麺屋武蔵 (已結業)

無錯，又係佢 ，apm 嗰間執咗 N 年變咗神山。本來唔知兩者關係，但近來神山啲餐具緊貼潮流做咗「植入式廣告」，驚現麵屋武藏，先知原來係兄弟。本來想試沾麵同神山比較一下，但配嘅係日式叉燒 (唔係咁易整得好食，一係本身塊肉好乾少少油花都冇，一係就烤過龍變脆肉乾)，結果點咗黑武骨豚角煮拉麵。豚角煮好大塊，第一眼感覺當然比神山嘅抵食，不過做法始終唔同，武藏少咗神山嗰種炭燒甘香。湯汁偏鹹，較適合重口味人士。間中食尚可，但未至於想一食再食。

<麵屋武藏>連平時吾好食麵嘅我都覺得哩度嘅拉麵好好味😋 -湯底主打三種：白武骨 - 極濃豚骨湯赤武骨 - 豚骨湯再加秘制辣油黑武骨 - 豚骨湯再加黑蒜油 -今次我叫左豚角煮拉麵配赤武骨湯底（Hkd79) 。湯底真係不得了，香濃惹味有小小辣。蛋仲係流心嘅。而拉麵就屬於小小粗身同硬身，個人覺得恰到好處👍- 另外，值得一讚係服務。 Serve我嘅侍應好有禮貌又細心😊 -其實除左拉麵，佢地都有配飯嘅定食比客人選擇，就算吾鍾意食麵都可以去試下。

今日係東港城個面放工，同同事行過見到有麵屋武藏打緊蛇餅，望到有個期間限定拉麵好似又吸引，就揀左呢度做著落。除左點左麵外，我地仲叫左幾款小食同野飲。率先達陣嘅係前菜—十人十色和風手作田園沙律。沙律用料種類幾多，有粟米、紫椰菜、紅椒、青瓜、豆類等，配埋cream cheese嘅淡香同沙律汁嘅酸甜，做到清新開胃嘅效果。之後到武藏章魚燒，上菜個陣成個面都係木魚絲，好有氣勢。章魚燒入面椰菜同章魚粒好多好飽滿，加上厚度適中嘅外皮、木魚絲、沙律醬同日式燒烤汁，口感豐富之餘味道層次分明，成個味調和得好夾，唔錯！玉子鰻魚磯邊揚都幾特別，係將鰻魚壓係玉子上面，再用紫菜包住拎去炸，整出黎嘅天婦羅。口感外脆內軟，蛋同饅魚都幾香，同天婦羅汁都幾夾，都叫幾好食。然後主角終於登場，天極魚乾醬油雞叉燒拉麵 （每日50食限定），個名同佢餐牌個漫畫人物一樣咁霸氣，咁個味道又有冇咁霸氣呢？食拉麵第一件事，飲湯底。唔，魚乾熬成嘅味道十分濃烈，加上醬油鹹鹹地，風味十足，充斥住成個口腔，果然幾霸道。麵身特登叫佢加硬少少，幾彈牙同有嚼頭，個種咀嚼感好滿足。雞叉燒係卷成一筒再切個種，叉燒形狀但係食落係雞嘅味道，相當有創意。半熟蛋蛋白

大商場太多一式一樣嘅食肆，諗食咩其實真係唔容易...明明從日本返黎無耐，老公話想回味一下日本拉麵，難得有諗法，就去食拉麵啦。(某程度上，我覺得係...老公見店員妹妹有禮地介紹，所以入咗去)店員妹妹介紹咗期間限定拉麵-天極魚干醬油拉麵，仲有加配優惠既小食同飲品...我老公就話好好好，真係當我透明，不過真係要讚下妹妹，正如我以前都提過，好嘅服務係會令食物好食啲。呢樣店員妹妹係做得好好的，我係老細的話一定比間舖佢打骰。我口痕再點多三款小食試下...食物:十人十色和風沙律，個名好似好有特色咁，無聊嘅我地真係走去數下係咪真係有十款配料，又真係有齊十種配料: 雞肉、鷹咀豆、蕃茄、紅蘿蔔、青瓜、粟米、紅腰豆、沙律苗、薯仔、毛豆!呢十種配料加埋醋配搭芝士粒，食落好開胃，有粉有爽有咬口又有水份，包羅萬有，好豐富呀~一個女仔食的話可能會飽，老公食完話試下照抄當午餐嚟減肥，即管聽住先。章魚燒上枱時熱辣辣，唔似街邊一早燒好用個盤熱住，食得出係即整，所以表皮脆但蛋醬係好煙韌，不過粒章魚就細到食咗都唔知，有啲可惜。玉子鰻魚天婦羅，佢炸得唔油淋淋已經好感動，鰻魚又算大大條，夾住厚燒蛋，咬落啖啖肉，又唔會太膩，加埋用

好耐麵無去過將軍澳果頭，原來唔經唔覺已經變左咁多，度度都有好多餐廳，心大心細唔知食咩好，見到有間拉麵店都幾多人入去食，我呢啲吃貨之人都心絲絲想入去食下睇下好唔好味先～ 岩哂我另一位朋友啦，佢咁鍾意食拉麵黎到呢到當然要試試佢呢度嘅主打-拉麵，我就叫左黑蒜油豚肉片拉麵 ，因為我係一個見到蒜就心心眼嘅人，有黑蒜口味我又點可以錯過喎，我地呢兩個好奇的大朋友之後就叫左幾款新推出嘅前菜同小食再share一齊食，咁樣就非常豐富十人十式沙律（新推出），同我地平時食嘅沙律好唔一樣，入面除左有沙律必有嘅粟米同青瓜之外，仲有多款營養蔬果：蕃茄、紫椰菜、甜椒等等，仲有啲豆類同雞肉，用料豐富而且營養價值高，上面仲加上芝士作點綴添，食落去會更加香口。黑蒜油豚肉片拉麵裡面有半熟多、蔥絲同紫菜，配料都幾豐富湯底中有好香濃嘅黑蒜味麵質彈牙爽口，掛湯能力都幾好。半熟蛋好香滑，整到恰到好處，為呢碗拉麵加好多分。玉子鰻魚磯邊揚用紫菜包住玉子同鰻魚製成天婦羅，炸漿薄薄地，亦可keep到香脆，食之前點上天婦羅汁呢個特別嘅配搭原來都幾好味，玉子同鰻魚比例一半一半，非常豐富。朋友點左天極醬油魚干拉麵，可以加配優惠加$12有武蔵章魚燒

成日經過呢間麵屋武藏但都未試過🤣今晚突然間想食拉麵🍜，加上係門口見到有新出既每日限定拉麵，一於黎試下🤤天極魚干醬油雞叉燒拉麵😋每日限定50碗，今次好好彩仲俾我叫到😛除左拉麵，仲新出左章魚燒同兩款特飲，一於試哂佢🤣除左每日限定既拉麵，仲有豚肉片，叉燒拉麵等等，仲可以揀要豬骨湯，辣湯定黑蒜油湯底😆章魚燒🐙大大粒好足料，外脆內軟，仲有超多木魚😋叫左個新出既沙律，叫十人十色和風手作田園沙律😋呢個沙律非常健康！有薯仔粒，紅籮白，雜豆，雞肉，仲有我至愛既cheese😍同埋呢個沙律非常飽肚，岩幾個人一齊share黎食😋天極魚干醬油拉麵😋湯底幾鮮甜，唔會太濃味亦唔會太油，最出色係塊雞叉燒😋我以為係雞+叉燒，原來係將塊雞整到好似日式叉燒咁，肉質嫩滑，有口感，好食😋辣湯豚肉片拉麵😋呢個相對較濃味，辣得黎幾惹味但又唔會過份辣，唔錯😋煎餃子都好好食，外皮煎到脆脆地，咬落好juicy😋白桃玫瑰特飲，味道清甜😋蕎麥奶香特飲，好鍾意佢面頭既蕎麥，食落脆卜卜😋另外值得一提既係店員服務態度好好🤩

叫咗個 白豚骨 拉麵 味道好淡 ，公仔麵粉沖出來一樣，啲豚骨味都冇， 超級失 望 !收我八十幾蚊一碗 ，肉質一啲都唔新鮮，好差。。。。試下個黑豚骨, 諗住會好啲啦點知都係咁差同一x, x王嗰啲根本係冇得比 = = 唯一ok的是一：坐位坐得舒服 ，店員服務ok

《麺屋武蔵》 #食在將軍澳📍將軍澳坑口重華路8號東港城第1層113號舖 -連鎖拉麵係香港有好多間，今次就試下麺屋武蔵 ，夜晚八點去食都唔洗等位佢既湯底有白，赤，黑 三款🔹白。叉燒拉麵$75今次試下呢個白湯，湯底好香豬骨味，麵身都好爽口 唔會煮到好淋叉燒有兩塊，薄身叉燒食落唔會好肥，份量適中又唔會太小🔹餃子$38一碟餃子有5隻，上面有蔥花，皮薄薄，食落仲有好多肉汁，仲好脆添而家商場多咗好多拉麵店，呢一間都算不錯🍴8/10

果日落班肚子餓得好，就來麵屋武藏點碗拉麵醫醫肚。 入到店內企理干淨，周圍環境是不錯的店內玻璃屋可以清楚睇到拉麵師傳的一舉一動。我點左一碗蕃茄䐁骨叉燒拉麵和牛肉年糕卷。湯底十分濃郁番茄湯，十分鮮甜一點也不油膩，拉麵做到爽滑彈牙，是我吃過最正的拉麵，看出師傅的功力，加上好入味的叉燒，還有正爆的流心蛋配上甜香粟米粒爽翠的牙菜、紫菜，份量十足牛肉年糕卷一样做得甘出色，要整件放落口是最大的亨受和滿足，牛肉的嫩滑香甜加上年糕的煙韌彈牙真是高質的亨受

星期日同屋企人去將軍澳食日本野，經過一間幾多人排隊嘅麵屋，決定入去食拉麵，找出大排長龍的原因。呢間拉麵店主打白赤黑三款濃湯拉麵，屋企人港漫想食啲龍尾啲辣辣地開胃嘅拉麵，就揀咗赤武骨肉片拉麵 （$75）實物同餐牌上嘅圖片一樣咁多餸菜，份量十足，名副其實喎。拉麵上面嘅糖心蛋晶瑩剔透，咬落去滲出陣陣醬油香味，咸度剛好，吸收埋微辣嘅豬骨湯底😍， 十分高質！豚肉片亦都好新鮮，肥瘦分布均勻，跟住叫咗一碗明太子玉子小碗飯 （$42），雖然話係小碗，但唔好睇小佢嘅份量，一個人食晒都幾飽，滑蛋上有整整一湯匙份量嘅明太子，香滑嘅炒蛋襯托出啖啖明太子既鮮味，成碗飯嘅配料雖然簡單冇咩花巧，但每啖都係真材實料。最後加多左一個小食，係唐掦豆池魚，第一次食豆池魚，望落去短小精悍，每條都好飽滿，新鮮炸出嚟脆卜卜，味道甘香，$45唔算貴。

這家麵屋武藏喺東港城開業多年，但一直住喺樓下嘅我同成家人竟然冇食過，今日經過見到咁多人食，決定試吓呢間嘅功力！打開餐牌，立即叫咗一客我最鍾意嘅番茄湯拉麵，估唔到個湯底咁濃郁，基本上係番茄蓉🍅湯底😱，上邊有三大塊叉燒，邊位有燒炙過嘅BBQ香味，肉味香濃，同個湯底好夾。蛋味香濃，蛋白外層有輕微醬油香。呢度嘅面條質素真係唔錯，好滑好彈牙😍屋企人叫咗一碗黑武骨叉燒拉麵🍜，黑蒜油嘅味道從上枱一刻開始已經重重圍繞着我哋呢一枱🤩😎叉燒雖然冇番茄拉麵咁多塊，但一樣大大塊，大滿足，夠晒一個人嘅份量。黑蒜油均勻地沾上麵條，令成碗面入口更香濃。出街好少食到咁多菜，你碗麵加加埋埋最少有大半碗菠菜，索晒汁，好好食。Share 2碗面點會夠飽，額外叫咗一客即叫即炸嘅男爵年糕，外表雖然平平無奇，但技巧在於將簡單嘅材料變得層次豐富，年糕外脆內軟，外面有非常薄嘅表面，咬入去就有極軟熟嘅糯米餡了，軟綿綿又溫暖，點蛋黃醬食真係好好食。另外喺度好欣賞有個叫做Ching嘅員工，服務態度非常好，好主動咁攞咗幾個碗同餐具俾我哋一家人分享嘢食，仲好好笑容，真係好欣賞佢啊，依家咁嘅服務態度好難得👍🏽👍🏽

放學後與媽媽到東港城拿月餅，順便商場裏吃飯我們一家平時甚少會到將軍澳附近逛街，所以這次應該是我第二次踏足這個商場出乎預料，東港城的規模也算中上，普遍的服裝和食肆連鎖店包羅滿有，滿足到小小市民購物的心大概有幾個月多沒有吃日本拉麵了，我們記得在東港城商場入口的位置有一間麵屋武藏，便決定試一試門面十分有氣勢，門前的鼓和氣氛都十分有日式的味道店員向我們介紹餐廳的拉麵主要以白、赤和黑的三大類白即是豚骨湯底、赤即是辣味豚骨湯底、黑即是黑蒜湯底另外，店員也推薦較清新的蕃茄豚肉拉麵喜歡吃黑蒜的我當然會選擇黑拉麵店員上菜時，香氣撲鼻湯底十分濃郁，不算太油，餐廳十分慷慨加了大量的蔥豚角煮方面有半隻手掌之大，脂肪比例適宜，肉質鮮嫩，十分惹味拉麵的麵質適中，不會過軟或過硬，可見師傅對火候時間控制十分好媽媽當晚想吃較清新的拉麵，所以點了一個蕃茄豚肉拉麵上菜時清新的蕃茄味直撲鼻媽媽表示湯底十分濃郁，不像傳統的拉麵，吃完不會感到油膩麵質適中，溏心蛋也是流心的，十分有驚喜我們分別也點了兩杯特飲，味道相當宜人另外，我們還點了一個雞肉沙律雞肉十分鮮嫩，有肉汁，不像平時的雪藏雞肉，不會鞋沙拉汁是醋加了一些芥末，所以十分清新

一直聽人講麵屋武藏都算係一間幾好食嘅拉麵，因為同朋友經過坑口就入咗去試。時間都仲係幾早，唔算好多人排隊 我哋一坐低，店員就送上茶，都算幾貼心。枱面簡潔。餐牌幾精緻，而且顏色都算豐富。「恰如其分」首先嚟嘅係兩款小食，第一款係炸池魚仔，咬落幾脆口，蘸上隔離嘅酸汁，食落幾夾，而且算係幾醒胃。朋友話咬落有少少幼骨，有啲唔舒服。但我個人感覺就覺得冇乜問題，可以成舊放入口咬。值得提嘅係，佢唔算好油膩，咬落亦都冇翻炸嘅感覺，一啖一舊，好爽！ 煎餃我覺得比較普通，內餡係入口貨，唔算太驚喜。不過外皮煎得夠脆，作為一個前菜小食，都可以係合格嘅作品。「喜出望外」主食我哋一人點咗一個拉麵，朋友嘅係黑蒜油，我嘅係蕃茄湯底。蕃茄湯底有個特點就係有舊薯蓉係當中，我空口食咗一啖，唔算太濃味。但同啲湯混和之後，令到湯底有少少濃稠，係有少少做到調味嘅感覺，將番茄隻鮮甜帶出嚟。豬肉嘅油脂分佈好平均，咬落肉質、油脂都有齊，係上等嘅豚肉。另外最值得提嘅係糖心蛋，中間嘅蛋黃係流心嘅，冇畀啲湯整到熟曬。就算最尾先放入口都依然係流心，呢個真係好值得回味！最後要讚嘅係店員嘅服務態度，成餐飯我哋一舉手就即刻有回應，值得欣賞！

一向對呢間麵屋武藏印象都麻麻，因為以前食過覺得好一般尤其個沾汁麵個湯水汪汪咁完全掛唔到麵，但朋友話最近佢哋個沾汁麵改良左好食過以前，今日咁啱嚟開東港城就試下啦，我點左個白沾汁麵，大約等左10分鐘左右麵就嚟到，賣相ok正常，原來改良左嘅係沾汁湯，比以前杰同鮮味左好多，而麵亦煮得啱啱好煙韌彈牙，叉燒同玉子都ok唔錯嘅，而荀乾有少少麻香同微暖應該係啱啱炒過，最後埋單時候同樓面同事講話個沾汁麵比以前好食，佢哋回覆話原來係日本師傅最近嚟香港改左煲湯方法同加多左材料，咁下次可以再嚟再試埋佢哋嘅湯麵。

之前聽過，又睇過廣告，標榜日本湯底分紅白黑，講到好勁，所以就算明知佢貴我都要嚟試一試，俾個公平的食評。今日試咗兩種湯底白及黑(已付圖)。先講白湯豚角面79蚊，買相可以，湯一點都不濃味適合喜歡清一點埸朋友，豚味有，但太油膩，食拉面係唔可以唔飲湯，有點不健康感覺。第二款黑湯豚角面，黑湯聞到黑蒜香味，感覺似出前一丁黑蒜味一樣，食之前一定要搞一搞因為一層黑蒜放係湯面下面相信係白湯，終合應該係白湯上放黑蒜便成黑湯。搞幾下一試味勁鹹，over 晒搞到無咩黑蒜味。面質方。。。我覺得似我係大板拉面面質煙韌，但唔係彈牙，我相信佢係無過冰水，如果食湯面這種面質還可。肉方面。。。豚角又似沖繩三層肉，但成條就有點太膩感覺。味道幾好，肉質軟但有點次牙。總結，名過於實，加一後8x 一碗拉面性價比低，我不推介。食完後見到一層油浮面(已付圖)，又唔知要跑幾多個圈，好有犯罪感。水準不及大板。