麵飽皇子

營業中

休息中

適逢農曆年尾，好多麪包店都會賣呢啲過年食品，今日買咗一包豆沙角嚟食 。一上手個豆沙角又硬又乾，好似放咗一個星期都繼續賣俾客人，唔係新鮮整出嚟嗰種，本人好鐘意食豆沙角，平時買咗放咗一兩日都唔會咁難食，加上佢又粉又乾嘅口感，都幾肯定新鮮出爐都唔會係好食，可以講係人生食過最難食嘅豆沙角 ，點解咁都可以賣俾人 。而且$78一磅絕對唔係平，個姐姐話豆沙角係重秤一啲，但重秤唔係問題，難食先係！我認係我蠢得滯買咗呢袋垃圾，但我唔想有下一個受害者 。

我本人不太好麻糬，但哩個麻糬真係令我返吾倒轉頭……有朝送完小朋友去附近教會，見有d餓，打算買個包醫肚，經過比佢既朱古力bagel吸引到……成堆朱古力bagel整整齊齊由上至下左至右企定定排好等你夾😅行左一轉，太多野想試，最後選擇左蟹黃肉鬆小貝，朱古力麻糬，朱古力bagel..朱古力麻糬吾會太甜，恰到好處，鬆軟得尼極級煙韌，蟹黃肉鬆小貝係特別既，不過略嫌有點乾，而朱古力bagel入面有朱古力醬，上面有好多朱古力碎，食時會跌到周圍係要小心d😆哩個係小朋友大愛！總結，欣賞佢款式係超多，好多出面都無，可以一試。

長期企收銀嗰位 年老嘅 雙標 嫲嫲 睇落來都六七十歲，仲叫人哋十幾二十歲女仔做姐姐，見到男嘅唔理幾歲都叫人靚仔，縱容人哋打尖。泡芙又唔係幾好食好似生嚼發泡膠。體驗很差，服務可以再提升下，收銀嗰位唔識講嘢就咪講咁多，下次唔會再來。