麵館皇

營業中

休息中

呢間新蒲崗小店望落好企理，成日想去試吓，終於有機會叫吓叫吓都食咗好多嘢，超好食！1️⃣藤椒麻醬拌麵配麻辣牛展 ($68)呢款係招牌菜，藤椒好麻好香，又唔會太辣，加埋濃郁嘅花生醬，非常惹味！麻辣牛展可以分醬上，就唔驚太辣，牛展幾有咬口，我就鍾意加麻辣醬，更好食2️⃣ 藥膳刀削麵配特級手切牛頸脊 ($117)藥膳味好濃，又好補身，冬天食一流，連湯都要飲埋！刀削麵闊薄適中，牛頸脊嘅牛味好重，但唔會肥，份量都充足3️⃣ 雙拼水餃及雲吞（10粒） ($72)我哋叫咗大白菜及小棠菜雲吞同鮮肉水餃，鮮肉真係包到漲卜卜，啖啖肉大白菜及小棠菜就清新啲，係比較輕盈嘅選擇4️⃣ 四大名醋之鎮江骨（例牌） ($75)份量唔算多，但志在夠香夠酸甜，撈麵食最啱，而鎮江骨嘅肉都多，唔會得啲骨，都抵食嘅！5️⃣ 叔嫂傳珍糖醋魚（例牌） ($68)呢款真係大推！糖醋汁又濃稠又有好香嘅甜酸，超級開胃魚塊炸得好脆，火候拿捏得好好6️⃣ 花雕醉雞（半隻） ($98)呢款都超級抵食，半隻雞都唔洗一百蚊，啖啖肉，加埋清甜嘅花雕，令人十分滿足7️⃣ 白灼時菜 ($18)叫咗小棠菜，食咗咁多嘢當然要清吓喉啦！8️⃣ 五香鹵水豆腐乾（小） ($18)仲加咗呢款小食，

天氣凍 決定同朋友食啲熱辣辣嘢暖吓胃食完成餐飯真係覺得自己完全無揀錯我哋嗌咗個'成年人不作選擇'芫茜刀削麵😂有三拼嘅餸 - 雞肉 豬軟骨 同特級手切牛頸脊一次過滿足哂我哋三個願望 唔洗左揀右揀！一上枱成個麵係勁滾熱辣 出哂煙個麵真係勁重芫茜味 份量又多三樣餸都好嫩滑又入味 70幾蚊就可以食到三個餸仲要份量勁多 真心抵！第一個面我哋就嗌咗秘製麻辣手撕雞手擀麵佢係將啲面切到薄薄地一片咁樣 軟滑得來又好煙靭 第一次試呢隻質感嘅面 加埋佢個藥膳湯底真係好夾個手撕雞又係好入味嫩滑 同埋佢個醬汁條配得啱啱好 有手撕雞嗰種麻但係又唔算超級辣 相信大部份香港人都啱食小食方面我哋仲嗌咗個麻辣豬肚同埋蔥油餅麻辣豬肚好爽口 至於蔥油餅就煎得啱啱好 夠晒鬆脆而且好香 成餐飯都食得超滿足好推薦大家去試吓！

叔嫂傳珍糖醋魚藥膳刀削麵 $62係分開上嘅！用沙鍋裝住藥膳刀削麵😍熱辣辣，好正！糖醋魚酸甜比例非常好，食落去有少少大甜啱晒香港人口味，炸魚好新鮮唔會好油！秘製麻辣口水雞秘製麻辣口水雞藥膳刀削麵 $58CP值超高!!!好好食又好多雞😆仲要唔貴！！同樣用沙鍋上㗎，口水雞我哋冇指定要乜嘢部位，最後我哋有雞翼同雞胸都ok啦😘藥膳糖心蛋 $12唔算好入味，但好流心！熱豆漿 $9唔知點解好Creamy好好飲😆😆必點鮮肉水餃（10粒） $63估唔到連水餃都係砂煲上，一直暖住個水餃，就算食到最尾都仲係熱辣辣😍鮮肉水餃大大隻，個皮有少少厚，但係食得出係自家製👍🏻👍🏻蔥油餅 $34我哋加雞蛋要多$5😂但係超抵食，因為好好味，好似台灣蛋餅一樣！最簡單嘅食材，但係個味道絕對超乎我所想像😂下次都會再食呢個😚🫶🏻

今晚去咗mikiki對面一間叫麵皇館食晚餐，食物品質好，感覺健康，見到有小朋友食客，因為吾覺味精，很好啊，而且價錢合理，好值得推介。嗌咗個花雕醉雞飯，叔嫂傳珍糖醋魚飯，白灼時菜，蒸鮮肉北京水餃，蔥油餅同兩杯凍檸茶，咁多野加埋都吾洗二百元，超值啊。花雕醉雞飯，雞好嫩滑而且花雕酒味好入味，份量都多。，叔嫂傳珍糖醋魚飯，好好食，即叫即整，上碟熱辣親又脆卜卜，糖醋醬汁又好味，送飯一流，而且我加咗三蚊要菜飯，感覺更健康。白灼時菜我揀了菜心，很乾淨，真白灼，健康。蒸鮮肉北京水餃，水餃肉多魚有多汁，好食，可以揀蒸同煎，我揀咗蒸。最後蔥油餅好香脆，份量又多，即叫即整，好好食。整體都好好，又冇味精，價錢又合理，會再嚟。

冬天想食啲暖胃嘅嘢，見到呢度用砂鍋相刀削麵，非常有興趣。藥膳湯底感覺養生，除咗醉雞，仲可以選擇豬軟骨同牛頸脊。[]因為咩都想試，所以揀咗有齊雞件、豬軟骨同牛頸脊，即叫即削嘅刀削麵。上菜嘅時候湯底依然滾燙冒煙。每條刀削麵嘅厚薄不一，非常有口感，呢啲係手工即削先有嘅質感。[]醉雞相對清新，帶有微微酒香。加$18有油菜，非常健康。豆漿$9，熱豆漿好似打左層奶泡咁，好香滑，唔知以為飲緊奶。

藤椒麻醬拌麵麻辣牛展麻辣真心係會辣～ 入口好有口感。我幾建議麻辣牛展要㨂分辣椒醬另上、可以自己adjust 辣度特級手切牛頸脊牛頸脊都幾大塊、薄身。餐廳都幾 considerate, 有得㨂走酒，我老婆餵哺人奶都可以食。熱豆漿🥛豆漿有奶泡嘅感覺到都幾得意，可能係打過奶泡入去，所以入口比較綿密啲叔嫂傳珍糖醋魚絕對值得返頭encore ，糖醋魚大件之餘、可以做到外脆內軟、魚肉裡面好嫩口。醬汁掛係魚塊上，酸酸甜甜。花雕醉雞（半隻）半隻雞都幾大件、可以四個人share都得。醉雞嘅酒味都幾突出～

想食麵館皇好耐，但係懶得過港島食，依家係新蒲崗都開咗分店，於是過去試下。叫咗成年人不作選擇，有雞、豬軟骨同牛肉，全部都大大件，湯底揀咗藥膳湯，係比較溫和嘅味，我覺得平時唔好藥膳味嘅都可以試下，飲湯幾舒服。麵就揀咗手擀麵，原來係一片片嘅，口感特別，唔會煮成一砣。豬軟骨好軟諗入味，雞夠滑，真係好正👍另外叫咗藤椒麻將撈麵，我覺得唔辣，不過食唔到辣嘅男朋友就覺得有啲辣😹麻醬好香，個底有香醋balance返，唔會太膩，麻醬係好濃稠嘅，同平時用嚟撈烏冬個種唔同。糖醋魚炸得非常香脆，點上咕嚕肉個隻汁，夠開胃。另外大推豆漿，面頭有綿密嘅泡，飲得出係餐廳自己鮮磨，唔係用粉沖個隻。Overall環境乾淨，坐得舒服，湯麵撈麵都好食👍

今日周圍都好多人排隊，所以入咗呢間食，雖然佢都開咗一段時間，但咁耐都未試過，今日係第一次去。叫咗個口水雞刀削麵，面偏厚身同埋硬，可以煮耐少少，個口水雞啲雞都好一般，偏多骨。又未去到難食嘅，好普通好一般啦，唔係特別好食，下次可以試吓其他面底，可能會好啲。見好多今叫餃子雲吞，下次去會再試下餃子同雲吞。希望比面好食整體而言，lunch呢個價位係正正常常，普普通通，中規中矩咁啦。都會再幫襯嘅，但唔會日日食。

天氣轉涼又不想下廚，一家人在家附近見到這家新開麵館，決定一試。餐廳主打藥膳湯麵，先來個成年人不作選擇，湯頭清甜淡淡當歸香，刀削麵煙韌彈牙。配料豐富，雞肉味鮮，豬軟骨軟稔，牛肉同樣料靚。跟餐小食白菜雲吞大隻足料，非常抵玩。滷豆乾同樣份量十足入味。另一套餐獅子頭菜飯，小棠菜爽口翠綠，伴飯清香。獅子頭炸過表面香脆但不過油膩，内裏香嫩，肥肉不多，配上滷汁十分下飯。還附送小食青瓜。這裏餐點不凡中見功架，值得推介。

經過見到幾多人食同埋好多好評就試吓點知中晒伏 掃code落完單等咗好耐先有野食落湯雞藥膳刀削麵成兜好似湯渣咁唔知食緊咩，雞肉勁鞋又多骨 斬得碎食嗰陣要好小心，刀削麵又厚又短 成嚿麵粉咁，湯底全部都係雞油無藥膳味 食咗幾啖就冇食去咗食其他野 唔明點解啲人都食得落

見到呢間小店新開，又多選擇（湯麵又有、拌面又有、菜飯都有！)，又平民價位👍🏻，就走入去試試！四大名醋之鎮江骨 拼 藥膳灌湯麵 (刀削麵)呢款菜式係麵館皇嘅必試之一！鎮江骨以鎮江醋為靈魂，醬汁酸甜濃郁，滲入到排骨內，肉質軟嫩入味，酸香味道開胃又唔膩。鎮江醋嘅味道同佢藥膳湯嘅味道超幾夾！令人不停口！湯底以藥膳熬製，帶有淡淡嘅中草藥香氣，湯味溫潤而不苦澀。刀削麵厚薄適中，口感彈牙，令人非常滿足😌，食完之後暖笠笠～🍜🍖秘製麻辣口水雞 拼 藤椒麻醬拌麵 (手擀麵)呢道配搭推薦辣味愛好者，呢個組合完美結合咗川菜嘅麻辣風味同手擀麵嘅彈韌口感。首先佢哋嘅秘製麻辣口水雞，雞肉滑嫩大大嚿，配上花椒與辣椒調製嘅麻辣醬汁，層次豐富，入口先係辣，再係香，非常過癮。然後藤椒麻醬拌麵，非常非常推薦叫手擀麵！今次第一次試手擀麵，原來呢種麵質感爽滑，又有彈韌口感，加埋藤椒麻醬嘅濃郁同青瓜絲，texture同味道都非常過癮！真係令人停唔到口！🌶️🍝小食炸鮮肉大白菜及小棠菜雲吞炸得金黃酥脆，內餡以鮮肉、大白菜同小棠菜調製，餡料鮮甜多汁，外皮鬆脆，係一道令人一試難忘嘅小食。太子雞翼雞翼炸得外皮香脆，內裏保持嫩滑，醃料滲透得非常

呢間麵館皇嘅出品真係唔錯，佢地嘅招牌藥膳湯麵真係超正，雞肉嫩滑，豬軟骨好入味，軟硬度適中，牛肉肉質軟嫩，湯底濃郁，飲落去有種暖心嘅感覺；仲有佢個芫茜刀削麵，麵條煮得啱啱好，咬落去有彈性，好有口感；加埋啲蔥花味道更加提升，真係一碗滿分嘅湯麵！而佢地嘅麻辣口水雞飯亦都係必試，有雞味不在話，而且醬汁濃厚，辣到適中，菜飯又好香；仲有葱油餅亦超鬆脆，好香口；另外，不得不提嘅就係佢地嘅即磨豆漿，第一次飲到咁滑咁香濃嘅豆漿，真係好正。總括來講，無論食物質素、環境衛生、服務態度同價錢方面，性價比都非常高，下次一定會再去試埋其他嘢！

成人不作選擇 $78可以一次過滿足晒三個願望，食到佢哋嘅雞，豬軟骨，牛！好豐富😂當中豬軟骨最令我深刻，超級腍，又入味，仲有好多骨膠原添！😆牛係用牛頸脊，好正！湯底係寫明無添加，藥膳湯底，好補氣，冬天飲就啱晒！今次我揀咗食手擀麵，唔係我想像中嗰種添🥹好薄皮，食到最尾會發脹叔嫂傳糖醋魚 $62好抵食！魚係分開上，炸到好香脆，配糖醋汁好味道👅今次揀咗刀削麵，果然係signature！超好食，煙煙韌韌！雙拼水餃 $63分別嗌咗大白菜水餃，鮮肉水餃！鮮肉水餃個皮厚啲，但係好多汁😍大白菜就感覺上大隻啲同好多菜😂蔥油餅 $29里個好好食！平時好少食到咁重蔥油味，又唔會好油咼！好正！

今晚真係好有驚喜。 係新蒲崗附近放工，咁啱有朋友一齊食飯，見有啲凍想食麵，就入左呢間麵館皇食。入到去好住家既感覺。 打開muen就比佢既藥膳煲吸引到，所以第一樣就點左個”成人不作選擇”跟手擀麵黎食。 一黎到個藤椒麻醬已經好香好吸引。 食落少少辣，麻味好正，令人暖笠笠，仲有個餸係雜錦，好嫩既雞，豬軟骨同手切牛頸脊，果然係成人不作選擇，咩都要。仲要加配有好鮮甜既菜心，而且熱飲都好大杯。而其他仲叫左叔嫂傳珍糖醋魚，香酥炸雞扒，都係好正。 即叫即炸，一啲都唔油，亦冇肥膏，好好味。 試埋佢既刀削麵，拉麵同年糕都好出色。 好明顯真係手做唔係機打，咬口好Q彈。 最正係佢啲湯好住家feel，超好飲。 唔會好大陣藥味，但飲落好舒服。 竟然係新蒲崗搵到咁正既麵店，下次去開呢頭都有好野食啦。

我詁計樓上嗰十個好評都係請搶手制作出來的，口水雞飯，菜飯+$3，啲飯凍冰冰，一入口就食得出唔係即日煮嘅，口水雞更加難食到嘔，唔知佢哋廚房邊度學出嚟嘅，完全未食過咁難食嘅口水雞，我食左兩啖就掉咗。連個拉麵都係只係暖暖哋嘅（忘記照相，因為其他人食）所有食材完全唔夾，份量少得可憐，邊有樓上嗰幾位人兄影出嚟咁多呀，咁嘅出品都有人贊好🤔️從來都未試過寫呢啲食評，因為覺得，搵食艱難，大家生活唔容易，過得去就算，但係今次真係忍唔到🤬