麵屋豚豚拍子 x 辛味屋 (已結業)

🍛🍜🦑🥟🍥餐廳名: 麵屋豚豚拍子 x 辛味屋地區: 將軍澳評語:$228 二人餐 炸雞塊奄列咖哩飯 +HK$5 - 炸雞有三塊 有少少似美式炸雞而唔係日式炸雞 食落幾多肉汁又夠熱 唔係好有雞味 奄列蛋個樣做得算係咁但蛋質唔夠滑 咖哩普通 至少有啲配料雜錦拉麵 +HK$8 - 拉麵湯幾濃 所以少少鹹左啲 拉麵質素普通炒魷魚鬚 - 熱辣辣上枱好香魷魚味 全部魷魚都好爽口幾好食自家製餃子 - 普通發揮 豚肉有啲粗 餃子汁有少少怪燒魚餅 - 十分唔好食 上枱已經好暗色 食落太淋結論: 一間主打日式既餐廳 入得去食都係一大班人或者家庭 坐得算闊 可惜食物質素一般 價錢以商場級數黎講中等#麵屋豚豚拍子辛味屋#將軍澳美食 #將軍澳#咖哩飯 #拉麵 #魷魚鬚 #餃子 #魚餅#香港美食 #香港餐廳 #情侶餐廳 #情侶飲食 #幫你食 #couplehelpyoueat #couplehelpyoue #helpyoueat #hongkong #hkfoodie

新都城都幾多好嘢食，平時都好鍾意食日本嘢，今次晏晝就去咗呢一間餐廳食嘢。佢都有好多選擇㗎，又有拉麵，咖喱飯，便當，壽喜燒等等。好耐冇食過一人火鍋，所以就食咗呢個牛肉壽喜燒煱定食！😍賣相都幾吸引，材料都多，有金菇，蘑菇，雞蛋，牛肉，豆腐等等，原本配白飯，加$5就可以轉烏冬，壽喜燒湯底甜甜地，晏晝食到都好滿足，個爐傳熱夠快，好快就可以食得啦！份量都唔少㗎，夠晒飽。飲品就嗌咗凍柚子蜜。值得一讚，午市人多，職員服務都好好！

今日出咗去寶琳新都城行街， －路行冇留意時間， 行行下先發覺重有未夠一個鐘要去接囡放學， 所以揀咗d 間食， 都算多選揀同價錢經濟， 我揀d 個拉麵餐大約$7x ，已包1 款小食和1 杯飲品👍👍如果唔想食拉麵， 可選定食， 咖喱飯， 丼飯或者烏冬， 有時間慢慢食lunch ,重可以揀壽喜燒鍋， 全部都係$100 以下, 抵食.餐廳日式裝修，環境舒適， 梳化位， 座位寬敞.豚軟骨拉麵： 豚軟骨好入味， 又夠淋， 拉麵煙煙靱靱， 口感唔錯， 湯底唔會好咸， 好味， 推出介吉列流心旦豬肉餅： 炸得好脆， 即炸， 熱辣辣， 咬落旦计流出黎， 重夾有豬肉餅， 層次豐富😋🥳

放工同屋企人出街食飯，今次嚟到位於寶琳嘅麵屋豚豚拍子x辛味屋食晚餐食物款式都幾多，有多款日式小食、拉麵、咖喱飯、丼飯同便當等等，價錢優惠。芝士年糕年糕外皮炸得香脆，裏面嘅年糕煙韌有咬口，年糕內嘅芝士夾心味都幾香，而且軟綿，個人好中意。照燒雞扒漢堡扒便當雞扒外皮煎得夠脆，雞肉都夠入味。漢堡扒一共有兩塊，煎得幾香，調味甜甜地，肉質幾腍，個醬汁都幾送飯。便當更配有味噌湯同埋是日前菜。吉列豬扒蒲燒鰻魚便當吉列豬扒色澤炸得幾靚，外皮幾香脆，豬扒肉質都夠腍。蒲燒鰻魚燒得焦香，肉質幾嫩，蒲燒汁味道頗為濃郁。飲品方面，惠顧主菜可以半價優惠購買飲品，我哋分別叫左凍奶茶同凍檸茶，都幾抵飲。

有幾個月冇去，今天去了吃午飯，叫了一碗拉麵，一個咖哩吉列豬扒飯！另外兩杯凍檸茶！食物好快就送到上檯面，時間合理，食物也是熱的，外表也吸引！看似一切也很正常！但原來事實並非如此！碗拉麵湯底差過出前一丁嘅味精湯，完全冇味道！吉列豬扒的豬扒，韌過牛肉乾！凍檸茶，好似凍水加糖水咁，完全冇茶味！比一般茶餐廳，質素低好多！但價錢當然貴過茶餐廳！以後不會再去！唯一可以讚美的，就係現場的服務阿姐，反應快，態度友善！

見今日落雨冇地方去，落去商埸行下，唔覺意見到呢間嘅下午茶好似幾吸引，星期六都係平日咁嘅價錢，於是入去探下店。環顧四週都只係有三四檯客，坐低後要掃QR code 自助落單，兩個人叫咗一個黑豚拉麵（輕盈）$48 及一個金菇牛肉卷定食$45。呢碗黑豚拉麵（輕盈）確係份量較正常細碗，個湯係黑蒜油豬骨湯，味道都幾好，叉燒就有少少柴，拉麵都有韌度，唔錯。呢個係金菇牛肉卷定食$45，有麵豉湯、沙律同一碗白飯，碗麵豉湯唔夠味，粟米同沙律就好味，主角嘅金菇牛肉卷份量都唔少，個汁調較得好好味，呢個真係好抵食又好食！最後埋單連加一都只係$102，下次去再試其他食物。

今日lunch time入佐呢間試下拉麵拼餃子餐，另叫佐杯熱檸水。食物整體：拉麵湯底中上麵係九州拉麵嗰隻，算滑溜，但我個人仲意東京拉麵嗰種圓身彈牙多d.服務員有禮貌勤力，執枱快上菜有禮貌！

呢日同朋友去將軍澳新都城行街 Shopping，行完街之後見肚餓，於是搵個地方食 Tea，原本想食嗰兩間落場，於是就試吓呢間日式拉麵店，真係好抵食喎！有下午茶套餐，只係四十幾蚊，計埋加一，兩個人食，埋單都係一舊水左右，仲唔抵？而且埋單仲可以用 H Coin，即係平時响商場消費儲落嘅積分，可以當現金用，就係咁呢餐埋單唔使錢。今次食咗 赤豚拉麵（$48），係有啲辣嘅，不過麵質都算幾好，幾彈牙，都算合格嘅。另外又叫咗個 漢堡扒定食（$45），呢個 Set 味道就真係麻麻啦，漢堡冇乜肉味。整體嚟講，今餐只能夠算係 Food Plaza 水平，唔算特別好食，再加上職員落晒場，飲品等咗好耐都未出，扣分！不過勝在夠平，都可以接受嘅。

唔知係唔夠人手定點啦嗌左個二人餐 兩個拉麵+三款小食燒牛舌 又凍又韌 完全咬唔到咁濟炒魷魚鬚 又凍又冇味😮‍💨好啦 都算明明嗌左個赤豚拉麵 黎到個店員同我講係辣既但加左啲黑蒜問我要唔要但好明顯唔係果樣野黎😒 一啲紅色都冇 同個黑豚拉麵冇分別二人套餐 但咁既食物質素加埋一仲要$2xx真心覺得中伏 再加埋服務態度 唔會再去！

張積分咭好大魔力。我地又嚟食，呢度地方大👍👍，依家都怕坐得太逼架。當然要本身鍾意食拉麵先得。蜜桃茶有點啖🤫，早知叫返檸茶，今日咁啱tea time 嚟，紅日都有好十派。 不過豚肉得一片，而且全部拉麵款都冇蛋呢。黑蒜冇咩特別，就貴兩蚊。魷魚唔錯，係細條左D, 豬軟骨次次嚟都叫。 待應都係上左年紀，不過我記得幾次嚟都好有禮貌。唔知點解次次嚟埋單都有人塞住(っ╥╯﹏╰╥c)草夠分就同姐姐換劵後一個月內要用左佢架。

🍽麵屋豚豚拍子💙🤍💙🤍💙🤍 🦊 小編餐單1️⃣ 鰻魚丼 ＋ 廣島炸蠔 💲94🔹好味度: 2.5/52️⃣ 炸雞塊奄列咖哩飯 ＋ 串燒雞軟骨 💲99🔹好味度:3/53️⃣ 豚軟骨拉麵 ＋ 蟹籽沙律 💲99🔹好味度:2.5/5 💙🤍💙🤍💙🤍 🙊小編覺得炸雞塊好熱氣，不過奄列同咖哩幾好味。🙊小編覺得豚軟骨拉麵湯底一般。🙊小編提提你，上面都係自選一人套餐。💙🤍💙🤍💙🤍小編評分👅食物 🦊2.5/5 👀環境 🦊2/5 📸打卡指數 🦊1.5/5 總評分 🦊2/5

今日咁岩路過寶琳間豚豚拍子，見到佢個下午茶餐Cp值好似幾好就試下，點知係惡夢嘅開始。。首先一坐底見冇餐牌，我就舉手問姐姐可唔可以比一份我啦。。點知舉左幾次手都冇人理我Orz.. 好啦，咁去第二張有餐牌嘅枱啦，當我決定好食乜之後又係舉手舉左N耐都冇人理我。。。差不多係成十分鐘先有人黎。。但餐廳講緊係得兩枱客。。。你話人多爆場嘅招呼唔切我接受，班姐姐又好似愛理不理咁。。。企埋一二邊係咁大聲講。。大聲笑 諗住如果D野ok嘅就算啦。。結果碗麵認真出色。。。D湯一飲就知係粉湯(同杯麵D湯味一樣D竹筍又係一大陣罐頭味........最神係D麵係有一大陣『簡水』味。。。。真係食左咁多間拉麵第一次食到有『簡水』味嘅拉麵。。。。。。。。 最後真心咪幫親依間餐廳。。。10分之伏。。。。。。。

每次黎都會點雞肉壽喜鍋，平靚正見到有啲人話拉麵差，睇你同咩餐廳比要平靚正，抵食又大件，呢個價錢算係咁起碼餐廳勝在多選擇，飯，麵，鍋自己揀平時唔寫食評，都想講番d 公道說話

今日黎將軍澳行，食左個拉麵lunch豚軟骨拉麵🍜豚軟骨每粒都好大舊，好軟淋，有入口即溶嘅感覺，個人都幾鍾意😻拉麵水準唔錯，軟硬度適中，掛湯煙韌。至於湯底就係豬骨湯底，濃厚鮮甜。木耳絲同筍好爽口，夾埋麵食口感豐富好多。雜錦拉麵🍜雜錦拉麵有一塊豚肉，一舊豚軟骨，一條蟹棒同半個蛋，乜都有少少，選擇困難症嘅救星😍豚肉有小小偏乾身，但係味道都唔錯。蟹棒就略嫌煮得太耐，冇左蟹味，一夾起就散。蛋就六七分熟，唔會太生又唔會全熟，啱啱好！串燒雞軟骨🍖有兩串，夠曬香口惹味，有咬口得黎又唔會太難咬，有少少鹹，滴檸檬汁或者點沙律醬中和一下就會好啲🙈芝士年糕🧀雖然係炸物，但係食落又唔會覺得好油膩。外層炸到金黃色，咬落脆卜卜，入面嘅芝士亦兜好足料，仲有得拉絲！外脆內軟，沾埋沙律醬就更好味，極力推薦！😋燒牛舌🐮牛舌調味唔夠 ，但勝在牛味濃郁，好爽脆，精瘦又有咬口，唔錯👍🏻

二人套餐只係$228起，有2款主食+3款小食，又抵食又飽肚。鰻魚丼，這個鰻魚實在無得頂，肉質肥美彈牙，魚既細骨亦唔多，鰻魚汁味道調製得岩岩好，撈飯食一流。豚軟骨拉麵，拉麵麵質幼身，我鐘意哩種口感，掛湯力強，每一啖麵都食到濃厚既湯底味道，豬軟骨既骨煮得好腍，輕輕一咬就輕易咬開。炸雞肉，份量都算多，有5件大炸雞，外層炸得香酥脆，雞肉亦鎖得住肉汁唔軟身。燒牛舌，簿切，可以一口一片，質感結實有咬口。炒魷魚鬚，魷魚好滑，每條魷魚鬚都被調味醬料炒得入晒味，煙韌彈牙。