麵膳

營業中

休息中

睇咗食評入去，諗住質素不會太差。點知...中伏熱奶茶幾好，意粉難食，就咁烚熟啲餸淋啲汁落去，意粉煮得太腍，沒有口或，可能叫常餐或烏冬會好啲。但不會再光顧了。價錢是平，但同樣的價錢，我會㨂樓下大快活。

北江對天水圍居民來說是一塊福地，有十分多平價美食！麵膳就是其中之一了。晚餐$70就可以叫一份鐵扒雙拼扒飯，更包一個前菜，質素仲要唔錯，+$2有凍飲。而前菜估唔到是有兩舊牛肉和沙律，感覺很抵。我點了牛扒和吉列魚柳配飯，牛扒可揀5、7成。我揀了5成，肉質都好厚而且嫩滑，十分易切，配菜有薯條和粟米。而且這裡的炸物一向是不錯，十分鬆脆。凍朱古力不是間間餐廳也有，而這裡都有。男朋友就點了焗白汁海鮮飯，海鮮當然都是冰鮮蝦、蟹柳等，但忌廉汁十分creamy又好味，絕對是頹飯的代表。另外服務非常好，落單時因為溝通失誤，來了豬扒，但店員在繁忙時間都十分好禮貌問是否需要更換，真是十分感謝！

晚上偷懶無煮飯 又到天水圍新北江廣場覓食🤪最後揀左麵膳食性價比高的鐵版西冷牛扒餐。.鐵版西冷牛扒餐$65這個鐵版餐價錢非常貼地，只需$65 便可有1款西冷牛扒及1款自選扒（即係尼個餐總共有2塊扒食），飯/意粉/薯菜，是日頭盤和餐飲。 個人認為，即使係一個成年男人，食尼個餐都絕對夠飽🤤.除左牛扒，我在自選扒上揀左雞扒。2份扒連配菜熱辣辣鐵板上，鐵板咋咋聲的感覺令人感到非常治癒。❤️❤️.牛扒選了5成熟，上菜熟度剛好，入口嫩滑👍🏻，且沒有太多肥膏，吃後罪惡感不會增加太多。雞扒都好吃，雖然調味簡單，但非常juicy，肉汁緊緊鎖住。而個人認為唯一可改善的地方係稍減少飯的份量，而增加菜的數量，令整個餐的營養成份更加提高🥳🥳

如果要喺天水圍揾食，應該都唔會嚟到新北江，睇下有乜嘢好嘢食! 有好多間鋪仔食店，每間賣嘅嘢都好唔同，各有特色， 行過麵膳見到好多人食扒餐，心大心細唔知食咩好ge情況下就揀左佢! 扒餐選擇幾多下又唔係好貴，今次我揀左百撘鐵板餐，$60 又有湯又有意大利粉/天使面/飯，又有糖水/飲品! 咁豐富都只係呢個價錢，睇落都唔錯! 畀大家參考下：首先嚟嘅係“頭盤“，係一個粟米火腿白湯， 好多料而且都幾creamy下!個扒餐份量好多! 黑椒汁味道比較重。 至於黑椒汁放落天使面， 就麻麻哋只係得黑椒嘅辣而冇其他味。下次可能試下其他汁，可能會好d

麵膳係一間專做街坊生意小店，價錢實惠，焗飯/焗意粉連飲品四十多元有交易，份量頗多，吸引吾少街坊支持。 我最中意尼間小店既地方之一係跟餐飲品可免費升級為糖水，滿足晒我尼個「又想食正餐，又想食甜品」的吃貨心態。🙈❤️.焗芝士雞皇意粉$45即叫即焗，所以等候需時。上檯時已經聞到濃濃芝士味，入口熱辣辣，雞件大大件，但肉質嫩滑，不會太老，值得讚賞。意粉量極多，相信一個大男人食都絕對無問題。可惜今次意粉煮得較軟身，如果稍作改善，味道更佳。👍🏻.椰汁紫米露（跟餐糖水）椰汁味濃，熱辣辣，香噴噴😆紫米軟腍，份量頗多，啖啖紫米，非常有咬口。雖然甜左少少，但以跟餐叫，吾洗加錢就有得食，cp 值已經非常高。🤪🤤❤️.

呢日身體有D唔舒服,請左半日假去左天水圍睇街症~睇16:00,睇前去醫肚先~~第一次踏入新北江..WOW, 都幾大,差D蕩失路,同埋入面都好多野食下~最後揀左呢間-麵膳, 坐低食返個TEA先~佢個TEA都幾百搭,有分A, B,C款~你可以根據自己喜好去揀~A同B款都係一般下午茶常見嘅野啦~較為特別嘅係C款~有粟米斑腩飯!!不過我冇叫~ 我叫左B+C,要奶醬多+炸醬米線~另外值得一提嘅係, 佢可以配糖水!!而且唔洗加錢!!糖水佢有5款:椰汁西米露, 椰汁紫米露,花奶涼粉, 腐竹雞蛋糖水同陳皮紅豆沙。我叫左腐竹雞蛋糖水。奶醬多+炸醬米線+腐竹雞蛋糖水 ($30)炸醬米線個炸醬都幾好食!係傳統雲吞麵檔入面D炸醬來~撈埋D米線一齊食, 味道唔錯!奶醬多係全份來~有2塊方包~方包都係即烘的~仲熱同脆~奶醬都好足, 但略嫌個花生醬有D淡, 唔夠香~腐竹雞蛋糖水跟餐如果唔要餐飲可以配糖水,唔洗加$, 我個人認為好抵食!出面食碗糖水最平都十幾廿蚊~但呢度食TEA, 唔洗加錢就可以配!而且個糖水一D都唔HEA,腐竹煲得夠晒溶~甜度剛好~再加一隻烚蛋~又多士又米線又糖水, 埋單都只係$30!又好味又抵食!

新北江都幾多食店，但係呢間係我惟一至鍾意食早餐的一間，每逢假日朝早，雖然呢間鋪細細間，但一定排晒長龍，而我最鍾意食佢地既炸魚柳，佢地既炸魚柳係又脆又滑，但唔油，唔似啲大字號既餐廳又硬又厚咁，仲有可以配兩樣食材，通常我會揀炒蛋餐肉，佢地啲餐肉係厚切架😅朝早有呢份早餐落肚，人都醒神好多。

今天同朋友行商場，路經這間店，看見人頭湧湧，相信都不會太差，就入去食個下午茶喇 ~地方不是很大，多數是長枱格局，有些似搭枱，但如果食物質素好，都沒有所謂的。餐牌上有A ,B , C 組合自由配搭，當然價錢亦不同啦。下午茶餐可以揀飲品亦可以要糖水，不需要另加錢，從未食過下午茶餐可以免費揀糖水，太好了！吉列豬扒沙律 + 粟米斑腩飯香脆可口的炸豬扒，大大塊，肉嫩不乾身，口感不太油膩，非常美味！斑腩不會有腥味，鬆脆可口，白汁比一般茶餐廳好吃，好餸飯，好食。肉醬意粉酸酸的醬汁，吃下令人開胃，肉醬份量算多，吃出番茄味道，不錯呀！紅荳沙、椰汁紫米露濃濃香味的紅荳沙，帶出清香的果皮味，不會太甜，味道適中，好味。香噴噴的椰汁味，甜甜的，紫米份量多，口感滋潤，很不錯。

常常覺得這間餐廳好抵食，四十幾蚊有三樣嘢食，所以常常來幫襯。今次過嚟食叫咗個abc餐:有炸雞髀，西多士，炸醬米線，嗰炸醬米線係幾好食，你睇相就知分量好少，好細兜，炸醬料唔多，幾粒餸米線，個炸雞髀係好靚，但係又唔香脆，個雞髀係冇味嘅，係好韌嘅雞脾 ，個西多士睇過色好似好靚咁，唔好食，唔同其他店，人哋嗰啲金黃色同埋入面係好食，食落去好似唔熟嘅感覺，個奶茶就好飲，好重奶茶味道啦，不過就好甜，今次食覺得真係好失望。

我覺得這間餐廳好抵食 ， 四十幾蚊已經可以叫到好多野食，食到飽，有三款食物，仲可以唔要飲品， 要糖水，冷熱糖水，選擇都有食七款 。今次就叫咗個a餐再加c餐都是35蚊，仲有個熱米露糖水，我叫咗個吉列豬扒沙律，粟米斑腩飯，個粟米斑腩飯個白汁就一般，比較淡味， 唔似白汁有啲似飲奶粉嘅味道， 及比較潔身，高個粟米斑腩都脆但得兩件，不多，個炸豬扒就好大件，好脆好香口，好味道， 個沙律就一般， 個熱紫米露就好甜 ，整體都好滿意嘅，因為這個價錢已經可以食到好飽，很喜歡來這裏幫襯。

平時很喜歡去茶記食下午茶貪佢夠平不過係天水圍附近除左大快活之外都無咩餐廳有好平抵食真係食沙津雞脾果啲下午茶而呢間餐廳竟然有，仲要好抵食佢有分a,b,c三項你可以任意選a+b或a+c或a+b+c可以視乎肚餓程度男同事表示選哂三項係好飽既另外佢仲可以叫糖水代替飲品真係抵食架味道方便就普普通通咁啦想食下午茶既都可以選擇

高瘦、眼大大、口大大、頭髮偏金扎馬尾嘅女侍應服務態度認真惡劣。未埋嚟寫單，要三催四請，但其實只係同其他伙計聲大大講客人是非，既騷擾又好似唔洗做咁！行到埋嚟，都要同隔離檯個客吹下水先寫。我同佢講，問佢你準備好落單未，佢竟然話咁我做其他野，一陣先再嚟寫過囉！😡😡其實當時見佢都拎住疊單，又冇檯要執，只係為趕客而咁講野，認真過份。咁好囉，咁唔想做生意，我走囉…😡😡😡結果無食到，亦唔會再幫襯😡😡😡

海鮮意粉: 轉左天使麵, 茄汁太甜, 不過都好過太咸, 好多麵呀, 配料都好多, 又龍利柳粒, 不過完全無味, 仲有D 騎呢雪味, 有青口, 蝦 ETC, 4X 蚊好大碟啊!牛扒餐: 牛扒太熟, 不過5-60蚊,想點? 無要求LA, 雞扒OK, 意粉另上, 都是轉左天使麵, 又係大大兜, 呢度D野大大碟,細食根本食唔哂, 2人SHARE都夠哂, 平價西餐咁LAW

收工...一個人吃...自然簡簡單單..........就點了一個<窩蛋肉醬焗烏冬>這個特別在用鮮蕃茄汁做的蕃茄肉醬, 味道天然....而且窩蛋配烏冬, 幾滑口....可惜天然鮮蕃茄汁始終味淡, 加上烏冬本身唔係好索味....對愛濃味人士未必是個好好的選擇...至於...奶茶方面茶味還好...不會過甜...不過不失啦

返工返5天真是好開心，我這些低級員工又不用OT加班，每到星期六好遲才起身，訓到自然醒好爽呀,偏偏今日又打風,竟然掛三號風球,只好在屋企搵下餐廳，最近去到新北江啦 ，橫風橫雨之下選擇，新北江餐廳普遍都是平價，環境亦不是太好 ,去得新北江不能有太高要求，今日又揀番麵膳,麵膳已經叫裝修幾好了，今日不是太多人,我求其搵座位坐下之後，就点雞翼米粉+火腿奄列(38元),飲品要凍奶茶，再加紫米露(14元) ,米粉份量好多，幾乎食唔晒,米粉有些小硬不夠爽口，火腿奄列有些小咸,奄列不夠滑,紫米露就幾好味 ，甜味剛剛好，凍奶茶又OK,茶味都夠 ，甜味不是太甜 ，整體味道只是一般,服務都OK,環境地方有些小細,座位亦坐得舒適，麵膳在新北江之中算幾好