影片
營業時間
今日營業
11:30 - 22:00
星期一至五
11:30 - 22:00
星期六至日
12:00 - 22:00
公眾假期
12:00 - 22:00
以上資料只供參考, 請與餐廳確認詳情
相關文章
銅鑼灣約了朋友續約健身，登龍街打算揾啲平淡啲晚餐。見到人龍排隊，原來有間車仔面，試過銅鑼灣榮記，未試過呢間。於是我也跟人排隊。等了差不多十分鐘，陸續有人出好快就輪到我哋。店內的裝潢別有風味，應該話成個登龍街的店面都是如此，有特色加店鋪個性。傳統的點單紙。不過好似被我們畫到花曬。叫車仔麵，普通好似我咁的食家會選擇幼麵，幼麵的口感特點細滑軟彈比粗麵更細（類似廣東的 銀絲細麵），質地偏軟但帶微微彈性，容易吸附湯汁，適合喜歡入味的食客。口感順滑不黏糊，湯汁分離。因為麵條細，能緊密裹住湯底（如咖哩汁、腩汁），每一口都充滿濃郁風味，尤其適合搭配*美味濃郁湯底！幼麵＋咖哩汁*幼麵能平衡咖哩的濃稠感。朋友的餸是粗麵。不過因為飲品需要另外加錢，就算咁埋單每個人都不超過200，性價比在銅鑼灣超值。而我的小食裏面，選用了酸甜的酸齋， 外層微韌，內裡蓬鬆吸汁，咬下去帶有微微彈性，因浸泡過醃汁，整體偏軟但不會爛糊，似是齋鋪裏面的小吃點心，搭配幼麵口感，爽滑又解膩。食得一半，抬頭發覺周圍坐滿，而且都系搭臺多，座位相對對於搭臺系少少擠逼，因為食飯時間。翻檯率都好高，匆匆忙忙食完就有下一批。🤣好似我等十分鐘就立即有位咁，真系唔怕排。
繼續閱讀
今日又搵嘢食啦，喺銅鑼灣登龍街呢一間車仔麵（麵尊）。叫咗一個五餸嘅車仔麵，豬紅：無血腥味，又咬口亦軟腍，滷得入味，唔會一咬就散，正！咖喱魚蛋：係炸過嘅魚蛋，魚蛋有魚味，但有點未夠彈牙，咖喱唔算好入味，不過不失。咖喱魷魚：土魷，咖喱醬濃郁，不是醃製度變晒色嗰隻，新鮮，應該要有嘅都比到。咖喱牛柏葉：咖喱醬濃郁，完全可以滲入牛柏葉內，爽口彈牙。五香牛腩：不是以往的牛腩，夾起嘅時候比較長身，紋路奚落有點不似牛腩，但鬆軟，有口咁，算係唔錯。粗麵：爽口冇鹼水味，掂。湯低：清湯但濃郁，今次有啲貪心，味道上我揀咗，腩汁，咖喱汁，麻辣汁，綜合起所有味道都唔錯，係有一定嘅吸引到嘅車仔麵，正。但食完之後係有啲口渴嘅。
繼續閱讀
-經過登龍街，見到一間平民價格嘅車仔麵，其實睇連登都已經見到唔少推介叫咗一碗大尊，即係入面咩都有啲，有豬紅、蘿蔔、咖喱魚蛋、紅腸、豬皮、生菜，蘿蔔冇渣、咖喱魚蛋可以再入味啲、豬紅超入味好食、紅腸同豬皮同個湯好夾，強烈建議配搭要腩汁，見到好多人淨係揀一隻汁就算，其實可以揀兩隻，咖喱汁同埋麻辣汁都係超好食另外一碗大辣，辣嘅會覺得啱啱好，佢似係出面中辣嘅辣度，豬紅會比大尊多兩嚿左右，酸齋都好食，整體而言呢一間車仔麵全部餸都整得好好食，我最鍾意就係佢會有大尊同細尊，比我呢啲選擇困難症嘅人，可以咩都食到🫶🏻-▶︎大尊油麵 加小咖哩腩汁多蔥| $49▶︎無糖可樂 | $10▶︎豬紅時菜酸齋粗麵 加大麻辣腩汁多蔥 | $40-📌#sorriso_銅鑼灣 #sorriso_灣仔區-🏠【麵尊 Min Jun】📍銅鑼灣登龍街18號V Point地下5號舖🕑星期一至五 11:30 - 22:00 星期六至日 12:00 - 22:00-#foodie #foodiehk #hkeats #不專業食評 #打卡 #相機食先 #食好西 #食評 #852foodie #吃貨 #foodstagram #foodphotography #銅鑼灣美食
繼續閱讀
嚟到登龍街嘅麵尊平時經過成日都見到好長龍 今日可以直接入座今次食咗蘿蔔魚皮餃豬大腸米線 配咗辣汁豬大腸好入味 好高質👍🏻蘿蔔size正常 但就略嫌可以再腍啲啲 另外本身想食河粉但係嗰日已經賣晒所以最後都叫咗米線，不過覺得米線嘅份量可以多少少🤣
繼續閱讀
好耐冇食車仔麵啦，今次就介紹吓我嘅飯堂 - 麵尊！呢度嘅湯底可以揀自家製嘅咖喱、麻辣醬，仲有腩汁同埋可以加多蔥，真係好正🥰 ★̆̈ 三餸車仔麵 $54 ✐ 湯底：麻辣小辣 + 腩汁 + 多蔥 ✐ 餸：豬大腸 / 豬頸肉 / 咖喱牛柏葉（每餸$14） ✐ 麵：河粉（$12） 滷水豬腸好入味又腍，豬頸肉一樣係滷過，爽口彈牙，咖喱牛柏葉好爽脆，淡淡嘅咖喱味完全唔會搶味❣️河粉係我鐘意嘅幼身河粉，吸哂清甜腩汁同麻辣嘅香味，香口到唔小心飲哂成碗湯🤤 ★̆̈ 大尊 $52 ✐ 湯底：咖喱 + 麻辣 + 多蔥 ✐ 餸：豬紅 / 蘿蔔 / 咖喱魚蛋 / 紅腸 / 豬皮 / 菜 & 額外加咗豬頸肉（+$14）✐ 麵：油麵 諗唔到食咩可以叫大尊，入面咩都有啲😎蘿蔔燜得好入味又冇渣，豬紅滑得嚟好Q彈，豬皮吸哂濃濃嘅湯汁，麻辣咖喱嘅湯底辣得嚟好惹味★̆̈ 蠔油生菜 $22生菜份量超多，加埋蠔油鮮味十足去食嘅話記得預啲時間排隊🙈
繼續閱讀