麺処一家 (已結業)

今日lunch突然想食拉麵，就搵咗係厚福街成日經過但都冇食過既拉麵店，lunch都幾多人等位，等咗十零分鐘先入得。Menu得一個豬骨魚介湯底同3款選擇，分別係妹の選択(慢煮豬腩肉)，弟の選択(火炙豬腩肉)同埋料理長の選択。今次目標明確，第一次嚟食就緊係食料理長之選，可以一次過試晒兩款肉。慢煮豬腩肉比較冧身，而火炙有啲油香，個人就鐘意火炙多啲。湯底魚味突出，飲完亦唔會覺得口渴。加咗錢要埋隻糖沁蛋，煮得岩岩好，好滿足。麵既硬度亦都適中，經過可以一試。順帶一提，店員好貼心，見到長髮女士都會畀橡筋紮起頭髮食

見到咁多人推介呢間拉麵即刻搵到日閒日黎朝下聖 唔駛排咁耐隊湯底好好飲，唔會太肥膩叉燒肥厚適中，咬落唔「鞋」，好食最後因為個湯太好飲，可以完食😋大滿足特別一提溝埋辣醬食都得

-🍜 拉拉拉～ 拉麵～入到去其實得一個豚骨魚介醬油湯底，然後可以揀肉類 👉🏻慢煮豬肩肉／火炙豬腩肉👈🏻 不過小朋友先選擇，當然兩款要晒 再加埋溏心蛋 👹✌🏻✋🏻拉麵黎到 已經聞到好香魚介味 之後緊係飲淡湯先啦～ ‼️飲落唔算話好濃郁 又冇乜特別驚喜，普普通通 🤔 至於麵底麵條係直幼身 而且唔算好掛到湯 軟硬適中 不過不失 🤔試埋兩款肉，慢煮豬肩肉好嫩，好軟身，咬落去有油香好好味 🤩 火炙豬腩肉，有火炙過既香味，肉質較實，冇乜特別～ ‼️最後食埋溏心蛋好好食好入味，真係食到溏心既效果，好鬼鐘意粒蛋 😍🤫 如果食多次又真係未必，因為都算話普通，衝擊唔到個味蕾～ 而且份量唔多食完好似食左陣風咁，都仲係好肚餓🍜 料理長的選擇 $118🥚 溏心蛋 + $10👾 麺処一家尖沙咀厚福街11號地舖

//< 麺処一家 >小編二人係尖沙咀食晚餐🥣見厚福街呢間拉麵店好多人排隊🫣 本著排隊實無死就去食！點知真係有驚喜呢😆😆————————————- 店主推介+溏心蛋 $108+$10 -呢個湯底係用魚同豚骨熬製既魚介湯，碗麵一黎已經好香噴噴🥳 小編二人都覺得湯底好正！濃郁得黎唔膩～～～上面既烤紫菜碎、蔥碎同洋蔥🧅碎非常惹味令成個面更香更有口感😆 麵底係幼麵，麵質相對上偏硬，有d似一蘭個種🤪粉紅色既慢煮豬肩肉雖然脂肪較少，但係幾嫩滑～ 火炙豬腩肉，香烤味濃，帶有脂肪更軟糯🐷原隻半熟玉子流心得黎有蛋香，而且非常入味呢！值得加🥰————————————- 綠茶可樂 $22 -飲落似雪碧、七喜😬😬after taste帶有少少綠茶味🍵 幾得意但係唔好expect太多🤪————————————評分：8/10地址：尖沙咀厚福街11號地舖營業時間：星期一至日12:00-15:45；18:00-22:00

麺処一家尖沙咀厚福街11號地舖2點幾就要排隊啦我後面有成5-6人係門口排隊等🙈呢間日式拉麵小店係開放式廚房同檯座位一入去門口就睇到開放式廚房黎既1位專責煮麵🍜1位負責處理火炙日式叉燒🐽朋友不停介紹佢地程序俾我聽話呢間必食好好食😋坐底無耐店員就好貼心比橡筋扎頭髮先 同俾凍水我地🫙呢間拉麵淨係得有一款湯底：濃厚豚骨魚介醬油湯底我第一次食推介料理長の選択（$108）試下2種日式叉燒😆慢煮豬肩肉同炙燒叉燒豬腩肉個湯底濃厚又唔膩🥹超超超香既堅魚味 加多一隻溏心蛋🥚仲偷食朋友果辣醬🌶同埋呢間拉麵係幼身麵 好彈牙煙韌、軟硬適中👍🏻有粒溏心蛋🥚係用醬油浸煮 幾入味🥰個麵入面都有幾多筍、紫菜、生洋蔥🧅蔥特製加麵底勁平15蚊1碗🤭唔係淨係俾個麵入面仲有少少肉碎同蔥可以就咁食唔使加落個湯到都OK🤤

留意咗呢間拉麵店好耐，老闆自己本身好鍾意食拉麵所以專程去咗日本拜師學藝之後返港開鋪，有一種傳統日本匠人精神👏🏻👏🏻👏🏻👍🏻，不過今日就好未見老闆嘅身影😅只賣三款拉麵，湯底麵底一樣，分別在於叉燒做法不同—慢煮的叫「妹之選擇」炙燒的叫「弟之選擇」兩樣皆有的叫「料理長的選擇」Order 妹之選擇，先試一口湯。豬骨魚介湯，濃而不膩，又香又有味道，一口湯加上拉麵，吃下去熱度十足，麵底軟硬度適中。配上洋蔥，連拉麵吃下去有種好清新同沖擊的感覺。再吃叉燒，用咗梅頭肉，味道偏淡，比個濃湯蓋晒叉燒啲味道。可能有期望所以有少少失望😢😢，溏心蛋要加錢連埋湯底飲曬都係唔飽，份量細，湯個味道係好拉麵都ok，但整體叉燒就真係一般，如果叉燒可以改善一下會好好多。🙏🏻

厚福街內一間長期都有人龍的拉麵小店。店內位置不多，大致分成兩區，一邊是面向廚房，另一邊則約有十人座位。拉麵有三款，再按自己喜好追加不同配料。弟の選択 ($98) 連糖心蛋 (+$10)• 拉麵都的配料有紫菜、糖心蛋、火炙豬腩肉、京蔥粒和香筍。• 湯底濃而不膩，面層帶有薄薄的油脂，整體帶一丁點稠杰，味道鮮甜有層次。• 豬腩肉味濃郁、炙燒得均勻而恰到好處，脂肪的部位香腍豐郁，肉質外層焦香、內裡充滿肉汁和湯的精華。配上那一小磚辣醬，非常惹味。• 糖心蛋外層彈牙、帶有醬油香，蛋黃呈水凝狀，非常滑溜。• 麵質偏向軟身，比較掛湯。烤日本紫菜 ($12)• 紫菜以碎條呈上，烤得乾身同時帶點香脆，混入拉麵裡，令湯底增添一份紫菜獨有的咸香。

叫左個辣湯，同埋普通嘅，兩個都唔好食，個辣湯係辣，但係唔香，個普通魚介湯，有浸噏未，可能係魚味啦，但係真係唔好食，完全唔推介，今次完全中伏，係請我食，我都唔會再食，更何況佢又唔平

好耐冇食拉麵今日同朋友一齊試吓好好彩唔使排隊就有得入去食一人叫咗碗拉麵 拉麵一是個湯底就非常驚喜湯底非常香濃麵質都非常好 仲非常之掛湯糖心蛋都非常好食仲要係流心個肉餐廳都好有心機整廚師仲特登用火槍燒過係一碗好有誠意嘅拉麵 掛住日本嘅話就不妨嚟食下

見社交平台嘅拉麵群有人介紹呢間拉面店仲同我講啲蛋好食咁我就滿心期待仲帶埋好朋友一齊嚟試吓啦點知咁就出事喇…我哋都覺得好難食個拉麵一送到嚟仲有啲生食食吓先熟番蛋算係正常唔會再試囉

未到六點已見有5-6人係門口排隊等開門 當時未有晚餐頭緒又見快六點就即刻排埋一份入座後 面鋪位置唔算多 略迫 係正常既土地問題菜單選擇不多 所以好快就下到決定湯底屬濃稠多油類 重口味人士一定好愛湯底係豬骨魚介醬油 所以非常鮮味 湯底非常濃郁 味道偏濃 淡口味人士會覺得好咸 麵質屬一普幼身拉麵 但掛湯能力唔錯 每啖都配到濃濃湯底個人非常喜愛呢間拉麵店 推薦

是日與媽媽到呢間厚福街拉麵店食晚餐，等候時間大約20分鐘左右。
餐廳menu 選擇不太多，只有3款拉麵，统一都是濃厚豚骨魚介醬油拉麵，拉麵的款式只是配料上不同。


我們分別點選了以下拉麵，並配加了溏心蛋：

1）店長推介
有兩款的肉（慢煮豬肩肉和火炙豬腩肉）

2）妹妹的推介 只有這一款（慢煮豬肩肉）


拉麵軟硬度是固定的，拉麵麵質適中，不會過軟或過硬，湯底味道濃郁，表面會有點油脂，但不會膩口；而肉質上：半肥瘦的腩肉充滿火炙的燒香，充滿油香； 豬肩肉很嫩滑，很腍身；另外，拉麵特別之處配料配有洋蔥粒，洋蔥的搭配讓拉麵帶清新感；溏心蛋有滿滿流心，充滿蛋香。

總括來說，整體食物質素是不錯的，但拉麵尚未另人很印象深刻。
餐廳亦有貼心地方，店員會給橡筋予女客人紮頭髮，很細心。這間拉麵店沒有設加一服務，性價比尚算中等，是可以一試的。

🔅 麺処一家 🔅尖沙咀🔅拉麵🔅我同朋友喺平日夜晚都要排隊半小時，好彩喺出邊都唔算太熱～咁多人幫襯一定有原因！毫不猶豫一叫就叫咗料理長之選，一次過享受晒兩種肉，仲可以加多隻糖心蛋添！全店只賣一款拉麵，可以配搭慢煮豬肩肉或者炙燒叉燒豬腩肉～麵身較硬，我見店員放落去煮大概30秒左右就拎返出嚟；叉燒除咗炙燒之外亦會加上辣醬，所有油脂肉汁溶入喺口入邊非常回味～至於豬肩肉，少啲油脂，亦都入口比較嫩滑～我同朋友都超鍾意洋蔥粒，估唔到咁夾，吸湯又好味💕重點相信係湯底，係魚介醬油濃湯～味道係唔錯嘅，唔會話太濃厚/厚身掛汁，但係味道我就覺得一般，而且放得耐左竟然會有油面凝固，嚇死寶寶5分的話，我都會俾3.5-4分，一邊食有一邊比較熊拉麵，後者依然係我最愛👻麺処一家 網址: https://s.openrice.com/QrbS0E5q900~uZ5MGAA地址: 尖沙咀厚福街11號地舖電話: 23601212=====================#kazyynoodles #kazyyramen #kazyytst #kazyykln #黃色經濟圈 #黃店 #拉麵 #拉麵控 #炙燒豬腩肉 #尖

Mee app搵到呢間係厚福街嘅拉麵-麺処一家。獨孤一味豬骨魚介湯底，My favourite🤤曳仔揀咗弟の選択，火炙豬腩肉。我揀咗妹の選択，慢煮豬肩肉。Order嘅時候侍應溫馨提示有少少辣醬，曳仔個碗可以走辣，侍應仲俾咗紮頭髮橡筋曳仔紮起啲頭髮，呢個值得加分。拉麵嚟到梗係相機食先啦，相機食完個湯底已經有一浸魚湯嘅「衣」，肯定個湯底真材實料先有呢個效果，帶埋曳仔出嚟食就係可以試埋原味湯底，我個湯底揀咗加辣，真係好辣，不過唔係死辣，有香料嘅辣。我揀嘅慢煮豬肩肉嫩滑，曳仔揀嘅豬腩肉經過火炙好香口，糖心蛋做得出色。湯底配上筍、紫菜、洋蔥及蔥，飲晒成個湯底一啲都無滯口嘅感覺。呢間列入encore系列。#麺処一家 #Ramen Ikka #日式拉麵 #豬骨魚介湯 #Lunch #尖沙咀美食 #Mee懲罰師 #HKFoodie #Foodie

又黎食拉麵啦！今次係尖沙咀依間主打豚骨醬油魚介湯底嘅拉麵，餐牌有三款，「弟弟之選」，「妹妹之選」同「料理長之選」，我想試哂慢煮豬肩肉同火炙豬腩肉，所以就揀咗最後一款\(๑╹◡╹๑)ﾉ♬，本身唔係特別鍾意清湯（重口味人士），但碗麵一到，已經聞到好香嘅魚介味，飲落真係有驚喜，個人比較鍾意慢煮豬肩，雖然腩肉都燒得香，但油香唔係我杯茶，拉麵既配料都選得好好，紫菜碎，原隻半熟玉子，隻蛋流心有蛋香，算中上級，仲有蔥碎，洋蔥碎同筍，最後成碗湯飲哂，爽！依間絕對有下次👍