麵屋常勝

營業中

休息中

喺東廣場搵緊野食，行過呢間舖頭見入面麵幾多人食，門面店員又話湯底係自己熬製冇味精，本身中意食拉麵嘅我都被吸引到，就決定試下。我地叫咗一碗「極尚濃蝦湯叉燒拉麵」同埋一碗「赤辛麻辣豚骨湯叉燒拉麵」，嚟到望到賣相覺得伏伏地…擺入口第一啖已極失望：… 湯底唔濃都算，好似公仔麵湯底…麵質同我係超市買嘅即食拉麵冇分別…雖然佢一碗拉麵價錢都比較平，埋單兩個人都係$200內，但如果係期望食到好食又比較正宗嘅拉麵，可能要另謀高就…

今次嚟到觀塘東廣場，平日一度食飯時間就係附近打工仔飯堂。一直想試呢間拉麵店，終於趁今日放工時間，冇咁多人嚟試。裝修非常之有日系嘅感覺，仲可以打鋪機添。一於試吓佢兩個招牌拉麵。極尚濃蝦湯拼叉燒拉麵+糖心蛋蝦湯嘅味道非常濃厚，一入口有滿滿嘅蝦味，叉燒肥瘦適中，麵質爽彈人氣雞白湯叉燒拉麵+糖心蛋雞白湯最怕太鹹，呢度嘅味道啱啱好，食完都唔會頸渴，糖心蛋非常入味玄米茶+蜜瓜汽水玄米茶香氣清新，蜜瓜汽水特別，適合小朋友芝麻手羽雞翼炸得香脆，香口吉列牡蠣牡蠣新鮮，一入口熱辣辣，冇腥味總結，係一間性價比非常之高嘅拉麵店，無論打工仔放飯定係晚餐聚會都適合

最近去咗觀塘東廣場的「麵屋常勝✨」，真係好開心可以品嚐佢哋既拉麵！呢間店係我心目中最愛的拉麵店之一，因為香港要搵一碗好味的拉麵真係唔容易。「麵屋常勝」既湯底非常出色，濃郁又入味，喝一口就感覺到滿足。佢哋的叉燒肥瘦適中，咬下去口感好好，搭配上啲彈牙的麵條，真係一流！而且價錢合理，食得又滿足，真係好味又抵食。「極上濃蝦湯叉燒拉麵🍜」，呢碗拉麵的蝦湯味道濃厚，配上叉燒，簡直係完美搭配。 「黑蒜油豚骨湯叉燒拉麵」帶來特別香氣，湯底十分濃郁，絕對值得一試。小食「吉列蝦」外脆內嫩，口感超正，作為小食來講非常不錯。「滋味雞軟骨」咬落去脆脆的，味道亦非常好，令人一口接一口。而「燒章魚丸」鮮味十足，章魚肉質彈牙，十分好味。總括來講，「麵屋常勝」既拉麵真係唔可錯過，無論係拉麵定小食，都有意想不到的驚喜！

一路睇好多好評話必食，然後見到一個寫完全相反嘅評語，於是都係半信半疑去試。坐低填好點餐單叫嘢俾錢先，店員都好友善，不過收銀妹妹搞好耐先落好單，最後都係發現漏咗隻溏心蛋。蛋$8唔係半熟，係未熟，裡面蛋白溶嘅，而且唔係橙黃色蛋黃，成隻蛋有陣好鹹嘅味，但個味又同個拉麵湯唔夾！講返碗麵，份量看似同一般拉麵屋差不多，但竟然用個啱啱好嘅碗嚟裝，湯無法俾多，飲咗一啖湯成碗已經變咗撈麵嘅樣。 平時食辣麵嘅我，第一次食於是叫咗招牌濃蝦湯麵試咗先，聞落去聞得出蝦味，但食落去冇乜，然後越來越重甜番茄味，好似落咗好多茄汁咁(唔係茄膏，茄膏酸啲香啲嘅)，平時食麵會飲幾啖湯今次飲一啖都唔想飲，完全唔係日本拉麵嗰回事！！嗰碗麵唯一可取嘅係嗰三塊叉燒，份量合理，入口即溶。 可惜只為嗰幾塊叉燒的話，都唔夠意欲想响呢間食。第一次試嘅拉麵店，除咗麵，一定會叫煎餃。 呢度得炸餃子，都試吓吧。 但佢個樣，一睇就覺得硬，食落口真係好硬，皮好厚，仲好似翻炸咁。最後講樓面，店唔大，坐嘅位都好open(伸咗出舖外)，但唔明小小的bar枱點解要放個遊戲機响度，啲細路企响隔離，你一路食嘢佢一路响旁邊拍打部機喧嘩，張枱仲要係連住震嘅，真係唔

唔知大家一般對奇怪既事會點應對？我以前選擇麻醉自己。我係香港成日食拉麵，都遇到份量好少既情況。我話比自己聽，麵少因為义燒靚，义燒少因為想你集中試個湯，湯冇咩味係因為少味精。依家唔會啦，直接揾間好既，食好野好過食麻醉藥！ 🍖份量，超大份，啲麵多到女仔一定食唔晒。另外，無論係野菜定叉燒，都多到爆炸，單講叉燒，一塊已經半個碗咁大，又絕對唔係薄切，真材實料，而且肥瘦均勻，又唔會乾身。講到野菜麵，你會challenge我，又話啲麵好多，張相一條面都見唔到，咁系因為啲料真係鋪天蓋地，椰菜，粟米粒，木耳絲，洋蔥絲，仲要我加咗糖心蛋同埋明太子，真係冇空間見到一條麵，但係信我下面真係好多麵呢！ 🍖配菜一定要講流心蛋，咬落去，蛋黃水汪汪，啷下啷下，真係好有初戀女朋友feel。而且佢係一整粒咁上，可想而知，佢哋已經做到一個境界可以好有信心每一粒都處理得宜。 🍖最後要講吓個湯底，我揀嘅係最多人食嘅蝦湯，如果你飲過佢個湯，你會覺得係真係冇味精同埋熬咗好耐嘅純蝦湯，所以非常鮮甜。素菜麵我就揀咗味噌湯，好配合蔬菜嘅清爽味道。 最後不得不提一定係佢哋嘅設計佈置好懷舊，同埋竟然有街機打，有幫襯嘅人就可以任玩。睇住幾個互

話說最近真係有啲疲累，成日覺得需要搵啲好食物嚟慰勞自己。就咁，去咗觀塘嘅麵屋常勝，真係唔錯啊！呢間拉麵店主打日式拉麵，湯底濃郁又香醇，豚骨湯同味噌湯都一樣出色。麵條彈牙，煮得啱啱好，配料豐富，有叉燒、半熟溏心蛋同埋海苔，真係一流。店內環境乾淨，有濃厚嘅日本風情。服務員熱情，服務周到，點餐時亦會俾啲好建議。除咗拉麵，佢哋嘅炸雞塊同日式餃子都好抵食。總括嚟講，麵屋常勝係一間值得推薦嘅拉麵店，無論同朋友聚餐定自己一個人去都好啱。 🍜😋

東廣場開咗唔少餐廳，今日試咗一間充滿懷舊風格嘅拉麵舖，裏面標榜食拉麵免費打機🤣入去嘅時候坐滿咗人，職員即刻開一張枱凳俾我哋坐，服務唔錯，但係就坐得比較迫🥲嘢食方面，叫咗兩個拉麵、兩個小食同兩罐嘢飲，水準之上✨人氣雞白湯拉麵✨先講湯底，雞白湯係飲得出有用心整嘅，飲哂成碗都唔口渴。叉燒都煮得軟腍，幾有肉味。最欣賞係隻流心蛋，整得啱啱好😌✨人氣濃蝦湯拉麵✨朋友就叫咗呢款拉麵，一飲落去好重蝦味，應該落咗好多蝦頭落去煲😃個人比較欣賞呢款拉麵✨吉列炸蠔✨呢碟小食好多水準，外脆內軟，炸得好酥脆，咬落去爆汁，食完一舊即刻想食第二舊🤣✨酥炸魷魚鬚✨呢款小食就比較失色，啲魷魚鬚炸得比較硬，唔係好脆🥲不過，總體嚟講，都十分唔錯既一間拉麵舖😀

今次又喺觀塘搵朋友收工，再次encore呢間麵屋常勝，真係好鍾意佢哋嗰個拉麵湯底，唔係味精湯。今次都叫返我上次好鍾意嘅極上龍蝦湯叉燒拉麵，原來呢碗亦都係人氣之選，最多人叫。朋友就叫咗一碗常勝豚骨清湯拉麵轉烏冬。我哋兩個都好健康咁加咗椰菜。真係好欣賞個湯底冇味精，就算連湯食，食完都唔會口乾，證明真材實料。整體覺得食物質素性價比高，出街閑閑地食碗拉麵都過$100，所以覺得呢度其實係幾抵食。小食方面質素同上次一樣唔錯，我哋鍾意嘅都係炸魷魚鬚同埋炸蠔，驚一碗拉麵唔夠飽口痕嘅話就可以叫埋呢啲小食。

首先唔明點解咁多好評，因為呢間嘢難食到嚇死人。首先拉麵嘅面底已經係錯晒，仲衰過味千拉麵。其次試佢推薦嘅蝦湯，根本係罐頭湯加水，超級稀無咩味道。據店員同Menu形容蝦湯係首選人氣，飲第一啖湯嘅時候已經好失望，夾埋啲麵上嚟睇都幾肯定中伏，食落口簡直係覺得成碗嘢根本稱唔上拉麵，只係將一個面同啲餸煮埋一碗。成碗麵唯一比較好嘅就係個叉燒，叫做不過不失。煎/炸餃子層皮好硬，入面個餡都唔夠熱⋯呢個價錢完全唔值得，劣食，唔會再去。

趕時間又想食熱嘅正餐🤔首選就一定係食拉麵🍜但係食過好多間啲拉麵都會有一個共通問題就係太咸🤢食完之後會維持好一段時間好口渴今日終於俾我遇到一間無哩個問題嘅拉麵店招牌係極上濃蝦湯叉燒拉麵同人氣雞白湯叉燒拉麵但作為雞湯愛好者一定係選擇人氣雞白湯叉燒拉麵！日式叉燒係肥瘦適中唔會肥膏或瘦肉比例一面倒拉麵硬度無特別選擇嘅話係屬於略微爽口嘅軟硬度☝️湯底味道清新食得出唔係味精製造略帶乾身嘅昆布同拉麵吸收咗啲湯一齊食認真！個口感係好好食👍記得要啲昆布浸到軟身先好食唔係就浪費暴殄天物啦！小食方面嗌咗個炸章魚球同街頭熱賣嘅章魚小丸子口感一樣令人驚喜嘅品質同味道飲品選擇咗樽裝玄米茶嚟到先知係自家製無糖啱哂奉行健康飲食嘅文化店外有部街機免費俾人玩街霸店內以日本廣告海報為裝飾充滿昭和年代感如果唔係趕時間真係食一次拉麵就可以滿足晒吃喝玩樂多個願望🤩

觀塘成業街7號東廣場地下地隱藏住一間咁樣既拉麵小店開。 打開門口做生意， 冇遮冇掩，實行用拉麵廚房嘅香味，食緊嘢嘅客人，少少舖位牆上貼嘅海報，最重要嘅係門口嗰部 街霸機 動漫BGM 嚟吸引你。 等你心甘命抵喺度 排隊等食。佢哋啲嘢基本上都唔貴，所以 同時價錢都唔睇喇，就試吓佢哋最姓名之作，極尚龍蝦湯叉燒麵。香濃嘅蝦湯充滿鮮味，最後飲到一滴都冇剩。加上脂肪均勻，口感軟腍 嘅叉燒，份量超足。仲有昆布木耳。真係今晚都唔使食飯。朋友就試咗佢哋其他嘅叉燒拉麵。甘香嘅油脂 滑嫩嘅肥肉，齒頰留香。 麵身爽彈，蛋香濃郁，嗰浸家鄉味返晒嚟。再加埋佢嘅3 隻炸蠔，大大隻肥滿多汁海水味咬落去卜卜聲，炸到金黃脆身

喺朋友的力推下，終於可以一嘗呢間主打「無味精湯」嘅拉麵🤩 雖然係食日本嘢，但餐廳裝潢加入咗唔少香港人嘅童年回憶嘅元素，例如保留咗街機，嚟呢度食仲可以係「免費打機」🕹，呢種setting的確好有以前舊鋪小店嘅感覺，見到就回憶起細個嘅時光🎞以小店嚟講，呢間拉麵嘅選擇真係好多，滿足到唔同嘅人口味😋重點係主打「無味精湯」🤩今次同朋友一人一碗，分別嗌咗人氣之選嘅🌟極上濃蝦湯叉燒拉麵 & 人氣雞白湯叉燒拉麵🔆極上濃蝦湯叉燒拉麵個湯底好濃郁鮮味，每一口都充滿咗蝦嘅鮮甜味，再加埋多汁嘅叉燒，不自覺地會想將個蝦湯底飲曬，而且麵質都彈牙，餐牌上仲有得指定軟硬嘅程度，感受到店家嘅用心。🔆 人氣雞白湯叉燒拉麵個湯底係以清淡鮮美嘅雞湯為底，再加上口感嫩滑嘅叉燒，味道清新唔油膩，而且個湯底又係一啲負擔感都冇，又係一口氣飲完咗個湯😎🔆各款唔同嘅小食作配搭只要跟餐+hkd22就可以加配小食同日本汽水，小食嘅份量同味道都好高質，整體嘅性價比頗高。相信喺觀塘打滖嘅朋友都未必會認識呢間小店，但試完之後完全明白食物味道就係最好嘅口碑👍🏻推薦大家嚟！

Happy Friday約左朋友食飯，我地去咗東廣場見到麵屋常勝嘅餐單唔錯，仲有遊戲機玩，係細個會玩嘅拳王，真係回憶返晒黎，吸引左我地去試。兩個人揀咗一個雞白湯叉燒拉麵，一個吉列蝦叉燒濃蝦湯拉麵，另外仲叫左蟹肉忌廉薯餅同芝麻手羽。先講雞白湯拉麵，湯底濃郁唔油膩，每啖湯都有濃濃嘅雞味，面底彈牙爽口，一路浸住湯食都唔會變腍。叉燒肉質嫩滑有咬口，煮得唔錯。拉麵送嘅糖心蛋，熟到適中，一咬落去全部都係蛋黃😍之後係吉列蝦叉燒濃蝦湯拉麵，一望落去橙紅色湯底，就知道呢個湯係用咗好多蝦去熬製，飲落去，成個口都係蝦味，同樣都係唔油膩，飲吓飲吓差啲飲晒成個湯🙈另外再加埋個明太子，可以講昇華左成個麵，味道好夾，海鮮味濃厚。吉列蝦嚟到嘅時候都係熱辣辣，金黃鬆脆，令人忍唔住即刻想食，蝦肉冇太多雪味，相信烹調嘅時候有落足心機。兩款拉麵嘅湯底都鮮味十足，完全食唔出有味精。之後講吓小食，薯餅都係色澤金黃色，外脆內軟，一咬落去個薯餅，d蟹肉忌廉爆出嚟，同埋佢個蟹肉都算多，食落都食得出有蟹肉，冇話揸流攤。雞翼外皮金黃鬆脆，一咬落去雞肉嫩滑，同埋調味做得好，唔會有雪味又會夠晒惹味。埋單都係每人百零蚊性價比非常之高，會再番黎幫

今晚放工去左觀塘做facial，之後就過左對面東廣場搵食。拉麵店感覺懷舊，日式風格，牆上貼左昭和年代海報。門口亦擺放著昭和時代街機，客人邊等邊打機，充滿兒時回憶。餐牌有成10款拉麵選擇，我就揀左佢哋招牌菜，另外加左隻糖心蛋同小食。極上濃蝦湯叉燒拉麵：叉燒煎過夠香，肥瘦均勻，配料有木耳同埋紫菜等，另外仲加左左隻糖心蛋。糖心蛋煮得剛剛好，流心晒。自家製蝦湯底味道好濃，重蝦味，無味精，唔太鹹，感受到佢用心製作。拉麵吸晒d蝦湯，好好味，最後我連湯都飲埋，性價比高。炸魷魚鬚：剛炸起，好熱，好脆好香口，夠味道。

最近朋友推介我去觀塘廣場嘅麵屋常勝 話嗰度嘅拉麵好食價錢又合理 於是我就決定一試吉列蝦龍蝦湯叉燒拉麵 ($108)呢款拉麵真係令我驚喜！湯底用龍蝦熬成 味道濃郁 比較甜 而且湯無味精配上外脆內嫩ge吉列蝦 好好食叉燒方面切得薄厚適中 肉質嫩滑與湯底好夾的呢明太子豚骨清湯叉燒拉麵 ($78)加左錢轉烏冬 有另一番風味豚骨湯底清湯 味道輕盈 但仍然保留咗豚骨嘅香氣明太子嘅加入 多咗一層香辣味同埋鹹香 明太子份量超多的呢~~套餐B 炸章魚球 ($22)外脆內軟 章魚肉質彈牙沾上醬汁更添風味 2粒份量岩岩好我仲試咗兩款日本汽水：波子汽水 ($12) 同蜜瓜汽水 ($12)波子汽水清爽可口 蜜瓜汽水則甜而不膩兩款都係好嘅配搭 即刻有日式feel ~呢間麵屋常勝嘅拉麵質素相當高無論湯底、配料都十分用心 性價比高!! 價錢亦相對合理 值得一試