麵屋常勝

營業中

休息中

係觀塘整嘢 整完搵下有咩嘢食 朋友話不如去食拉麵 都好耐無食啦餐廳好有日本兒時風格 無論擺設同埋poster突然覺得好似番番去舊時光😂拉麵起碼有11款 見到有2款有手指公緊係即刻叫啦叉燒大大塊 比起其他拉麵店出聲極上濃蝦湯叉燒拉麵❤️❤️❤️個湯真係超超超濃蝦味 唔係講笑 食得出係熬出黎 因為好鮮甜 標榜冇味精哩個湯底真係性價比高加左糖心蛋👍🏻人氣雞白湯叉燒拉麵奶白色湯底 好清澈 一樣都唔會有味精朋友讚不絕口😍😍😍平時食拉麵會覺得好肥膩咁呢度嘅湯底因為冇味精所以一啲都唔覺得小食方面叫咗個拼盤 咩都有唔洗諗😂芝麻雞翼 雞軟骨 吉列蝦 吉列蠔 同埋魷魚全部都係我地鍾意食既 即叫即炸熱辣辣 正呀🤩餃子都係最愛 外皮煎得香脆 飲埋支玄米茶 下火😂

喺觀塘真係好多美食，今次同大家分享東廣場內嘅日式小餐廳，呢度有好多美食呢！首先係極上濃蝦湯拉麵同赤身豚肉骨湯叉燒拉麵。兩款拉麵都好出色，湯底濃郁香濃，同埋無味精呢！令人回味無窮。極上濃蝦湯拉麵有鮮甜嘅蝦湯底，配上彈牙嘅拉麵同鮮蝦，味道鮮美。赤身豚肉骨湯叉燒拉麵則有豬骨湯底，口感濃郁，加上嫩滑多汁嘅叉燒，味道更加豐富。除咗拉麵，呢度嘅小食都好吸引人。日本枝豆新鮮爽口，炸章魚球外脆內軟，味道香酥可口。小食拼盤入面有吉列炸蠔同吉列蝦，炸得恰到好處，外層酥脆，內裡鮮嫩多汁，十分美味。煎釀雞翼則香脆多汁，每一口都令人滿足。跟餐可點飲品，我地揀左可樂同玄米茶，玄米茶有淡淡的香氣，非常適合搭配日式美食。整體而言，呢個麻雀雖小，但五藏俱全嘅日式餐廳食物質素高，性價比高，我地二人食左兩個餐加小食拼盤都係3百蚊有找，服務員態度亦好好，環境舒適乾淨，亦好有日式感，充滿會有回憶感呀！

東廣場係一個好多美食既地，需然睇落去吾係太fancy 但係實力吾可以睇少！黑蒜油豚骨湯叉燒拉麵是一道口感豐富的拉麵。豚骨湯底濃郁鮮香，加入黑蒜油後增添了獨特的風味。叉燒肉鮮嫩多汁，與拉麵的彈牙口感相得益彰。這道拉麵通常還會加入各種配料吉列蝦叉燒濃蝦湯拉麵濃郁的拉麵。湯底以蝦為基礎，味道鮮美豐富。蝦的鮮甜與叉燒的香味相互融合，帶來獨特的風味體驗。這道拉麵會加入蔬菜和其他配料，如海苔、芝麻等日式枝豆枝豆以鹽水煮熟後，撒上一些鹽，可以直接食用。它們口感鬆脆，帶有濃郁的豆香味吉列牡蠣吉列牡蠣夠鮮，不錯！炸章魚球章魚肉質鮮嫩，經過炸後外脆內嫩。

東廣場入邊有唔少嘅餐廳 同朋友最後就揀咗呢間拉麵店 呢度嘅裝潢係以日式風格去設計 仲有部懷舊遊戲機比客人玩添睇餐牌發現食物價錢唔算太貴 而且追加$22就可以有一份小食同飲品 性價比幾高 另外呢度好貼心有得揀麵嘅軟硬程度 如果有唔食嘅配料都可以剔走吉列蝦叉燒濃蝦湯拉麵 (加糖心蛋) (加粟米) (走炸蒜)蝦湯入口好香濃 飲落無味精味 而且唔會好鹹 仲有3大條吉列蝦 粟米亦好香甜 仲有椰菜 葱 海草同木耳呢d配料 食落口感好豐富人氣雞白湯叉燒拉麵 (加糖心蛋)湯底係好鮮嘅雞味 同蝦湯一樣都係無味精味 兩碗嘅叉燒大塊得嚟都肥瘦適中 同埋呢度嘅糖心蛋係真係有流心的滋味雞軟骨雞軟骨炸到表皮好酥脆 份量都幾多炸章魚球章魚球食落唔會太粉 食得出粒粒章魚 吉列牡蠣炸蠔食落幾鮮味 而且外脆內軟

去觀塘等朋友收工，決定食埋夜晚先番屋企，同朋友見到東廣場依間麵屋常勝都幾多人食，同埋佢裝修好有feel，有少少似日本拉麵屋。我叫咗吉列牡蠣黑蒜油湯拉麵，朋友叫咗人氣雞白湯叉燒拉麵，一齊加咗糖心蛋，我哋另外再加咗滋味分享盤，入面嘅小食都好多款，有吉列蝦，吉列牡蠣，雞軟骨，炸魷魚鬚，仲有兩隻芝麻手羽，啱晒同朋友一齊分享。兩碗拉麵嘅湯底都食得出好鮮味，同埋應該真係無味精，食完完全唔會覺得口渴。我自己嗰款黑蒜油湯拉麵，黑蒜油味濃得嚟唔鹹，自己都忍唔住飲咗少少湯。朋友嗰碗人氣雞白湯，相比起我嘅黑蒜油湯較清甜，有時想食清淡啲嘅話呢款口味應該幾啱。吉列小食唔會太厚粉漿，全部都係炸完即刻上枱，熱辣辣食超正。整體來講都覺得呢間拉麵店，無論係裝修或者喺準備食物相都好用心，有機會應該會再試埋個人氣蝦湯。

東廣場內有好多餐廳， 今日嚟到呢間麵店食晚餐。餐廳性價比幾高， 拉麵套餐唔使100蚊， 就已經包咗一碗拉麵、小食，以及飲品， 仲唔使加一。N6-赤身麻辣豚骨湯又燒拉麵 $76湯底辣得過癮， 但辣得嚟又冇蓋過豚骨湯本身嘅鮮甜， 湯底味道濃郁，食得出係長時間餚製，無添加味精。 麵質彈牙， 可以按個人喜好選擇麵底嘅軟硬度。 大大塊叉燒肥瘦適中，肉質柔軟。N5 -明太子豚骨清湯叉燒拉麵 $78明太子嘅份量肉眼可見地多， 混入湯底裏面令湯底更惹味。配料椰菜、木耳、炸蒜同海草令到麵既口感層次更豐富，叉燒同樣大大塊，好足料。升級套餐C：古列蠔-2隻＆飲品+$22+$22就有一款小食同飲品真係好扺， 炸蠔外脆內軟，蠔唔會太細，仲幾Creamy 。升級套餐D：日式炸饺子2隻＆ 飲品 +$22外皮有啲厚，但豬肉餡幾甜同幾juicy。滋味雞軟骨 $38 & 炸革魚球 $30 呢度嘅小食中規中矩，勝在價錢唔貴，可以試到好多款。雞軟骨都幾爽脆同份量都幾多。章魚球外皮有啲厚，但入面真係有彈牙既章魚。

放工約咗朋友喺觀塘做瑜伽，打算喺附近快脆食少少嘢。行過東廣場見到新開咗間拉麵店，主打係無味精湯拉麵，於是就一齊試一試佢😙因為朋友唔鍾意食蝦湯拉麵，於是佢叫咗人起雞白湯叉燒拉麵，我就食咗招牌嘅濃蝦湯，加$22可以有小食同埋送冷泡茶。冷泡茶嘅份量都唔細，應該有大概400 mL，我哋跟餐嗌咗章魚小丸子同埋炸雞軟骨，因為朋友好想食芝麻雞翼同蟹肉薯餅，所以我哋都另外再加咗。小食上到枱都非常熱，雞軟骨個調味啱啱好唔會太鹹，個人最鍾意都係章魚小丸子，雖然睇落細細粒，但係入邊都有一粒足料嘅八爪魚。小食嚟晒等咗一陣拉麵先上枱，我先試咗朋友嘅雞白湯，飲落去唔會太鹹，係啱啱好嘅雞湯味，拉麵配有一粒粒糖心蛋同兩塊叉燒，糖心蛋煮得啱啱好唔會過熟，叉燒亦都唔會太肥膩，整體成碗拉麵望落去唔會太多油。跟住講吓餐廳人氣嘅濃蝦湯，配料基本上同雞白湯拉麵一樣，但係個湯飲落去feel到勁足料，食到海鮮嘅鹹香同感覺上真係冇落味精，食完唔會勁口渴。

推薦呢間好味又抵食嘅拉麵店🤗 餐廳位於東廣場，人流多，好受歡迎👍🏻 食物選擇好豐富，有多款拉麵及日式小食，款款吸引😍 價格合理，食物質素很不錯，性價比高！今次同朋友試咗兩款拉麵、三款小食及兩樽飲料，人均消費大約$140已經好飽，性價比好高～🍜赤身豚骨湯叉燒拉麵轉烏冬；加配玉米、糖心蛋愛辣人士必點！🌶️ 辣度強 有驚喜，個人更喜歡這裏的烏冬，爽滑軟腍 口感更佳😋 越食越惹味🔥 叉燒軟嫩可口 肉味濃郁，配料可任意加，必試溏心蛋好高質～🍜黑蒜油豚骨湯叉燒拉麵加配日本木耳、日本海草、椰菜推薦！黑蒜油好香濃惹味🤤 拉麵偏幼身 爽滑掛湯，配料超豐富，整體口感味道很不錯😋🦑炸魷魚鬚🦪吉列牡蠣🥟日式炸餃子好正嘅炸物小食！竟然有魷魚鬚 外脆內嫩好好味😆👍🏻 炸蠔鮮嫩多汁，炸餃子大大件，皮薄餡靚😍🍵玄米茶（冷）

今日下午過來觀塘, 上網見到好似幾吸引, 於是過來試下, 兩間舖頭地方唔算好大, 可能今日是星期六無乜人返工又或者已經收工🤣, 所以都有d吉枱, 坐低望下menu, 都係先試蝦湯🦐叉燒🐷拉麵, 走蔥, 另外加左只糖心🥚, 店員有問我加唔加22蚊有多個小食同罐裝飲品, 不過唔係太肚餓, 見大部份小食都係炸物, 我個人唔係太嗜😅 所以無叫到, 要先收$, 等左一陣碗麵送來, 用木托盤裝住, 都幾細緻😍 陣陣的蝦味非常濃味😜 不斷從碗麵湧上來😚好香噴噴, 飲啖湯先, 好濃👍 不過我個人食野偏淡, 就覺得咸左少少😆 食一口麵, 都唔係煮到好淋, 佢d拉麵偏幼身, 入面有d昆布同木耳, 有d麵未散開, 我都要再撈一撈均, 食片叉燒, 雖然有d肥膏和皮包住, 但食落好香😋 唔會食到成口油, 一共有三片🐽 再試下只糖心🥚, 食落太凍, 我要用d湯浸一浸佢🤣🤭, 整體無論賣相味度份量都有d水準, 以一般拉麵價錢來計, 88元一碗都可以接受🥢下次有機會先試下其他😛

觀塘多野食係人都知，但返工人太多，所以一到lunch 度度都人頭湧湧。唔知好彩定唔好彩，今日黎觀塘做野遲左放lunch ,所以食晏少少，人流減退，輕鬆搵到位！行過見到呢度裝潢都特別，有兒時感覺，好似入左時光隧道甘😆就決定食呢間啦！唔好講少，甘熱既天氣，一杯凍飲好重要！呢個冰涼既玄米茶非常解渴，正！拉麵有好多唔同既湯底同主菜，仲可以以$22追加飲品同小食，抵食！我叫左個濃白雞濃叉燒拉麵雞湯好濃，又唔會太咸，只色甘奶白，一定係落左唔少材料，煲左好耐！飲落好鮮甜，無落味精！麵可以選軟硬度，好爽口彈牙。叉燒大件又入味，浸係個湯底食好好味！另加左明太子，微辣，夾住麵同叉燒食又多一重味道！朋友叫左黑蒜油豬骨湯叉燒拉麵隔離都文到好香既黑蒜油味！試左一啖湯，都係好濃，正完豬骨湯味！好好飲炸魷魚鬚，新鮮炸起，好熱好脆，魷魚夠大條，食落好有口感，好好味！蟹肉忌廉薯餅一樣係好鬆脆，外脆內軟，入面食到有一條條既蟹肉整體上唔錯！最重要個湯底夠濃又無味精，會再去！

東廣場好多野食 今次就俾呢間拉麵店吸引左入去！ 環境係日式風格 仲有部懷舊遊戲機俾客人玩 充滿兒時回憶！成個感覺就好似真係去左日本甘🤩今次叫最多人食既🌟極上濃蝦湯叉燒拉麵🦐食麵先飲湯！湯底有好香濃既蝦味 食完個晚真係無口乾 所以個湯底真係無落味精👍🏻👍🏻有3塊大叉燒 有海草有蔥 麵質仲可以揀硬度，另外我仲加左隻溏心蛋🤤另外仲叫左🌟吉列牡蠣黑蒜油湯拉麵🦪牡蠣有4隻 炸粉好簿 唔會入口全部都係粉👍🏻至於黑蒜油湯拉麵 好香黑蒜味🤤想食小食既話 仲可以+$22蚊要個套餐，有5款小食選擇 另外配送飲品。揀唔落既話可以揀個滋味分享盤 岩哂有選擇困難症既人阿😝我就加左🌟雞軟骨: 炸到好香炸🌟蟹肉忌廉薯餅: 好creamy 有蟹肉味🌟芝麻手羽: 兩大隻 好飽滿

平常甚少在觀塘區食飯，但素來聽聞於觀塘區上班的朋友食飯多選擇，今日剛好過來觀塘區工作，經過東商場，發現入面很多不同的食肆，其中經過一間裝潢充滿日式復古味道的拉麵店，決定午餐好好獎勵自己。我們選擇了單邊的座位，甫坐下侍應即遞來餐牌及點單的膠牌，十分欣賞這個下單的安排，相比起用紙張下單，這種下單方式既清晰亦環保。餐廳共有七款拉麵選擇，我選了極上濃蝦湯叉燒拉麵，朋友則選了明太子豚骨清湯叉燒拉麵，另外我們亦加配了飲品及小食。蝦湯拉麵時常都是我的首選，這一間的拉麵標榜無味精，果然蝦湯很濃郁，入口帶有蝦的清甜，而且湯夠味得來不會很濁，過往有食過一種很濃郁但很涸喉的蝦湯拉麵，這一碗絕對沒有這一問題。很慶幸我加配了粟米，蝦湯加上粟米是我的最愛，再配上軟硬及粗幼適中的拉麵，很快便把整碗拉麵消滅了。而我朋友的拉麵配有明太子十分特別，我喝了一口豚骨清湯加一些明太子，明太子味道帶有輕微的辣口感，十分惹味。同樣地，我們一致認為這裡的拉麵真的沒有味精。雖然我們加配了汽水及凍玄米茶，但到麵吃完我們還剩下大半飲品，證明湯底既濃但不會每人感到口渴。至於小食方面，我們點了餃子及炸蠔，十分香口惹味，拉麵配炸物簡直完美。

今日同小朋友行過觀塘東廣場，小朋友見到有一間好有趣嘅日本拉麵店，我哋就入去試吓。裝修係以前日本街頭拉麵店，門口有波子機同遊戲機，可以免費玩，不過我哋就冇玩到。大食小朋友，見到咩都想食，我地叫左極上濃蝦湯叉燒拉麵，人氣雞白湯叉燒拉麵，吉列牡蠣，日式炸餃子，另外加$22要餐，揀咗炸章魚球。一定要推介極上濃蝦湯叉燒拉麵，蝦味極濃厚，每一啖都好似飲緊蝦湯一樣，感覺冇味精，真材實料。淨係為咗個蝦湯，我會再嚟。白雞湯都好食，不過本人就覺得蝦湯真係一流。另外我都推介吉列牡蠣，炸完嘅蠔，入邊都可以好Juicy，出邊脆卜卜，有咬口得黎，有蠔嘅鮮味，咁平嘅價錢，有咁嘅享受，值得一試！另外章魚球加埋醬汁同面嘅章魚鬚，都好好味。炸餃子就覺得皮厚咗少少。😋Yummy Yummy: 8/10😋

同朋友收工約開喺觀塘食飯，經過東廣場，見到間日式拉麵小店，睇咗啲Menu覺得都唔錯，淨係裝修嗰頭比較日式復古，用嘅係木枱木凳，見到裝修都好用心，仲特登有街機提供比顧客玩，個人覺得係一個加分位！拉麵就唔算特別貴，同埋標榜係自家製湯底，冇落味精，我同朋友決定每人叫一碗嚟試吓呢到既拉麵碗視覺上比較幼同彈牙（餐廳也多謝你揀面嘅質地同埋軟硬度）呢一個位覺得幾貼心同埋份量都絕對夠飽！每碗有大量配菜蒽木耳海草，加上三四塊圓形薄切叉燒 ，肥瘦適中，唔會話好肥膩！湯底濃郁！N1 極上濃蝦湯叉燒拉麵 $88我自己叫咗蝦湯叉燒拉麵，蝦味好濃郁，湯頭都好鮮甜！N7 人氣雞白湯叉燒拉麵 $88而朋友係叫咗雞白湯叉燒拉麵，會見到湯底呈現奶白色，飲落去都算鮮甜，攞嚟配面更加係一絕！另外有得加配糖心蛋+$6，糖心蛋蛋味濃郁，個人覺得幾抵食！另外仲加配咗啲小食，蟹肉忌廉薯餅，超足料！好creamy同好香脆香口！

一入到這間麵店，就好有一種懷舊溫馨的感觉 。店內的環境，特別是牆上的 擺設，使人有如置身於日本的小店。食物方面，食材健康新鮮，因都是不含味精的。特別推介的是極尚龍蝦湯叉燒拉麵，廚師用了龍蝦作湯底，龍蝦味濃但 全沒有味精 ，飲完亦全沒口喝的感覺。龍蝦的原汁湯味，配以爽滑的麵質，味道很好。配料方面 有足夠份量的叉燒 (有5塊），肉汁豐富，加上新鮮清淡的椰菜及木耳，使到整碗麵很有層次感 。 小食方面，必須一提煎餃子， 餃子的餡肉非常清香， 感覺到廚師製作的認真。 另外雞軟骨也很惹味，炸的火喉適中，美味而感覺不太熱氣。飲品方面 ，特別推介玄米茶 ，這間店的賣點是著重自家製，玄米茶的味道非常原始，很有玄米的香味 ，绝不人工化 。吃完香濃的龍蝦拉麵後 ，配玄米茶是一個很好的選擇。整體來說這間店懷舊,溫馨天然及性價比高， 是一個好的用餐選擇。