麵心國もと

營業中

休息中

去完寵物展就去灣仔搵野食🐱🐶🐱🐶見到間好日式木系舖面既拉麵味噌豬肉拉麵🍜🍜🍜湯底濃郁，完全唔會死咸唔會勁口渴，食完都好舒服拉麵彈牙，份量都好足豬肉半肥瘦，好軟淋，油香十足🐽🐽入口好香，有烤過既香味，好好食完粒塘心蛋好加分，流心蛋黃發曬光😍😍大推黎灣仔既must try 👍🏻👍🏻👍🏻可以選擇走京蔥走芽菜，好細心🫶🏻🫶🏻🫶🏻

因為食飯時間不多，而且餐廳離公司有一段距離，所以預先在openrice 預先落定單，並前往餐廳取餐。去到餐廳職員很快便立刻包起外賣給我**********1. 沾麵 $88-外賣自取價（🌝🌝🌝🌝🌝為最佳）推介：🌝🌝🌝🌜性價比：🌝🌝🌝🌝作為沾麵愛好者，初嘗這間餐廳。回到公司，拆開外賣袋後，發現塊紫菜係用左保鮮紙包住，唔知係咪因為防止紫菜無咁快淋？ 不過塊紫菜就已經淋曬了（不過外賣就唔會對呢d有要求吧）有少少失望嘅係，唔知餐廳比漏左隻溏心蛋定外賣唔會提供溏心蛋呢？沾麵汁雖則不杰身，麵不太掛汁，不過都食得出汁比較濃郁，而嗰汁裏面約有5-6粒肉粒，所以夠飽肚。還有2塊叉燒，1塊是半肥瘦的叉燒而另1塊係雞叉燒，我較喜歡後者嗰款叉燒，食落較嫩。**********總結：整體味道都唔錯👍🏻

Lunch時間想食拉面，見聲稱日本過江龍又咁多好評去幫襯下，排左10分鐘後安排bar座位，坐低叫完野食，突然「喳」一聲，見到眼前有部煎餃子機係前方2米距離左右，部機放置係廚房區外，附近無抽油煙機之類抽風系統，店員制作煎餃子發出大量油煙，最近位置既我首當其衝，吸人大量油煙，用膳後衣服頭髮殘留一陣濃烈味道，晚上回家需要第一時間換衫沖涼。另外想講下衛生意識問題，座位正前方是廚房洗碗區域，店員會回收客人餐具同一啲個人用品如紙巾，店員會先放在bar枱上方，再由廚房店員攞去清洗，用餐其間其他客人使用過的物品就不斷放正係你面前，而且只有非常近距離，十分嘔心。2人用餐消費太約$250，店員服務有禮，食物質素一般，價錢個人認為偏貴，無下次消費打算。如果店舖改善環境衛生會考慮再次光臨。

Amazing Ramen 🍜, would highly recommend this restaurant to anyone looking to have ramen. Broth is very clean and light yet very flavourful and delicious! Love the texture and thickness of the noodles, very hearty soup, and love it’s simple nature and simple toppings. Easily one of my favourite Ramen shops in HK, just hurry and get a bowl here to know how succulent it tastes!

第二次探呢間過江龍🐲，上次食招牌醬油拉麵，今次食招牌中嘅招牌，鹽拉麵！《精選鹽🧂拉麵🍜》香味 (4/5) - 雖然係鹽湯，不過聞落都非常夠味！湯頭 (5/5) - 非常之香醇，個湯又清澈，又夠味，又唔會過鹹，鹹度剛好，極之好飲！色澤亦好靚！麵條 (4.5/5) - 中細直麵，小麥香夠，配埋個湯非常之夾，忍唔住大啖大啖啜嗰隻！如果一定要講，口感就差少少，唔算太爽口，但絕對係水準以上。配料 (4.5/5) - 因為係鹽拉麵，配料就冇話分主角配角，只要好食，就係主角。我覺得主角手非塊豬叉燒莫屬！好嫩滑，好香，好有肉味，有用黑椒調味，零死角！溏口蛋又係近乎完美！表面光滑，味香濃，流心💛，乎復何求？其他面料，白蔥，筍，紫菜，就正常發渾。唯一最差嘅係雞叉燒😵‍💫，都幾柴，雞味係中等。另外，見到bar枱度有個建議，加一勺醬落去提升風味。佢有蒜蓉，辣椒醬，同醋。咁我就加左一勺蒜蓉，同少少醋落去。唔敢加得多，因為鹽湯本身個味偏清，加太多怕會破壞個平衡。我加嘅蒜蓉大概就係咁多。結果，蒜味同醋味，同湯本身個味合奏左個交响樂比我味蕾，非常夾，非常好食！我係食到底，湯都忍唔住飲晒！整體 - 值得推薦 👍👍👍👍👍

行經過春園街時，見到呢間拉麵店會有沾麵食。我好耐冇食過沾麵，就入去試試。睇返介紹原來呢間拉麵店-主店來自日本，源自東京嘅拉麵店。 麵店內大部份食材都是由日本直送。叫咗碗精選沾麵， 碗麵上到枱，湯汁好香。麵用幼身麵，湯底看起來未算太杰身，但味道極濃郁，濃到會帶點鹹。 配麵落湯撈起來食， 味道剛好。麵條食起來煙韌有彈性， 而且相當掛汁。我叫嘅係精選沾麵， 除有溏心蛋外，其他配料（叉燒、雞叉燒）份量亦會較普通沾麵多。 慢煮雞胸叉燒肉質極軟滑， 會較豬叉燒好食，簡單而難做得好嘅溏心蛋亦做得非常出色。 吃罷， 吃到一碗不錯嘅沾麵， 滿足。

過江龍店一般比到人嘅刻板印象都係唔好食居多，不過呢一間肯定唔係。麵心國精選醬油拉麵🍜香味 (5/5) - 爆香！以香味來計係我暫時食過咁多店之中最好嘅。麵條 (4/5) - 中幼麵，直身，口感比較結實但唔係硬嗰種，配醬油湯係幾襯嘅。湯頭 (4.5/5) - 醬油味十足，帶蔬菜自然甜味，油度正常，鹹度我個人認為稍稍偏鹹但還算可接受範圍以內。最驚喜係佢加左炸香左嘅蔥，無論係對香味同味道兩方便都如畫龍🐉點睛👀！配料 (5/5) - 因為揀左精選，除左豬叉燒之外，佢仲有提供雞叉燒，而且兩者都係好食。特別係豬叉燒，佢雖然係用左腩肉位，但冇油膩感，一口size，一啖食晒成塊口感極之好！溏心蛋方面，顏色，型態，味道同生熟度亦係接近完美。佢配白蔥係一個好正確嘅選擇，因為關東風味配白蔥，關西風味配青蔥呢個係拉麵小常識。點去判斷一碗拉麵好唔好食，雖然可以從多方面去品評，不過我認為一個大原則：你食完之後，成碗麵比到你嘅印象同記憶點要夠深刻，同要有好想返尋味嘅慾望。而呢碗麵說真的，我晚上寫食評時已經諗緊幾時再去！🤣整體 - 值得推薦 👍👍👍👍👍

剛剛介紹了來自大阪的拉麵店，當然要介紹香港人熱門旅遊地點—來自東京的拉麵店，這家拉麵店距離港鐵灣仔站大約2分鐘步程。餐廳環境不算很大，大約有20個座位，我們到訪時已經過了繁忙時間，所以人流不算很多，可以直接入座。這家餐廳最大的特色必定是大部分食材由日本直送到香港，而且製作拉麵的方法完全按照總店的要求，即使在香港也可以品嚐東京的味道！餐廳提供多種類型的拉麵，這次我選擇了原味的「鹽拉麵」（$88）。湯底帶魚湯的清香，順口好喝，麵條比較幼，叉燒有雞肉及豬肉等兩種肉類製成，雞肉叉燒肉質嫩滑，豬肉叉燒味道很香。整碗拉麵都很美味！男朋友則選擇了原味的「醬油拉麵」（$88），湯底的雞湯與魚湯完美融合，讓醬油味道更香濃，如果不習慣吃清湯的話，可以選擇這款醬油拉麵！另外，我們點了煎餃子（$46 5隻），餃子皮薄香脆，同樣美味！這家餐廳同樣不設加一服務費，想用更實惠的價格享受東京的美味，這家餐廳是不錯的選擇！

好耐冇食過拉麵，搵到呢一間喺灣仔嘅小店小店，有拉麵同沾麵食，睇真啲先知道原來係日本開過嚟嘅舖頭。都有一段時間冇食過沾麵，所以就揀咗舖頭嘅精選沾麵一人套餐。佢有分普通同精選，精選嘅食材同配菜比較多，包括叉燒、雞肉、紫菜，各3塊、糖心蛋、竹筍、京蔥、洋蔥。精選沾麵首先講麵質，佢係偏粗身好煙靭有咬口嘅麵，都好掛湯。另外沾麵汁，佢比一般嘅稀，入面有晒竹筍、京蔥、洋蔥同豚肉角粒。沾落去再夾起麵條嘅時候，可以同時食到好多配菜，最重要係掛到汁之餘食落唔鹹。尤其沾紫菜落去點湯嘅時候，好好味。另外兩款叉燒都好腍好好食，梅頭叉燒比較似切片豬軟骨，另外雞肉面頭有啲黑椒，兩款都因為慢煮過，所以肉質好腍。舖頭仲有得免費加一次麵，可惜我睇少咗呢碗麵嘅份量，食完一碗已經好飽，但如果男仔嚟食，就可以加了。加錢轉咗套餐包一款小食同汽水，小食就正正常常，冇乜特別。雖然我唔係成日去灣仔，但呢一間拉麵舖我會想再食，好難得食拉麵或者沾麵係食完唔口渴，呢一個價錢我覺得CP值都算高，出面有啲拉麵舖冇乜配料都$80-90一碗，呢到有6塊肉，仲有得免費加一次麵，我都幾大推。

服務態度很差位置比後到的兩人先坐！沒有排隊秩序可言！食了沾麵，味道好普通，唔稱得上好味，失望我是兩位平日去食lunch的，今日落雨，入店後店員叫我地遮放雨傘架，好我照做，點知係放緊遮嘅期間後面有兩個人入左泥，即刻坐左剰下的一張枱！店員竟然沒有阻止，任由後到的兩人坐了我的枱！唔係應該叫後到的兩個人等下一張枱咩？明明是我們先到店！這是應有嘅待客態度？真係好過份！呢間麵鋪冇下次！請我去都唔食囉！失望！總結:服務態度惡劣，味道普通，不會再光顧！

小編：在此澄清我是自費吃飯。而且是路過入內，並沒預先安排。謝謝。看到很多貌似專業的食評在評論裡，心裡有點忐忑。結果太開心了，超級好吃的粗麵沾麵。湯給我的感覺是淡淡的但又莫名的有深度。（周月對比下比較鹹和濃烈）。沒有吃出蒜味但之後下午嘴裡是有蒜頭味道的（要開會的請注意）。粗麵質地非常好，彈牙。夠吃所以沒有問是否真的能免費加麵。叉燒應該是一塊雞肉一塊燒香了的豬腩。湯裡也有小塊的豬肉和軟骨。豬肉是上等的，肥肉入口即化。唯一美中不足是加湯不夠熱。但同時想讚，加湯後廚師又很細心的加了蔥花。過了幾天還在回味。要回去試試湯麵。

我永遠都對新嘗試充滿熱情。今次我同幾位朋友走進位於灣仔嘅「麵心國」，嚟感受一下佢地嘅拉麵魅力。環境方面，店內走簡約風，都幾舒服同清新。👀首先黎到我哋枱嘅係 ♥️♥️♥️醬油拉麵(慢煮雞,醬油叉燒)♥️♥️♥️。湯底裡面，包含咗濃郁嘅雞湯同魚介湯，味道厚實但又唔會遮蓋魚介鮮味。慢煮雞同醬油叉燒兩種肉嘅配搭，簡直係人間絕配！特別係叉燒，入口即溶，香滑美味！😋我哋繼續嘗試嘅係 ♥️♥️♥️醬油撈麵 （碎肉，叉燒）♥️♥️♥️。選用嘅粗身煙韌拉麵配合生蒜同蔥油，一入口，直接令所有味蕾大醒！每一口都能吃到拉麵嘅麵感同香氣，而叉燒同碎肉嘅美味，更係一種享受！如果你想嘗試别樣的拉麵，呢款醬油撈麵係你的必試之選！👌最後再提一提，♥️♥️♥️唐揚炸雞♥️♥️♥️外皮酥脆，雞肉鮮嫩。每一口都飽滿雞香，若配上一杯清酒，簡直完美！😍嚟到麵心國，無論用餐環境定係食物味道，都絕對唔會讓你失望。如果你都同我一樣愛好美食，又有一顆敢於嚐試新鮮事物的心，那就千萬唔好錯過呢間餐廳！🥳👍 我對麵心國嘅美食絕對滿意，期待下次再來嘅時候，可以發現更多美味驚喜！😉💕

🥳昨日我同幾位老朋友約咗去呢間位處灣仔嘅日本麵店食飯，「麵心國」名字簡單直接，齊齊去試吓。雖然現今拉麵店林立，但係佢嘅獨特口味同誠意服務係一試難忘。先講返店內環境，木紋設計營造出溫暖同舒適嘅氛圍，令人心情舒暢，好似返到日本咁。🌸💖 醬油撈麵,佢哋嘅「醬油撈麵」選用粗身拉麵，煙韌有彈性，亦加入了蒜油和醬油調味，再撒上豐富嘅配料：蒜、葱、洋葱、竹筍和鰹魚粉等等，嚟一碗滿載嘅精緻菜餚，實在係人間美味。另附嘅魚湯，可以加喺麵裡邊混合吃，或者分開食，隨你喜愛喇！🤤💖 特濃蕃茄拉麵(雞，慢煮豬,芝士)再嚟就係一款少見但食好好嘅「特濃蕃茄拉麵」！雞肉熬成嘅湯底加入濃郁嘅蕃茄醬，味道細膩卻又帶點小清新；而與蕃茄醬完美結合嘅雞肉，兩者已經係好似「天作之合」咁。當然，我哋唔可以忽略嗰打慢煮豬同芝士，整個組合令人食指大動，真係大開眼界！🌟💖 薯仔沙拉最後我哋試咗一款休閒小食 —— 薯仔沙拉！啲薯仔滑溜溜，配上蛋黃醬和蔬菜，清新爽口，既可以喺主食之前開胃，又可以清新口感，簡直係點都唔會踩雷嘅美食！😋最後我想講講佢哋嘅服務。每個店員都面帶微笑，樂於助人，而且他們對每款餐點都了如指掌，真係讓人心裡暖暖的。🤗要總結

每次走進呢間日式拉麵餐廳，無論風霜雨雪，我都似乎能感受到熱情洋溢嘅笑容同溫暖嘅食物🍜，香氣撲鼻，讓人食指大動。今次我要介紹幾款新出嘅菜式，令人驚豔無比，味覺都感到滿足同感動。首先，得嚟呢間餐廳我先食過特濃蕃茄拉麵，湯底呈現深紅色澤，加入咗慢煮豬肉、雞肉和芝士，令湯底更為滑順濃郁，食落隻雞滑嫩唔柴，慢煮豬肉又鮮嫩多汁，而芝士則為雞肉增添咗豐富嘅口感。湯底同麵條、雞肉及豬肉嘅完美融合，給人一種超凡嘅享受👍。接著就有呢款美味爆表嘅煎餃子🥟！聽啲煎餃子嘅”噼啪”聲，真係夠吸引！咬一口，餃子皮香脆，內部餡料味道醇厚，配合特製醬汁，簡直係美妙絕倫，令人無法抗拒！最後，我黎到咗個人心頭好：薯仔沙拉。薯仔經過烹煮，質感柔軟，加入特製沙拉醬汁製作，堪稱絕配。食落口既有薯仔本身嘅香味，又有特製醬汁嘅獨特味道。每一口都帶有令人感動嘅滋味，令人欲罷不能👏。無論你食過幾多間日式拉麵餐廳，我都相信，你一定未試過我今日介紹嘅呢幾款特色菜式。如果你想覓食一間既有特色又美味嘅餐廳，呢間日式拉麵餐廳一定係你嘅最佳選擇！轉個彎，走到呢度，體驗呢幾種特色嘅美食，我保證你一定會愛上佢！😍😊👍

這度我同老友發現咗灣仔一間叫做-麵心國嘅日式拉麵餐廳，於是我哋決定嚟試試佢哋美味嘅拉麵。🍜🌟入到餐廳，先有舒適嘅環境接待我哋，我哋已經期待不已。同時，佢哋嘅服務員都細心有禮，使到我同老友覺得非常體貼 😌💖。我哋首先揀咗沾麵😋，配啲雞同醬油叉燒。畀我印象最深刻嘅就係沾汁🥣🍜，以一般店舖嘅稠身沾汁相比，佢哋用魚湯加入蒜油，調成得薄身嘅沾汁，香氣濃厚。同時，配上較細嘅麵條，更易掛住沾汁，每一口都充滿驚喜，絕對係夜宵嘅好選擇。🌟👌接著，我哋試咗鹽味拉麵😋，配上慢煮豬同慢煮雞。湯底清澈醇厚，配以美味嘅慢煮豬和慢煮雞，味道鮮美，每一口都充滿滿足感。我哋個個都意猶未盡，真係想再來一碗。🐔🐷😍佢哋將每一道菜都做得極致，令到我哋享受到飲食嘅樂趣。😊💞總體黎講，拉麵和服務都值得我哋再次光顧。我哋會推薦俾所有愛好日式拉麵嘅朋友👍