麵賜園

營業中

休息中

今日又帶大家走訪一下旺角嘅平民美食😌隱藏喺女人街一旁，見到個門面有種似曾相識嘅感覺🫢店舖內嘅設計好過癮好有香港特色🇭🇰仲有隻超級大貓貓嘅插畫，一定要影低佢啦🤭؄叫咗個乜都有唔洗煩嘅二人餐😆由小食去到飲品都搞掂✅🪐 牛油雞翼調味做得足，一上枱已經覺得好惹味😋雞翼炸得金黃香脆，配上洋蔥同炸蒜呢啲辛口嘅食材，味道會嚟得濃烈啲👍🏼§🪐 秘制醬汁豬頸肉豬頸肉油脂豐滿，特別香口🤤因為充足嘅油份所以唔會太乾身，仲可以沾埋個甜辣醬食，又有一番風味😌§🪐 原隻菠蘿海鮮炒飯主食揀咗個比較傳統啲嘅菠蘿炒飯🍍配料同份量都非常多，絕對冇揸流攤👍🏼炒飯做到粒粒分明，每啖飯仲滲透住菠蘿嘅香氣，忍唔住又食多碗😋§🪐 越式咖喱雞食咖喱配薄餅是必須的🥠咖喱比較竭身，微辣香但唔刺激，帶少少甜味，係溫和啲既一種🥘雞件份量都多，食極都食唔完🤣但我更喜歡用個醬汁送薄餅食🤪§🪐 日出🪐 菠蘿的海特式飲品都有好幾款，亦好有東南亞風味🏝️我哋都係盲中中試吓，又幾特別😆؄間唔時想簡簡單單食吓東南亞風味，或者越式風味嘅嘢就可以考慮吓佢😋؄🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼8️⃣🌟

很豐富呀，好多吃的🩷💜，滿滿的，加了「多蔥」🟩🟩🟩會另外配一個稀稀的酸汁🟧🟥還加了不同配料Xd，價錢正常✴️酸汁見下圖很大一瓶，慢慢加 額外加當然少不了還配右邊的飲品尖沙嘴La Viet✴️也有類似的海鮮飯😶這個就甜甜cheese,海鮮吧拍個照還是震撼的外觀OK👌近鏡不是第一次來吃了🫶還可以再來🫶🏾👍🏼我個人是很願意加不同配料好好吃一餐，開心❤️‍🔥

我自己用手機搜尋越南海南雞飯 才知道，原來旺角有這間越南餐廳，講真現在旺角好多餐廳都不好食，或食厭左所以就試一下，以前真係多啲餐廳，現在少了，可能真係太貴租，好多都倒閉了講反食咩先~~老公好少食食前影相，所以我都吾記得影相老公食海南雞飯，他轉要白飯，加錢$10 轉雞脾，雞很滑,他好食，配的醬汁也很特別好食的我食鮮牛肉金邊粉，牛肉肉質不錯，不會鞋濕，都軟滑，湯是鮮甜，食完很暖胃自己十分推介，會下次有家人去食，大家要支持！！！不要讓香港食店一間一間慢慢消失，特別是好食的建議店舖可以更新社交平台媒體更新每道菜式的照片動態，或推廣一些讓遊客知道這間好食最重要價也可以接受加油喔！！！

烤豬肉湯河（$82）標準肉份量河粉⬜加蟹柳🟠加煎蛋🟨加豬頸肉🟤（加嘅配料每份八蚊）本身價錢夠平，所以咁加加埋埋，我覺得82都係合理的淨係加配料，就加咗3️⃣樣Xdd馬拉盞炒通菜（$68）轉蝦醬炒陰功，係貴左啲但味道好呀，想再食👐🏼✓我自己有手機備註，要少醬，所以就啱啱好

【麵賜園】前嗰排成日肚痾想食返清淡少少～琴晚落咗旺角經過通菜街啲姐姐系咁叫人入餐廳食飯已經覺得勁local feel☺️gup入去餐廳見到個壁畫貓幾得意望下menu覺得都唔錯就即刻入咗去試🍜.🍴清清哋雞湯麵 (轉檬粉) - 💰68估唔到湯底都幾濃味幾好飲、好有驚喜😍雞肉鮮嫩冇乜骨，有勁多木耳同冬菇，檬粉都吸收曬湯汁，份量大碗又足料，真係好味到唔想停口，完全開正我嗰泛🐔💛🍴風味炒金邊粉 - 💰68反而呢個味道爭咁少少，不過金邊粉口感滑順，唔會太濕、又唔會太乾啱啱好，配料都幾新鮮，希望下次返嚟食會有進步🔥🍴越式炸春卷 - 💰48外脆內嫩、餡料豐富，就算擺耐咗脆皮都冇變腍身，沾埋特製醬汁包埋生菜一齊食口感超正，可以中和翻油膩感，食完仲想叫多一份🤤🥭椰汁芒果糯米飯 - 💰58糯米飯滿滿椰汁香，不過咁啱呢份芒果就酸咗少少，咁熱嘅天氣下食都幾爽嘅🙊🤣☕️烘焙鐵觀音 (熱飲) +💰8烘焙偏苦、茶香四溢、完美解膩🤎.食物質素高都OK，價錢又合理！下次可以再約埋朋友一齊嚟食😋.味道：❤️❤️❤️❤️價錢：❤️❤️環境：❤️❤️❤️❤️ 📍地址：旺角通菜街36號地舖☎電話：63689843💸人均消費：$51-100

旺角區美食林立，逛街經過見到有一間越式餐廳，進去就被牆上可愛的貓貓🐱吸引了🤩，最特別的是牆上餐牌下方是用花碼表示價格，餐廳以越南料理為主，價格也很經濟實惠。我們用餐的時段正處於下午，還有不少外國遊客到訪呢。蟹膏海鮮湯麵湯底充滿濃郁的香味，麵條可選擇軟、適中、硬3種不同的程度，湯裡還有青口、豆卜、百葉豆腐、蟹柳。因個人喜好，可選擇走蔥、走芫荽。秘製醬汁豬頸肉豬頸肉的份量很足，烤的程度剛好，不會太焦，配上甜酸醬，味道一。薄切鹽燒牛肉手卷牛肉烤過的帶點鹹味，紙卷捲着牛肉和蔬菜，點上醬汁就像一口撈檬，非常開胃。富士山🗻🥤外型像極了富士山，飲品裡加了蝶豆花和梳打水，味道十分清新，打卡一流。

🥣越南炸蝦餅🥣：💰$58蝦肉夠彈牙又鮮甜，外面炸至金黃色，皮薄而酥脆，真係啖啖都係蝦鮮味。🥣越式什菜煲🥣：💰$78小心個煲熱‼️雜菜煲都幾足料，有西蘭花、生菜、雜菇、白菜仔、椰菜、蟹柳等，有湯浸住，菜類都好念入味。🥣蟹膏海鮮湯麵🥣：💰$98配料都幾多，有蟹柳雜菇青口豆卜等，有粒似凍豆腐勁濃蟹鮮味😍湯底好甘甜鮮美，口感豐富，轉左檬粉底，更加掛濃郁既湯汁。🥤百香果多多🥤：💰+$18百香果味酸酸甜甜配埋益力多，感覺好清新解渴。🥤富士山🥤：💰$30個面係好綿密既奶泡，底部係藍色蝶豆花梳打，味道似波子汽水，撈左奶泡後增加左啲奶香味。

旺角新派越南餐廳，霓虹燈設計嘅裝修幾有格調，二人套餐幾多野食✅二人套餐🔸鮮牛肉湯粉越南餐廳我比較中意食生牛肉湯河，牛肉湯味道濃郁，河粉份量充足🔸秘製醬汁豬頸肉豬頸肉烤到外層好香口，食完一啖接一啖🔸越式松子豬肉碎生菜包生菜包同以往食到嘅做法有啲唔同，多咗松子反而好味咗，層次豐富啲，有小小辣🌶️🔸越式咖喱牛腩煲另加咗薄餅，薄餅配咖喱一齊食🔸大帽山華田造型幾有心思，跟餐都ok🔸越南即磨滴漏咖啡建議大家可以加款咖啡試下，咖啡味較香，易入口💛好味指數:4.4/5 💜回頭指數:4.4/5📍麵賜園 (旺角)旺角通菜街36號地舖

好耐冇落旺角，去女人街行街行到攰😂去咗附近搵咗間餐廳食飯😛簡簡單單嗌咗個二人set😀✨整體評分:7/10✨味道:7/10✨服務:8/10✨環境:7.5/10✨人均消費:$160▫️乾炒黑椒牛肉烏冬 🍜將牛肉同烏冬以黑椒炒製而成黑椒既辛香味令呢度菜更加有層次👍🏻▫️牛油雞翼(4件) 🍗有四件雞翼，每一件都使用牛油煎製，上碟都覺得好香❣️雞翼外脆內嫩，香氣四溢▫️ 牛油果蝦多士(兩件) 🍤🥑🍞兩件多士，入面有新鮮牛油果片同蝦仁，牛油果柔滑，蝦仁好彈牙▫️ 馬拉盞炒通菜(可轉蝦醬/椒絲腐乳/蒜蓉) 我哋揀咗轉蝦醬炒蝦醬既鮮味同通菜清脆完美結合不過味道好似濃咗少少，輕手啲都ok▫️ 大帽山華田(凍) 🏔️🥛畀個名吸引咗，覺得好正😎淨係個名令人感受到一股清新自然既氣息。口感清涼解暑，適合依家咁炎熱嘅天氣▫️多多百香果(凍) 🍹🍋將益力多和百香果結合在一起，酸甜可口，清新怡人

由於係旺角附近做野 經過下午茶48蚊 試一試食點知難食到 想爆粗 埋單仲要收加一其實點解要咁無良心 整到咁難食？你啲食材要新鮮先有回頭客叫左果豬扒湯河啲湯 係好大層雞油 溝啲水 飲落好大油益味啲河粉食一啖都想嘔啲豬扒 就明顯奄左好耐 之後再煎返熱 有啲叔既感覺真係差到 要打呢遍文大家都係香港人 明知經濟咁差要有誠意做生意唔係騙人 先維持到囉！咁差既環境 啲大陸人都食魚蛋 燒賣 雞蛋仔啦！只係附近做野既香港人會食者！明明寫住48蚊果餐 埋單先知要收加一咁既快餐店 要收加一 有咩服務可言？送果餐黎？辣椒用牙籤紙巾都無呀！

尋日系旺角《麵賜園》度食左個CP值好高既2人套餐🤩！本身個餐包既餐食已經量大又豐富，升級埋幾款菜品，埋單都只係3百幾❣️服務同菜品質素仲要有番咁上下，真心堅抵！🌟二人套餐🌟套餐入面有：👉🏻▫️主食選一我地揀左✨原隻椰青焗海鮮飯跟椰青水一杯✨ + $30呢個招牌焗飯既白汁好重椰香味，入面又有好多海鮮配料，eg：青口、蝦仁、蟹柳、蜆肉、魷魚．．非常足料！下面d飯仲要系有好多蛋碎既炒飯底，真係香到不得了👍🏻▫️小食可選兩項✨酸辣無骨鳳爪✨爽口Q彈嘅無骨鳳爪同酸酸辣辣又唔會好辣既酸汁真係絕配，食左真係醒神又開胃✌🏻✨越式松子豬肉碎生菜包小辣 ✨+ $20香辣惹味既豬肉碎肥瘦適中，炒得夠乾爽。只係比平時食開泰式個種豬肉碎生菜包稍微辣左少少，但個辣度都係可以接受既。加埋香氣獨特既松子做配料，食落更加滋味！▫️小菜可選一項✨馳名越式海南雞半隻✨+ $10呢隻海南雞皮薄肉滑仲好香雞味，正！飲品：✨鮮椰青✨ + $20呢個椰青超級清甜之餘椰肉仲好多🫶✨日出✨🌅呢杯特飲由紅糖水、橙汁、菠蘿汁、梳打同青檸制成味道酸酸甜甜，令人醒神！🟥麵賜園📍旺角通菜街36號地舖 港鐵旺角站E2出口,步行約2分鐘

行過旺角見到呢間鋪心諗 越興園開返試下先 越南粉差極有個譜對唔住我想得太天真張圖睇落好似唔錯但現實係個湯清水加幾滴豬油就扮豬骨湯臭油味食落係食左越興園好多年 點解要咁樣破壞我既回憶

飲完蔗汁就去醫肚去到通菜街見到啲LED燈幾eye-catching 就咁睇個名以為食麵嘅 點知原來仲有越南嘢食睇睇餐牌就決定叫個2人餐入到去仲見到有幅巨大貓貓打卡牆🔹️酸辣無骨鳳爪必點菜之一 幫助提神開胃🔹️牛油雞翼炸得幾脆口 重牛油味配埋炸蒜 紫洋蔥 夠晒味道雞翼亦肥嘟嘟漲卜卜🔹️馬拉盞炒通菜馬拉盞味道好濃 又唔會太辣又係大大碟 🔹️乾炒黑椒牛肉烏冬炒得夠乾身 盤碟牛肉亦唔少黑椒味如果再重啲就好喇所有特飲都打卡able 🔹️大帽山柯華田柯華田特飲 一層厚厚嘅淡忌廉唧咗喺面頭 柯華田沖得好濃 唔會淡茂茂好滑溜🔹️荔荔士士個名幾好意頭 🧧 貓貓匙羹好靚 🤩 面頭有3粒大大粒嘅荔枝邊食邊飲好爽皮最後食飽趁後面客人走咗 即刻同貓貓牆打張卡我要講 呢度啲店員全部都好好禮貌真係買少見少 😊

🇻🇳麵賜園 (旺角)📍今次嚟到旺角試新派越南菜😍。🍽️二人套餐 $288 + $20 + $20 + $20 + $30 套餐包一款主菜、小食兩款、一款小菜同兩杯嘢飲🥤，我哋揀咗： 🍴原隻菠蘿海鮮炒飯 +$20 🍴串燒拼盤（6串）+ $20 🍴越式松子豬肉碎生菜包（小辣）+ $20 🍴椒鹽炸軟殼蟹 + $30 🍴大帽山華田（凍） 🍴多多百香果（凍）菠蘿炒飯入邊有好多料🦐，而且炒到好乾身。而個串燒拼盤🍢，分別雞、牛、豬各兩條，雞肉勁juicy🐥;牛肉有啲位燶邊🐮，勁香脆。泰式肉碎生菜包就食得多🇹🇭，越式就真係第一次食🇻🇳，佢比泰式辣啲🌶️，同埋冇咁酸，不過佢額外會有酸酸哋嘅兜汁俾你點。嗰軟腳蟹即叫即炸🦀，一咬落去啲汁泌晒出嚟💦，而且好惹味。大帽山華田個名好得意😎，原來係面有篤cream⛰️，飲落好濃華田味🍫。多多百香果就係益力多加百香果，酸酸甜甜好Fresh🌱。

🎈 建議場合：#即興食飯👤 建議人數：4人（最多可容納10人檯）💸 人均消費：<$50【1個人食咗啲咩？】- 香茅豬扒撈檬 （$45）⭐⭐「有機會會想投訴佢」食咗個香茅豬扒撈檬，真係有啲失望。首先，我要講下佢嘅外觀，望落已經唔太吸引。點解標榜係香茅豬扒撈檬，但個豬扒一啖都冇香茅嘅味道？香茅應該係個菜式名嘅一部分，不過好可惜，味道一點都冇香茅香氣。個豬扒本身亦都有點乾，冇咩咬感，令我感到失望。可能係因為烹調時間長啲，所以豬扒失咗部分嫩度。至於檬粉，佢哋痴埋一齊，好難分開，亦都唔夠彈牙，有啲過於軟爛。食落去冇啥特別嘅風味，令我覺得味道有啲單調。唯一值得稱讚嘅係服務質素。餐廳嘅服務員非常有禮貌，熱情招呼客人，確保我哋嘅需求都得到滿足。嘅確，好嘅服務可以提升整體用餐體驗，不過呢個食評主要係集中係食物本身。總括而言，香茅豬扒撈檬唔係我會再次點選嘅菜式。雖然服務質素好，但食物嘅質素同味道真係有待改進。又或者咁講，尼個價錢，唔好期望太多。📍 *麵賜園*旺角通菜街36號地舖 (港鐵旺角站E2出口 約4分鐘路程）