影片
電話號碼
23639988
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
有關獎賞計劃
同閨密喺希慎行完街，發掘到呢間高質台灣創意料理餐廳🤩餐廳走木系、小清新路線，燈光柔和亦好多卡位，適合同朋友黎chill。<墨魚滑燒玉米燒>玉米燒至金黃，外層脆卜卜，墨魚滑好彈牙，仲有邪惡嘅蛋黃碎🫢配搭有心思。<麻吉鹽酥雞>係必點item，鹽酥雞非常嫩口同juicy，完全唔會乾身，配蛋黃醬食100分。<經典牛肉全家福麵>中意牛肉嘅朋友要嗌，有牛腱、牛肋、牛筋、牛肚、肥牛、糖心蛋，牛肉煮得夠哂腍，湯底亦非常濃郁，推介！<超夯海鮮綜合蓋飯>第一次試呢個組合，魯肉配三文魚子、魷魚、貝柱、蝦仁，味道微辣好開胃。<麻糬芋圓珍珠牛角窩夫>麻糬煙靭軟糯，Croffle好香牛油味，咬落好鬆脆，仲有我至愛嘅芋圓。<麻吉珍珠鮮奶茶>奶茶充滿茶香，珍珠Q彈🫶🏻
繼續閱讀
麻吉灶咖📍銅鑼灣軒尼詩道500號希慎廣場3樓302-305號舖說到台式餐廳，相信各位都會聯想到夜市小食、台式奶茶，而今次希慎廣場新開的麻吉灶咖就給大家一個新選擇！文青系手調飲品 ，創意小食，各種飯麵等任君選擇 👍🏻 小食方面，不能錯過人氣美食麻吉鹽酥雞（$78），外皮金黃酥脆。主食控必試經典牛肉全家福麵（$138）更是台式麵食的王道之選，濃郁湯底配上嫩滑牛肉！餐後甜品推介麻薯芋圓珍珠牛角窩夫（$88），把傳統窩夫融入台式甜品元素，香脆窩夫配上軟糯麻薯同芋圓，甜而不膩，完美為一餐劃上句號！
繼續閱讀
喺OpenRice search附近餐廳見到呢間新開台灣嘢就行去試下，去到見間餐廳有空枱但無安排人入去坐，可能人手應付唔到/出菜慢。排咗一陣，兩個人坐低點咗「大甲芋泥芝士肉鬆蛋餅」&「麻吉三小碗」。第一道上枱係蛋餅，食落口就覺得有啲伏，個蛋餅係常溫唔熱，裡面仲落咗沙律醬，啲芋泥味係無嘅。之後等咗半個鐘左右，三小碗終於上枱，三碗份量唔多，適合只得一個人但想試幾道菜嘅人：墨汁鹽酥雞都係常溫，炸嘢都可以係常溫咁可能係預製品但翻熱唔夠，味道亦普普通通；麻吉滷肉飯係微暖，味道係唔錯嘅；蚵仔麵線一樣係微暖，如果有喺台灣食過阿宗麵線就知道係邊種麵，不過裡面有蚵仔&豆卜，麵線味道唔錯嘅。總結嚟講，敗筆在於食品似預製品，廚房亦唔知係咪加熱器材不足，唯一優點係侍應服務態度好，亦會主動加水。
繼續閱讀
今日去咗銅鑼灣希慎廣場一間叫「麻吉灶咖」嘅台灣餐廳食晚餐，呢間餐廳係已經係集團第三間台灣餐廳，環境裝修得非常光猛，座位闊落，而且價錢親民，食物充滿傳統嘅台灣味道，平日嘅夜晚都有好多人光顧。🍊 墨魚滑玉米燒玉米燒一碟有四件，每一件係切件嘅燒粟米仔中間夾住墨汁墨魚膠，粟米仔口感爽脆而墨魚膠口感軟滑，配上鹹蛋黃碎做伴碟，令口感層次豐富🍊 麻吉鹽酥雞鹽酥雞係即叫即炸，上菜嘅時候仍然熱辣辣，外皮炸得酥脆，入面嘅雞肉嫩滑多汁，配上沙律醬中和炸物嘅脆口，喺台灣菜必吃嘅小食之一🍊 超夯海鲜綜合蓋飯呢個蓋飯材料非常豐富，下面係一大碗嘅滷肉飯底，上面鋪滿三文魚籽、燒魷魚、炒蝦仁同白烚蚵仔，味道同口感都好豐富，三文魚籽嘅鹹鮮、燒魷魚同蝦仁嘅微辣同蚵仔嘅鮮味，令呢碗飯非常特別，值得一試🍊 經典牛肉全家福麵牛肉採用經典嘅台式滷水牛肉湯底，味道充滿濃郁嘅滷水香味，配菜有牛肋、牛筋、牛肚、肥牛同雞蛋，配料有紅蘿蔔、蟲草花同榨菜；牛肋、牛筋同牛肚全部都煮得好腍身，非常入味，紅蘿蔔味道清甜，蟲草花同榨菜為湯麵帶嚟爽脆嘅口感，而麵底食得出喺傳統台灣手工麵條，口感煙靭🍊 麻薯芋圓珍珠窩夫呢個甜品絕對滿足到鍾意煙靭嘅朋友，一大片麻糬口感非常煙靭，而且充滿濃郁嘅奶香，紫薯粉為麻糬帶嚟少少味道，烘香嘅窩夫可以配上紫薯鮮奶油、紫薯芋圓、番薯芋圓黑糖珍珠一齊食🍊 珍珠冰淇淋鮮奶茶台灣菜嘅經典喺珍珠奶茶，加上一球雲呢拿雪糕係上面，雪糕溶化為珍珠奶茶加上特別嘅口感，珍珠煮得好煙靭，飲品嘅甜度係固定嘅🍊 開心果鮮奶最近非常流行用開心果做甜品，呢一杯開心果鮮奶充滿非常濃郁嘅開心果果仁香，飲落會有開心果粒粒，推薦鍾意開心果嘅朋友試一試，呢杯飲品嘅甜度都係固定，不過味道唔算太甜📍銅鑼灣希慎廣場3樓302-305號位置就腳：🍊🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊
繼續閱讀
麻吉灶咖在香港有2家分店，這次我們到訪的是位於銅鑼灣希慎廣場的新店🩷 餐廳裝潢摩登別緻，空間寬敞，光線明亮，坐得非常舒服呢～😌 🤍墨魚滑玉米燒爽脆的玉米搭配柔滑的墨魚滑，加上鹹蛋黃碎作點綴，一口吃下去很滿足😋🤍麻吉鹽酥雞鹽酥雞炸得很酥脆，肉嫩多汁，鹹香十足🤤🤍超夯海鮮綜合蓋飯非常豐富的蓋飯，材料包括脆彈的蝦仁、鮮甜的珠貝、滑嫩的蚵仔、彈牙的魷魚、鹹鮮的三文魚籽及濃郁的滷肉🤩 整體味道鮮美，微辣惹味🔥🤍酥炸軟殼蟹麻婆豆腐拌麵很特別的配搭✨ 軟殼蟹炸得外酥內嫩，麻婆豆腐嫩滑惹味，麵條亦非常掛汁呢～☺️🤍麻糬芋圓珍珠牛角窩夫牛角窩夫很鬆脆，搭配的麻糬十分軟糯，奶香味濃郁，加上Q彈的芋圓及珍珠，整體口感層次豐富，好好吃！😍飲品方面，我們點了麻吉珍珠鮮奶茶及珍珠冰淇淋鮮奶茶🧋 珍珠奶茶茶底香濃，珍珠煙韌，而且不會過甜👍🏻📍麻吉灶咖 (Match2 Taiwanese Kitchen) - 銅鑼灣軒尼詩道500號希慎廣場3樓302-305號舖
繼續閱讀