麺屋武蔵虎洞 (青衣城) (已結業)

最近突然間想食拉麵上Openrice 搵間比較近我住既地方於是乎搵到間係青衣城二樓一間拉麵專門店決定試下從拉麵款式有虎(豚骨湯底）、赤（辣味豚骨湯底）、白（濃厚豚骨湯底）、黑（黑蒜油豚骨湯底）。當中我揀左黑蒜油湯底試下另外小食都好多款係菜單中見到比目魚黃金燒以及明太子玉子燒比較吸引到我，索性試埋。拉麵一上枱，就已經聞到好大黑蒜油香味拉麵軟硬適中，配搭竹筍、豚肉同埋半隻半熟蛋豚肉厚肉而且肉汁鮮嫩整個拉麵少少重口味之餘又不失風味😋明太子玉子燒裡面加埋海苔一齊煎，蛋味好濃加埋明太子醬係玉子上面非常好味特意推薦另外比目魚黃金燒用西京風味道形底燒魚肉咬口嫩滑，加埋沙津醬一齊食，好惹味加埋杯特飲 完美結束呢餐美味拉麵之旅呢間拉麵亦都提供午餐有飯同拉麵加埋小食一款再配一杯野飲價錢大眾 大家可以黎試下

今日喺青衣城食個late lunch，揀左麵屋武藏虎洞。拉麵佢有分唔同湯底，我揀咗黑虎，係蒜油湯底，見佢話自己係日本朝日電視台拉麵比較拎左沾麵第一位，所以就唔食湯麵食沾麵。⭐️黑虎湯味道果然幾好，蒜味好香，沾麵上面有條坑，可以掛多啲麵汁。麵的口感煙韌，唔會好淋。⭐️糖心蛋真係半流心，整得好好食。⭐️叉燒好軟，有肉味⭐️可惜今日冇竹筍，餐廳用咗菠菜代替，少少美中不足。朋友揀左鹽味炙燒豚肉清湯麵，雖然話係清湯，不過侍應話係豬肉+魚煲成既，唔係真係清水🤣佢話湯底比較濃味，麵質煙韌有咬口，豚肉都好食，不過薄左少少。小食幾有驚喜，激辛手羽先好香脆，又唔會真係好辣，幾好食。明太子薯仔球好香薯仔味，口感外脆內滑，正。飲品叫左兩杯特飲，因為汽水都要$12 ，特飲竟然先$15 ，梗係叫特飲。叫咗一杯雜果一杯巨峰提子，兩杯一啲都唔藥水，巨峰提子非常巨峰，雜果真係有少少雜過，收貨有餘。整體來講，我覺得餐廳幾好坐，侍應又會主動介紹食物和加茶，係同朋友食飯既好地方。

.餐牌雖然種類唔算多，主食有拉麵，沾麵同埋飯選擇，不過可以選擇既湯底有好多。主要分白，赤，黑同埋番茄湯。我哋就叫左白沾麵同埋赤拉麵。首先講下沾麵：麵嘅口感幾好，彈牙得嚟又掛湯，湯底都夠濃味但就略鹹，不過都算唔錯。赤拉麵：拉麵偏幼身，如果再彈牙少少會好d。赤湯即係辣湯底，夠辣又夠香，溏心蛋熟度啱啱好。不過兩者相比嘅話我就偏向沾麵多啲，因為佢口感同湯底較出色。小食叫咗煎餃子同埋明太子玉子。煎餃子正常水準，皮薄亦夠脆。玉子咸甜適中，份量好夠，雖然佢唔係明太子夾心，不過呢個價錢絕對合理。飲品叫咗特飲蘋果椰果同埋巨峰椰果，無咩特別。

平時食拉麵都會同老公去坑口或者銅鑼灣d日本過江龍名店，為的都係食碗香濃日本風味既拉麵以及品嚐正既豬骨濃湯。但呢排返工太累唔想出咁遠，近近地去返青衣城試下呢間拉麵店，睇下有冇出面既水準先。Lunch黎到，奶奶就點左lunch set內既豚肉片蕃茄湯拉麵。上面有球薯蓉，初時我地都好疑惑，但拌勻後湯底就好似好濃茄味既蕃茄薯仔湯咁，好得意跟住到老公既黑蒜油叉燒拉麵，我都偷飲左2啖，個湯比蕃茄仲更加厚身，好香黑蒜味，拉麵又彈牙我就點左呢個辣味既豚角拉麵。少少辣，而塊豚肉入口即溶，好香口，超正呢個跟午餐既煎餃都ok而呢個比目魚黃金燒，魚皮下既油份逼左出黎，加上佢地應該係用左少少檸檬去醃所以一d都唔漏，好好食呢個炒野菜都炒得好香口整體都好滿意，唔駛再專登去到咁遠食拉麵喇

雖然今年冇得去日本圓願不過好彩留喺香港都可以食到好多好食嘅日本菜今晚喺青衣收工就同肥仔嚟咗青衣城嘅麵屋武藏 虎洞食我最愛嘅拉麵😋因為早咗嚟 完全唔洗排隊我食咗佢地出名嘅沾汁麵麵汁夠熱 而且香濃佢地嘅麵條係用咗獨創嘅沾汁坑紋麵每條粗麵條中間都有坑紋 提高掛湯力啖啖滋味🤤鮮明爽快！另外佢地嘅🍜白武骨叉燒拉麵有大片嘅叉燒 仲有煮得入味嘅半熟蛋🥰麵條彈牙 豚骨加上魚介嘅湯底濃郁美味完全可以食到見底😍我地仲叫咗紐倫堡腸同埋武藏炸雞炸雞香脆 配上芥末沙律醬非常清新 唔會有滿口油膩感而捲圈圈造型嘅紐倫堡腸肉質厚實 口感鮮美爽脆枱面上仲有特制辣醬鐘意辣嘅朋友都可以自行調味餐點依家佢地做緊感謝祭🎏星期一至四小食同飲品都有半價優惠非常值得一試👍🏻

餐廳裝修以淺木色傢俬為主調， 簡約明亮， 洋溢日本和 風格調。白武骨沾汁麵$79奶白色的白武骨湯底 ，濃郁豚骨湯底 ， 鮮味香醇突出， 湯底與拉麵分開上， 所以沾麵不會發脹 。， 十分貼心，豚肉三分肥肉， 七分瘦肉，入口軟嫩， 配上粗身爽口彈牙拉麵 ， 每條拉麵中間有一條坑紋， 特別掛汁， 完全吸收了湯底的鮮味精華， 好味到唔停得口。番茄豚骨湯拉麵$85蕃茄湯底滿滿濃郁茄香， 配料豐富，有蕃茄蓉、金黃色的流心蛋黃及綿糯薯仔粒 ， 口感 酸酸甜甜， 配上幼身彈牙的拉麵， 令人胃口大開， 最後連番茄湯底都給我通通喝光了。明太子玉子燒 ( 凡惠顧正價食品， 小食半價優惠)$48 明太子玉子燒入口嫩滑濕潤，蛋香誘人，外皮香甜，配上鹹香明太子醬汁，口感多層次，細膩誘人，雖不是貴價食材， 簡單而滋味 ，令人難忘。蘆筍苗牛肉捲 (半價優惠)$45 翠綠爽甜的蘆筍苗， 被薄薄 牛肉片包裹著， 牛肉入口軟嫩， 爽甜的露筍，剛好把牛肉的油脂 ，變得清爽不膩口， 十分搭配。菠蘿特飲、雜果特飲$15菠蘿特飲及雜果特飲 ，單看飲品外型，以教人深深愛上 ，充滿夏日色彩， 入口香甜，仲有啖啖果肉， 滿滿的清新果香

即叫即炸既， 上菜個陣仲噴哂煙，不過都幾辣傢小碗飯好細碗，可以當輕食，蛋從來都撈飯絕配，但係配埋明太子之後都冇味道再加上依個玉子丼係最後先上菜，食哂其他有味野，完成食唔到明太子味今日就試左白湯底既沾汁麵， 濃郁既湯底，味道唔錯，冇得選擇麵條既份量，但都非常多，好似食極都食唔完咁，餸雖然唔多，但鍾意食沾汁麵既人士，餸只係配配角，麵先係重點虎尾其實係指一條腸， 噱頭係有既，但味道就一般般，湯底偏鹹， 仲鹹過沾汁麵，唔知師父係咪撈亂左

放工後係公司附近食晚飯，已經好一段時間無食拉麵沾麵，所以黎左呢間日本店度，不過感覺小食比起主食有驚喜呢🤭▪️ 白叉燒沾麵（7/10）💲79拉麵有分白赤黑，估唔到沾麵都有，不過第一次試都係要返最普通既白算🤣半隻既流心蛋整得幾好，蛋白夠入味蛋黃亦都幾香🍳薄身既叉燒入口柔軟細膩🥓麵條算係粗硬身，質感幾有咬口，掛湯力唔錯😚豬骨汁好稠身濃味，不過中段會覺得頗鹹，輕輕快速沾落去都已經可以😌▪️ 蕃茄叉燒拉麵（6/10）💲79試埋朋友既，蕃茄底似係用蕃茄加上茄膏一齊熬出黎咁，味道會有少少略酸，仲會有薯仔粒同蓉係底🍅拉麵偏向幼身，掛湯力比起沾麵遜色🙈整體黎講，個人就麻麻地蕃茄薯仔拉麵呢個新穎中日式fusion配搭▪️ 蒜香魷魚鬚（7.5/10）💲42魷魚鬚好爽彈有嚼勁，燒到帶點焦香，蒜味香濃，配上少少沙律醬減低油膩感🦑▪️ 紐倫堡腸（7.5/10）💲58以鐵板形式上檯，入口熱辣辣，外皮脆身，入面保持肉汁好juicy，令人回味😚🔎 整體評分（7/10）

平時我地都係青衣城麵屋武藏虎洞嘅常客，中意佢拉麵、小食多選擇！今次黎買外賣就買左平時最愛的白虎和黑虎叉燒沾麵，雖然外賣，但返到屋企仲夠熱。不論是白或黑的沾麵湯都超濃，加上佢獨創沾汁坑紋麵，可以增強拉麵的掛湯能力，每食一啖都充滿沾汁，真係好入味！白湯豬骨味及魚湯雙湯香濃；黑湯是帶洋蔥大蒜麻油香味，加上多蔥，好惹味，連荀都甜過人～！另外叫左個武藏炸雞和紐倫堡腸，炸雞外脆內軟，不厚粉，啖啖肉，配芥末沙律醬很惹味，又有新鮮感，唔怪得小朋友咁中意食！而紐倫堡腸是我地嘅堂食至愛，堂食時會用鐵板上，上碟時吱吱聲，真係超香噴噴！外賣雖然沒鐵板那種震撼感，但都保留住佢嘅香濃洋蔥汁香味，份香腸都係超長地捲著，真係好好味，我地次次都會點這份來吃！The 

今晚收工同爸爸出街食，呢期疫情穩定返少少，所以可以出街食下飯，唔洗爸爸日煮夜煮咁辛苦。餐廳都會幫食客量體溫，提供搓手液等等，衛生方面完全冇問題。睇下餐牌食咩好，我地一人點一款麵。我點了沾汁麵，沾汁麵有白、赤、黑既沾汁湯底，我點選了黑。黑色沾汁湯底好香濃，好惹味，湯跟麵料分開上，自己因應份量把麵條放到沾汁湯中，麵條比一般拉麵較粗及更有口感、彈性。而且麵條中間有條小坑，令湯汁更易掛到麵條上，吃起來更為惹味。沾汁麵呢款配上叉燒，薄薄的，但豚肉味好香濃，咬起來有口感，滋味。爸爸點了蕃茄豚骨湯拉麵，呢款拉麵麵身較幼滑，口感不同。另外湯底是鮮甜惹味既蕃茄湯，入面仲有好多蕃茄同薯仔，十分惹味。配料又多，好抵食。呢款既豚肉又唔同的，口感會實少少，呈條條既豚肉。小食方面點了兩款，一款是餃子，餃子煎得皮薄餡靚，入面好juicy，一咬會爆汁，好正。不算煎到好脆，但味道好好，皮又不易穿不會把汁流失，我最愛中間超多汁，超香。另一款小食是明太子玉子卷。玉子卷厚厚的，啖啖玉子好滋味。上面有明太子點綴。味道帶點惹味，跟玉子本身的甜味好夾。飲品我們點了兩罐汽水，爽。

最近未有機會去日本，又掛念日本拉麵，經過青衣城，就走入這家虎洞麵屋武藏。番茄豚骨湯拉麵這個拉麵有香濃豚骨魚介湯， 加上鮮甜的蕃茄感覺很鮮味。 而這個豚肉感覺像豬頸肉 嫩滑爽口。赤虎拉麵一向也喜歡吃辣，所以選了赤虎拉麵。 拉麵的湯底最緊要，赤虎拉麵湯底是秘製辣油加入香濃豚骨魚介湯，所以分外惹味。當中還有半熟蛋和海苔。 而我就選了豚肉片，肥肉均稱，所以十分嫩滑。 再配以香蔥和竹筍， 點一些辣油感覺很滿足。比目魚黃金燒我覺得這個比目魚做得尤其出色 餘則新鮮嫩滑， 幾乎有入口即溶的感覺， 加上秘製燒汁， 和上面一層層厚芝士，能夠帶出比目魚的鮮味。 魷魚海老棒春捲這個春捲剛剛炸起， 熱辣辣十分脆口， 加上彈牙的海蝦魷魚肉， 一脆一軟，口感一流。地理環境餐廳位於青衣城，地鐵行幾分鐘就到，交通非常方便。餐廳裝修餐廳裝修很像高級日本餐，以日式設計， 而且座位寬敞舒，適合三五知己或一家大小聚餐。

好耐冇食拉麵 同朋友去到 麵屋武藏食返一碗熱騰騰嘅拉麵 呢度有分幾款拉麵分別係白虎 赤虎 同黑虎 仲有虎尾拉麵🍜虎尾拉麵由充滿香料嘅豚肉精製而成味道濃厚 有獨特嘅風味 成碗拉麵都好豐富有蔥花 筍 溏心蛋 厚切嘅豚肉仲有一條超級巨型嘅腸！🤭好少食到拉麵會有條香腸而且同碗拉麵味道亦好夾 🤣成碗湯濃郁到可以飲埋另外我仲叫咗一碗黑虎 佢係用黑蒜油同豚骨魚介特別製作而成有好豐富嘅蔥花 黑蒜油味道濃烈 😎😎仲有啲豬骨味道 骨膠原感覺出晒嚟另外要講下佢塊豚肉 唔似普通叉燒拉麵厚身而且夠晒大塊 肉質偏瘦唔會太肥！我哋仲叫咗兩款小食 包括係燒比目魚呢度用咗柚子汁同埋魚柳包嘅醬汁酸酸甜甜嘅沙律醬 配上即日新鮮到港嘅比目魚🐟🐟每一啖滑嫩而且夠鮮甜 大大啖岩晒我口味🤤另外當然唔少得炸雞粒 加個少少沙律醬感覺冇咁熱氣 一啖一件好滋味😃😃

限聚令另持續咗咁耐，呢排終於叫做好返一啲。我呢隻為食貓當然要立即放監出去食返啲好嘢。 今日就去咗青衣城“武藏虎洞“食日本拉麵。 我哋一行二人，點咗一個 “黑蒜沾麵 “ $79。另一個就點咗“黑蒜叉燒拉麵“ $78 。先講講個沾麵 ，留意返面條係粗身一點，中間有條坑 ，條坑係等於拉麵可以掛多啲湯汁。 記得食沾麵係要夾起拉麵沾入湯內， 而非將成本湯倒入去個拉麵度到。 入口黑蒜味充斥著整個口腔 ，濃郁嘅沾麵汁並非淨係得鹹味 ，而係好有層次嘅味道 。另外個黑蒜拉麵都做得好出色，飲完啖湯，口腔內仍然有淡淡嘅黑蒜味留喺度。叉燒嘅厚薄剛好 ， 脂肪同肉嘅比例都好平均。小食方便我哋就叫咗“明太子玉子燒“ $48，蛋捲有少少甜味，十分開胃 ，將玉子燒放入湯度， 索曬啲拉麵湯嚟食，另有一番風味。最後到個“唐揚炸雞“ $38，值得一讚嘅就係個芥末汁 ，少少辣辣地 ，令到個炸雞味道昇華咗。嘢飲方便我哋就嗌咗“巨蜂葡萄梳打“， 有好多嘅椰果粒粒 ，好好咬口 。順帶一提我覺得啲碗碗碟碟都好靚好有特色，隻老虎好威猛 。疫情過後一定要飛返轉日本喪食拉麵壽司燒肉等等。

收工同老公去食拉麵🍜湯底有三款選擇豬骨•辣豬骨•黑蒜豬骨我地都揀左豬骨湯底，味道適中，拉麵煮得口感啱啱好！麵嘅質地都可以掛到湯👍🏻虎尾拉麵揀咗豬骨湯底，配左豚角煮、香腸、糖心蛋豚角煮拉麵豬骨湯底加上豚角煮、糖心蛋比目魚黃金燒店員話呢個魚係一層一層慢慢燒出嚟！所以需時20分鐘，最外面係一層厚厚嘅芝士，下面一層係沙律醬～魚肉煎得啱啱好，好滑Juicy明太子薯仔球呢個薯仔球係自家制，同出面食到一般嘅薯餅好唔同，入面真係好足料！好有心機嘅小食！依家做緊優惠*星期一至四，小食仲有半價添～

📍麺屋武蔵虎洞青衣青敬路33號青衣城2樓218B號舖#gogo青衣 #gogo外賣 -堂食仲未開，但尋日同朋友講起沾汁麵就忍唔住收工返到屋企就用網上外賣平台 order左，又快又熱辣辣💕-🥟 武藏煎餃子餃子有5隻，幾多肉汁，個皮又唔會太厚，食完仲想再食~!!-🥗 和風蘋果沙律點都要食啲蔬菜，所以點左呢個。蘋果爽口，菜夠新鮮，個沙律汁仲有少少wasabi味~幾特別-🍜 叉燒沾汁麵叫左兩個唔同既沾麵湯底，黑虎同白虎——黑虎係黑蒜湯，白虎係豚骨湯。兩個湯底都幾好味，不過可能因為沾汁麵就比較咸左少少。我就自己加番少少熱水調味就番自己朋友話最特別係為左掛多啲湯，麵上面有坑紋，食落都幾彈牙。叉燒軟身，都幾大塊～-順手講下個外賣完全冇漏，佢套餐具仲幾靚添😆-#foodie #hkfoodie #hkfood #hkfoodblogger #hk #hkig #青衣城 #青衣美食 #沾汁麵 #麵屋武藏 #麵屋武藏虎洞 #沾汁麵 #拉麵 #坑紋麵 #menyamusashi #menyahk #虎洞