麵屋一平安 (銅鑼灣)

LTKIT

等級2

朋友推介...今日lunch黎左呢間...因為"888拉麵"太多人..呢間唔洗等..8個人..比左間房我地..set lunch都算多野揀你可揀一個麵(豉油湯底or豬骨)+一個飯(滑蛋/咖喱..既雞/豬扒) 但份量是迷你size...我要左個...豬骨湯底拉麵&咖喱豬扒飯個豬骨湯底個個讚!!我本人唔太鍾意豉油既湯底..d麵過幼..個麵整體黎講都可以話係好味輪到個飯..好味..但冇咩特別..同出面其他差不多..就係偏辣左少少..可能係我唔食得辣

朋友推介...
今日lunch黎左呢間...
因為"888拉麵"太多人..
呢間唔洗等..

8個人..比左間房我地..
set lunch都算多野揀
你可揀一個麵(豉油湯底or豬骨)
+
一個飯(滑蛋/咖喱..既雞/豬扒)
但份量是迷你size...
我要左個...

豬骨湯底拉麵&

咖喱豬扒飯
個豬骨湯底個個讚!!
我本人唔太鍾意豉油既湯底..
d麵過幼..
個麵整體黎講都可以話係好味
輪到個飯..
好味..但冇咩特別..
同出面其他差不多..
就係偏辣左少少..
可能係我唔食得辣

(以上食評乃用戶個人意見 , 並不代表OpenRice之觀點。)

分享
推介

已推介
檢舉

張貼

評分

味道

環境

服務

衛生

抵食

人均消費

$60

天平貓貓

等級4

339

八月十五日, 今日畀我哋發現咗間好正既拉麵呀!! 事原上次去咗《八八八拉麵》, 發現差咗好多, 於是同事們就叫我幫手搵一間好食既拉麵代替咗佢,無意間, 經 blog 友介紹, 又啱啱係一本叫 "Hong Kong Walker" 既雜誌度睇到介紹,(平時唔會睇呢本雜誌, 只係公司有廣告登咗喺度先買咋!)再 check 噃佢既 record, 原來呢間叫《麵屋一平安》喺香港已經有廿幾年歷史, 係正宗日本拉麵店嚟架! 喺尖咀已經有兩間分店, 呢個月頭喺銅記啱啱開咗間分店。真係好咁食? 我哋決定上去一試, 入到去啲裝修已經見心思, 啲座位坐得好舒服!坐底, 有個女職員走埋嚟招呼我哋, 一開口, 就聽得出佢係日本人啦! 原來係老闆娘嚟架!佢唔係好識講廣東話, 只係識基本招呼語同數字, 但已經足夠啦! 呢度有個幾多選擇既 set lunch, 我哋四個人全部都係迷你豬骨湯拉麵, 雖然比起麵豉湯貴 $10, 但如果想試真一間日式拉麵店既功架最好就係試佢既豬骨湯!先嚟跟餐有個沙律, 好簡單既生菜沙律, 加咗少少酸酸哋既沙律汁, 好清新, 好味! 仲有菜食吓!等咗陣, 個拉麵嚟到啦! 望個湯底既色咁

八月十五日, 今日畀我哋發現咗間好正既拉麵呀!!
事原上次去咗《八八八拉麵》, 發現差咗好多, 於是同事們就叫我幫手搵一間好食既拉麵代替咗佢,
無意間, 經 blog 友介紹, 又啱啱係一本叫 "Hong Kong Walker" 既雜誌度睇到介紹,
(平時唔會睇呢本雜誌, 只係公司有廣告登咗喺度先買咋!)
再 check 噃佢既 record, 原來呢間叫《麵屋一平安》喺香港已經有廿幾年歷史,
係正宗日本拉麵店嚟架! 喺尖咀已經有兩間分店, 呢個月頭喺銅記啱啱開咗間分店。

真係好咁食? 我哋決定上去一試, 入到去啲裝修已經見心思, 啲座位坐得好舒服!
坐底, 有個女職員走埋嚟招呼我哋, 一開口, 就聽得出佢係日本人啦! 原來係老闆娘嚟架!
佢唔係好識講廣東話, 只係識基本招呼語同數字, 但已經足夠啦!

呢度有個幾多選擇既 set lunch,
我哋四個人全部都係迷你豬骨湯拉麵, 雖然比起麵豉湯貴 $10,
但如果想試真一間日式拉麵店既功架最好就係試佢既豬骨湯!

先嚟跟餐有個沙律, 好簡單既生菜沙律, 加咗少少酸酸哋既沙律汁, 好清新, 好味! 仲有菜食吓!

等咗陣, 個拉麵嚟到啦! 望個湯底既色咁米白, 應該都 OK 喎,
第一啖湯入口, 嘩!! 真係好味! 足味! 好正呀!!
片紫菜好香, 日式叉燒又唔會冇味, 木耳又勁爽, 我哋一路食一路不停讚好味呀!!

然後我就加 $2 配個迷你滑蛋豬扒飯, 雖然細細碗, 但都夠食,
同埋佢面頭啲滑蛋、冬菇同吉列豬扒都好多呀! 仲好好味添!!

又試咗啖同事既咖喱飯, 啲咖喱汁似乎就一就咗香港人既口味, 真係有少少辣架!!
並唔係出面食果啲得個甜字, 完全唔辣既咖喱囉! 但又唔係好辣, 啱啱好, 拌飯食超正呀!

如果加兩蚊就好似呢碟咁多三片吉列豬扒, 唔駛加錢果三樣係素菜嚟既。

呢度既份量好啱, 女仕唔想食太多可以食滑蛋豬扒飯或迷仔野菜飯,
如果想食飽啲就要叫咖喱飯啦! 份量好似多啲。

仲有, 佢檯面有啲切開咗既蒜頭, 仲有個蒜頭器, 畀你自己窄啲新鮮蒜蓉落拉麵度食,
我都試玩咗幾粒, 又幾得意喎! 不過唔落太多, 因為個湯底真係好正, 唔想影響個原味呀!
仲有啲應該酸酸辣辣既鹹菜, 下次試吓先!

我哋今餐真係食得超滿足, 飽咗一個晏就, 更開心咗一個晏就呀!! 一定會再幫襯啦!!

呢個豪華定食都好想試, 好似好正咁呀~~~ 等佢出咗都應該會試一次!

另外仲有啲散叫既拉麵或飯, 有機會真係要同老公嚟試吓呀!!

同埋一直要讚一讚呢度既職員服務, 佢哋真係超有禮貌,
我哋食完晒嘢, 坐咗喺度吹水吹咗半個鐘佢哋都冇意識叫我哋走,
仲不段 Keep 住好好禮貌咁幫我哋加茶(包括老闆娘),
呢度十幾個職員無論男男女女既態度都好好呀!
搞到我最後埋單簽咭時都忍唔住畀咗 $20 tips!! 我真係未試過簽咭都畀 tips 架!
而且係老闆娘親自嚟埋單, 仲好好禮貌咁用日文同我哋講多謝晒!
呢啲先係服務囉!! 啲嘢又好食, 又唔算好貴, 加埋一都係 $66 一位咋!

我諗《八八八拉麵》再咁搞落去好快會畀佢搶晒啲客,
因為佢就係我諗《八八八拉麵》既樓上四樓咋!
同埋已經有日本人識得嚟幫襯, 開咗半個月, 到 lunch time 已經坐咗八成人啦!

更詳細資料及圖片請看 : http://hk.myblog.yahoo.com/joycewai616/article?mid=10169