麵包秀 (創興廣場) (已結業)

已經幫襯過好多次，每次都買至少一袋方包。今日中午去開旺角就再去幫襯。想買方包但見到架上只有一袋方包，平時一般都會有好多袋放喺度，於是就拎住嗰一袋包去收銀比錢，順便多口問一句收銀員呢袋包係咪新鮮出爐架，點知嗰收銀(一個中年短髮阿姨) 大大聲罵，話"你咁講係侮辱緊我地吖blahblahblah" 我話你唔洗怒氣，我係呢度熟客，成日幫襯，只係見今日啲包咁少就問下，跟住個阿姨態度極惡劣咁講," 你仲好意思講係我地熟客！？" 我冇怒氣啊，係你覺得我惡咋！"…………只係普通客人，正常比錢買包，唔明憑咩要受氣。永遠唔會再幫襯呢間野，唔係因為啲包唔好食，係因為個店員嘅態度差到離晒譜，對客人非常冇禮貌！毫無尊重可言！

今時今日，百物騰貴，買個麵包麪包做早餐，可能都係一件好奢侈嘅事情！記得，去過一間餐廳，買一個外賣波蘿油要$20！就知道！當然，仍然有些麵包舖，仍然堅持買緊$8-$10一個！這間麵包麪包店，麵包好好味道，又有特色，價錢又唔夠！以我今日買這袋，都只是$30/5個，平均$6一個，認真抵食！可惜分店唔多，旺角區居民有福了！

。⊛ 蔬菜芝士🧀一開始蔬菜味勁驚會好伏點知超有驚喜😮麵包超軟熟 食落甜甜地單食外面嘅麵包都已經好好食👍🏻配合芝士餡料 錦上添花芝士粒份量多但唔會覺得膩 🧀⊛ 朱古力🍫個包覺得有啲牛奶嘅味道 內餡超多朱古力粒 好濃 一啲都唔馬虎 係用真朱古力粒 而唔係一般嘅朱古力醬⊛ 綠茶味🍵紅豆唔會過甜 份量十足麻薯混合紅豆🫘相比另外嗰2隻味稍為普通少少價錢: $30/5個= · = · = · = · = · = · = · = · = · = · = · = · = · = · = · = · = · 🍞 麵包秀旺角彌敦道601號創興廣場地下A號舖= · = · = · = · = · = · = · = · = · = · = · = · = · = · = · = · = ·

之前有幫襯過買袋装綜合麵包，味道都幾好所以今日食完晏行過諗住入去買方包聽日整三文治，去到冇方包得厚切吐司$32都OK。去到貨架拎吐司拎起發覺中間個塊裂開左，於是攞過第二包點知都喺裂...... 如是者攞左3包都喺咁嘅情況，就喺我再揀個陣收銀吖姐係收銀即刻跑出黎好勞氣咁鬧我。勞氣收銀吖姐：「唔好㩒D麵包吖！D麵包會有手指印㗎嘛，要拎就拎束口紮繩個位！」一路講一路排靚D吐司重眼超超（但本身個貨架已經好凌亂）揀包又點算㩒？個貨架咁高，我企埋去都高過我拎前排都免強重要要求人只準攞紮口位，而你D包有問題要揀嘅，我相信冇人想用$32買個裂左嘅包，你咁嘅態度即喺唔俾買趕我走姐。新年流流費事嘈，趕我走咪唔買囉。最後去左AEON買方包＄9.5（好有彈性）任揀任掂重唔洗受氣笑容滿面服務態度又好。

麵包店愈黎愈多 而旺角嘅麵包秀可以話係平靚正🤣 而且店鋪入面嘅空間好大 可以慢慢睇下想食咩先再夾 吾洗驚迫☺️今次我就買定聽日早餐 咁就買左袋綜合餐包 有蔬菜起司🧀️ 抹茶🍵 同埋朱古力味🍫 隔住個包裝袋 輕輕力掂一掂個麵包🥯 已經感覺到麵包超級軟熟😍 到第二朝先食 依然好軟身好好食🤤 三個味道嘅餐包都好夠濃味 最鐘意嘅都係朱古力味🍫 入面真係有啲醬 咬落口超濃味好正🤤 遲啲再經過個頭 決定試埋佢嘅鬆餅 伯爵茶同朱古力味都好想試🤣

本身網上見到人哋啲相好似幾好味，咁岩經過就試吓，本身好期待，結果冇諗到啲餡少得可憐🥹，非常失望，個包本身係幾鬆軟，不過冇餡真係冇咩味道，普普通通，個人覺得唔值得，唔會再買🙁

嚟到店舖嘅時間大概已經係18:00, 舖內麵包嘅選擇淨返唔係好多, 所以揀咗一袋特價$30/5個餐包(香草芝士? x1 pc, 朱古力x2 pcs, 綠茶紅豆 x2 pcs)第一個梗係試個淡黃色嘅包先, 呢個應該係比較淡口嘅, 切開見到有十幾粒芝士粒, 都幾真材實料, 但個人唔係咁鍾意嗰陣香草味綠茶紅豆除咗有陣人造綠茶味, 紅豆餡都幾滑, 驚喜嘅係有1粒白色嘅小麻糬, 如果有多幾粒就可以營造比較煙韌嘅感覺以為朱古力係有朱古力粒做餡, 原來入面係朱古力醬, 亦係最空心最甜嘅一款, 如果配埋杯咖啡飲就好總括嚟講, 整體味道都唔錯嘅, 希望麵包師傅睇到我篇食評之後會再改良下, 整得更加好味😋

麵包及咖啡是很好，我常常去創興廣場分店買，但無奈服務真的很差，如果附近有其他一樣的麵包店我是不會再去。今天賣的咖啡是暖的。另外，不是態度問題，而是杯蓋問題拿回公司已有些小流出來

上次買過之後覺得都幾驚喜幾好味喎今次就再去買其他產品嚟試吓.🍅野菜餐包 - $9有幾驚喜喎 餐包入面有芝士粒同少少溶咗嘅芝士另外仲有少少蕃茄乾同埋有啲煙肉粒令到成件事幾豐富 真係幾有田園風味而且食落味道適中 唔會太鹹亦都唔會太膩.🍞大甲芋泥肉鬆吐司鬆軟度OK主要食到調味過嘅肉鬆嘅鹹味然後慢慢會食到芋頭香味 芋泥都算多但麵包整體偏鹹同濃味 未必個個都鍾意食個人為食tips依個吐司用電飯煲烘返熱令到吐司面微脆之後，再查少少花生醬一齊食，花生醬嘅甜味中和左麵包整體嘅鹹味，令到成個味道更多層次更豐富！.CP：🌕🌕🌕🌕🌘

經過彌敦道都會被这麵包店吸引停下來，它的麵包款式很多，今次買了海苔肉鬆吐司(本想试全麥吐司)，因相信家人會比較喜歡這味道。笫2天早餐品嚐，肉鬆有少少辣，很惹味，麵包的橫切面很美，色味都吸引，我想如刚出爐，香氣一定<逼人>，各種吐司都是$25，而且已經切细，希望这店能保持水準。

偶然經過見到 諗住買定啲第二朝做早餐.買咗$30/5個一袋嘅餐包揀咗嗰袋有2個綠茶 2個朱古力 1個(應該)係原味🤭（ps: 見佢正價一個餐包係$9）.🍵綠茶餐包用電飯煲焗熱咗麵包都唔會話太韌驚喜點在於入面竟然有紅豆餡同埋仲有舊麻糬麻糬軟糯 甚至有拉絲效果紅豆餡甜度尚且適中唯獨是係綠茶餐包係香精綠茶味但圍番$6個（單買$9），咁都好正常.🍫朱古力餐包食完綠茶嗰個我就諗朱古力入面可能都有啲野答案就係：流心朱古力雖然切開左冇流出嚟嘅效果 不過食落味道好似心太軟朱古力並唔會太甜 驚喜點在於朱古力內餡有朱古力嘅甘味（我諗係因為佢用黑朱古力）真係唔錯但因為內餡味道太濃 已經食唔到個包到底有冇朱古力味.General唔錯 真係唔錯 都真係真材實料甚至乎依個價錢有啲意外✨個人覺得係一間有誠意嘅麵包店.CP值：🌕🌕🌕🌖🌑

作為麵包愛好者，平時見到麵包店都會忍唔住入去兜個圈買一兩個有興趣嘅包黎試試～店內嘅麵包選擇頗多，而且係新式啲搭配過嘅口味，啲樣都靚靚仔仔幾吸引，價錢由$10至$2X不等，今次就買左黑糖QQ 同芋泥肉鬆bagel見到好幾個食評一係就話空氣包一係就話死實實本來仲驚中伏，但夾包嗰陣其實個包都有重量，而家食緊發現直頭爆餡添，都幾有驚喜包體有核桃粒，黑糖麻糬幾好唔會太甜，煙煙靭靭咁，如果加熱食肯定拉絲🤤可能因為上一個包比左個唔錯嘅印象我令我以為呢間店行爆餡路線，芋泥肉鬆貝果相對之下就真係有啲失色。包體做到貝果嗰種煙靭嘅口感，但我真係第一次食空氣同餡料嘅比例成一比一嘅貝果😂芋泥嘅份量還好，可惜味道唔香，唯一嘅存在意義只有個口感，肉鬆微微帶辣，但份量都真係幾淒涼，望到嘅都只係得幾條，但神奇嘅係佢又真係夠味無因為份量少而失蹤😂 芋泥同肉鬆呢個組合唔會難食嘅～不過自己喺第度試過呢個組合更出色嘅成品，呢個品項就唔會再回購了

真係好奇怪，呢度嘅麵包全部都要$20幾$30個，呢個價位，正常來講應該都要多啲餡料，麵包唔好好似空氣咁，但係佢哋完全做唔到，只能話全部都係難食！以前食佢哋都唔係咁難食，而家真係難食到爆，個包拎上手好輕，我仲問過阿姐，呢個包係咪冇餡？呀姐仲答我，裏面有朱古力醬，成20幾蚊一個包，原來係一個空心包！簡直係騙案😵‍💫😵‍💫😵‍💫😵‍💫😵‍💫芋泥包，以前食都有好多餡料，今次食，好恐怖，好似幾粒粉，中間啲料好似俾人偷食咗咁，唔通個麵包師傅好肚餓，所以要食晒我個包啲餡？😨😨😨講真，冇芋泥唔好叫自己芋泥包啦，得嗰幾粒芋粉，應該叫芋粉包！唔好攞幾個白麵包出嚟就幫佢上其他名先得㗎😵‍💫，乜而家咁做生意都得嘅咩？係咪而家因為疫情佢冇得俾人試食，就咁樣昆人先？以前有放出嚟試食都冇做得咁差😵‍💫

麵包是挺漂亮，但沒有說多好吃(可能我只試吃了這個(黑糖紅豆麻糬包)，外皮硬的，裡面紅豆很甜，買三送一，排隊時候看到前面的啊姨可以一個普通透明袋裝一個包，到我的時候又說不行，感覺服務態度真的不怎麼好，然後過來看openrice，一年前已經有人說店員服務態度不好，看來這麼久還是管理一般。

有一啲麵包係做買三送一嘅，咁就買兩個鬆餅啦每個7蚊，再加一個紅豆麻薯同埋一個芋泥包各8蚊。之後收銀員收我24蚊，我就覺得好奇怪啦，點解唔係收23蚊呢，佢話係咁㗎要計最貴嗰個㗎x3,因為送咗一個畀你喎，咁我真係好多謝佢嘞!!如果係咁玩法，可唔可以寫清楚大隻啲字出黎呢，買三送一呢個字都唔係大架啦，又要送又要咁鬼鼠呃嗰一兩蚊(不過我感覺上係個收銀員收錯錢，唔肯認 夾硬話係咁，呢個係上年紀嘅收銀員，態度都麻麻，令人誤會左，一句唔好意思都冇講)btw, 食左個紅豆麻糬， 個皮韌左啲，甜味好假，唔知點解有黑糖味