麵瑝

營業中

休息中

星期六得閑去食吓嘢，發現西湾河麵瑝啲麵唔錯，细细間舖店員禮貌👍，雖然坐位比較緊迫，坐得唔太舒服，不過食物有驚喜，首先餐牌可以一讚，清楚列明麵食中每樣內容，魚球幾多粒....。叫咗個招牌鱻魚河，其中蘿蔔就十分好食，可以講冇得彈，大件够林仲好入味，好耐冇食過咁好嘅蘿蔔，而魚球都十分爽口弹牙，湯底都十分清，。另外下午茶送餐飲，個奶茶雖然够熱，不過有改善空間，茶味欠少少。呢個河粉62元唔算平，但係質素都好好，值得推薦。

$38 有一碗魚蛋粉麵送一杯熱飲我轉左凍檸茶，就要加$3另外加小食，只係要$10 魚蛋魚片都好味，好過其他喺北角食嘅魚蛋，我叫咗粗麵正常。另外蘿蔔大大件好好味，不過冇影相

臨近西灣河地鐵站🚇街坊生意 9點宵夜時段$38一碗粉麵仲送飲品👍🏻🍜No.2四寶河鯪魚球💯好彈口 不過我個人推介魚腐個魚腐💯好似豆腐咁香滑而且充滿湯汁墨魚丸💯食得出一粒粒墨魚嘅口感但個魚皮餃皮比較厚身⛔️肉質比較乾河粉正常🈴格 不過最亮眼嘅點👀就係個蘿蔔✨巨大化蘿蔔🫦清甜冇渣！冇渣！冇渣！我會再返嚟食個蘿蔔👏🏻👏🏻$62 食得好滿足 仲送埋熱飲晚餐快靚正之選🌓😋味道7.5/10💡性價比 8.5/10🏙️環境 7/10👥服務 8.5/10📸打卡指數6/10👍🏻推薦指數8/10

我今日在西灣河麵瑝晚飯.魚蛋米線（我個仔食）雲吞麵（我太太食）手撕雞飯走辣（本人食）魚蛋米線嘅米線, 碎+軟瀨瀨+只得兩“注”！雲吞麵嘅麵, 軟瀨瀨好似浸咗兩個鐘咁, 又係只得兩“注”！手撕雞飯攞到埋嚟成碟雞鼓油都冇滴, 乾“爭爭”, 雞肉係硬到咬唔入, 碟白飯細到一個細碗嘅份量！三樣嘢再加菜心及炸雲吞4小粒、兩杯熱0水一杯凍0茶, 要收我191（成二佰蚊）真係嚴重被騙！各位不要去此鋪幫襯！

單餸粉麵$36，單餸配菜底$40，最後大家都是只配一條菜心，餸沒有多，說是餐牌印錯了，失望，吃了一個空虛！新開張唔算太耐，已光顧數次，食物是鹹了一點點，但可接受尚算美味，但這次應該是最後一次光顧了

第一惠顧以街方客選擇皇牌，豬手飯，連熱飲。炆豬手以白籮白生菜墊熱騰騰的，是一般麵店不容易𢲡烈，皮與肉夠林但沒有過咸，最值得一讚👍🏻！但是飯是微暖帶些凍，這個破壞整體性，十分可惜😐，付帶熱飲的熱檸檬水🍋是有水準👍🏻。店主解釋飯凍是因為蒸飯機壞咗，但是食物溫度的要求是最基本行先，因為高溫下會減低風險，味道其次；飯凍了可以用微波爐加熱後再奉客，十分簡單。過兩天再試牛沙瓜飯🍚，飯仍然是不熱的😳⋯⋯很失望店主並未明白生意之道！人客反映意見是一個互動，單邊主義，那麼要看看後期製作。$收費合理，樓面服務態度尚算ok。希望可以改善環境或設備缺失，而並非要食客硬受

西灣河新開麵店，早前已試過早餐，一直都想試嘅豬手麵，今日終於試到了，晚餐叫了個双拼麵，原來新店優惠有飲品送，承為$50！由於豬手太好賣，老闆仔話要等多小小時間，因為新煮的豬手要再入味啲同夠腍先可以出餐，呢方面真係要值得一讚，保持食物質素至為重要！。等了一會，豬手牛腩麵終於送上，豬手原來真係幾正，又炆得幾腍又入味！眼見十個有八個人食豬手，下次我應該要點一個豬手飯食，因為見人食飯餐，豬手份量好似多啲，食個滿足先！還有老闆仔超有禮貌👍🏼值得一讚！

難得找到骨膠原豐富南乳炆豬手，真係一試難忘，食唔停口！😍仲有彈牙鯪魚球，真係唔可以錯過😋😋😋😋😋最緊要係近地鐵站出口，地點方便我堂食又得，外賣返屋企慢慢歎又得👍🏻👍🏻👍🏻

牛沙瓜頂瓜瓜新開嘅時候都試過吓個西式早餐，感覺已經好唔錯，唔係一般茶記嘅早餐。今晚專登唔煮飯就係去試個牛沙瓜，牛沙瓜係牛嘅第4個胃，爽口彈牙易又唔蘇。依家唔係咁多地方有賣呢樣野。老公就叫左個豬手撈粗，豬手夠淋但又唔會炆到爛晒，入晒味又唔咸，仲要有4大舊係好大舊。20蚊碟蠔油生菜夠晒大碟，唔會灼到淋晒，入口仲係爽到有聲。仲有個炸雲吞，唔會太油膩，又夠大粒。下次再食要記得影相仲有樣野好值得讚，食飽出門口唔會成身茶記嘅油煙味。