麵麵俱到

營業中

休息中

雞地食街成日嚟，但旁邊呢條小巷就比較少入去了，是日見谷友介紹有間麵店叫麵麵俱到，賣相唔錯，價錢又唔貴，一於嚟試下佢。店內只有一張長枱，約十個位左右，八點多來到都全店滿坐，等左陣先有位㗎。估唔到咁難搵嘅店舖位，都咁多人識嚟。⭐醬油慢煮豬軟骨配脆脆豬皮豚骨湯烏冬+溫泉蛋朋友點咗豚骨湯烏冬，見呢款烏冬冇溫泉蛋，於是就加咗一隻。上面有幾大件豬軟骨同埋唔少豬皮，十分豐富。豬軟骨炆得軟淋，豬皮又香又脆，豬骨湯底濃厚，烏冬煙韌，加上滑滑嘅溫泉蛋，真係好好食喎😋⭐溫泉蛋牛肩胛壽喜燒湯麵自己就揀咗壽喜燒湯麵，上面鋪滿牛肩胛肉片，有溫泉蛋，旁邊仲有唔少配菜，望落真係食香味俱全，顏色吸引。麵條爽口彈牙，壽喜燒湯底甜甜地同牛肩胛肉好配，好食到湯都飲曬👍⭐升級套餐兩碗麵都轉咗升級套餐一個要咗和風沙律，另一個就係唐揚炸雞，轉做餐有小食又有飲品，抵啲呀嘛。⭐椒鹽炸雞軟骨另外朋友仲叫咗款小食炸雞軟骨，炸得好香口，雞軟骨喔喔脆，好食喎🤤⭐津路烏龍茶 & ⭐波子汽水朋友戒甜就揀咗烏龍茶，自己就揀咗童年回憶嘅波子汽水，真係有好幾年冇飲過了。食咗咁多嘢都係人均消費100蚊左右，抵食啦😋

呢一日去開元朗，試咗間之前bookmark咗嘅餐廳～當初見到呢間個壽喜燒湯麵好似好正，所以想試❤️小店喺巷仔入邊，面積唔大，座位唔算多，去到坐滿，等咗一陣位～有丼飯、湯麵、小食、沙律選擇，而湯麵可以揀日本讚岐烏冬 或者 香港傳統手工蛋麵，最後揀咗呢幾樣：#溫泉蛋牛肩胛壽喜燒湯麵 $58有牛肩胛片、溫泉蛋、鳴門卷、味付筍片、蔥花、紫菜絲、芝麻、炸乾蔥+$12 升級沙律套餐，有沙律連嘢飲麵揀咗 #日本讚岐烏冬牛肩胛片有灸燒過個面，幾香，壽喜燒湯底，烏冬索晒啲湯，煙韌又入味👍平時壽喜燒都鍾意食埋烏冬收尾😌#蟹肉海老鮮蝦味噌湯麵 $78虎蝦、蟹肉、鳴門卷、味付筍片、蔥花、紫菜絲、芝麻、炸乾蔥侍應一擺低已經聞到勁香，飲落幾香濃有幾隻大蝦，新鮮爽口，呢個揀咗 #香港傳統手工蛋麵，個麵有蛋香味同彈牙，幾襯個湯，配料都豐富+$20 升級唐揚炸雞套餐，有炸雞跟嘢飲炸雞炸漿唔厚👍另外叫咗 #燒汁雞皮餃子 (5pcs) $28個面脆，脹卜卜，啖啖肉湯底幾有特色嘅小店，有興趣湯麵嘅去試吓～

元朗多野食就大家都知今日舊地重遊去番之前番工地方附近搵食捐窿捐罅搵到呢間係內巷裝修別緻既日式拉麵店鋪面唔算好大~但感覺好似去左日本老店咁🦀🦐蟹肉海老鮮蝦味蹭湯配香港傳統手工蛋麵$98味噌湯相信大家都唔陌生~都知道日本家家戶戶都必飲常食對健康有利一上枱已經聞到好香既蝦湯味除左主角3隻虎蝦外，仲有蟹肉、鳴門卷、付味荀片、紫菜絲、芝麻、炸乾蒜～用料豐富湯底唔會太咸啱晒我，虎蝦爽口彈牙，蟹肉比得好大方唯一就係如果蛋麵可以揀埋軟硬度就完美不過另外要讚既係幾有蛋香味純粹個人比較喜歡食有咬口～+$20升級唐揚炸雞套餐配忌廉3件幾抵食，粉漿薄雞肉嫰滑，識食一定蘸多d蛋黃醬麵麵俱到麵全餐配烏冬$100牛肉壽喜燒湯底~相比其他店鋪無咁甜，感覺健康d+$12升級沙律套餐配可樂胡麻醬好澎湃~沙律菜新鮮全食顧名思義係乜都有包括：牛肋條、豬軟骨、豬皮脆脆、虎蝦、蟹肉、嗚門卷、付味荀片、紫菜絲、芝麻、炸乾蒜呢碗真係大滿足，澎湃到滿瀉豬軟骨夠晒腍，牛肋條都唔錯豬皮真係幾脆口，蟹肉都幾多，烏冬非常入味老闆娘好親切～下次會再嚟試埋其他

［📍元朗｜麵麵俱到 ］今日黎到元朗附近揾野食 呢到附近好多餐廳選擇🤩呢條街連巷仔入面都有唔少舖頭選擇 今次見到呢間食烏冬拉麵都幾熱鬧 就試試佢🤣🍜 醬油慢煮豬軟骨 配脆脆豬皮豚骨湯麵 （配烏冬）呢碗豚骨湯烏冬 湯底好濃郁 偏奶白色既湯底湯頭質地偏向輕微的濃稠 烏冬非常之能夠掛湯😋豬軟骨肉身夠哂淋身 好入味 味道偏甜甜鹹鹹的豬皮脆脆值得一讚 炸得非常脆身 絕對唔會過份油膩😛呢到所用既烏冬係偏粗身既烏冬 非常煙韌彈牙另外 仲升級左唐揚炸雞套餐 配埋飲品☺️唐揚炸雞 新鮮炸起 好熱辣辣 皮好夠薄 肉汁豐富😋🍜 麵麵俱到-麵全食 配壽喜燒湯麵 （配蛋麵）呢碗麵滿足左乜都想食既願望 呢碗麵真係乜都有牛肋條非常足料厚肉 肉質夠淋身 肉味非常香濃😋牛味濃郁既程度係 越咬啲牛肉味會越濃郁碗麵仲配有二隻虎蝦 蝦肉好夠實淨鮮味😛呢碗揀左配香港傳統手工蛋麵 蛋麵質地彈牙食落有陣陣既蛋香味 呢個配搭幾有趣 食落又幾夾😋壽喜燒湯底 有香濃既甜豉油味 味道唔會過分甜同食材既味道配合得好好 淡淡既甜味有提鮮既作用😋🥟 燒汁雞皮餃子雞皮餃子煎得非常之香脆 入口非常之脆身😛雞皮有一定既厚度 食落好有咬口 好夠肉汁熱辣辣

🎀元朗。藏於小巷內的日式平價麵館🍜🎀🪄店名* #麵麵俱到🔮地址* 元朗鳳攸南街3號好順景大廈1座地下48號舖🔮🗾分店地區🗾 沒有分店💰價錢$214 (2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_元朗剩系食呢一類👉食物類型搜尋🔍🍜#pickyme_日本菜➖➖➖➖➖➖➖➖➖➖➖➖➖🎵餐廳環境🎵元朗真係好多特色小店 今次去既呢間系超隱秘 收埋系暗巷😂真係要靠gps先搵到～舖頭空間唔算大 大約可以容納十多人 但裝修十分別緻 有好多日式裝飾佈置 排滿日式紙傘既著光燈籠 牆身貼滿特別poster及掛布 任何一個位置都好適合打卡📷🍽️食物質素🍽️呢一間港式小店做全日免加一優惠學生仲可以仲可以九折 超級划算 餐牌設計得十分精美 入面有齊各款拉麵,沙律,丼飯 價格相宜👍裡面介紹得好詳細 份量都好飽足感😆👀評分💖💖💖💖🪄 日式濃汁燴牛肋條壽喜燒湯麵 配餐沙律汽水+$12 $84呢一碗麵我哋叫咗香港傳統手工蛋麵 賣相係比較粗身 質咁係較硬身及輕微蛋香味 主要配料有牛肋條,鳴門卷,味付筍片 份量感十足 牛肋條都炆得幾冧 而且鳴門卷勁厚切😯呢款壽喜燒湯底系混合大量蔬菜香料大

天氣凍就好想食啲暖笠笠又熱辣辣既野食，除左邊爐之外第二樣野諗到既就係拉麵🍜而呢間都係朋友介紹先知😍佢係勁日式style，大家都係坐高櫈，裝修都係木系為主。🐒醬油慢煮豚軟骨配脆脆豬皮豚骨濃湯烏冬💰$68👉🏻升級套餐(汽水＋沙律)+$12我就揀左呢款豬骨湯，配埋豬軟骨真係好正，佢地既豬軟骨已經煮得好淋，而唔中意拉麵既仲可以免費轉烏冬，岩哂我呀，而且佢個脆脆豬皮配埋湯都好正。🐒蟹肉海老鮮蝦味噌湯拉麵💰$72👉🏻升級套餐(汽水＋唐揚炸雞)+$20朋友就揀味噌湯，都唔會好咸喎，而且都幾重海鮮味，因為佢除左有蝦肉之外仲有蟹柳絲添，都好豐富。🐒椒鹽炸雞軟骨💰$32

通常d寶藏小店都係隱藏喺後街小巷，今日就響後巷搵到一間食日式湯麵，丼飯，沙律嘅用心小店。一間舖頭嘅嘢食唔一定要多，最緊要精！佢主打係賣三款🌟自家制湯底嘅湯麵 。我同朋友分別試咗兩款唔同嘅湯底。鮮蝦味噌湯🍜蟹肉海老🍤配讚岐烏冬$78💫湯底: 味噌湯唔會咸，好有蝦味，而且湯底好香有日本拉麵嘅感覺，最重要係食完唔會口渴，擺脫一貫對日式拉麵食完會口渴嘅想法。💫讚岐烏冬: 浸落湯底好入味，口感煙韌。💫大蝦爽口 配料好豐富👉🏼有虎蝦、蟹肉、鳴門卷、味付筍片、蔥花、紫菜絲、芝麻、炸乾蔥。壽喜燒湯底🍜麵麵俱到-麵全食 🍲配香港傳統手工蛋麵$88💫湯底:係用骨湯做base去煲，味道少甜，咸度適中。💫香港傳統手工蛋麵: 係傳統港式麵，好彈牙，有蛋香味，而且麵質好滑。💫麵全食配料豐富 👉🏼牛肋條唔會太冧太軔、豚軟骨炆得好冧、豬皮脆脆、虎蝦、蟹肉、鳴門卷、味付筍片、蔥花、紫菜絲、芝麻、炸乾蔥。😋加$20套餐好抵食👍有唐揚炸雞+飲品。🐔小食: 燒汁雞皮餃子$38好特別，之前未食過，雞皮炸好脆，包住爆汁豬肉餡，而且有5件，值得一試。❤️整體價錢良心，用料用心嘅寶藏小店✏️穿著校服於6點前惠顧可享9折優惠💕全日堂食免加

#MC帶你去元朗.元朗不嬲出名多嘢食，今次就喺Yoho附近一條巷仔內發現一間小店！➖✨ 麵麵俱到.依間麵食店主打日式湯麵，亦有丼飯、小食、沙律等；小店位於巷仔內，座位數量不多，以吧檯位為主；店內裝潢以木系為主，走簡約和風格調，➖🥢 溫泉蛋牛肩胛壽喜燒湯麵（日本讚岐烏冬）｜$58🥢 +$12升級沙律套餐 配 津路烏龍茶（+$3）.配料超澎湃，鋪滿整個碗面！有牛肩胛片、溫泉蛋、鳴門卷、味付筍片、蔥花、紫菜絲、芝麻、炸乾蔥；牛肩胛口感軟嫩而且肉味濃，加上壽喜燒湯，真係無得輸！搭配讚岐烏冬，口感煙韌彈牙，完美日本風味~~➖🥢 醬油慢煮豬軟骨配脆脆豬皮豚骨湯麵（香港傳統手工蛋麵）｜$62🥢 +$20升級唐揚炸雞套餐 配 波子汽水（+$5）.有豚軟骨（豬軟骨）、豬皮脆脆、鳴門卷、味付筍片等等；豬軟骨十分軟腍而且醬油味幾入味；而豬皮應該即場即炸，所以超香脆！搭配手工蛋麵，淡淡蛋香味又彈牙。加$20套餐就有三大件唐揚炸雞及汽水，性價比幾高，炸雞新鮮即炸，炸粉適中，雞肉餡料幾嫩滑。➖🥢 燒汁雞皮餃子｜$28.一客五件雞皮餃子，外皮好香脆！而餡料亦都飽滿，入口都幾Juicy，加上燒汁味道香濃帶甜，不錯不錯

元朗鳳攸南街小徑內有一日式湯麵小店，店內面積較小，格局跟日本拉麵小店一樣，是一整排的座位，食客並肩而坐 麵麵俱到麵全食配壽喜燒湯麵（$88）包羅萬有，非常豐富澎湃🤩牛肋條及豬軟骨軟腍入味且醬油味香、豬皮脆脆微辣酥脆、還有虎蝦、蟹肉及鳴門卷等🍥選了讚岐烏冬，口感煙韌，能吸收淡淡鮮甜的湯汁醬油慢煮豬軟骨配脆脆豬皮豚骨湯麵（$62）豬軟骨軟腍入味，選配了香港傳統手工蛋麵，比烏冬更有筋性彈牙且有蛋香，與淡淡的豚骨湯也很配可加錢升級套餐，我們分別加了沙律套餐（$12）及唐揚炸雞套餐（+$20），包了飲品，唐揚炸雞也香脆有肉汁！

久別後嘅重逢多數都會帶住新鮮感同驚喜Say hi to 元朗呢個國度一向都出名多好西可以話係好多小店得嚟揾食又集中嘅一個地方例如元朗鳳攸南街就係其中一條「食街」Yoho最近出口行2分鐘就到夜晚收到時間就最熱鬧朋友話呢邊有間好有日本feel嘅麵館主打係自己湯底自己煲麵對我冇大吸引力但講到有靚湯底飲又唔同講法小店喺個小巷入邊細細間係一條小走廊嘅格局食客「面壁」坐好似去咗日本嘅一人拉麵館咁去到已近乎full house Remark 返始終可能人手有限等食過程都要啲耐性大家喺繁忙時間嚟食要有定心理準備或者好似我咁叫住個小食/沙律先重點講返個湯首先我嘅係 #蟹肉海路味噌湯底兩個字 —— 鮮甜！個湯唔可以話係我食過最濃但一定係我食過最有誠意之一嘅蝦湯有海鮮嘅鮮鹹香加上大量蝦乾加持愈食愈出味另一款朋友點嘅係 #豚骨湯配醬油慢煮豬軟骨＋脆脆豬皮（朋友大讚個豬軟骨夠軟稔入味）呢個湯相對膠質濃微濃稠加埋偏奶白色嘅感覺成件事掛湯緦括而言兩款湯都有誠意食完唔口渴！另外事後先知原來小店最推係個蛋麵但嗰餐我同朋友都係點烏冬大miss～～～約好下次再返啅！

竟然俾我一個人行行吓搵到一間隱世拉麵小店🤣餐廳有啲難搵喺巷仔入邊，但性價比高👍🏻有多款唔同拉麵選擇，仲有日式小食壽喜燒湯麵 $88這碗壽喜燒湯麵湯底超級濃郁‼️ 聽老闆講湯底混合了味醂、醬油、清酒以及砂糖等調味😳仲有用蔬菜🥬香料、大骨長時間熬製嘅高湯做基底，令湯感同一般壽喜燒鍋物嘅水狀感不一樣，口感更濃密豐富🙌🏻每一條麵都吸收了湯汁精華，好滋味😍 超多配料有牛肋條、豚軟骨、豬皮脆脆、虎蝦、蟹肉👍🏻黑椒牛肉柚子汁沙律配溫泉蛋 $48好大碗🔥沙律新鮮👍🏻黑椒牛肉每片都口感鮮嫩😋黑椒味重，搭配清爽柚子汁，好食🤤加埋溫泉蛋一齊食，滑順口感，增加層次感七味唐揚嫩雞 $38份量唔少🤣嫩雞未到好外皮酥脆，但雞肉鮮嫩，覺得肥肉較多，醬汁好惹味，提升哂整體口感📍麵麵俱到元朗鳳攸南街3號好順景大廈1座地下48號舖

前身係章魚丸餐廳 自從執咗之後 都冇留意原來開咗間日本麵店 最近留意到 所以就搵機會試下🤭 💁🏻‍♀️ 麵麵俱到 麵全食 配壽喜燒湯麵 $88~超豐富配料💖 每一款配料都有獨有味道&口感 大滿足 😋牛肋條&豬軟骨非常入味 而且肉質軟腍鬆化 🤤蟹肉鮮甜 虎蝦彈牙 🤩最有驚喜係脆豬皮 真係超級脆🤭 澎湃嘅配料而且經長時間熬製 湯底非常濃郁🧡 烏冬煙韌 有嚼勁 係我鍾意嘅口感🫰🏻💁🏻‍♀️醬油慢煮豬軟骨配脆脆豬皮豚骨湯麵 $62~豚骨湯底濃稠 口感豐盈😋 而且豬軟骨相當入味 醬油味突出🫶🏻 肉質腍滑 而蛋麵係港式傳統麵 有蛋香 富有彈性👍🏻💁🏻‍♀️燒汁雞皮餃子 $28~有五條 性價比高🙌🏻 非常香口而且有肉汁爆出🤩 係必叫小食👍🏻🧃飲品 - 維他氣泡檸檬茶$6 & 波子汽水$12~加配飲品 價錢都幾抵 而且選擇都算多

原本俾蛋白質沙律吸引入黎，最後抵受不到誘惑，麵麵麵 炸炸炸🤤🤤減肥都係留返聽日先好少見既燒汁雞皮餃子，是有驚喜的外皮脆而且唔算油，驚喜在裡面肉汁多👍🏻平時會扔雞皮既我覺得食多一兩舊都ok，唔算太膩比較估唔到既係味噌蝦湯拉麵，近期想健康點開始口味食淡左，對於選擇拉麵有所保留，怕湯底太鹹，但呢到既湯底係比較香蝦味，濃度適中，好耐未試過食完麵唔洗成日搵水飲真心推薦大家食，配料有酥脆辣豬皮酥，少見的，我私心地問老闆可否將「全家」轉蝦味增湯🤭成功左既！豬軟骨淋到不得了，仲好入味👍🏻大蝦都好爽口溫泉蛋牛肉飯係肉量比較多，性價比好高平心而論，拉麵比飯更有驚喜

麵麵俱到麵全食-壽喜燒湯麵燉煮嘅牛肋條軟嫩，肉唔會靭又或者鞋口每件都好大嚿，份量亦好多，有三大塊，配料好豐富，仲有豚軟骨、大蝦、豬皮、蟹肉，蛋麵吸滿壽喜燒甜甜嘅湯汁。醬油慢煮豚軟骨配脆脆豬皮豬軟骨的骨與肉皆鬆軟入味，湯汁濃香，係滿滿既骨膠原，揀左讚岐烏冬入口彈牙，仲可以加$15配沙律同飲品。椒鹽炸雞軟骨雞軟骨份量十足，每件都大大件啖啖肉咁。外面炸得金黃香脆，內裡肉質嫩滑多汁，椒鹽亦都落得好重手，脆口唔太油膩。

卡佬心血來潮話想食拉麵卡卡上OP搵到間拉麵小店位於這不起眼的小巷子裡利用小小空間來招呼客人店內日式佈置及bar枱設計食物種類有拉麵、丼飯及小食叫一個拉麵可以加12元有沙律跟飲品套餐或者加20元有唐揚炸雞3件跟飲品套餐推介唐揚炸雞套最抵食因為小食唐揚炸雞要38元才有5件但套餐20元已包3件雞和飲品今次我笨了，下次要點餐🫣我們每人各點了1碗拉麵選了豬軟骨豬骨湯拉麵及款款食物有齊的拉麵每款麵食可選日本讚岐烏冬/香港傳統手工蛋麵❤️麵麵俱到-麵全食 配壽喜燒湯麵▶️牛肋條、豚軟骨、豬皮脆脆、虎蝦、蟹肉、鳴門卷、 味付筍片、蔥花、紫菜絲、芝麻、炸乾蔥▶️整碗拉麵舖滿好豐富的配料，連蟹肉也不少▶️選了香港傳統手工蛋麵，麵質比較彈牙有口感❤️醬油慢煮豬軟骨配脆脆豬皮豚骨湯麵$88▶️豚軟骨、豬皮脆脆、鳴門卷、味付筍片、蔥花、素菜絲、芝麻、炸乾蔥▶️豬軟骨夠哂入味，而且非常冧滑▶️另外驚喜係炸豬皮脆卜卜配湯食，好好味▶️選了日本讚岐烏冬，滑身又彈牙🧏‍♀️卡卡食後感湯濃而不會過鹹，讚❤️食完後，完全不會出現口渴問題炸雞新鮮炸出來超香口而雞肉好嫩滑如果碗拉麵再大碗d，會更滿足呀～下次要帶鍾意食拉面嘅大仔嚟食先得