蚊呢度只賣$9!糧尾救星係大法包,大芝士包,七蚊一大條大麥包~6點半有餡麵包15蚊3個,無餡包十蚊4個,超平!!!瑞士卷長期12蚊一條~講返個蛋糕先,係忌廉蛋糕,中層切開係蛋糕加忌廉加生果粒食落香甜鬆軟,蛋糕夠濕潤唔會太乾,最主要都係隻比卡超夠打卡！麵包先生 曹公坊12號地下平均消費$20評分7/10

而家最憎啲連所麵包店，美X，東海X完全冇幫襯，反而小點總會有驚喜！蒜蓉雞扒包真材實料，夠大實心，唔係空氣麵包！千島海鮮醬份量啱啱好雞扒又大又厚，冇雪藏嘅味，唔乾又juicy，有驚喜，值得一讚！

街坊麵包舖竟然有麻薯波😍 見到真係俾佢嘅size嚇親，係我見過最巨型嘅麻薯波波！麻薯球$4 外皮偏硬同厚身，面層有少少類似菠蘿包皮咁，咬落微脆，食到牛油咸咸地嘅味~內裏組織就好似麵包咁，有好多又密又細嘅氣孔，空氣感少，所以口感上做唔到煙韌，而且偏硬，味道就少少甜甜地，同咸酥嘅外層幾夾，食完一個會有d飽🤣 佢似係用麵粉加糯米粉整成，冇用到木薯粉，所以質感唔似平時食開嘅又軟又煙韌，但係四蚊咁大粒麻糬波波真係好抵，下次經過我都會再買！另外黑芝麻糯米糍都好抵食，又大粒又足料，煙韌外皮包住流沙芝麻餡，可惜真係太甜，所以唔係我杯茶😢

黑芝麻糯米糍 ($4.5)糯米糍大大個，果然係荃灣嘅特色😆係ig 睇有blogger介紹過，一早ᗷookmark左原本係為左麻糬波波而嚟點知見到大到成個麵包咁🙈岩岩食完飯真係食唔落🤦🏻‍♀️（有冇人話到被草根聽係咪真係一直都咁大個嫁？🤣）所以買左草根姐姐嘅最愛------糯米糍 !!糯米糍好軟熟以黑芝麻同花生🥜做餡味道唔會好甜但整體又好似唔係好特別下次挑戰下個變種麻糬波波先😆～

向來唔太鍾意去麵包先生買麵包，因為嗰度啲態度真係強差人意。但今日想食雞尾包（$4.2），無可否認佢哋個雞尾包真係做得比較出息。好似今日見到有位客人買一條方包，俾錢時想切埋佢，點知個Staff叫佢唔好切啦，跟佳拎咗4Pack半鎊裝方包俾佢，同佢講一樣㗎！我心諗你哋都幾懶㗎喎，或者人地想1Pack過方便啲呢。講番麵包先生個雞尾包，佢哋真係大大個而足料，啲餡好多同好濃嘅椰絲味，最出色係咁多椰絲應該好甜㗎，但真係甜度適中。如果咁啱撞正出爐，呢個雞尾包真係一流~

香港麵包店，選擇越來越少，價錢越嚟越貴！！！行到邊度都係美x大集團、聖安x大集團、山崎麵包⋯⋯⋯又貴又唔抵食！！！細細個樓下屋村麵包舖，熱辣辣出爐嘅麵包、真係越來越少啦！！！ 今次介紹嘅麵包先生，喺福來邨樓下，價錢10分平，可以話係良心企業，好多老人家朝頭早都特登行去買麵包，麵包種類多，有時等車係到買件西餅食下，質素都幾好架 大家如果行過都可以順便支持下！！！ 最重要係買麵包個姐姐，服務態度好好，好熱心幫忙！！！

近年來連鎖公司不斷出現, 兒時最愛的蛋糕仔已經一一消失。唯獨一些舊式麵包鋪才能找到, 這就是其中一間...一朝早去到已經找到一袋袋的蛋糕仔,返到公司滿懷希望好開心地打開黎食...點知...........每一個蛋糕仔都係得一半...得一半咋!!!一包蛋糕仔有16個...價值$10.5平時間間都係段磅計架嗎, 呢間唔係囉, 一包包袋好晒...完全唔合理!!!如果係磅既話, 得一半我冇所謂, 起碼公道丫嗎!!!

行完愉景新城就沿天橋行落福來邨左近﹔經過人頭湧湧的街市就被一間光燦燦的商店嚇停住。最意想不到的是瑞士卷只賣$9.80一條, 瑞士卷有多款味道, 包括有原味、朱古力味、橙味及咖啡味。我就買了咖啡味來試, 一盒瑞士卷切開六件。厚厚的咖啡味海綿蛋糕塗上薄薄的一層奶油並卷起來, 頗濕潤及鬆軟的蛋糕, 咖啡味濃, 把瑞士卷放入雪櫃雪一雪才吃, 那奶油變硬一點, 冷一點會增進食慾。