麵賜園

營業中

休息中

放假去行街，4點左右想食個下午茶，經過呢間既門口，個呀姐喺門口講有下午茶餐包飲品，望到入面牆上面有越興園Led，上黎睇話係越興園改名（乜喺呢個位？好从另一條街喎）是但，試一餐先。入到去掃qr code，飲品係要加錢囉，睇真啲，啲價錢唔同喎，問佢地乜茶餐加錢咩？（熱飲凍飲都要加錢），佢地話係呀，星期6日都要加。😑😑😑叫左個香茅豬肉河同黑椒牛肉炒烏冬，食品只可以講正正常常，但好似冇以前越興園嗰種味，感覺似一間普通餐廳（唔多似越式餐廳既麵鋪）可能我地叫啲野都好普通啦。埋單發現，仲要收加一😑😑😑🤥，真係多謝哂🤦🤦🤦唔怪得星期日下午都可以冇客。呢間我黎一次就算，冇咩事都唔會再黎👋👋

揾食時，喺熱鬧嘅街頭撞正麵賜園🍜，一入去就感受到一種新派港式既格調。首先試咗碗鐵三角蠔鮑蟹海鮮湯麵，真係不得了！湯底嘅鮮味仲勁過屋企煲嘅湯，每一啖都係愛嘅滋味，拉麵Q彈得滯，海鮮擺得滿滿盆，隻隻都新鮮彈牙，仲附送咗款中華沙律，真係鮮到出汁💦。再黎個喵喵海鮮湯麵，喵喵名得嚟玩味十足，湯底同樣嘅鮮味滋滋入喉，蝦蟹柳蘆筍齊上，每樣海鮮都好夠份量好夠心意。試完麵線，嚟個素蘇格蘭炸蛋，啲炸蛋又脆又香，舊豬肉包住半熟蛋呈現得太正，泰式酸辣醬嚟個咕噜就搞掂💥。牛油果蝦多士呢個組合夠創新，甜甜蜜蜜嘅多士搭埋creamy牛油果同爽脆蝦仔，食落配合得好自然。最後，一杯搖呀搖烘焙傳嚟，對得住個賣相，燒焦海鹽奶泡帶點小驚喜，即刻令我心情咁晴☕️。整體嚟講，麵賜園真係拎到「掂」呢個字，無論係環境、服務定係菜色，都令我下次仲想再嚟一次！👌

之前同同事叫過外賣返公司食，覺得味道都吾錯，見到佢地以麵食做招來，所以就係平安夜，同屋企人去試下堂食。一去到全場爆滿，等左一陣先有位，但入面裝修好靚，又有播下歌，坐得都幾舒服。舖位入面仲有吾同嘅打卡位，所以等食物時，我吾會悶。坐低一睇個餐牌，見到有好多野都好吸引，見節日氣氛濃厚，所以今次我最後都無叫到麵，反而叫左其他野同特飲。講起特飲，真係吾試吾知，我一向吾飲咖啡，所以平時去餐廳都少左選，但今次吾同，我叫左杯柯華田特飲（咩大帽山棉田？吾記得左個名），賣相超靚，大人細路都啱飲。屋企人仲叫左杯叫愛明楨咖啡，一樣可以打卡，我飲左幾啖，發現黑朱古力同佢地咖啡好夾，好好味。以佢地呢個價錢，飲到呢兩個特別，真係超值。食物方面，樣樣都吾錯，份量又好合適，四個人食都可以試到多款食物，而又吾會覺得吾夠分。今次體驗非常好，下次再去試下其他美食同特飲，希望佢地繼續努力，研發更多美食。

今日發現原來麵賜園除左食麵之外，仲有荷葉飯同越南野食，所以同幾個同事一齊係外賣平台叫外賣送餐。p.s. 貓平台比鼠平台嘅飲品選擇少，但價錢平少少。越式薄切牛肉撈檬，牛肉好味，份量十足籠仔蒸飯，肉質鬆軟，但如果加條菜或其他配料點綴下，賣相會更加好越式牛肉炒河，味道不錯下次有機會再叫其他試下！

間舖頭幾闊落，坐得幾舒服，同埋不斷播緊軒公嘅歌，氣氛真係好正，同埋員工超有禮貌👽🤝🏻.ᐟ‪‪.ᐟ1️⃣ 波爾多香酥雞球煎蛋炒飯 $48佢個炒飯粒粒分明好乾爽，不過個煎蛋有少少失望，可能煎得耐咗，唔係流心蛋🍳但個雞球值得一讚，皮薄酥脆，好嫩滑，配埋佢個汁真係好好食，份量都好大，食到好飽🫶🏻👉🏻 𝑹𝒂𝒕𝒊𝒏𝒈 : 𝟕/𝟏𝟎2️⃣ 香茅豬扒湯粉 $43清湯湯底味就好濃郁，豬扒都好淋，唔會好韌個種，口感幾好🤝🏻佢個湯粉可以轉檬粉或者金邊粉😋🫶🏻 大大份，好夠食！四十幾蚊lunch set仲配埋嘢飲，性價比好高🤣🤣🤣👉🏻 𝑹𝒂𝒕𝒊𝒏𝒈 : 𝟔.𝟓/𝟏𝟎

越興園 YHY💛Noodles Dimension一個人係旺角搵食，行到去女人街入面見到呢間舖頭，望到店入面大大個「越興園」嘅招牌💛就知道要入去幫襯了🤩麵賜園係越興園班底打做嘅食店，店舖比較細，但格局舒服以前出旺角好多時都會幫襯越興園，果時食佢地個撈檬非常出色，仲有原個菠蘿炒飯，超正🤤今次叫咗個午餐-鮮牛肉金邊粉，味道唔錯😋好鍾意佢地用個木盤放哂個餐送到客人面前😍$48就有一個午餐，平靚正👍🏻👍🏻等待嘅時候睇埋個餐牌，有好多菜式都好吸引，即刻影相send比朋友，約多啲朋友下次要去試埋其他菜式先😂去旺角搵食嘅朋友仔可以去試下，就係女人街入面，相當易搵😁#越興園 #麵賜園 #旺角 #女人街 #越菜

本身同朋友都食過呢間幾次，個陣都主要係得湯麵同荷葉飯。隔咗一段時間再去，成間鋪好似變到大排檔/茶記咁，請咗啲阿叔阿嬸係咁叫賣🥴🥴。但最重要係啲食物質素差咗，唔知係咪轉左型人流多咗。同朋友都係叫返之前食過嘅，分別係一個舞茸新豬肉湯麵，另一個係清清哋雞湯麵。舞茸新豬肉湯麵：份量同以前一樣多，但啲鮮菇好明顯食落個陣鮮菇嘅酸味，之前啲菇冇呢個問題。另外，啲麵同餸一啲都唔入味，以前會入味啲。舊新豬肉比咗朋友食，結果佢話難食到要嘔出嚟🤢唯一好咗就係啲湯冇以前咁鹹咁重味精。清清哋雞湯麵：朋友叫咗呢個我自己就冇試過，但佢食咗幾啖已經話唔使再嚟食，冇以前咁好食。整體上嚟講唔係難食，但相比以前食物質素下降，味道變得好普通，唔需要特登再嚟食。以前一碗要煮10-15分鐘，而家5分鐘左右就已經上枱。變相嚟講冇以前煮得咁用心。價錢就好似貴咗少少定唔知都差唔多，相比之前而家就唔太價呢個價錢。

🧭美食體驗：一如以往係又平又抵食。因為佢個餐無跟飲品，只能買半價特飲(20蚊左右一杯)，又或者全價買其他野飲，要真係好平咁食野既話，就純叫野食，再係旺角街邊買其他野黎飲。間鋪本身係越南野黎，最近一年好似轉型，名都叫左做麵賜園。其實我係應該黎食湯麵、飲咖啡的......唔緊要啦，下次再黎食📸 攝影打咭：佢店入面有俄羅斯畫家畫的貓貓，好正。今次終於帶左廣角鏡過黎影到喇。因為店入面有港式的霓虹燈裝飾，所以光源有啲亂，要影靚相最好都係自備光源。🍳食物質素：60蚊左右一個野食，旺角黎講係無敵的性價比🍴推薦搭配：生熟牛肉河、海南雞飯都好食🪑環境座位：桌係多既，唔洗點等位，但相對黎講走廊有啲窄🧑‍🍳服務：超級好招呼。好主動咁搵籃比你放袋。

呢間即係以前既越興園，原本以為淨係食越南嘢，仲擔心唔啱食，都係諗住博下有冇野岩食。但係佢搬咗過嚟之後，多咗好多選擇，有自家製拉麵、有焗飯、荷葉蒸飯、仲有特色嘢飲。最搞笑係見到有啲法式炒飯，又有法式炒西蘭花，唔知咩玩法。因為唔太偏好越南嘢，所以就試咗個荷葉蒸飯，都ok既，有少少似梅菜扣肉飯咁啦不過環境就幾乾淨，坐得幾舒服。下次想試下佢個法式牛柳粒炒紅飯，唔知係點架呢

今日夜晚去左呢到食 叫左個海南雞飯 點知勁過份呀都冇肉嘅 全部骨咁滯 d肉又鞋 係我食過最差嘅海南雞飯 真係勁少肉 不過菜係有4條嘅 飯都熟嘅 叫做食得 但一般茶餐廳都唔係咁差😤冇下次

約咗家人食個午餐，但又唔知食咩好，睇到呢間店評論都幾高，就去試吓，原來呢間店係女人街旁邊，好快就搵到，店外有好搶眼嘅霓紅管，環境氣氛不錯，店內有一幅牆應該係鎮店之寶，係貓咪畫，絕對係打卡位，坐低後點咗牛肉同香茅豬扒撈檬，另外加多一份手卷小食，味道方面可以，不算太驚喜，價錢方面合理，下次會再試。

我都幾鐘愛吃粉麵，因為比較便宜嘛又比較健康！這天在旺角工作，想找一家麵店吃，經過了這家有點名氣的餐廳，就決定內進。原本想吃清一點便宜一點，但進來後又被這款吸引，所以今天點的是補一補海鮮湯麵，98元不算便宜。湯麵一大碗，份量很多，還好，感覺比較值。湯底非常清甜，感覺得出用好多食材煮出來的甜。食材也很豐富，有軟熟的花膠，還有好多海鮮，蟹柳及青口都有，感覺很新鮮，不是死的。而麵條軟硬剛剛好，不過淋，是我愛的口感，吸滿湯汁，很好吃。也可以加芫荽，蔥等等。

 Noodles Dimension Meatless Menu - Hong Kong ;Noodles Dimension Meatless Menu offers a cozy and inviting ambiance, making it an excellent choice for a casual meal. The interior is simple yet stylish, with comfortable seating and subtle decorations that create a relaxed atmosphere..food  ;The Vegetarian Scottish Fried Eggs  ;The Vegetarian Scottish Fried Eggs were a creative and flavorful option. The eggs were prepared with a delightful twist, making them suitable for vegetarians. The Iron Triang

Avocado Shrimp ToastThis dish was a beautiful blend of flavors and textures. The toast was perfectly crisp on the outside, while the combination of creamy avocado and succulent shrimp on top created a delightful contrast. Shake Shake BakeThis dish consisted of crispy fried chicken pieces served with a unique array of flavored powders, allowing diners to customize the seasoning according to their preferences. Bone-in Chicken Wing Soaked in PlumThe dish was garnished with fresh herbs, enhancing th

雖然通菜街好多排檔，但呢到門口貼滿應援，一定睇到佢。裡面嘅燈光有啲搞笑，又粉紅又紫咁，連menu都難得...呢到除左麵賜園本身的中式麵食，仲有另一間餐廳嘅泰國菜可以揀，唔清楚佢地係點運作。睇餐牌就知燈光好迷幻。呢間完全係另一間餐廳。**清清哋雞湯麵**麵條可以揀硬度，有啲似拉麵店，但食落冇特別硬，可能中式麵難做到個分別？湯底好清，似係冇味精，但飲落亦唔濃唔香，成件事真係淡口又健康，份量好細，女仔都唔夠飽。可能咁啱呢碗嘅雞件全部都係骨頭，冇肉食，成碗幾分鐘食完，唔飽。