麵屋車仔麵小食 (已結業)

聽朋友介紹呢度好食，仲係結業日，唔食唔知幾時有得再食！嘩，嗱嗱聲掹衫尾去！去到發現招呼人嘅係個幾靚仔嘅後生仔，廚師係個美少女！？得唔得架～係得嘅！賣相一流！碗中每樣食物都有刻意安排同擺位，做車仔麵都有擺盤心思，係對食物本身同食客嘅尊重。車仔麵嘅靈魂～沙爹醬，係我食過嘅車仔麵當中最適當最完美嘅味道！唔太咸，非常香，令全碗麵味道提升！牛腩味道香濃有咬口，唔係平時出面啲頭尾牛碎！一件件整整齊齊！扇形擺放嘅牛舌，軟糯有致，越咬越有味道！糖心蛋，必須一次過全隻放入囗享受！其他食物，冬菇、豬大腸、腐竹水準皆在期望之上！每一口都足以閉眼享受，每一碗麵都有堅持有態度。多謝。

近年荃灣多數都係食米缐，食到都好厭，已經好少車仔面係好食，這家車仔面好食又乾淨，個上素腐皮卷真係好味，同埋個驚喜滷蛋一定要試，又幾驚喜，係唐心蛋，非常好食，鹵水雞翼咖哩魚蛋亦真心不錯，👍🏻👍🏻👍🏻而且菜式選擇都幾多，D食材亦算新鮮，湯底D汁亦幾夠味，真心介紹，試過連續兩天去食都冇食隔夜嘢嘅味道，所以真係要介紹下，希望支持下哩D好味嘅小店，等D街坊多D選擇多D嘢食，支持本地原創車仔面👍🏻👍🏻

在荃灣搵食，突然想食車仔面，萬水千山，又唔想行太遠，就試了這間，其實都走了8分鐘路。入到去，地方乾淨，可能人少，所以好舒適，桌子雖然小，但都可以，見到隔離桌食物個樣靚靚的，看來不錯。約下午1:30到，竟然食客唔多，未知原因，也許是貴？份量？定食物質素？叫了4送1面，面是幼面，確實比一般車仔面不是好咸，叫了魚蛋，豬大腸，雞翼，牛肚，送中規中矩，面唔夠爽口，稍硬， 原本沒唸著寫食評，所以沒影相。應該唔會再去！

行經過見到車仔麵，呢間未食過就入去試下遇著下午餐時間送一杯豆漿，不太甜，岩我！叫左三餸幼麵有皇冠係推介，即管試下。呢三個餸都幾好食😋但係麵就唔夠淋，有d硬。湯底唔夠濃，無咩味，要再改善呀😢

第三次黎食野 質素keep到 夠大碗 食完唔口渴👍🏻👍🏻咖哩魚蛋 我次次都叫 正👍🏻今次仲試左滷水蛋 絕對係誠意之作😳 無諗過佢係流心蛋 好食🤤米粉 米線唔會煮到一pat pat 爽口🤤服務態度都好好好好😂

老闆友善細心有禮，笑容滿面，沒有硬銷。無論選擇多少餸款，碗麵都係大大碗，一定夠飽，食物及地方簡潔乾淨，最重要食完唔口渴。推介：招牌麵套餐 $40 (指定6餸1款麵送豆漿1杯)

最近發現屋企附近間日本野變左車仔麵，當然要試下啦！！！今日放假又晏左起身，去到車仔麵店剛剛三點幾，勁肚餓，見到有個「招牌車得麵餐」岩曬有選擇困難症既我！下午茶時段送豆漿！老闆好快拎左比我。可能因為新開，人客唔係好多，但其實望真店舖裝修得好乾淨有心思，最好笑牆上有「禁止放屁」個牌！！好快麵就到！！一黎到嚇左我一條！！其實我食咁多年車仔麵未食過有咁大條「腐皮卷」做餸既車仔麵！！！成件事未食已經好抵！！！要讚個咖哩魚蛋，個d汁我唔太食辣，我覺得好辣，但辣完無幾耐係覺得好香！係令人上癮既「汁」⋯⋯⋯我依家寫緊食評已經掛住個個「汁」！總結$40好抵食！！！老闆同老闆娘都好後生，相信係岩岩創業無耐！不過好有heart!推介！！！會再食！！！

星期日下午路過，諗住隨便吃個車仔麵，點知有驚喜喎。。招牌麵餐，加牛舌豬腸，好少有呢兩樣餸，非常入味，心機之作$10 炸魚皮，超大碗份量足，最緊要係新鮮+脆酸齋都不錯，凍左d，如果暖暖地就更好。。招牌麵鹵蛋好好味。。食完想食多隻。。湯底係清甜既！我竟然湯都飲左一大半。。。之後無口乾的。。無味精都咁好味咖哩四寶丸，咖哩味濃，ok既，唔算有驚喜總結: 座位乾淨企理，小店價錢，住家味道，個湯底好回味。。食物質素性價比高既，荃灣有好多美食，但下次都要再黎食多次

今日睇戲路過荃灣，見場戲就上又餓餓地咁就響荃豐呢幾個商場搵下野食，之後荃豐再過幾個商場見到呢間小店，其實都唔係第一次黎食，不過唔同既係今次食下午茶。下午茶唔想食太飽叫左個兩餸車仔麵，五香肉丁，腐皮卷河粉，用手寫單方式，唔洗聽唔咸唔淡廣東話，老闆友善。腐皮卷一d都唔腐皮，店主採用舊式茶記五香肉丁，加埋自家制腩汁，淡淡都好滿足。仲有個自家制辣椒油，不過個人偏向只接受微辣，無放太多。裝修格局唔似一般米線店，比較偏向日式格調配上港式車仔麵，成個感覺唔同晒，而且會有輕量既音樂，對坐都方便傾計又唔怕太嘈！總結：26蚊兩餸車仔麵，下午茶送豆漿，都算抵食，份量足夠，想食小d就叫幼麵，食飽點就叫粗麵。睇到呢個位可能你會諗除左裝修之外仲有咩特別？ 而且荃灣咁多米線車仔麵店？答案咪就係食「自家制」同有「人情味」。

魚旦彈牙，腐皮卷味道出乎意料之外好食，滷水蛋入味，牛舌淋抵食，甜酸齋同出面唔同，1麵2餸26蚊，5餸都係47，加3蚊有豆漿，味道好食過好多車仔麵，而且飽肚，食淨d麵，會再食，估唔到荃灣會有好食車仔麵