麵館皇 (已結業)

平時一向喺銅鑼灣番工嘅我當然要搵下有咩其他野食啦 唔係真係食到厭的🤦🏻‍♂️嗰日放晏見到呢間鋪頭新開 就諗住入去試一試！佢間鋪頭主打嘅係佢嘅藥膳湯底 一入到去就已經聞到好大陣藥材嘅味道 感覺好健康🙈之後我同朋友就分別叫咗一個刀削麵同手幹麵佢嚟嘅時候仲係滖緊的 好熱辣辣！我首先就飲佢嘅湯底 有藥膳味但唔太濃🤔麵質都唔錯嘅 唔太冧啱啱好！之後就嚟個口水雞佢一碟都幾足料 唔係淨係得啲骨位！第一啖食落辣辣地又有啲鮮味 但食多幾件略嫌真係太辣 但可惜冇得自己叫要幾辣 所以食唔到辣嘅朋友要小心。不過佢好似仲有其他例如生煎包等嘅主打菜 見到人哋食個賣相都唔錯🙈埋單如果淨係叫一個餸的話(其實都夠) 每人都係70幾蚊 算係咁唔錯嘅

鍋鑼灣充斥著一堆放題、火鍋，日本菜同西餐等索價不菲既餐廳，假如你想食得平D清淡D，又唔想幫襯連鎖食店如譚X及吉X家等等，「麵館皇」或者係一個唔錯既選擇佢主打藥膳湯底，而且有著特別既麵類選擇 - 刀削麵同手擀麵，定價又合理，基本上$80蚊內已經可以埋單走人。而銅鑼灣呢，有2間麵館皇嫁！今次我地黎謝斐道呢間，因為睇落闊落D，坐得鬆動D麻！經過屈小姐同賴生一輪研究之後，我地最後決定左叫：1）涼拌青瓜：2⭐️好Hea既一道涼拌青瓜，青瓜冇醃過唔入味，相信係一早切好晒所有青瓜，等客人order先淋上醬汁⋯所以部分位置你都見仲好青⋯2）豬骨湯菜心 ： 4⭐️個豬骨湯夠晒味，令個菜心夠晒甜，幾好3）豬軟骨藥膳刀削麵：4.5⭐️個豬軟骨炆得好淋好入味呀，大大舊又多肉又多軟骨，輕輕咬一咬就好容易撕開!!至於刀削麵，就稍微硬得濟同埋有D麵粉味...藥膳湯底就夠晒濃啦!! 藥材味勁重，雖然有D油，但夾麵食真心一絕!! 不過要小心個鍋呀，因為新鮮整起，所以好熱嫁!!(因為太熱既關係，心急既屈小姐比D湯熱親嘴仔啦)4) 藥膳手擀麵：5⭐️手擀麵較刀削麵薄同平滑，食落滑溜溜！而且冇刀削麵咁重麵粉味，大推！5） 麻辣口水雞

今日去銅鑼灣有野整，經過謝斐道見到有間<麵館皇>，今日又不是太餓，食麵都好喎好在係棚架外有巨型banner 可以揀一餸一麵都係60幾蚊仲要不會加一，係銅鑼灣來講真係好抵食老公點了獅子頭，有3大粒獅子頭肉質結實不鬆散，而且很入味，肥瘦肉的比例適中，口感超好呢而我的醉雞則非常大碟我估大約有接近半隻雞淡淡的酒香非常醒神，而雞件肉多骨小，肉質結實但不失香滑，令人非常滿足呢由於最近天氣真係非常炎熱，麵食方面我們都選了麻醬冷麵。爽滑彈牙的麵伴著爽脆無比又青甜多汁的青瓜絲，再配上毫不吝嗇的麻醬，正合我們這種重口味人士的心意最後餐飲方面我們都選了豆漿。豆漿豆味濃郁，香滑醇厚，甜度適中，為我們這餐超抵晚餐畫上完美句號麵館皇真係無改錯名，絕對是麵館之皇

去 sogo 買完嘢就喺附近食飯啦本身想食麵，見呢度啲麵好有特色咁我哋點咗刀削麵同手擀麵呢兩款手工麵因為 Menu 話係十大名麵，好厲害～一個係牛腩刀削麵，捧嚟嗰陣熱辣辣㗎 🤤而且個湯好香當歸味！我都無為意個湯係藥膳，以為係啲無味精湯底咋呢個湯真係好好味，我都飲咗好多個麵仲有好多牛腩，整得好入味，啲肉都好軟刀削麵係短啲，厚身啲食落個口感就有咬口啲凍豆漿加 $3 有一大杯，好抵唔會太甜，好飲～另外一個係鎮江骨手擀麵我專登 google 下係咩嚟 😂原來「擀」係一種製麵嘅手法總之都係食手工啦 🤤鎮江骨用鎮江醋醃得唔錯連啲骨都好有醋香味手擀麵就薄身啲，麵質好滑有啲似雲吞皮變做麵咁麵嘅邊邊攣攣地好似花邊咁好靚 😊呢一餐咁好食又咁有益都唔駛 $150，感覺賺咗 😂

平常是登龍街麵館皇的常客，無知的我今天才發現原來謝斐道也有分店。我興高采烈的和寶寶入去，地方很大唷，座位也十分寬敞。每張枱也貼上優惠廣告，只要上這網址便能獲得套餐升級轉凍飲免費的優惠。條款及細則上並沒有表示凍飲是指那種，而廣告圖也是一杯凍檸茶。正路思想也會認為是指咖啡奶茶檸茶檸水之類吧。在下單時我們分别用了優惠點了凍奶茶和凍檸茶，而侍應也説 ok。坐了一會，忽然有位不知是老闆娘還是經理在大聲責罵那侍應，説什麼凍奶茶和凍檸茶不會是免費。然後便一言不發地把單放在我們枱上，我發現凍飲每杯收了 $4，追問經理後，她大聲説優惠只限於$3的凍豆漿，而凍檸茶的那些是$7，所以要補錢。我跟她理論，説條款及細則並沒有説明只是豆漿。她語氣很差的説我們看錯，叫我們閲讀多幾遍。最後我也不想爭論，轉了喝豆漿便了結事件。我截了圖，你也看看有沒有強調只是 $3 的豆漿呢？發洩完畢，現在提供中肯的食評。在銅鑼灣此地段，晚市套餐價錢合理。寶寶點了特製鎮江骨飯 ($58)，味道有點像糖醋骨，但肉質粗糙，一點也不稔也不鬆軟。要了多飯，真的很多飯唷～我點了金牌咖喱雞扒飯 ($55)，説是金牌果然高質。咖喱汁比茶餐廳的更稠，小

天氣雖熱，但岩岩病好，係要食d 熱野同補野 補下身，驅下身體嘅寒氣。今次就試下新野，食手擀麵。手擀麵其實就係一種似刀削麵嘅手工麵，係香港並唔普遍，之前睇舌尖上的中國就有見過，但未食過，今日終於有機會試吓11點左右到，鋪頭人流唔多，環境光猛乾淨，坐得舒服。我試左個麻辣口水雞配手擀麵，口水雞不但麻辣，仲爽滑，唔肥膩。配有青瓜，一口青瓜，一口雞，辣完解辣再麻辣過，依種自虐係嗜辣之人先明白果種痛快😍😍😵😵🌶🌶。手擀麵上枱時還是滾燙的，好似「煲仔」麵。手擀麵每條厚度、粗幼不一，滑溜溜又有口感。

今晚約了家人在銅鑼灣共聚晚餐，我提議不如一方平常來點健康養生的選擇，最後決定試試這間開在謝斐道的藥膳湯麵館。平常也很喜歡noodle 的我，對餐廳名noodleholic 很有共鳴。門口直垂吊的燈飾很別緻。掛在牆上的摺扇更帶出餐廳古色古香格調。餐廳的麵糰包點好像都是自家製作，保證新鮮。我們點了藥膳刀削麵套餐（$62) 。套餐包括刀削麵和麻辣口水鷄 和 酸辣湯 （$38）今晚的主角：藥膳刀削麵，湯底當歸味頗濃郁，麵條煙韌，湯配白菜和銀耳，倍感健康有營。雞塊很嫩，麻辣醬汁充分滲透雞肉內，每口都特別惹味香辣。酸辣湯 （$38）：很豐富足料的酸辣湯。配料很多有雲吞，蘑菇等等。如果想晚餐食得健康點，這裏可算是不錯的選擇，價錢也很便宜。

放工行到嚟銅鑼灣揾野食，發現呢間幾好坐嘅藥膳鍋餐廳就入去食下。佢主打刀削麵同手幹麵，仲有好多特色菜。我同朋友就叫左一個口水雞刀削麵同鎮江手干麵。口水雞好麻辣，肉質鮮美，夠𣺉唔痴牙，而入面嘅青瓜都吸哂所有汁，好鬼辣超正！而且雞件有大概8件，算好大份。而鎮江骨就煮得好𣺉，帶小小酸，入面有d菜可以撈落麵度食。兩款麵份量好足夠，同藥膳湯底好夾，而且冇味精，可以連湯飲埋我地仲叫左材豆漿，應該係出面買翻嚟個種，冇乜特別

同老公係銅鑼灣行街，行到餓，搵個地方食lunch，見呢個餐廳有小籠包食，所以入黎試試。個鋪面幾大，裝修以淺色木為主，燈光又有唔同既光線來源，整體感覺好和諧好自然，都坐得幾舒服。繁忙時間用餐限時90分鐘，我地星期日下畫2：00去，人唔算多，可以慢慢坐慢慢食。全店賣點係藥膳湯麵，所以都叫個黎試下。佢D餸同麵分開上，味道上可以各有各精彩，幾好幾好！醉雞配刀削麵。個麵用瓦罐上，上到枱都係熱到起泡，所以聞到D藥膳味超香，D麵好有咬口，唔錯！醉雞既酒味幾好，不過略嫌多骨左D，如果可以多D肉就仲正。鎮江骨配麻醬冷麵。麻醬冷麵既醬好香麻味，不過多左少少，有D太膩，好在青瓜絲既清新感可以中和返。個鎮江⻣酸酸地，幾開胃，D肉又夠林，不過稍為肥左少少，如果可以瘦D會好D。小籠包同蒸餃上枱時都係熱到冒煙，nice! 小籠包既肉汁都幾多，蒸餃個皮又唔會太厚，幾好。下次行過，如果想快快趣食個飯，呢度都係唔錯既選擇

去Chanel cafe 之前想先食碗麵，一出地鐵站見到麵館皇個餐牌好多選擇喎，就同朋友食完先至去 cafe。入到去裝修簡簡單單，以木為主題，地下幾乾淨，座位都唔會好擠迫，不過有啲係木嘅圓椅，坐得會冇咁舒服。店員姐姐介紹我哋食刀削麵同手擀面， 刀削麵呢係人手製嘅， 較為爽口。而手擀麵係機制，相對較為薄身，較有咬口一點。魚與熊掌真係好難揀。手擀麵藥膳湯底好香，豬骨同雞煲成，飲到有當歸玉竹黨參沙參味，啲湯真係好滾，食面最緊要啲湯夠熱😜整體味道不錯味道不錯，藥味恰到好處，感覺好補身，特別要讚一讚呢個石鍋，食到最後一啖啲湯都仲係暖。冬天食嘅時候真係好暖胃。口水雞份量，真係好驚人！有一整隻雞脾份量，最難得係無冰鮮嘅味道，咬落去肉質好嫩滑。辣味適中，但係不嗜辣嘅可能會受不住。辦嘅程度但大約係譚仔10小辣。口水雞下面仲放咗大約10條青瓜，味道爽口，又可以避免啲咁直接真係啲浸係辣油當中。分量真係太大啦，我同朋友都食唔晒。跟餐送一杯飲品。朋友叫咗杯凍檸茶，入口唔澀口，檸檬唔會帶苦味，茶味ok。

行過見到好似幾清淡又平就同朋友入去食，6點幾黎到唔算多人，食完再去行街⭕️葯膳湯底飲得出係用葯材煲，飲落好舒服，亦唔會有口渴感覺。配上好多椰菜，感覺健康❓刀削麵偏硬身，份量多，冇咩特別 ⭕️手攪麵偏軟身，好滑，份量多，推薦💁🏻 ⭕️口水雞份量多，理解唔到點解點解有豆豉😂但雞好厚身好滑，愈食愈麻，推薦💁🏻 ⭕️糖醋魚份量多，普通魚塊，炸粉薄，醬汁酸酸甜甜甘，如果可以"結"d就好 ❓豆漿唔會太甜，冇咩特別平平地，食落冇咩味精又幾清淡，可以一試☺️

平時來這條街都是食對面嘅譚仔又或者翠華，今次無意之中發現，原來對面都有另一個食午餐嘅好選擇！可能因為大廈外牆維修中，令這店變得少少隱蔽～一入去環境乾淨，雖然沒有豪華的裝修，但整體來說也算舒適，頗為不錯。店員絕大部份是大媽，有一份莫名嘅親切感。這店主打是上海菜，也有其他的中國特色菜，但最最最主角的當然還是麵啦。今次點的是四川名菜麻辣口水雞，口水雞很多地方也有得吃，重點是要做到麻、辣、香、嫩。這裏的口水雞確實不錯，麻辣味適中，香嫩也達到。伴碟嘅青瓜都好新鮮，爽脆，有些微解辣的作用。接着是最最最主角：麵！一出場的時候很驚喜，因為是以熱鍋上，佢哋叫做「灌湯」。上台的時候還是滾啊滾啊，而且有一陣陣藥材的味道，好香又感覺滋補！食落去味道好好味，感覺上應該沒有味精，落到肚好舒服，出色的藥膳湯啊～ 之前沒有聽說過手擀麵是什麼，店員建議試試看，所以便選了。手擀麵麵質煙煙韌韌，很有趙頭，藥膳湯的味道滲透入其中，一啖湯加一啖麵好好味好正！而且配有其他配菜：木耳、椰菜等等，這樣的價錢，有一大鍋麵、口水雞和一杯豆漿好抵呀！好好的lunch, 令我好似鍋麵咁好滾動

平時成日都同朋友去食譚仔，都會叫有藥材味嗰種重慶湯底。上星期，同朋友經過呢間麵館，佢話試吓呢度啲藥材味湯底睇吓我鍾唔鍾意食。於是，我哋就叫咗手擀面，同埋刀削麵。首先講吓碟手擀面，好煙銀，質感好得意，仲勁大碗，好足料，其實唔會食得晒。而刀削麵同手乾麵嘅藥材味湯底真係好正，夠晒味，唔會淡，岩哂我！我哋仲配左口水雞，原來係超大碟嘅份量，開頭好擔心食唔晒，點解呢度全部野都咁大碟，其實真係好抵咁嘅價錢性價比極高。最緊要嘅係，佢唔會太辣但又有少少麻，好過癮，幾好味。總結，下次會帶埋其他朋友去食因為唔貴又大碗仲要好食去邊度搵。

今日友人和我慶祝生日。中國傳統生日要吃麵，寓意長壽安康。我們挑了公司附近的一間小麵館。麵館的光線挺充足，空間雖然不是空曠的四方間，但設計卻令每一枱人都有自己的小空間。它有麵或飯的套餐選擇，亦可散點一些小吃和小菜。我們各點了一款麵食，友人再加一杯豆漿。友人本想點熱豆漿，但它只有凍的。這是友人的豆漿，我沒有試。友人點了口水雞手擀麵。雞和麵是分開上的。雞下面還有不少青瓜。雞的辣度挺足，而雞肉亦滑身，雞件也挺大份，抵食指數高。友人一開始嫌太辣，但後來也吃了很多。它的麵都是藥膳湯底的。用熱鍋盛著滿滿一大碗。內有不少高麗菜。一端上來，煙霧瀰漫。藥材香味濃厚，不過吃下倒不覺很重藥材味。我點了火車頭麵。火車頭大大的有三顆放在麵內同時上。感覺我的麵湯底比友人那個入味。可能是因為火車頭本身已經很入味。它的火車頭很巨大，肉質厚實入味。我吃了一個已經很膩了。至於重點的麵呢，的確有水準！麵時粗的有咬口，而且手擀的彈性很足。吃下還有甜甜的感覺。雖然價錢不貴，但我這餐生日飯卻吃得很滿意。亦多謝友人再累也抽空相伴。

Simple and reasonably priced Shanghainese food. The herbal noodles that the neighbouring table ordered smelled absolutely delicious! This store is recognised for their noodles and dumplings, do give the 'saliva chicken' too! Spicy and flavourful, it definitely lives up to its name of making you salivate!