影片
營業時間
今日營業
12:00 - 22:00
星期一至五
12:00 - 22:00
星期六至日
11:30 - 22:00
公眾假期
11:30 - 22:00
以上資料只供參考, 請與餐廳確認詳情
相關文章
周月榮獲2024年香港及澳門米芝蓮推介店之一，亦是日式麵店唯一推介。多年來只在港島設店，終於在2025年1月18日在九龍啓德體育園開店。趁著今日首日啓業，而周月亦在前一天在官方社交平台公佈消息，於是在開業當日中午走來一試，在此聲明，本人沒有收到官方的邀請，沒有任何酬勞、免費試食或折扣優惠。啓德體育園是新開發的地方，地方較為偏遠，無論由港鐵屯馬綫啓德站或宋王臺站出發，到啓德體育園步行都要二十分鐘，加上啓德體育園地大物博，內裡有三間零售館，周月新店在零售館二館內，而且位置在三樓，那麽亦要相當時間步行才可到達，不過對於新界或九龍的麵友來說，路程已經比起周月在港島的店短。周月新店有24個座位，吧枱座位可以看到開放式的廚房，其他座位多是2人或4人座位。門口前面由於有攤位式商鋪，等候入座的位置很狹窄。製麵室設在門口位旁邊，製麵機及製麵材料放在製麵室內，吸引商場的行人。另外門口亦有周月中環店獲得2024年香港米芝蓮推介食府的擺設。新店的餐牌和港島的店相同，沒有新店獨有限定的食品，同樣有多種款式的拉麵、沾麵、小食及飲品供應。新店新開張，服務一定流於表面，但由於我入座時客人不太多，侍應的服務算是周到，我一入座有位女侍應便向我介紹沾麵的食法，同時表示可以選擇100克/200克/300克的麵條，不用加錢，之後又介紹差不多吃完麵條時，剩餘的沾汁可以加入雞湯而飲，更添美味。我點選了燒黑豚味噌沾麵，整體水準和中環本店差不多，麵條較粗亦彈牙，由於沾汁屬濃稠，麵條掛沾汁度算不錯，味噌味道濃烈，有點蓋過自家獨特的醬油味，如果介意要有醬油味就選擇回基本的醬油沾麵或拉麵。燒黑豚叉燒外形很吸引食慾，肉質帶點油脂，口感不俗，我認為若果即叫即炙口味會更好，雞蛋亦算合格有餘，沾汁內有筍條、叉燒角及芽菜。在周月，我是常常點選一款小食炸雞軟骨，即叫即炸，雞軟骨細細粒易入口，配上三杯酢(醋)，口感非常不錯。
繼續閱讀
最近去啟德新開的周月店，特地放工過去，但真心有點失望。麵質較淋，吃起來沒什麼口感，湯底的味道也不夠濃，總之跟中環店比起來，差得遠了。中環那邊的麵條彈牙，湯底又香又濃，根本是無法比的。看來以後想吃周月，我還是只會去中環店吧！希望他們能改善，否則真的難以留住客人。👎👎👎
繼續閱讀
見佢新開諗住嚟試試 。叫咗個香蔥黑豚拉麵，蟹肉沙律同炸雞，拉麵還好，係油咗小小，黑豚肉算幾好食 。蟹肉沙律不過不失 。炸雞簡直垃圾，又冇味又韌，未試過食一間拉麵舖嘅炸雞咁難食 。
繼續閱讀
《麵鮮醬油房周月》📍九龍城啟德承啟道38-39號啟德體育園啟德零售館2 3樓 M2-316號舖作為九龍友，知道周月响啟德開分店，實在係一大喜訊，唔駛特登過海都有得食 😋 隨之而黎嘅問題就係，比起位於拉麵激戰區嘅中環歌賦街店，到底邊間好食d呢？定差唔多呢？我會將個結論寫响呢則食評最尾，首先講講我試左邊幾款麵先。《周月拉麵🍜》雖然周月最為人津津樂道嘅係沾麵，不過响冬天，點都會比較想食碗熱辣辣嘅拉麵。無論個香味(勁香)，湯，溏心蛋同筍都係水準之內，豬叉燒就比較乾身，不過個麵令人極之失望。唔知係咪因為當日係星期一，d資深d嘅師傅放假？得返 d 睇個樣好後生嘅後生仔煮麵。個麵over cook得好緊要，又淋又糊，鹼水味超出我接受範圍，一粒老鼠屎壞左一鍋粥，好難enjoy到。《塩味拉麵🍜》隔左兩個星期，同屋企人再去食，試試塩味拉麵。冇左醬油嘅加持下，個湯嘅特色可以話冇左8成。個塩湯其實係唔差，只不過係醬油湯味道太出色。而塩湯都有樣野好，周月嘅湯底係雞湯底，而雞味响塩湯道明顯更突出。麵條方面，比我上一次食稍為好d，入口冇咁糊，正常返d，不過都係偏淋。鹼水味有不過冇咁重。至於配料方面同周月拉麵嘅配置一模一樣就唔多講了。《周月沾麵🍜》再隔多兩個星期，今次試嘅係招牌中嘅招牌《周月沾麵🍜》個沾汁夠晒香濃，而對比起拉麵個醬油湯，個沾汁明顯地係加左醋，所以有少少酸酸地。我之所以咁鍾意食周月，正正因為呢個帶酸味嘅濃醬油沾汁係十分之有魅力，亦係最令人忍唔住再幫襯嘅重點之一。沾汁入面有d叉燒，味道好歸好，不過比較乾同柴，口感麻麻。唔知係咪咁啱，今日嘅筍乾有明顯筍臭味，好彩我本身係唔太抗拒呢種味，不過想像到會有頗多人唔鍾意。麵條方面呢，比起中環店明顯幼d。中環店嘅沾麵似係太麵，而呢間店似係中太麵。可能先入為主，我鍾意太麵多d。而呢款麵口感我都好鍾意，屬於比較有韌性，而又不失爽彈感。麵香夠，而鹼水味只有丁點，冇拉麵個麵底咁重。其實帶少少鹼水味我認為反而好，令個麵嘅麥味更加出。一如以住，食到最後就加湯，享受埋湯麵狀態下嘅美味。不過咁，加完一次後都係偏鹹，所以我前後加左兩次，咁就可以無負擔地清埋碗湯。結論 - 中環店係完勝啟德店雖然地理位置上，對於九龍友來講，啟德店係方便d，不過以麵論麵，中環店明顯完勝。我認為啟德店店長要正視返以下三點：一，拉麵麵條太淋太多鹼水味。二，叉燒燒得太乾。三，筍乾筍臭味太重。可能我間唔時都會食下啟德店，不過應該可能以食沾麵為主，拉麵其次。
繼續閱讀
年初三，一家大細冇拜年去咗啟德體育園行吓，玩到8點半先開始搵食，見到商場廣東牌推介呢間喺日本榮獲米芝蓮星級嘅拉麵店，於是就衝咗去食。可能都已經幾夜(last order 9pm)，Gulu攞飛等咗5分鐘就有位，環顧四周9成客人都係食沾麵，可惜我一向唔太鍾情日式沾麵，於是乎就決定叫另一馳名嘅黑豚肉湯拉麵。而小朋友當然就一早個兒童餐：$72有中sizel拉麵一碗、日式煎餃子兩隻加果汁，算幾抵喇，而且份量剛好唔會食唔曬。最初都有懷疑$116一碗鎮店周月拉麵係咪物有所值㗎？不過當食物上到枱，單看賣相已經對板，有勁多蔥花係我嘅至愛而自選嘅淡味湯底就非常適合我，濃郁得嚟又唔太鹹又唔杰，一嚟已經飲咗幾羹😋 至於拉麵，軟硬適中，餐紙或店員都冇特別問想要硬啲或軟身啲嘅麵，不過入口夠熱都好ok。重點係嗰幾塊燒黑豚肉真係好好味，有些入口即溶嘅感覺，相比其他實的的嘅叉燒拉麵，呢碗真係好食好多。蟹肉沙律呢，就係我同女兒的心頭好，每次去元X都會一人一碟，嚟到周月嘅版本，味道ok的，但又冇咩特別好食，蟹肉都有啲難搵，係啲青瓜係砌片唔係砌絲。下次去啟德體育園再玩或睇show，一定想再去試食其他菜色。#香港美食 #Foodielife
繼續閱讀