影片
電話號碼
63056861
營業時間
今日營業
11:30 - 15:30
18:00 - 22:00
星期一至日
11:30 - 15:30
18:00 - 22:00
以上資料只供參考, 請與餐廳確認詳情
今天下班行經教育路，看到這間拉麵店門外有食客等候，所以去看看餐牌，原來這間拉麵店是以雞白湯為主，雞白湯湯底拉麵店不多，所以我便等候入座試一試。好彩等了一會兒便可以入座。餐廳座位數目不多，面積雖小但店員的服務態度很好，非常有禮。餐廳以雞白湯拉麵為主，仲有少量鰹節清湯，今次我跟老公都點了雞白湯拉麵。如果點選拉麵再加小食，還會配送一罐罐裝飲品，或者可以以優惠價轉配樽裝飲品。小食方面，點了吉列炸蠔，外皮金黃香脆，中間炸蠔部份極為多汁，熱辣辣的，十分惹味，配埋沙律醬來吃能夠減一些油份，大滿足。另外一款選了羽根餃子，餃子煎成一個圓形，相當特別，薄薄的脆粉跟餃子連在一起。餃子多汁，入邊仲有爽口的粟米，跟豬肉配搭在一起相當好味，餡料又多，皮薄餡靚，十分好吃。主角出場了，我點選的鹽味雞白湯拉麵，看到湯底都是奶白色的，十分Creamy，先飲下一啖湯底，超濃郁的雞味，充滿膠質，感覺注入了滿滿的骨膠原，十分有質感和濃味，湯底十分出色。拉麵份量多，而且拉麵跟湯汁很配合，湯汁掛於拉麵上，令每一啖都吃到濃濃的雞白湯味。湯底一流，而且餸菜都相當豐富，有一片大大片的叉燒，口感腍身，重肉味，正。仲有一片大大片的雞胸肉，超美味。仲有雞肉丸，爽口彈牙。糖心蛋、大大片的紫菜、竹筍、洋蔥等等。老公所點的黑蒜油雞白湯拉麵，加上了黑蒜更為濃味，滿滿的膠質加上了香濃的黑蒜油，又成了另一種風味，這一款相當惹味。餸菜都是一樣的豐富。吃完一碗麵超級滿足。
繼續閱讀
🍜鹽味 雞白湯 拉麵雞白湯：～睇見都知濃郁，入口順滑，味道有層次，又有鹹鮮味，唔會死鹹。味道同一般嘅拉麵店唔同。豬肩肉叉燒：～大塊，有口感得嚟厚薄適中，肉質軟腍，有d叉燒嘅惹味，又有d炙燒烤味，唔肥，瘦得嚟唔會柴口。慢煮雞胸：肉質軟腍，平時少食雞胸肉都覺得好味。雞肉丸：口感幾特別，唔錯，唔係普通嗰啲丸類咁。玉味：調味剛剛好，蛋黃半熟狀態，蛋白滑嫩。竹筍：口感有d似菜浦，但好味好多。紫菜、洋蔥、青蔥：提升整體 fresh 口感，各樣都好脆口。拉麵：麵質係有d咬口，軟硬度揀左適中，，口感剛剛好。🍜柚子大蝦 帆立貝 冷湯麵新出限定，估唔到 的好味！首先賣相 幾colorful，尤其是top 面晶瑩通透嘅柚子 jelly,，見到都想食。蝦同帆立貝都好大隻，肉質又唔錯。個湯底入口 鹹帶柚子酸，fresh 同個溫度 好適合依家夏天。職員有溫馨提示，就噉飲個湯會比較鹹，而配冷麵一齊食真係啱啱好。綜合配料拼盤：～好豐富，抵食，有豬肩肉叉燒、慢煮雞胸、雞肉丸（加配小食）🍤吉列炸蝦、🥔牛肉薯餅：～吉列炸蝦 肉質 有口感，外面又脆口，唔會油膩，共有3件，可以話啖啖肉😊～而牛肉薯餅 好厚身，牛肉同薯蓉好夾（加配小食，送罐裝汽水）玉泉忌廉、雪碧：好夠凍女職員好有禮貌、同埋主動用熱水淥隻碗才比我地座位 有室內 同室外，同大風扇。
繼續閱讀
元朗人話好出名所以去開元朗專程嚟試吓呢間店星期日夜晚去都幾多人首先叫咗一份餃子 嚟到超級特別第一次見餃子係整到咁嘅樣分返開黎都有五隻啱啱整好熱辣辣 都吹咗一陣先好食裏面有粟米，而且有肉汁唔會整得乾值得推介一試 脆口得黎不太熱氣然後叫咗白雞湯拉麵同醬油拉麵望落去已經好吸引，而且聞到拉麵的香味同埋好大碗啊 湯有淡淡的雞味麵份量都多而且軟硬度可以選擇的我是適中，啱啱好雖然雞肉同叉燒各一片 但都好大片，同埋厚度適中都足夠食 好林又入味糖心蛋裏面真係流心蛋味濃郁新鮮而醬油拉麵湯底都唔會好鹹 所以鍾意清淡啲可以選擇白雞湯
繼續閱讀
尋日試完頗出名既拉麵後又挑起條拉麵癮, 發覺bookmark左成年, 就決定去試下。睇過網上評價, 呢間出名食雞白湯, 就叫左鹽味雞白湯拉麵。湯底： 雞白湯表面冇油, 油分已溶入湯裏 。入口有淡淡雞味, 飲得出有落雞骨煲, 飲落唔口渴, 濃而不膩。拉麵： 使用幼身拉麵, 麵質揀左硬, 又真係偏硬, 食到最後都冇淋到發覺普遍雞白湯底都偏向配幼麵。配料:有2片豬肩肉, 1片雞胸肉, 1粒雞肉丸, 味蛋及紫菜。叉燒灸燒過, 似豬頸肉, 較為一般。雞胸肉反而有驚喜, 入口有雞味同淡淡酒香, 一啲都唔鞋唔韌。加上有灸燒過, 食落有鴨胸肉質感。雞肉丸多根, 幾特別, 同時兼顧味道同口感。另外叫左碟雞肉捧, 應該同雞肉丸係同一款肉。因為係雞肉捧 , expect應該係有雞肉味咬落又juicy。 但佢太多根, 同雞肉丸唯一分別係多左陣燒過香氣同有啲燒汁, 對雞肉捧比較失望。衝住雞白湯拉麵非常值得一試, 唯一係豚叉燒比較一般。 湯底：4.5/5分麵： 4/5分叉燒：3.5/5分
繼續閱讀
今日嚟到元朗，好想食拉麵，於是搵到一間有雞白湯既拉麵☺️店舖雖然唔大，但企企理理於是我地就叫左醬油雞白湯拉麵同鹽味鰹節清湯拉麵，另外加小食可以送汽水，我地就叫左羽根餃子同蟹子沙律☺️再加左個牛肉薯餅醬油雞白湯好好味☺️湯底岩岩好而又唔膩，掛湯一流，而醬油同雞白湯底夾得岩岩好，大推！鹽味鰹節清湯，拉麵湯底比較清，岩啲唔鐘意濃味既人食，另外有個豬肩肉叉燒同慢煮雞胸都好味☺️係拉麵店有薯餅我次次都會叫☺️覺得日式薯餅特別好食🤤今次都唔例外☺️羽根餃子都好好食😋再配埋蟹籽沙律清清地好味☺️另外一讚店員姐姐態度非常好👍☺️小店價錢但質素好有驚喜☺️
繼續閱讀