麵包新語 & 土司工坊 (已結業)

由元素商場乘小巴過來...想吃甜點..原想在總站下車到帝苑吃cake~經過新港時就瞄到大大個招牌在內~就下了車八一八~這店是全港第一間 Bread Talk x Toast Box的店子同樣是熟悉的白色主義麵包陣~但麵包卻不禁令人忍笑~例如有火矩式麵包~意想不到的菜脯肉鬆~本身已經不好咸包的小比露出難受ge表情酥皮沙嗲牛肉包 --> 九龍脆牛仔~?!還有完全二唔識八的馬扁拼~!?點解馬英九同陳水扁變左南瓜同芋頭~?點解諗caption小故事的人兄可以咁有頭腦...敬佩敬佩但英文又是另一回事.....『鬧交泡泡』?~!但小比就是愛無聊~見有最愛的南瓜與芋頭餡~就買了一個~外看有點像合桃罌粟軟包~2款餡料不是五五比~代表南瓜陣營的小馬哥大大領先~因為呀扁下了台~!?但這比例應是經過調配的~所以味道不會過甜~而且包身有合桃碎~三者配合來又有咬口又配合得宜~南瓜餡的麵包始終不是流行之作~身為南瓜粉絲的小比~當然不放過~外型與DONQ的同名作也非常相似~但份量大很多~旁邊切了數刀成花花狀~南瓜蓉感覺是多到漏似的~正所謂包不可以貌相...切半後就發覺比佢美麗的外表欺騙了~餡料薄薄的搽了一層

近我公司,第一日開張,已經試咗. 好有新加坡feel,問埋朋友,原來係新加坡好多分店,都幾出名. 今早又食,花生醬多士,配半熟蛋,加凍咖啡(要花奶).花生醬多士 - 勝在熱騰騰,不太甜.半熟蛋 - 好滑,不過今日隻就好生,第一日食個隻超好味. 但係服務好亂,沖咖啡同整包個幾個,已經做到發晒脾氣, 新開梗係要warm up一下架啦,同埋,係度買野既人,主要係遊客同附近寫字樓既人,我地都唔趕,反而見到佢地做到掹. 今日已經係我第3次食半熟蛋,第一二次都無問我要唔要pepper同豉油(只係比包豉油我),今日就問我要唔要pepper, 跟住又問我要唔要豉油,我要豉油,返到公司都發現佢地無比到我. 凍咖啡 - 又係第3次飲,今次佢又問我要唔要糖.........咁之前2次到底有無糖呢? 上次食過，咖也多，塊牛油好厚，忍唔住掉咗去．　味道比在新加坡差一點．食物質素高，但要多些時間服務才可配合．　

今日12:15分行過見新開張, 就入左去.職員好有禮貌咁介紹食物. 我叫了珈耶厚多士, 南洋(白)咖啡, 呢個餐$26, 仲包兩隻雞蛋.咖啡好ok, 係馬來西亞既味道. 珈耶厚多士都好食, 好食過台式厚多士, 不過都係新加坡有間專食珈耶多士既最好食!蛋, 我等左30分鐘先有, 不過職員好好, 見我未有隻蛋, 就主動幫我追. 不過唔知係咪趕住整, 輕輕一打開, d白色蛋白就流出來, 得表面1cm係熟既, 兩隻都係咁, 真係幾難以入口, 所以最後都冇食到... 下次我會叫佢整全熟俾我.menu方面, 男士可能唔夠食, 不過lunch都唔好食咁多. 我見隔離檯既咖喱雞似乎好好食, 但個雞翼飯就太乾. 我覺得一隻蛋都夠, 因為一隻蛋已經係提供一日所需既膽固醇. 唔知可唔可以少一隻蛋就平返$2呢服務方面, 都好多人手, 不過新開張都係有少少亂.下次我會去試noodles同其他飲品.

下午放工後，去了新港中心，因記起這裡地庫的Food Court轉了租戶不久。可是，從近期的報章介紹裡，不見有新BreadTalk的開業的消息，覺得很奇怪，就去探探究竟…沒錯，在Foodrepublic找不到BreadTalk，因為它開在地面層（G/F）！一抬頭就見到大大的招牌…咦，BreadTalk旁為何有招牌「TOAST BOX」並列？之前為何沒有人提過？原來，TOAST BOX「土司工坊」，同屬BreadTalk Group，門外才寫著「08/08正式營業」。雖然吃完lunch不久，見新店有新鮮感，吃的東西也較像早餐，店員們士氣高昂，不時一起大喊「Welcome to BreadTalk！」，吸引了我入內一試…運作模式像Delifrance/ MOS Burger：先點餐結賬，食物新鮮即製，所以除飲品外，要等約5-10分鐘才有得食。　叫了Toast Box Set (2)：肉鬆厚吐司／兩隻半煎蛋*／南洋熱奶茶… 有點像英國的all day breakfast。　I) 先評吐司（多士）：脆得好鬆化，肉鬆份量恰到好處，份量也剛好，一小塊一小塊的用竹簽取來品嚐，一口一件，沒有切不斷的問